دعواتكم للعم ابو اماني بعاجل الشفاء ...

[محمد عكود]

[align=center]هو شاب بهي الطلعة .. دقيق التفاصيل – ااااااي ابو اماني في اعتراض –
يحمل بداخله روائع لا تنتهي ...
تحبه من النظرة الاولى .. بل وتعشق فيه الاقتراب ..
ولكن ...
هنالك دوما فوق كل كمال نقص ...
وهو نقص القادرين على التمام ... وكان الابتلاء ..

اهااااااا
الراجل بعد كل لطافتو دي – أسعد الله السلامة – طلع مريخابي
سلاما قولا من رب رحيم ...
والجميل في الموضوع انو متعايش مع الموضوع ببساطة يحسد عليها ....
وقد تطوعت بشهادة عادل عسوم ونبراس ودكتور احمد واخرون بعرضه على اي طبيب او شيخ لمتابعة حالته تلك ..
بعد ان اخبرته عن صديق غالي كان مريخابي والان شفاه الله شفاء لا يغادره سقم وخلى الكورة ...

العم ابو اماني ...
قلوبنا معك في محنتك ... ولتعلم انك باق فينا رغم انف فيصل العجب ... وجمال الوالي ...
وتأكد ان محنتك هذه لن تزيدنا لك الا حبا وقربا ...
وكلنا معك في خندق واحد حتى الشفاء

صوت عتاب :
سودانيات عالم من التواصل ...
شووووووف عيني دي .. ما كلام ساي
كيف تخلو الراجل دا يصل المرحلة دي دون تدخل ...؟؟؟
يعني هسي انا امرض بمرض زي دا وتخلوني براي ..؟؟؟
[glow=000033]وحاااااااااااااااااات عوضية سمك الاكلنا عندها الصير كلامكم دا غلط ....[/glow]

عموما كدا ...
دعواتكم للراجل الطيب بالشفاء العاجل ... عشان خاطر بتو اماني دي بس ...

ولكم الجمال

تحت تحت :
ابو اماني لمن يزهج بيبقى شنو ...؟؟؟
عبد العزيز كان جيت هنا بخسرررررررك ...[/align]

[فتحي مسعد حنفي]

دعوات شنو ياعكود الدايرنا كمان ندعي ليهو بيها...يعني أنا بعد ما فرحت وقلت ألله أخيرا أنصفنا وحيريحنا من أبو أماني تجي تقول لينا مريخ.ياخ كان المريخ بخلصنا منو خليهو ياخ يشجع زي ما داير واحنا بنشجعو علي التشجيع..ديل ناس رواكيب ساكت دكاترة العالم كلهم ما بيحلوهم من الداء الخبيث دا.. فما تتعب روحك يالحبيب وأدعي ليهو ألله يعجل بي راحتو وانتهاء آلامو عشان نرتاح احنا

[جانيت]

محمد عكود
حبابك يا راجل
وهابي فلنتاين ياخ
وزغرودة كبيره ليك اخيرا نورتنا
ما نطلع من الموضوع
انت عارف ابو اماني العسل ده هو مريخابي ليه
عشان المريخاب ديل في صفة واحدة بتجمعهم الا وهيا الروح الحلوة
وبي كده ربنا تمم ليه الصحه والعافية بانضمامه للمريخ لون الفلنتاين يا فلنتاين
وبرضو فاتتك القعدة في بابا حسين وفاتك......
وفاتك.......
وفاتك.......

[محمد عكود]

المشاركة الأصلية كتبت بواسطة فتحي مسعد حنفي

دعوات شنو ياعكود الدايرنا كمان ندعي ليهو بيها...يعني أنا بعد ما فرحت وقلت ألله أخيرا أنصفنا وحيريحنا من أبو أماني تجي تقول لينا مريخ.ياخ كان المريخ بخلصنا منو خليهو ياخ يشجع زي ما داير واحنا بنشجعو علي التشجيع..ديل ناس رواكيب ساكت دكاترة العالم كلهم ما بيحلوهم من الداء الخبيث دا.. فما تتعب روحك يالحبيب وأدعي ليهو ألله يعجل بي راحتو وانتهاء آلامو عشان نرتاح احنا

العم فتحي من ما زادني شرفا وتيها ان تكون اول من يرد على اول مواضيعي ...
لكن كمان الراجل دا حبيتو والله في الله ..
وماااااااااا هين على يتخطف مننا وهو في عز شبابو ...
وانا معاك انو مهما الاطبا اتخصصو ما بلقو لمرضو الدوا ...
عشان كدا قلنا ندعي ليهو بس ...
غايتو بس ربنا يرفعو ...

