الفلاتة والهوسا....وجدل الهويّة

[أبوبكر عباس]

الرشيد عليك الله تعفى ليّ...
أنا كنت شاكي إنك إنت و أميري شخصية واحدة!
لحدي ما لقيتك كتبت:

إندغام.... إنبذرت..... صورة قزحية.....

نوع الكلام دا أنا ما بعرفو خلي أميري!
عشان كدا خسمتك بالرسول (موش السودانيون عامة *بحبوا المدينة اكتر من مكة و الفلاتة و الهوسا بحبوا مكة اكتر) تعفي لي....


* انت من السودانيين العامة

[فتحي مسعد حنفي]

المشاركة الأصلية كتبت بواسطة بابكر عباس

الرشيد عليك الله تعفى ليّ...
أنا كنت شاكي إنك إنت و أميري شخصية واحدة!
لحدي ما لقيتك كتبت:
نوع الكلام دا أنا ما بعرفو خلي أميري!
عشان كدا خسمتك بالرسول (موش السودانيون عامة *بحبوا المدينة اكتر من مكة و الفلاتة و الهوسا بحبوا مكة اكتر) تعفي لي....
* انت من السودانيين العامة

أها وانت من أنديناقصدي الخاصة ولاد المصارين البيض

[أبوبكر عباس]

المشاركة الأصلية كتبت بواسطة فتحي مسعد حنفي

أها وانت من أنديناقصدي الخاصة ولاد المصارين البيض

انا تبع الرشيد...
انتو الحلبة ديل فتحي و نبيل و رأفت بتحبوا من مصر و لي فوق

أبرى و استبرى منكم!

[أميرى]

المشاركة الأصلية كتبت بواسطة بابكر عباس

الرشيد عليك الله تعفى ليّ...
أنا كنت شاكي إنك إنت و أميري شخصية واحدة!
لحدي ما لقيتك كتبت:
نوع الكلام دا أنا ما بعرفو خلي أميري!
عشان كدا خسمتك بالرسول (موش السودانيون عامة *بحبوا المدينة اكتر من مكة و الفلاتة و الهوسا بحبوا مكة اكتر) تعفي لي....


* انت من السودانيين العامة

انا ما عافى ليك غايتو

[فتحي مسعد حنفي]

المشاركة الأصلية كتبت بواسطة بابكر عباس

انا تبع الرشيد...
انتو الحلبة ديل فتحي و نبيل و رأفت بتحبوا من مصر و لي فوق

أبرى و استبرى منكم!

يازول نبيل دا خاتي معانا مالكالزول دا انت جنبو خواجة وهو علاقتو مع المصريين زي علاقة المماليك بي مصر..دا سوداني حلفاوي قح اتولد واتربي في مصر زي ما أنا حلبي قح اتولدت واتربيت في السودان وبقت أخلاقي زي أخلاق أولاد كورتو بما فيهم الفلاتة وباقي الخلطات الأفريقية

[أبوبكر عباس]

المشاركة الأصلية كتبت بواسطة فتحي مسعد حنفي

يازول نبيل دا خاتي معانا مالك:

و الله يا فتحي الزول دا أول ما جيت المنتدى دا هرشني.... أها أنا قاصي ليهو بدو الديناري بتاع الرشيد دا، لكن وحاتك ما لقيت لي فيهو فرصة.... كلما يفتح ليهو بوست أفتحو ألقى ليك مانشستر سيتي.. شيلسي... الشئ الوحيد العرفتو نيوكاسل لانو دا إسم مرض بصيب الدواجن....

معليش يا الرشيد ممكن نرجع لموضوع البوست ودي فرصة نعرف منك الحرفا ياتم في الكورة الفلاتة؟ أم الهوسا؟

[الرشيد اسماعيل محمود]

المشاركة الأصلية كتبت بواسطة فتحي مسعد حنفي
يازول نبيل دا خاتي معانا مالكالزول دا انت جنبو خواجة وهو علاقتو مع المصريين زي علاقة المماليك بي مصر..دا سوداني حلفاوي قح اتولد واتربي في مصر زي ما أنا حلبي قح اتولدت واتربيت في السودان وبقت أخلاقي زي أخلاق أولاد كورتو بما فيهم الفلاتة وباقي الخلطات الأفريقية

