اقتباس:
المشاركة الأصلية كتبت بواسطة شليل
قبل ما تنسحبوا (بالجد بالجد) من الشعر الما عندكم فيهو رقبه بوضح ليك الآتي :
1/ بإعتباري زول علماني وضع طبيعي يكون عندي خصوم سياسيين
والخصوم السياسيين ديل ما ناجرم من بنات أفكاري
بل متواجدين في البيئة الحواليني دي
بحلل منهاجم وأشوف الناس ديل بيفكروا كيف
وعليه بطرح رؤيتي
أقنعتهم الحمد لله
أقنعوني الحمد لله برضو.
2/ كلمة الخصوم سياسيين دي ما شتيمة
وإنت بموقفك الما واضح ده
خصم بالنسبة لي
لأنو ما عندك طرح واضح
مجمل مداخلاتك دي ما بتعدو كونها مبتسره
وبتسهم في تشتيت محاوري
- إللي على العليها ما ناقصة-
بتمسك في إقتباس صغير
وبتغفل عن السياق الورد فيهو الإقتباس
وضح لي رؤيتك متكاملة
وأعدك بالرجوع ليها..
3/ لو متابع البوست ده من أولو
بتلقى إنو الكلام مكشوف من الأول
ومافي حاجة بتستدعى إنو الواحد يغطغطها
|
شليل سلامات
سلام لي الله ما فيهو مداهنة
انا (حا اجتهد عشان استعمل ضمير المفرد حتى لا اتهم بالتضخم أو الموالاة) ما عندي أي رؤية متكاملة لأي شئ في الدنيا دي... و ما عندي مشكلة كونك تكون أي شئ ..
و كوني أعتبر خصمك دا بديني الحق اشتت ليك تفكيرك و اجهجهك عشان اختبر رؤيتك المتكاملة دي..
في أول مداخلة لي طلبت منك عدم إقفال السياق لما تقتبسه و طالبتك بوضع اللنك بتاعو..
الاقتباس الجبتو لابي محمد و قاعد تشرح فوقو دا أخرجتو من سياقو، لانك لم تقل انو كلام أبو محمد دا كان رد على مداخلة الاخ الجيلي القال فيها كيت كيت....
كلام أبو محمد في الاقتباس الاول عنيف، لكنو ما فاضي و فيهو نقاط مهمة جدا:
علاقة الحزب الشيوعي بالدين.
موقف الحزب من المادية الجدلية التي تعتبر واحدة من اركان الفكر الماركسي.
سقوط المنظومة الشيوعية و دي كان ردك و حجتك فيها ما بطالة، لكن بعد ما نشفت ريقنا (آسف ريقي)....
لما تجيب ليك نماذج و تقول داير انقدها و بعدين تجي تقول ديل خصومي لازم احتاط ليهم، القصة دي بتشكك في نزاهة نقدك... و الكلام دا ببقى ما نقد....