[محمد عكود]

المشاركة الأصلية كتبت بواسطة جانيت

محمد عكود
حبابك يا راجل
وهابي فلنتاين ياخ
وزغرودة كبيره ليك اخيرا نورتنا
ما نطلع من الموضوع
انت عارف ابو اماني العسل ده هو مريخابي ليه
عشان المريخاب ديل في صفة واحدة بتجمعهم الا وهيا الروح الحلوة
وبي كده ربنا تمم ليه الصحه والعافية بانضمامه للمريخ لون الفلنتاين يا فلنتاين
وبرضو فاتتك القعدة في بابا حسين وفاتك......
وفاتك.......
وفاتك.......

شفتي يا جانيت دي حركات المريخاب ...
قالو انا ماااااااااااا شافع مرقة ابو يسوقوني ... وشرووووووني والله في عبيد ختم وطلعو بالستين ...

بعدين يختي لون الفلانتاين دا مييييييييييييياااااااااااااهو لون الدم ..؟؟؟؟

بالله الفريق ينزل الملعب تحلف تقول شيخات ظاااااااااار
دستووووور ...

والله يهديك ويشفيك انتي كمان ..
سغييييييييييييرة وجاهلة يا عشاي ... ما شفتي شي ...

[جانيت]

المشاركة الأصلية كتبت بواسطة محمد عكود

شفتي يا جانيت دي حركات المريخاب ...
قالو انا ماااااااااااا شافع مرقة ابو يسوقوني ... وشرووووووني والله في عبيد ختم وطلعو بالستين ...

بعدين يختي لون الفلانتاين دا مييييييييييييياااااااااااااهو لون الدم ..؟؟؟؟

بالله الفريق ينزل الملعب تحلف تقول شيخات ظاااااااااار
دستووووور ...

والله يهديك ويشفيك انتي كمان ..
سغييييييييييييرة وجاهلة يا عشاي ... ما شفتي شي ...

دستوووووور من فانوسك الاحمر ده
وبرضو فاتك.....
وفاتك.......
وفاتك....
يا ولدي قلت ليك المريخ ده الصحة والعافية المسنودين بيها
ويديك صحه زي صحتنا دي

[نبراس السيد الدمرداش]

انت شرفت يا كارثه
حبابك

شوف كلو ولا ابو اماني
لكل جواد كبوه
ودي كبوة ابو اماني انو مريخابي

[جانيت]

المشاركة الأصلية كتبت بواسطة نبراس السيد الدمرداش

انت شرفت يا كارثه
حبابك

شوف كلو ولا ابو اماني
لكل جواد كبوه
ودي كبوة ابو اماني انو مريخابي

بت يا نيبو هلالابيه يا كافي البلا
انا اقول الريده المقطعه حشيحشائي ليك دي المريخ شكله
خذلتيني
بس الريده في يمكن تكون حاجه تانيه

[ناصر يوسف]

المشاركة الأصلية كتبت بواسطة محمد عكود

[align=center] ابو اماني لمن يزهج بيبقى شنو ...؟؟؟
عبد العزيز كان جيت هنا بخسرررررررك ...[/align]

[align=justify]أوووووووووووووول بالتبادي خلينا نرحب بيك هنا بين أهلك وأحبابك في الوطن السَمِح سودانيات ده ــ ولون الكتابة ده لون فريق النيل العاصمي ولون الفريق القومي السوداني برضو والليله حيلبسوا المريخ في مباراته مع سان جورج [/align]




[align=justify]ثانياً الونسة الحُلللللللللوة وطاعمه دي من الوجيه أبو أماني مع نسيبك عبد العزيز عبد الله في داعي لرَخيَة الأضان دي يااا سجَم ؟؟ والغريبه أبو أماني لابس قميص لونو سمااااااااوي يعني شنو ؟؟؟ [/align]



[align=justify]تااااااااااالتاً وقبل أخيراً .. الشايلها دي مالو ألوانها بتشبه لي ألوان قميص فريق المريخ يا بياع البطيخ إنت[/align]