أنا هسّع قلت حاجة؟؟؟
أميري..
رحم الله امريء خرج لشنو؟؟؟

[أميرى]

المشاركة الأصلية كتبت بواسطة الرشيد اسماعيل محمود

انا هسع قلت حاجة؟؟؟
و
اميري
رحم الله امريء خرج لشنو؟؟؟

للربا والتلاف

[فتحي مسعد حنفي]

المشاركة الأصلية كتبت بواسطة الرشيد اسماعيل محمود

انا هسع قلت حاجة؟؟؟
و
اميري
رحم الله امريء خرج لشنو؟؟؟

ونسي يربط كرفتتو

[الرشيد اسماعيل محمود]

قبيلة الهوسا :
قسم علماء اللغات اسم هوسا الي:
هو...بمعني اركب
سا...بمعني الثور
وفي المجمل معناها أركب الثور أو راكب الثور.
أنا لا أميل إلي هذا التفسير، لأن التسميات غالباً ماتحمل إشارات أو دلالات ذات صلة؛ وبما أنّ الهوسا لاعلاقة لهم بالماشية والرّعي فبالضرورة ألا يمثل الثور أيِّ قيمة أو دلالة معرفية بالنسبة لهم.

تعتبر لغة الهوسا الثالتة في افريقيا بعد العربية والسواحيلية من حيث الانتشار والاستخدام في كل افريقيا
وهي غنية بالمفردات العربية وهذا يرجع لهجرات جهينة وتميم الي افريقيا قبل الميلاد ومدي تأثر هذه القبيلة بتلك الهجرات
اوصاف الهوسا وطبائعهم:
تميل الوان الهوسا الاصليين الي السواد الناعم.
يعملون اصلا بالزراعة والصناعة الثقيلة والخفيفة والتجارة.
لهم عاطفة اسلامية قوية واهتمام بالغ بالقران وحفظه.
الالتزام بالعبادة الجماعية والتصوف وخصوصا التيجانية والقادرية.
هادئوا الطباع يميلون الي السلم ويصعب اثارة الهوسا الي مرحلة الغضب.
يميلون الي الثراء السريع.
كثيرا ما يلجأ فقراءهم الي الشحتة لغير ضرورة ملحة.
تخرج بنات الفقراء منهم للبيع والشراء الهامشي.
كرماء عند الضرورة.
لا ينصهرون مع غيرهم من القبائل الا ماندر.
يعتبر شرب الخمر عندهم عار اجتماعي.
ضعف استعداد التفاعل مع المؤثرات الحضارية عند كثير منهم وذلك لسببين:
الاول انهم يعيشون دائما في معسكرات اقتصادية منعزلة عن المجتمعات المتحضرة
ثانيا لمحافظتهم الدقيقة علي تقاليدهم ولغتهم وعدم
الاستعداد للفكاك منها حتي في اوروبا وامريكا .

في اعتقادي الخاص أنّ صعوبة إثارة الهوساوي إلي مرحلة الغضب، وحدها كافية للتمييز بين الفلاتة والهوسا، لأنّ الفلاتة عكسهم تماما، (قاعدين علي الهبشة-سارة نموذجا).
الفلاتة عكس الهوسا تماما يندمجوا مع أيِّ مجتمع ويحاولوا أن يؤثروا عليه لدرجة أنّ الفلاتي يجيك في محلك ويتسلط عليك ويصدِّر ليك إحساس إنو هو سيد المحل (عن تجارب واقعية).
مصدر الإقتباس:
الفلاتة في افريقيا ومساهماتهم..الطيب عبدالرحيم

[سارة]

ماشى انت اكتب بس

وانا باذن الله سوف اكون نموذجن حيا

والرهيفة التنقد

[الرشيد اسماعيل محمود]

