سياحة في يوم الحساب

فتحي مسعد حنفي · 24-02-2010, 03:34 PM

عثمان مات...وروروووووووك..الزول الطيب مات وشبع موت والحجة أم عثمان كملت تراب الحوش كلو فوق راسا تشيل وتردم وتندب ولدا الاتنشل وهو لسة ما تم الأربعين من العمر..
وا حرقة حشاي الليلة ياوليدي..وووووب علي أمك المشيت خليتا براها في الدنيا ..
المندبة شغالة بي تحت وعثمان قاعد يعاين للمناظر دي من فوق والضحك شارطو..
هو الحجة دي قايلاني يعني كان متا بخليها!!!! ما ياني هسة قاعد أعاين ليها وشايف البتسوي فيهو دا..مش انتي برضو يمة الكنتي حامياني المرقة مع صحباني وشابكاني ما تسكر وما تمشي مع ناس فلان!!!أها الليلة أفرحي بدل السكليب دا..أهو مشيت وخلليت دا كلو وماشي لي مكان السكر فيهو أنهار والجرسونات ولدان مخلدون..زغردي يا يمة وبطلي البتسوي فيهو دا...

وصل عثمان آخر المشوار ولقي جماعة هناك مستنينو لابسين أبيض في أبيض وطالع منهم نور غريب ما عارفو منهم ولا من الهدوم اللابسنها...ما علينا نور وخلاص..
الجماعة استلموهو وواحد فيهم سألو: انت عثمان ود حاج أحمد؟
آي ياني ..طيب أمك كلتوم بت حاج حسين؟ مظبوت ياها دي أمي وكان دايرنها بتلقوها في الفراش متفنة في الواطا ومابية الأكل..
طيب تعال معانا....وين سايقني؟ تعال وما تتكلم..
الجماعة ساقو عثمان لي بيت كبييييير وليه باب زي بوابة سيدي عبد القيوم..دخلوهو ولما دخل اتلفت لقي جماعة كدا قاعدين في كراسي كبيرة وفي النص قاعد كبيرم في كرسي أكبر من باقي الكراسي وهو ذاتو أكبر من الباقيين.0.والجماعة كلهم لابسين أبيض وخاتين قدامهم دفاتر وأجهزة بتشبه الكمبيوترات..عثمان منطط عيونو وقف فاتح خشمو وما فاهم حاجة من الشايفو حوالينو دا..
كبير الجماعة سألو نفس الأسئلة بتاعة تأكيد الشخصية وبعد داك قام قال ليهو:
انت ياعثمان عارف روحك وين والحاصل هنا شنو؟عثمان قال ليهو شكلكم كدي زي المحكمة وجايبني تحاكموني علا أنا ما عارف سويت شنو عشان تحاكموني..
احنا هنا بنحسب في حسناتك وسيئاتك وبعدين بنرفع تقريرنا للهيئة العليا عشان تصدر الحكم..

يتبع.......

النور يوسف محمد · 24-02-2010, 03:54 PM

بسم الله الرحمن الرحيم
الدخول الى مساحات جميلة من الخيال ..
ورصانة الفكرة .. وبين تزاحم الأسئلة وقلة الإجابات
ومن منصة الحكم ... وعدالة القضاة

سنتابع معك ...

wadosman · 24-02-2010, 04:11 PM

[align=center]ياخى سليت روحنا...

غايتو احتياطيا مليت الجردل مويه...يعنى فى حاله لو داير تتمها مويه
تلقانا قريبين منك و كدا...

