اقتباس:
المشاركة الأصلية كتبت بواسطة محمد أبوعاقلة
واقفة كيف باللابتوب.!!!!
.
.
.
طيب ممكن تدينا (نبزة) عنو .. ربما نغيّر المعتقد ...
|
...
شووف الفيسبوك .. عبارة عن صفحة شخصية .. مفتوحة على صفحات تانية كتيرة .. بتحددها انت من خلال اهتماماتك !
الصفحة دي مسموح ليك تكتب ما تشاء من الــ notes قدر ما الله يقدرك !
وتلم اي حرف مبعثر وعاجبك في اي مكان تاني ، كان حقك ولا حق زول تاني ..
..
وتجمع صورك وصور ناسك وجيرانك وحبانك ... اطفالك واطفال اطفالك ...
ممكن تعمل مكتبة صور ، ومكتبة كتب .. ومكتبة اي حاجة عاجباك في الدنيا دي ... !
ممكن تقول اي كلام يخطر على بالك ، ودا ما يسمي بالتوثيق اللحظي ..
ممكن تسلم وتبارك وتهنيء وتعزي .. ودا كلو في مكان واحد ، بدون ما تكلف نفسك .. اي حاجة !
ممكن تعزم وتوجه دعوات وتعرف الجاي والما جاي منو ،
عشان تظبط الميزانية حقت الدعوة على الحضور !
ممكن تعمل قروب تلم بيهو ناس بينهم قاسم مشترك .. اي قروب يخطر على بالك ممكن تسويهو فورا ... ومن خلال القروب دا حتلاقى ناس كانوا رايحين منك سنين وسنين ..!
ياخي اقول ليك شنو ولا شنو ؟
الفيسبووك دا .. مكسب وخلاص !
