ويلكم من غضبة أبو محمد - الصفحة 4

رأفت ميلاد · 16-02-2010, 07:35 PM

اقتباس:

المشاركة الأصلية كتبت بواسطة hatim ALi

خالد و عبد الله جعفر في بريطانيا و يمكن سؤالهم و كونهم شالوا الطوب دا تصرف عادي بالمناسبة و للمعلومية كلاهما غير منظمين سياسياُ و ارجح ان شيلهم للطوب كان بسبب انطلاء فرية اهل الاسلام السياسي ان الجنوبيون جايين يحرقوا المسجد و هذا غير صحيح

لانو الجنوبيين صح كانوا منفعلين لكن كانوا بقولوا في كلمة واحدة لا انساها " هوي يا ناس هندسة نحنا ما دايرين منكم حاجة ، دايرين الناس الحرقو الكتاب المقدس دا طلعوهم لينا"

، شول اخر عهدي بيهو انو كان في جوبا و معلومة غير مؤكدة انو مشا امريكا مع نتالي

لكن حادثة اعتداء شول على علي محمد عمر لا اذكرها صراحة و مافي حد حكاها لي برغم معرفتي بشول و علي .

و الشهادة لله شول انسان في غاية من التهذيب و الاخلاق و النبل و من المستحيل ان يعتدي على زميله لوجه الله كدا لازم يكون في سبب ، و علي كان من اتباع الجمعية العلمية و كان من اصحاب الكوز علي صديق البخت المسدس في طبلون البوكسي الكلام دا قبل ما تحصل المفاصلة و علي صديق ينضم للترابي و بعداك يمشي كوريا الجنوبية

بتذكر بعد لمينا المصاحف رجعنا الكافتريا و قعدنا في بنشاتنا و المتأسلمين ديل كانوا لابدين في المسجد وبصرخوا في الناس "احموا بيضتكم احموا بيضتكم" و قلنا ليهم الرخ اليبيض فيكم تمشوا تحرقوا للناس كتبهم و تجوا تضاروا فينا ؟!
انتو وقت رجال بتعملوا الغلط و تجوا تدسوا ليه ؟!

ناس الحرس قفلوا الباب البيفصل بين كافتريا هندسة و الميدان الغربي من جهة و مباني الكلية -و المسجد لي جوا - من الجهة تانية ، و انا كنتا واقف جنب الباب دا و معاي عثمان قمبور و كم واحد من اولاد هندسة ولمن جوا الجنوبيون صاح كانوا منفعلين و غاضبين لكن نجحنا في افقناعهم انو ما يعبروا الباب دا ويمشو للمتأسلمين المدسوسين في المسجد ، و بعد عت و لج كتير مشوا و رجعوا علوم محل تجمعهم

الاحداث الفردية الحصلت بعداك دي انا ما عارفها ، لكن الهجمة الرئيسية للجنوبين الجو من علوم انا حاضرا و هم في النهاية رجعوا

دا للا ينفي انو كان في تحرش متبادل من الطرفين بعد ذلك في الداخليات و كان عادي الناس بتجي المحاضرات بي سكاكينها

الله يجازي ماهر الفلسطيني بتاع الجمعية العلمية و شيخ عبد الحي يوسف رأس الفتنة

أنتو كنتوا بتقروا فى تكساس

فتحي مسعد حنفي · 16-02-2010, 07:37 PM

اقتباس:

المشاركة الأصلية كتبت بواسطة أميرى

انا معاك انهم ما كانوا منتمين سياسيا لى اى جهة وانو كل الحكاية كان تنامى المشاعر الدينية
لحظتها والقدر يأججها الاسلاميين فى طلاب هندسة بجدارة..
ياحاتم قسما بالله اليوم داك الناس صلت صلاة الضهر فى المسجد بطريقة الحرب..
الصفوف الورا تأمين ومتتجهة على باب المسجد....صفوف تصلى وصفوف تأمنها
وما متزكر لو صلوا بى الاحذية أو لا...

كلامك فيه قدر كبير من الصح فى الحتة دى...بس دة ما بنفى انو كان فى غضب شديد جواهم
وانوا لو اشتبكوا حول المسجد كانوا ممكن يحرقوهو...

شول لازال فى السودان لاقيتو فى الفيس بوك من اسابيع قليلة وعمل ليه جلحات واصلة الركبة....انت ملخبط ما اعتدى على (على محمد عمر)...اعتدى على (محمد عمر حاااف ككدة بدون على)...محمد عمر من اولاد القضارف
وانا بشهد لى شول انو من اكتر طلاب هندسة ادبا واخلاق وتهذيب...واكيد الفعل العملوا
تجاه محمد عمر هو من باب رد الفعل والغضب من كل الاسلاميين...