[/align]

فتحي مسعد حنفي · 24-02-2010, 04:17 PM

عثمان قال: طيب يامولانا كدي خلصونا قوام عشان نمشي نحصل لينا واحدة من الحور العين قبال ما يكملوهن الكيزان..
طيب انت ياعثمان ليه كنت وانت صغير اليوم كلو مدسي وشغال عادة سرية..انت مش عارف دا حرام..
آي عارفو حرام لكن مش الأطفال ما عليهم حساب..وأنا من ما بلغت الحلم بطلتها وواحد صاحبي ساقني معاهو الحلة وبقيت ما شغال بالهناية السرية دي..
يعني كمان بتعترف انك كنت بتزني؟
آي بعترف لكن كنت سغير وصاحبي غشاني..جيبوهو حاسبوهو هو عشان أنا دا ما ذنبي..
طيب مش كنت بتقيف تشاغل بنات المدارس؟
أي وفيها شنو يعني!!! وقبال ما ننتهي من النقطة دي أنا بطالب بي ملف قيس بن الملوح وجميل بثينة عشان أشوف سويتو شنو معاهم وبعدين نتكلم في بنات المدارس..
أها والسكر انت مش كنت مصاحب ليك ولد قبطي كنت بتسكرو سوا؟
أيوة يامولانا لكن دا كان بغرض التقرب منو عشان أحاول أقنعو يسلم عشان في السكر بكون بتكلم معاهو بي راحتي وما كنت بسكر عشان حاجة تانية وحتي أسألو الحجة لامن تجيكم..
أها طيب كلمنا بعد ما متا بتتذكر شنو الحصل؟
كفنوني ودخلوني القبر وبعد شوية جو اتنين كدا شكلهم يخوف وعضلاتم زي شمام كوستي وشبكوني ليكم اسئلة...منو ربك ومنو نبيك وشنو كتابك. لكن أخوكم كان مستعد وحافظ الأجوبة وكمان كنت خاتي بخرة في خشمي..المهم الجماعة خلصو الأسئلة وجات العقارب تقرص فيني لامن قددو الكفن الاستلفتو الحجة من كلتوم جارتنا الكانت داساهو لامن راجلا يموت...وحات سيدي الحسن دبلان نمرة واحد..هسةة البعوضني منو عن الكفن القددوهو العقارب ديل..أنا بطالبكم تشوفو الموضوع دا وتجيبو لي حقي من العقارب..
أها وعلاقاتك مع الشيوعيين دي تقول عليها شنو؟
علي الأيمان الشيوعيين ديل أحسن ناس وكنت بزوغ منهم لما يقولو يللا نلحق الصلاة في الجامع عشان الناس ما يشوفوني معاهم..
يعني داير تقول الشيوعيين دبل مسلمين؟
بلحيييل مسلمين بس الكيزان مطلعين عليهم كلامات كدا عشان خايفين منهم وعشان هم ذاتم بتاعين مشاكل وكل ما أقول ليهم الكيزان ديل بيتعبوكم وحيقنعو الناس انكم كفار كانو بردو علي ويقولو: ما تخاف الله في وشايف الحاصل شنو..

انت يازول كلامك كتير وباين عليك جاي مستعد وما قادرين نمسك عليك حاجة عشان كدا حنديك فرصة ونرجعك الأرض تاني وانشاءالله حتتولد تاني يوم التلات الجاي في نيجيريا وأبوك الجديد اسمو الحاج أبكر وهو شيخ كبير عشان المرة دي ما يكون عندك عذر..ـأها قولك شنو؟
أنا ماعندي مانع بس عندي طلب بسيط..ممكن تغيرو لي نيجيريا دي بي حتة تانية تكون في أوروبا انشالله تكون أوكرانيا قالو فيها زول سوداني اسمو حسن فرح عندو بنات بنات سمحات ممكن ألقي لي عروس منهن..
يازول بطل كلام كتير وأمشي قبال ما نغير راينا ونطقك بي حكم تعسفي..
ثمح....
انتهي..

عثمان · 24-02-2010, 04:18 PM

حلاوة السمسمية لما تكون عاملة شغل

تاااااكين ومرطبييييين

wadosman · 24-02-2010, 04:35 PM

[align=center]

اقتباس:

المشاركة الأصلية كتبت بواسطة عثمان

حلاوة السمسمية لما تكون عاملة شغل

تاااااكين ومرطبييييين

يا زول المرطب ليها شنو...

زولك مرقا فى نيجريا....

[/align]

فتحي مسعد حنفي · 24-02-2010, 04:39 PM

اقتباس:

المشاركة الأصلية كتبت بواسطة wadosman

[align=center]

يا زول المرطب ليها شنو...