بقي ان نشير الي ان الهوسا دخلوا الي السودان عن طريق الهجرات الدينية في موسم الحج حيث السودان
كان هو الجسر الرابط بين افريقيا ومكة لذلك يتخلف بعض الحجاج في السودان بعد انقضاء موسم الحج.
فيستقرون ويعمروا الارض( لاحظ الوجود الكثيف للهوسا في شرق السودان كسلا\القضارف نموذجا).
او عن طريق الهجرات السياسية ودي اقل وضوحا من الاولي ابان فترة المهدية مناصرين للمهدي لكنها هجرات ضئيلة.
اضافة الي انهم قوم يؤمنون بالعمل ويبذلون فيه جهدا مبالغا ولأنهم ناس زراعة فقد استوطنوا الاماكن الزراعية وتحديد الشريط المحاذي للنيل الازرق حيث تشهد منطقة جنوب النيل الازرق تواجدا كثيفا لهم.
استشهاد:

المشاركة الأصلية كتبت بواسطة بابكر عباس

عادل سلامات
عشقي للضفة الغربية للنيل الأزرق يمتد كاسراب السمبر من بتري للدمازين..
شوف يا عادل أهلنا الهوسا بالرغم من حداثة هجرتهم للسودان، إلا أنهم سكنوا أجمل و أغنى المناطق بالسودان، لانهم أهل عمل و زراعة..
عليك الله شوف جمال المنطقة دي من جنوب مدني لحدي الدمازين،
ما في أي شئ بخلي المنطقة دي ما تكون:
أجمل و أغنى منطقة في إفريقية

ثم..

المشاركة الأصلية كتبت بواسطة عادل عسوم

بابكر ياجميل
أؤمّن على ذلك
ذات الهوسا سكنوا (غرب) القاش فاضحى له فوت على شرقه!
أما جمال السوح -التي تذكر-فحدث عنه ولاحرج
والحرج -دوما-يتغشانا من (تالا) المتواكلين والمتكاسلين منا ياحبيب
شكري لك جزيل على جميل الأضافة
مودة تترى

http://sudanyat.org/vb/showthread.php?t=13291

من عادة الهوسا انهم دائما ينشئون معسكرات اقتصادية خاصة بهم في اطراف المدن والعواصم ويطلقوا عليها
زنقو zango او العشش وهذه بسرعة تتحول لتجمع كبير يضم كل قبائل وسط وشرق افريقيا ممن ليس لهم صلة بالهوسا مثل قبائل البرنو والبرقو
وهذه المعسكرات الاقتصادية التي تشبه المناطق المغلقة مردها كما ذكرنا سابقا لعدم قابلية الهوسا للاندماج مع الاخرين وتحبيذهم (فرز عيشتهم)
وهذه من الاسباب التي ادت الي عدم تأثر لغتهم الخاصة واحتفاظها بخصوصية كبيرة.
اضافة الي ان تكوين هذه العشش يعتبر من الممارسات السلبية نسبة لاثارها الاجتماعية وامتلاءها بعادات وسلوكيات غير حميدة تتم فيها وهذه بالطبع لايتحمل وزرها الهوسا لانه كما ذكرنا سابقا بأن العشش او ال(زنقو) ليس تجمعا اقتصاديا مغلقا علي الهوسا فقط بل خليط من قبائل افريقية اخري تري فيه مكانا جيدا للسكن وممارسة الحياة بلاقيود اجتماعية او مدنية مقيدة في اغلب الاحوال.
الهوسا قبيلة قدمت الكثير في كل المجالات ويظهر اثرهم واضحا في الاعمال الشاقة جدا ذلك انهم ذوي تكوين جسماني قوي جدا(زادهم الله بسطة في الجسم) لذلك فان بعض الاعمال ربما لايقدر عليها غيرهم.
انتشروا في السودان في كل الجهات وعمروا الاماكن التي نزلوا بها واصبحوا بذلك سودانيين مثل كل القبائل الاخري لهم مثل ما للاخرين من حقوق وعليهم مثل ماعلي الاخرين من واجب.

[محمد عبد الرحمن]

يا حليف يارايع
شنو الاندلاقة دي
قريت الموضوع طشاش بس خليني افطر واجي عليك

[الرشيد اسماعيل محمود]

المشاركة الأصلية كتبت بواسطة محمد عبد الرحمن
يا حليف يارايع
شنو الاندلاقة دي
قريت الموضوع طشاش بس خليني افطر واجي عليك

محمد عبدالرحمن
أقرا الموضوع وتعال عشان عارف عندك معلومات من واقع معاش..
في انتظارك يا حليف، ومرحب بيك في سودانيات.