يا حاتم دى اهم نقطة...
اتخيل الوضع لو ما كانت البوابات مغلقة كان حيكون كيف؟

الايام التالية كانت ايام عصيبة زى ما انت قلت...وانصار السنة ما كانوا بيجوا داخلين
الجامعة الا بالعكاكيز....وبتتزكر مبادرة تنظيم المحايدين فى الصلح...

يا زول الشى ليهو عشرة سنة بركة المتزكرين دة كلو

انت يا أميري شايت وين..لازم توريني عشان أعرف أحمي ضهرك وبعدين حاتم دا ولدنا ومن الكادر السري بتاعنا بنستعين بيهو وقت الحوجة ما بتأخر بجي طوالي بي سلاحو

ابومحمد · 16-02-2010, 07:40 PM

اقتباس:

المشاركة الأصلية كتبت بواسطة فتحي مسعد حنفي

بالله انت كمان بتعرف تقول دييييييشك..
ياخي لامن انت بتعرف تكون زول لذيذ طيب هارينا ومنجضنا مالك..ياخ احنا ناس كلنا مسلمين بي رأفت ميلادنا دا

وجوه کأزهار الریاض نضاره ....لکنها یوم الهیاج صخور

أميرى · 16-02-2010, 07:48 PM

اقتباس:

المشاركة الأصلية كتبت بواسطة فتحي مسعد حنفي

انت يا أميري شايت وين..لازم توريني عشان أعرف أحمي ضهرك وبعدين حاتم دا ولدنا ومن الكادر السري بتاعنا بنستعين بيهو وقت الحوجة ما بتأخر بجي طوالي بي سلاحو

والله يا عم فتحى اخوك ما شايت اى اتجاه
بركة انو حاتم جا عشان نحاول ننعش الزاكرة دى شوية

لو سألتنى انا فى اليوم دة كان منظرى شنو؟

والله ما متزكر...بس اكيد كنت بتفرج من بعييييييييييييييييييد

أميرى · 16-02-2010, 07:50 PM

اقتباس:

المشاركة الأصلية كتبت بواسطة ابومحمد

وجوه کأزهار الریاض نضاره ....لکنها یوم الهیاج صخور

ابو محمد ياخ ما تكون انصرافى وتدخل بينا بين الزهور والورد
وتمرقنا فى جنائن الصافية
اها انا الجماعة ديل قلت ليهم ويلكم من غضبة ابو محمد
اها الرأى شنو

فتحي مسعد حنفي · 16-02-2010, 07:54 PM

اقتباس:

المشاركة الأصلية كتبت بواسطة أميرى

والله يا عم فتحى اخوك ما شايت اى اتجاه
بركة انو حاتم جا عشان نحاول ننعش الزاكرة دى شوية

لو سألتنى انا فى اليوم دة كان منظرى شنو؟

والله ما متزكر...بس اكيد كنت بتفرج من بعييييييييييييييييييد

طيب بالمرة ياخ ما تزح من أبو محمد دا وتخليهو في حالو..انتو الزول كان داير ينسحب ما بتخلوهو في حالو ويضطر يجي يرمي ليهو كلمة كلمتين لزوم التواجد..قلت لي صخر يابو محمد..هو مع الديناميت دا فضل صخر..هاك الوزينات ديل

أميرى · 16-02-2010, 08:02 PM

اقتباس:

المشاركة الأصلية كتبت بواسطة فتحي مسعد حنفي

طيب بالمرة ياخ ما تزح من أبو محمد دا وتخليهو في حالو..انتو الزول كان داير ينسحب ما بتخلوهو في حالو ويضطر يجي يرمي ليهو كلمة كلمتين لزوم التواجد..قلت لي صخر يابو محمد..هو مع الديناميت دا فضل صخر..هاك الوزينات ديل

ياخ اسألنى اول من الهدف من البوست يا عم فتحى؟
علييييييك الله اسالنى ياعم فتحى

انا هنا حتى عودة الابن الضال

يا للقسوة فينا ويا لاختلاقات العداوات فيما لا يجدى

يا ابو محمد هذا البوست مجرد صفحة بيضاء لونها بالحب يا أخى

رأفت ميلاد · 16-02-2010, 08:04 PM

اقتباس:

المشاركة الأصلية كتبت بواسطة ابومحمد

وجوه کأزهار الریاض نضاره ....لکنها یوم الهیاج صخور

ولد دا ..