زولك مرقا فى نيجريا....

[/align]

ما أنا ياود عثمان..مفروض تقول لي عثمان زولك مرقك في نيجيريا

فتحي مسعد حنفي · 24-02-2010, 04:45 PM

اقتباس:

المشاركة الأصلية كتبت بواسطة النور يوسف محمد

بسم الله الرحمن الرحيم
الدخول الى مساحات جميلة من الخيال ..
ورصانة الفكرة .. وبين تزاحم الأسئلة وقلة الإجابات
ومن منصة الحكم ... وعدالة القضاة
سنتابع معك ...

ياجنابو كان تصبر عشان الكلام الجاي ما ظنيت حبعجبك ويمكن تلقي فيهو كمان مخالفات

فتحي مسعد حنفي · 24-02-2010, 04:47 PM

اقتباس:

المشاركة الأصلية كتبت بواسطة wadosman

[align=center]ياخى سليت روحنا...

غايتو احتياطيا مليت الجردل مويه...يعنى فى حاله لو داير تتمها مويه
تلقانا قريبين منك و كدا...

[/align]

جردلك دا كان جيت من قريب عاينتا ليهو بلقي الفيهو عسلية ولا كلوميت من تسني

بابكر مخير · 24-02-2010, 04:53 PM

يعني كمية من الغلطات الدستورية
الروحانية
المادية
أولن تبادي هم ما لابسين أبيض؟!
دآ الريش
تانين الكفن ما بكون دبلان لأنهو فيهو نيلون ودآ بسخن بالزول وعليه إستحسنوا الدمورية وفي فكرة أنهو يكون شاش
خلينا من باقي التسلسل
البتاعة الأولى السألوه منها ديك، لمن كان صغير،،
هي مكروهة باليد اليمنى "بس" يعني يساري ولا أشول ما عندهم حرج ولا بينكرهو
ما حأسترسل في النقد البناء ولكني حأكتفى بالملاحظة الأخيرة..
كونهو حينزلهو تاني بعد ما حرق، ما حيكون في شكل زول وراجل.
طبعن مدير منتخب إنجلترآ الأسبق "ذي حكاية رئيس الوزراء الأسبق ووزير الأوقاف السابق" عزلهو لأنه قال:
المعاقيين جسدين ديل بعدييييين بيرجعو لكن في شكبل حيوانات،،
يبقى لو كان كاتب قطعة السمسية الكآربة من المولد الكبير،، (ما هو هناك عندكو زينب عندها وحسين عندهو والمنفلوطي والمنفكا وكدآ كلهو عندهو..)
أبان لنا وأفصح عن هوية المدعو عثمان (قصدي المتوفي ومبعوث فينا) هل كان على شاكلة من من البشر.
لكن سنعذره إن تحفظ على هوية المدفون خوفا من الشكلة ..

ما هو مصيرها شكلة ولا أخفا شي ؟؟
مشكلة..

مجدي مسعد حنفي · 24-02-2010, 04:57 PM

يافتحي ياخي
انا قبل شويه كنت معاك على المسنجر
وكنت كويس ماعندك عوجه وحتى قلت لي
قايم تصللي الحصل شنو

بابكر مخير · 24-02-2010, 05:09 PM

اقتباس:

المشاركة الأصلية كتبت بواسطة مجدي مسعد حنفي

يافتحي ياخي
انا قبل شويه كنت معاك على المسنجر
وكنت كويس ماعندك عوجه وحتى قلت لي
قايم تصللي الحصل شنو

ما هو يمكن يكون حبيبنا، قرآ في المصلاية
"من منتجات مصانع عثمان للدقآ وحلاوة سمسمية"

أبوبكر عباس · 24-02-2010, 05:10 PM

و الله انا كنت قايل فتحي دا ما عندو علاقة بالأدب زيي، لكن بعد كدا أحسن لي أمسك قوي في أبي محمد....

