الشيوعي لما يزهج بيبقي شنو؟؟؟

[عادل عسوم]

المشاركة الأصلية كتبت بواسطة سارة

لا اعيب لك لفظا ولكنى اعيب عليك مواصلاتك لنقاش تعلم يقينا

لا تطلع منه الا بمزيد من الشتائم ... قد تتعامل معها بمقولة العارف عزو

مستريح
لكن انحنا ذنبنا شنو
ما يشين منتدانا هو طريقة حوارنا وطريقتنا فى انتقاء الفاظنا

لا نطالب بمدينة فاضلة ولكن نطالب بالحد الادنى من الاحترام

احترامنا لبعضنا البعض كاخوة

احترامنا للمكان الذى منحنا شرف الانتماء

احترامنا للوطن الذى اعطانا الهوية ونقاتل ونصارع من اجله

أيكون الشتم ناصرا لقضية ياسارة؟!

[AMAL]

[align=center]انعم بكن من نساء
عصارة الوعي وقلادة الوطنية
علي جيد هذا الوطن
الهزؤوه الجبهجية الامنجية الكيزان
هزلوه وفي محاكم الزل والهوان جرجروه

اول برلمانية في السودان الشيوعية فاطمة
اول طبيبة الشيوعية خالدة زاهر

وهكذا يرتبط الوعي والاستنارة بالنساء الشيوعيات
من هذاالوطن واليه
فسحقا للظلام وجيوشه
فهن قادمات بالمشاعل والقناديل
فاختبئؤا ياطيور الظلام
وعاش نضال المراة السودانية[/align]

[عادل عسوم]

المشاركة الأصلية كتبت بواسطة نبراس السيد الدمرداش

يا جيلينا
انت بس هدي شويه
ما تقوم بنمره 4

يعني اسي اسلوب امال في الرد على ابو محمد ابلغ
هو اختار اسلوب نقاش رد عليهو باسلوب اجمل و احسن و انجع

خلينا نحن نفسنا نفهم
كلمنا عن الحزب و النظريه الماركسيه و انجازات و تاريخ الحزب,لانو اي مكان فيهو السلب و الايجاب,
ابو محمد وضح سلبيات الحزب وان كان الكلام دا ما صحيح كلو انا زاملت ساره نقد في بحري القديمه كانت مثال للطالبه الذكيه المجتهده المهذبه
اعكس لينا ايجابيات الحزب حتى لو تفترع ليهو بوست و يكون بمثابة رد على كل من لديه تحفظ على الحزب و المنتمين ليهو

بالفعل يانبراس
الرأي لايقارع الاّ بالرأي ...لا باللفظ الشانئ والشتم
والحجة تدحض الحجة
والكلمة الطيبة بخور الباطن

[سارة]

المشاركة الأصلية كتبت بواسطة عادل عسوم

أيكون الشتم ناصرا لقضية ياسارة؟!

عادل يا غالى

كل اناء بما فيه ينضح من اراد ان يكون له حجته ومنطقه فليفعل ومن اراد ان يسب ويشتم

فى السر والعلن فليفعل ومع احترامى الشديد لك احنا قدرنا فى البسودان انه يكون مثقفينا

اذا جازت التسمية واحزابنا ومنتسبيها هو ما نراه فى المنتديات باستثناء قلة قليلة عشان

كدا لك الله يا وطنى ان كان من يسمون نفسهم يزودون عنك هذا ديدنهم

فعلى الدنيا السلام


نكشة قبل الخروج هى القضية كانت شنو ياعادل؟؟؟؟؟؟؟؟؟؟؟؟؟

[AMAL]

[web]http://www.ahewar.org/debat/show.art.asp?t=4&aid=153809[/web]


اتثقف يابتاع القرون الوسطي ومن يدافع عنه


ذاكرو وتعالو

[نبراس السيد الدمرداش]

المشاركة الأصلية كتبت بواسطة سارة

عادل يا غالى

كل اناء بما فيه ينضح من اراد ان يكون له حجته ومنطقه فليفعل ومن اراد ان يسب ويشتم

فى السر والعلن فليفعل ومع احترامى الشديد لك احنا قدرنا فى البسودان انه يكون مثقفينا

اذا جازت التسمية واحزابنا ومنتسبيها هو ما نراه فى المنتديات باستثناء قلة قليلة عشان