[align=justify]رااااااابعاً وأخيراً . حِمداً لله علي حصول الهلال لأوووووووووول كأس حتجي محموله جووووووواً من بني ياس [/align]

[جانيت]

الله يجازي محنك يا ناصر اديللللللللللللللللللللللللللللللللللللله
خليه يغير لون فانوسه ده
هلالابي وفانوسه احمر

[بدور التركي]

اتصلت قلت اسلم على ابو اماني
واقول له كل سنة وانت طيب
رد عليّ الاغبش
والله جد
لما خجلت من روحي

لما تختو رقم ختو مع المفتاح
عشان اللي زينا ما يلخبطو

[محمد عكود]

المشاركة الأصلية كتبت بواسطة جانيت

دستوووووور من فانوسك الاحمر ده
وبرضو فاتك.....
وفاتك.......
وفاتك....
يا ولدي قلت ليك المريخ ده الصحة والعافية المسنودين بيها
ويديك صحه زي صحتنا دي

الفاتني شنو ؟؟
ماااا فوووووووول ...
ولا انتو كنتو مع بابا حسين بتاع بيتزا ايتلي ..؟؟

وغايتو كان دي صحتكم .. تابيتا حقو تستقيل ...

وابراااا من صحتكم دي انا ...

الله يهديكم ..

[محمد عكود]

المشاركة الأصلية كتبت بواسطة نبراس السيد الدمرداش

انت شرفت يا كارثه
حبابك

شوف كلو ولا ابو اماني
لكل جواد كبوه
ودي كبوة ابو اماني انو مريخابي

كااااااااارثة ..؟؟
وين الادارة ..؟؟؟
انا بتعرض لعملية تصفية ممنهجة ...
رأيك شنو بالله في تصفية ممنهجة دي ..؟؟؟

سرقتها هسي دا وكنت حاااااااالف الا استخدما ...

نبراس ياخ الشوق بحر ..
ومبروك كورة امس ...

[محمد عكود]

المشاركة الأصلية كتبت بواسطة ناصر يوسف

[align=justify]أوووووووووووووول بالتبادي خلينا نرحب بيك هنا بين أهلك وأحبابك في الوطن السَمِح سودانيات ده ــ ولون الكتابة ده لون فريق النيل العاصمي ولون الفريق القومي السوداني برضو والليله حيلبسوا المريخ في مباراته مع سان جورج [/align]




[align=justify]ثانياً الونسة الحُلللللللللوة وطاعمه دي من الوجيه أبو أماني مع نسيبك عبد العزيز عبد الله في داعي لرَخيَة الأضان دي يااا سجَم ؟؟ والغريبه أبو أماني لابس قميص لونو سمااااااااوي يعني شنو ؟؟؟ [/align]



[align=justify]تااااااااااالتاً وقبل أخيراً .. الشايلها دي مالو ألوانها بتشبه لي ألوان قميص فريق المريخ يا بياع البطيخ إنت[/align]





[align=justify]رااااااابعاً وأخيراً . حِمداً لله علي حصول الهلال لأوووووووووول كأس حتجي محموله جووووووواً من بني ياس [/align]

ناصر ..
يخسي عليك ..
ما قايلك كدا انا والله ....
شغل يهود تصورو الواحد غب لحظة ضعفو للمساومة ..؟؟؟

بعدين اخوي تعال انسعلك ...
انتو كاس دبي دا شلتوه من تصفيات كاس العالم ...؟؟؟
ولا كاس مانديلا الاثري دا كان من الدوري الاوربي ..؟؟؟
اجيييييي .... امك انا يا البرنس
هوووووووي
ياخ كفاية عليكم فريق مغلوب منكم 6 وشال كاسكم ...
يالهوي يا لهوي ...

وبرضوووووو دعواتكم بالشفاء العاجل ...

[محمد عكود]

المشاركة الأصلية كتبت بواسطة جانيت

الله يجازي محنك يا ناصر اديللللللللللللللللللللللللللللللللللللله
خليه يغير لون فانوسه ده
هلالابي وفانوسه احمر

ههههههههههههههه
الفانوس دا قصتو براااااها ...
خاتيهو يكف مني العين ..
والاروح الشريرة ...