فتحي مسعد حنفي · 24-02-2010, 05:12 PM

اقتباس:

المشاركة الأصلية كتبت بواسطة مجدي مسعد حنفي

يافتحي ياخي
انا قبل شويه كنت معاك على المسنجر
وكنت كويس ماعندك عوجه وحتى قلت لي
قايم تصللي الحصل شنو

نعرف يامجدي أنا في مواضيع كتيرة مركونة في راسي بتجي مرات فارضة نفسها والموضوع دا الجزء التاني منو غيرتو تغيير جزري بعد ما شفت شيخ النور دخل وكان مختلف من كدا تماما ولو تلاحظ أنا قلت الكمبيوترات عشان هي كانت موضوع الجزء التاني في عملية الحساب الفيها مثلا الزول لو حسب عدد الصلوات بي الطريقة البنسمعا من بعض الشيوخ بكون في النهاية عندنا فايض يعني زي ما بيقولو صلات الجماعة فيها 27 درجة والصلاة في الحرم فيها كم درجة.. والحصيلة النهائية بتكون لصالح المتهم ونفس الشي الصيام..وأنا كنت مجهز كشف حسابات للصلاة والصيام بس خفت يلحقوني محمود محمد طه أو محمود عبد العزيز ويجلدوني مربوط بين عامودين زيو..

بابكر مخير · 24-02-2010, 05:12 PM

اقتباس:

المشاركة الأصلية كتبت بواسطة بابكر عباس

و الله انا كنت قايل فتحي دا ما عندو علاقة بالأدب زيي، لكن بعد كدا أحسن لي أمسك قوي في أبي محمد....

بالله هو دآ الأدب

طيب ما أتاريهو هييييييييين

24-02-2010, 03:34 PM	#[1]
فتحي مسعد حنفي :: كــاتب نشــط::	سياحة في يوم الحساب(رجاءا ابتعاد الجنس اللطيف) عثمان مات...وروروووووووك..الزول الطيب مات وشبع موت والحجة أم عثمان كملت تراب الحوش كلو فوق راسا تشيل وتردم وتندب ولدا الاتنشل وهو لسة ما تم الأربعين من العمر.. وا حرقة حشاي الليلة ياوليدي..وووووب علي أمك المشيت خليتا براها في الدنيا .. المندبة شغالة بي تحت وعثمان قاعد يعاين للمناظر دي من فوق والضحك شارطو.. هو الحجة دي قايلاني يعني كان متا بخليها!!!! ما ياني هسة قاعد أعاين ليها وشايف البتسوي فيهو دا..مش انتي برضو يمة الكنتي حامياني المرقة مع صحباني وشابكاني ما تسكر وما تمشي مع ناس فلان!!!أها الليلة أفرحي بدل السكليب دا..أهو مشيت وخلليت دا كلو وماشي لي مكان السكر فيهو أنهار والجرسونات ولدان مخلدون..زغردي يا يمة وبطلي البتسوي فيهو دا... وصل عثمان آخر المشوار ولقي جماعة هناك مستنينو لابسين أبيض في أبيض وطالع منهم نور غريب ما عارفو منهم ولا من الهدوم اللابسنها...ما علينا نور وخلاص.. الجماعة استلموهو وواحد فيهم سألو: انت عثمان ود حاج أحمد؟ آي ياني ..طيب أمك كلتوم بت حاج حسين؟ مظبوت ياها دي أمي وكان دايرنها بتلقوها في الفراش متفنة في الواطا ومابية الأكل.. طيب تعال معانا....وين سايقني؟ تعال وما تتكلم.. الجماعة ساقو عثمان لي بيت كبييييير وليه باب زي بوابة سيدي عبد القيوم..دخلوهو ولما دخل اتلفت لقي جماعة كدا قاعدين في كراسي كبيرة وفي النص قاعد كبيرم في كرسي أكبر من باقي الكراسي وهو ذاتو أكبر من الباقيين.0.والجماعة كلهم لابسين أبيض وخاتين قدامهم دفاتر وأجهزة بتشبه الكمبيوترات..عثمان منطط عيونو وقف فاتح خشمو وما فاهم حاجة من الشايفو حوالينو دا.. كبير الجماعة سألو نفس الأسئلة بتاعة تأكيد الشخصية وبعد داك قام قال ليهو: انت ياعثمان عارف روحك وين والحاصل هنا شنو؟عثمان قال ليهو شكلكم كدي زي المحكمة وجايبني تحاكموني علا أنا ما عارف سويت شنو عشان تحاكموني.. احنا هنا بنحسب في حسناتك وسيئاتك وبعدين بنرفع تقريرنا للهيئة العليا عشان تصدر الحكم.. يتبع....... التعديل الأخير تم بواسطة فتحي مسعد حنفي ; 24-02-2010 الساعة 08:16 PM.
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