كدا لك الله يا وطنى ان كان من يسمون نفسهم يزودون عنك هذا ديدنهم

فعلى الدنيا السلام


نكشة قبل الخروج هى القضية كانت شنو ياعادل؟؟؟؟؟؟؟؟؟؟؟؟؟

سروره ست البنات
نمرق سوا اصبري النعدل توبي

القضيه كانت
الشيوعي لما يزهج بيبقى شنو

[نبراس السيد الدمرداش]

المشاركة الأصلية كتبت بواسطة AMAL

[web]http://www.ahewar.org/debat/show.art.asp?t=4&aid=153809[/web]


اتثقف يابتاع القرون الوسطي ومن يدافع عنه


ذاكرو وتعالو

امال يا حبيبه
مافي زول دافع عن زول هنا
نحن اتكلمنا عن النقاش بصوره عامه

ايوه خليك كدا ردي باشياء تدحض الراي الاخر
موثقه و مثبته, نستفيد و نتثقف منها كلنا

[سارة]

امال كتبت:

اتثقف يابتاع القرون الوسطي ومن يدافع عنه


ذاكرو وتعالو

كتر خيرك ما قصرتى

[نبراس السيد الدمرداش]

ساره اها مشينا

اقعدو عافيه
تصبحو على خير

[سارة]

المشاركة الأصلية كتبت بواسطة نبراس السيد الدمرداش

ساره اها مشينا

اقعدو عافيه
تصبحو على خير

رايك شنو نمشى نذاكر ونجى

يمكن نرتقى لمستوى الحوار

[عادل عسوم]

المشاركة الأصلية كتبت بواسطة نبراس السيد الدمرداش

سروره ست البنات
نمرق سوا اصبري النعدل توبي

القضيه كانت
الشيوعي لما يزهج بيبقى شنو

انتي سارة دي قالت عادل والاّ نبراس؟
ناس تشيل (النبق) من خشم الزول

[AMAL]

سارة ونبراس
انا ماقاصداكم ابدا
انتو مادافعتو عن الباطل فماتفهموني غلط رجاء
وتازمو الامور
تعرفين معزتك ياسارة
لا يمكن ان اتقصدك او استفزك
عذرا لو فهمتو غلط
البدافع عن الجهل وبتحيز ليه
هو المطلوب يراجع معلوماتو

[الجيلى أحمد]

المشاركة الأصلية كتبت بواسطة عادل عسوم

بالفعل يانبراس
الرأي لايقارع الاّ بالرأي ...لا باللفظ الشانئ والشتم
والحجة تدحض الحجة
والكلمة الطيبة بخور الباطن

يآآآآه

ان للمتأسلمين طبع أوحد,

يشتمون الناس فى دينهم وأعراضهم
ثم يأتون ليتحدثون بدم بارد عن بخور الباطن..


يالكم من ذئاب



وللمرة الألف ياعادل
ذئاب دى أنا بقولا عديل
لاتورية لاتوصيف
وبتحمل تباعاتا

انتا بس اتحمل تبعات مداخلاتك فى البوست دا
والباقى ملحوق وبنجيهو بالمهلة

[AMAL]

المشاركة الأصلية كتبت بواسطة سارة

رايك شنو نمشى نذاكر ونجى

يمكن نرتقى لمستوى الحوار

سارة رجاء
ان لا انافق ولا احمل وشين
ماممكن اكلمك بي وش قبل دقايق واجي استفزك هنا
انت ونبراس مامقصودين ابدا
بعتذر لو كلامي مااتفهم
خلونيانوم مرتاحة بالله
كفاية علينا بلاوي القرون الوسطي
وذوي الياقات المنشية موديل عمرو خالد


ماتبقو حثاثين كدا

[عادل عسوم]

المشاركة الأصلية كتبت بواسطة AMAL

سارة ونبراس
انا ماقاصداكم ابدا
انتو مادافعتو عن الباطل فماتفهموني غلط رجاء
وتازمو الامور
تعرفين معزتك ياسارة
لا يمكن ان اتقصدك او استفزك
عذرا لو فهمتو غلط
البدافع عن الجهل وبتحيز ليه
هو المطلوب يراجع معلوماتو

طيب وصيغة الجمع دي فيها كم زول ياأمال؟

ذاكرو وتعالو

هل أعيد لك مداخلاتي لتعلمي فيم كانت؟
أهذه هي (تربية الحزب) التي تعنينها يازميلة البورد؟!
من كانوا قد بقوا يتداخلون هم أنا وسارة ونبراس
أم كانت سارة ونبراس ضمن اللستة تلك؟