دى موش ممكن تكون نفس المعنى (اليوم خمر وغداً أمرُ)

نفس الفكرة يا نضر .. ديششششك دى نضارتك مع المتأسلمين يا صخر ..

غايتو جنس خايتو

فتحي مسعد حنفي · 16-02-2010, 08:06 PM

اقتباس:

المشاركة الأصلية كتبت بواسطة أميرى

ياخ اسألنى اول من الهدف من البوست يا عم فتحى؟
علييييييك الله اسالنى ياعم فتحى

انا هنا حتى عودة الابن الضال

يا للقسوة فينا ويا لاختلاقات العداوات فيما لا يجدى

يا ابو محمد هذا البوست مجرد صفحة بيضاء لونها بالحب يا أخى

أها شوف ليك جنس كضب يابو محمد..الولد دا عميل مزدوج أوعي تصدقو قاعد يقنطر فيك للأعداء من الصابئين

أميرى · 16-02-2010, 08:20 PM

اقتباس:

المشاركة الأصلية كتبت بواسطة فتحي مسعد حنفي

أها شوف ليك جنس كضب يابو محمد..الولد دا عميل مزدوج أوعي تصدقو قاعد يقنطر فيك للأعداء من الصابئين

أبو محمد لا تابه لأقوال المثبطين للهمم من امثال هذا الخواجة
اثنر عبير الفرح والحب يا أخى ودعك من هؤلاء الصابئة فانهم لا يسوون عند
الله جناح بعوضة

بئس الطالب والمطلوب

ابومحمد · 16-02-2010, 08:35 PM

اقتباس:

المشاركة الأصلية كتبت بواسطة رأفت ميلاد

ولد دا ..

دى موش ممكن تكون نفس المعنى (اليوم خمر وغداً أمرُ)

نفس الفكرة يا نضر .. ديششششك دى نضارتك مع المتأسلمين يا صخر ..

غايتو جنس خايتو

اها یا رأفت ما مشکله قوووون ...بقت 30/1....والایام دول والحرب سجال

فتحي مسعد حنفي · 16-02-2010, 08:37 PM

اقتباس:

المشاركة الأصلية كتبت بواسطة أميرى

أبو محمد لا تابه لأقوال المثبطين للهمم من امثال هذا الخواجة
اثنر عبير الفرح والحب يا أخى ودعك من هؤلاء الصابئة فانهم لا يسوون عند
الله جناح بعوضة

بئس الطالب والمطلوب

أيوا كدا أظهر علي حقيقتك وخلاص عرفنا أهدافك الحقيقية...جاي تكسر خطراتي..شوفو ليكم جنس حسادة

hatim ALi · 16-02-2010, 09:42 PM

طيب يا أميري ، و بالرغم من أن هذا البوست الهدف المعلن في عنوانه هو الإحتفاء بأي محمد و غضبته (المضرية) المزعومة في الاسافير و التي لن تتعدى بالطبع سطراُ أو سطرين يكتبهما بخط غير واضح و يضيف إليهما بعض الوجوه القافزة مما اصطلح تسميته بالوزين او الوزينة ( )

لكن طالما أن سيرة حادث إحراق معرض الكتاب المقدس بجامعة الخرطوم قد إنفتحت ، فلافضل أن نوثق لها و خاصة ان الدنيا ما معروفة

اكثر ما يؤلمني يا أميري ما يحدث في الاسافير عموماً من تزييف للتاريخ و خاصة موضوع إحراق الكتاب المقدس هذا ، فهو برغم انه لم يمض عليه اقل من 15 عاماُ إلا ان الكثير من الحبر ارهق حوله بحقائق ليست صحيحة ، كمثال فقط إتهام (دينق) في سودانيز اونلاين ل(أحمد الريح) هندسة مدنية بانه شارك في جريمة إحراق معرض الكتاب المقدس هنا :

http://www.sudaneseonline.com/cgi-bi...msg=1185362794

و هذا الكلام غير صحيح و فيه تجني واضح :

أولاٌ : أحمد الريح إبتداءً غادر السودان الى امريكا قبل حادثة إحراق معرض الكتاب بعد ان جاءه اللوتري بالتالي لم يشارك و لم يحضر أساساُ جريمة إحراق معرض الكتاب المقدس