24-02-2010, 03:54 PM	#[2]
النور يوسف محمد :: كــاتب نشــط::	بسم الله الرحمن الرحيم الدخول الى مساحات جميلة من الخيال .. ورصانة الفكرة .. وبين تزاحم الأسئلة وقلة الإجابات ومن منصة الحكم ... وعدالة القضاة سنتابع معك ...
النور يوسف محمد :: كــاتب نشــط::

24-02-2010, 04:11 PM	#[3]
wadosman :: كــاتب نشــط::	[align=center]ياخى سليت روحنا... غايتو احتياطيا مليت الجردل مويه...يعنى فى حاله لو داير تتمها مويه تلقانا قريبين منك و كدا...[/align]
wadosman :: كــاتب نشــط::

24-02-2010, 04:17 PM	#[4]
فتحي مسعد حنفي :: كــاتب نشــط::	عثمان قال: طيب يامولانا كدي خلصونا قوام عشان نمشي نحصل لينا واحدة من الحور العين قبال ما يكملوهن الكيزان.. طيب انت ياعثمان ليه كنت وانت صغير اليوم كلو مدسي وشغال عادة سرية..انت مش عارف دا حرام.. آي عارفو حرام لكن مش الأطفال ما عليهم حساب..وأنا من ما بلغت الحلم بطلتها وواحد صاحبي ساقني معاهو الحلة وبقيت ما شغال بالهناية السرية دي.. يعني كمان بتعترف انك كنت بتزني؟ آي بعترف لكن كنت سغير وصاحبي غشاني..جيبوهو حاسبوهو هو عشان أنا دا ما ذنبي.. طيب مش كنت بتقيف تشاغل بنات المدارس؟ أي وفيها شنو يعني!!! وقبال ما ننتهي من النقطة دي أنا بطالب بي ملف قيس بن الملوح وجميل بثينة عشان أشوف سويتو شنو معاهم وبعدين نتكلم في بنات المدارس.. أها والسكر انت مش كنت مصاحب ليك ولد قبطي كنت بتسكرو سوا؟ أيوة يامولانا لكن دا كان بغرض التقرب منو عشان أحاول أقنعو يسلم عشان في السكر بكون بتكلم معاهو بي راحتي وما كنت بسكر عشان حاجة تانية وحتي أسألو الحجة لامن تجيكم.. أها طيب كلمنا بعد ما متا بتتذكر شنو الحصل؟ كفنوني ودخلوني القبر وبعد شوية جو اتنين كدا شكلهم يخوف وعضلاتم زي شمام كوستي وشبكوني ليكم اسئلة...منو ربك ومنو نبيك وشنو كتابك. لكن أخوكم كان مستعد وحافظ الأجوبة وكمان كنت خاتي بخرة في خشمي..المهم الجماعة خلصو الأسئلة وجات العقارب تقرص فيني لامن قددو الكفن الاستلفتو الحجة من كلتوم جارتنا الكانت داساهو لامن راجلا يموت...وحات سيدي الحسن دبلان نمرة واحد..هسةة البعوضني منو عن الكفن القددوهو العقارب ديل..أنا بطالبكم تشوفو الموضوع دا وتجيبو لي حقي من العقارب.. أها وعلاقاتك مع الشيوعيين دي تقول عليها شنو؟ علي الأيمان الشيوعيين ديل أحسن ناس وكنت بزوغ منهم لما يقولو يللا نلحق الصلاة في الجامع عشان الناس ما يشوفوني معاهم.. يعني داير تقول الشيوعيين دبل مسلمين؟ بلحيييل مسلمين بس الكيزان مطلعين عليهم كلامات كدا عشان خايفين منهم وعشان هم ذاتم بتاعين مشاكل وكل ما أقول ليهم الكيزان ديل بيتعبوكم وحيقنعو الناس انكم كفار كانو بردو علي ويقولو: ما تخاف الله في وشايف الحاصل شنو.. انت يازول كلامك كتير وباين عليك جاي مستعد وما قادرين نمسك عليك حاجة عشان كدا حنديك فرصة ونرجعك الأرض تاني وانشاءالله حتتولد تاني يوم التلات الجاي في نيجيريا وأبوك الجديد اسمو الحاج أبكر وهو شيخ كبير عشان المرة دي ما يكون عندك عذر..ـأها قولك شنو؟ أنا ماعندي مانع بس عندي طلب بسيط..ممكن تغيرو لي نيجيريا دي بي حتة تانية تكون في أوروبا انشالله تكون أوكرانيا قالو فيها زول سوداني اسمو حسن فرح عندو بنات بنات سمحات ممكن ألقي لي عروس منهن.. يازول بطل كلام كتير وأمشي قبال ما نغير راينا ونطقك بي حكم تعسفي.. ثمح.... انتهي..
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

24-02-2010, 04:18 PM	#[5]
عثمان :: كــاتب نشــط::	حلاوة السمسمية لما تكون عاملة شغل تاااااكين ومرطبييييين
عثمان :: كــاتب نشــط::

24-02-2010, 04:53 PM	#[10]
بابكر مخير :: كــاتب نشــط::	يعني كمية من الغلطات الدستورية الروحانية المادية أولن تبادي هم ما لابسين أبيض؟! دآ الريش تانين الكفن ما بكون دبلان لأنهو فيهو نيلون ودآ بسخن بالزول وعليه إستحسنوا الدمورية وفي فكرة أنهو يكون شاش خلينا من باقي التسلسل البتاعة الأولى السألوه منها ديك، لمن كان صغير،، هي مكروهة باليد اليمنى "بس" يعني يساري ولا أشول ما عندهم حرج ولا بينكرهو ما حأسترسل في النقد البناء ولكني حأكتفى بالملاحظة الأخيرة.. كونهو حينزلهو تاني بعد ما حرق، ما حيكون في شكل زول وراجل. طبعن مدير منتخب إنجلترآ الأسبق "ذي حكاية رئيس الوزراء الأسبق ووزير الأوقاف السابق" عزلهو لأنه قال: المعاقيين جسدين ديل بعدييييين بيرجعو لكن في شكبل حيوانات،، يبقى لو كان كاتب قطعة السمسية الكآربة من المولد الكبير،، (ما هو هناك عندكو زينب عندها وحسين عندهو والمنفلوطي والمنفكا وكدآ كلهو عندهو..) أبان لنا وأفصح عن هوية المدعو عثمان (قصدي المتوفي ومبعوث فينا) هل كان على شاكلة من من البشر. لكن سنعذره إن تحفظ على هوية المدفون خوفا من الشكلة .. ما هو مصيرها شكلة ولا أخفا شي ؟؟ مشكلة..
بابكر مخير :: كــاتب نشــط::

24-02-2010, 04:57 PM	#[11]
مجدي مسعد حنفي :: كــاتب نشــط::	سياحة في يوم الحساب يافتحي ياخي انا قبل شويه كنت معاك على المسنجر وكنت كويس ماعندك عوجه وحتى قلت لي قايم تصللي الحصل شنو
مجدي مسعد حنفي :: كــاتب نشــط::	التوقيع: [frame="9 50"]انا اصلي مامصدق إنك رحلت بعيــد دي الدنيا ياخالـــد بعدك جفاها العيد[/frame]

24-02-2010, 05:10 PM	#[13]
أبوبكر عباس :: كــاتب نشــط::	و الله انا كنت قايل فتحي دا ما عندو علاقة بالأدب زيي، لكن بعد كدا أحسن لي أمسك قوي في أبي محمد....
أبوبكر عباس :: كــاتب نشــط::