ثانياُ : احمد الريح غير منتمي سياسياُ و هو من أسرة متصوفة معروفة بأمدرمان و جدوده من الحلفايا ، و لم يكن ينتمي الى الكيزان او انصار السنة و في زمنه الجمعية العلمية التي انشأنها (ماهر الفلسطيني) التي قامت بجريمة إحراق المعرض لم تكن منتشرة بين الطلاب أساساً

ثالثاُ: احمد الريح كان صديقاُ شخصياُ لرامي ثروت القبطي ، و رامي ثروت هذا من ابناء المسالمة امدرمان و كان هو الدينمو المنظم لمعرض الكتاب المقدس و امضى زهاء الثلاثة اشهر في تنظيمه مما اثر سلباُ على ادائه الاكاديمي رغم انه كان من المتفوقين.

نعود الى جذور الحادثة نفسها ، ففي فترة التسعينات فتح الترابي الباب واسعاُ لكل جماعات الهوس الديني و الارهابيين للقدوم للسودان بدون تأشيرة ، و كان من ضمن الطلبة الذين جاءوا للسودان (ماهر الفلسطيني) و هو كان رجلاُ خامل الذكر بالكلية و لم يكن له شان يذكر ، غير انه في العام 1996 م و عندما تم افتتاح مسجد هندسة الجديد المقابل لمكتبة الextention القديمة ، بدأت تظهر مطبوعات مصقولة ملونة غريبة بالمسجد مطبوعة طباعة فاخرة ، تحمل توقيع و إمضاء كيان هلامي إسمه (الجمعية العلمية) ، في البداية كانت تلك المطبوعات تتحدث عن كيفية الوضوء و الصلاة و سجود السهو ، و اذكر انها كانت محل تندر بين طلاب الكلية وقتها ، لأن جل طلاب الهندسة يعرفون هذه الامور - بداهةً- و قد علمهم لها آباءهم منذ الصغر ، و لكن يبدو أن لماهر الفلسطيني هذا نوايا اخرى مبطنة من وراء هذه الأعمال

للمعلومية اتضح لاحقاُ ان ماهر الفلسطيني يتلقى تمويلاُ من الخارج للقيام بتلك الأعمال ، و أنه كان يغطي على دخول أموال في حسابه البنكي و هو طالب يدرس بمنحة دراسية كاملة scholarship من حكومة السودان في كلية الهندسة جامعة الخرطوم عن طريق تدوير اموال التمويل الذي ياتيه من الخارج في كافتريتين هما (يافا) بشارع المطار و (الزوادة) ببحري قرب كبري النيل الازرق القديم

و اواصل............

فتحي مسعد حنفي · 16-02-2010, 10:02 PM

غايتو قي تاس في طفولتم رضعوه بالبزازة ويكة مخلوطة بي سلسيون كان لصق فيك الا تكوس ليك جالون اسيتون ولا تينر وتكبو في راسك..انتو القال ليكم تهبشوهو منو..ياسارة وجودك مطلوب بشدة تعالي لمي زولك دا لقاكي مافي دور فينا احنا...دا كلو منك يا أمير

hatim ALi · 16-02-2010, 10:20 PM

اقتباس:

المشاركة الأصلية كتبت بواسطة فتحي مسعد حنفي

غايتو قي تاس في طفولتم رضعوه بالبزازة ويكة مخلوطة بي سلسيون كان لصق فيك الا تكوس ليك جالون اسيتون ولا تينر وتكبو في راسك..انتو القال ليكم تهبشوهو منو..ياسارة وجودك مطلوب بشدة تعالي لمي زولك دا لقاكي مافي دور فينا احنا...دا كلو منك يا أمير

عم فتحي

ياخي امنع الفوضى بللاي

هاك الوزين دا ( )

------------------------------
* كان الوزين ما خارج حاول غير
السمسية بي جانجوفري .. عرقي نضيف
صدقني الموضوع دا بقسم
لانو حالك بقا ما عاجبني الايام دي
مداخلتك البهناك دي عبارة عن كورة
منقطرة عديل الله يستر من ناس شوت
ضفاري

16-02-2010, 09:42 PM	#[58]
hatim ALi :: كــاتب نشــط::	طيب يا أميري ، و بالرغم من أن هذا البوست الهدف المعلن في عنوانه هو الإحتفاء بأي محمد و غضبته (المضرية) المزعومة في الاسافير و التي لن تتعدى بالطبع سطراُ أو سطرين يكتبهما بخط غير واضح و يضيف إليهما بعض الوجوه القافزة مما اصطلح تسميته بالوزين او الوزينة ( ) لكن طالما أن سيرة حادث إحراق معرض الكتاب المقدس بجامعة الخرطوم قد إنفتحت ، فلافضل أن نوثق لها و خاصة ان الدنيا ما معروفة اكثر ما يؤلمني يا أميري ما يحدث في الاسافير عموماً من تزييف للتاريخ و خاصة موضوع إحراق الكتاب المقدس هذا ، فهو برغم انه لم يمض عليه اقل من 15 عاماُ إلا ان الكثير من الحبر ارهق حوله بحقائق ليست صحيحة ، كمثال فقط إتهام (دينق) في سودانيز اونلاين ل(أحمد الريح) هندسة مدنية بانه شارك في جريمة إحراق معرض الكتاب المقدس هنا : http://www.sudaneseonline.com/cgi-bi...msg=1185362794 و هذا الكلام غير صحيح و فيه تجني واضح : أولاٌ : أحمد الريح إبتداءً غادر السودان الى امريكا قبل حادثة إحراق معرض الكتاب بعد ان جاءه اللوتري بالتالي لم يشارك و لم يحضر أساساُ جريمة إحراق معرض الكتاب المقدس ثانياُ : احمد الريح غير منتمي سياسياُ و هو من أسرة متصوفة معروفة بأمدرمان و جدوده من الحلفايا ، و لم يكن ينتمي الى الكيزان او انصار السنة و في زمنه الجمعية العلمية التي انشأنها (ماهر الفلسطيني) التي قامت بجريمة إحراق المعرض لم تكن منتشرة بين الطلاب أساساً ثالثاُ: احمد الريح كان صديقاُ شخصياُ لرامي ثروت القبطي ، و رامي ثروت هذا من ابناء المسالمة امدرمان و كان هو الدينمو المنظم لمعرض الكتاب المقدس و امضى زهاء الثلاثة اشهر في تنظيمه مما اثر سلباُ على ادائه الاكاديمي رغم انه كان من المتفوقين. نعود الى جذور الحادثة نفسها ، ففي فترة التسعينات فتح الترابي الباب واسعاُ لكل جماعات الهوس الديني و الارهابيين للقدوم للسودان بدون تأشيرة ، و كان من ضمن الطلبة الذين جاءوا للسودان (ماهر الفلسطيني) و هو كان رجلاُ خامل الذكر بالكلية و لم يكن له شان يذكر ، غير انه في العام 1996 م و عندما تم افتتاح مسجد هندسة الجديد المقابل لمكتبة الextention القديمة ، بدأت تظهر مطبوعات مصقولة ملونة غريبة بالمسجد مطبوعة طباعة فاخرة ، تحمل توقيع و إمضاء كيان هلامي إسمه (الجمعية العلمية) ، في البداية كانت تلك المطبوعات تتحدث عن كيفية الوضوء و الصلاة و سجود السهو ، و اذكر انها كانت محل تندر بين طلاب الكلية وقتها ، لأن جل طلاب الهندسة يعرفون هذه الامور - بداهةً- و قد علمهم لها آباءهم منذ الصغر ، و لكن يبدو أن لماهر الفلسطيني هذا نوايا اخرى مبطنة من وراء هذه الأعمال للمعلومية اتضح لاحقاُ ان ماهر الفلسطيني يتلقى تمويلاُ من الخارج للقيام بتلك الأعمال ، و أنه كان يغطي على دخول أموال في حسابه البنكي و هو طالب يدرس بمنحة دراسية كاملة scholarship من حكومة السودان في كلية الهندسة جامعة الخرطوم عن طريق تدوير اموال التمويل الذي ياتيه من الخارج في كافتريتين هما (يافا) بشارع المطار و (الزوادة) ببحري قرب كبري النيل الازرق القديم و اواصل............
hatim ALi :: كــاتب نشــط::	التوقيع: ____________________________ الليل و النهار واحد على العميان و اللوم و الشكر واحد على السجمان

16-02-2010, 10:02 PM	#[59]
فتحي مسعد حنفي :: كــاتب نشــط::	غايتو قي تاس في طفولتم رضعوه بالبزازة ويكة مخلوطة بي سلسيون كان لصق فيك الا تكوس ليك جالون اسيتون ولا تينر وتكبو في راسك..انتو القال ليكم تهبشوهو منو..ياسارة وجودك مطلوب بشدة تعالي لمي زولك دا لقاكي مافي دور فينا احنا...دا كلو منك يا أمير
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..