شاكوش

[محمد عبد الرحمن]

أستاذنا شليل

من حيث المبدأ انا معارض ترشح الديناصورات للرئاسة ( البشير, نقد, و الصادق. تاني في؟)

الناس ديل يمشو البرلمان (أذا ما استطاعوا سبيلا) يقعدو يونسو الناس و يستفيدو من خبراتم (ان وجد)

برغم مآخذي على الميرغني, تقديمو لحاتم السر, فيهو قراية كويسة لواقع الحال.

انا حا أصوت لنقد لأنه لا يدعو الي الدولة العلمانية، قد يكون هناك خطأ ما في النبذة..

الإجابة بتاعة الإنقلاب واضحة و فيها تحمل لمسئولية الانقلاب و التوبة عنه...

موضوع الصلاة كلامك صاح، لكن إجابتو برضو فيها رسالة إنو دا موضوع شخصي ما عندو علاقة بترشيحي للانتخابات

بابكر مرحب

ده الوتر البلعبو عليهو الجماعة بقذارة

انت مفتكر انو سواد الشعب الما(سوداني) الفضل بيفهم جنس كلامك ده

[طيبان]

سلام يا شليل وضيوف البوست ..
دا التسجيل المعاي .. تقريبا فيهو معظم النقاط المثيرة للجدل ..
شكرا للخال خالد الحاج علي المساندة الفنيّة ..


[align=center]
[rams]http://www.albrkal.com/upload/uploads/nugud.wma[/rams][/align]




ياريت يا شليل (أو يا خالد )لو قمت بتعديل الملف في مشاركتي الاولي إلي ريال بلاير بدلا عن ميديا بلاير..وتقوم بحذف اقتباسك للملف الصوتي ..
..

[الفاتح]

المشاركة الأصلية كتبت بواسطة الجيلى أحمد

أكيد ياصديقى لايمكننا مناقشة حوار دون طرحه كاملآ..

ولكن بشكل مبدئي
أصابنى بعض الاحباط
لأن مشروع الجبهة أصبح ينتج اتجاهات
تشايع مفهوم الفرد المسمم بخطاب السنوات السابقة
حتى داخل الانتلجنسيا

الحزب الشيوعي بالإخراج الشفتو أمس ده ، محتاج لمراجعه..
بحترم أستاذ نقد ، وغيرو من الأساتذه المتقدمين في السن والمتواجدين في مواقع إتخاذ القرار..
لكن ما لم تتغير الأوجه دي ، وتضخ دماء شابه جديده فعلى الحزب السلام.
ده كلام بتاع زول متابع بسيط ، ما عندو علاقة بالإنتلجستيا ، .. المواطن البسيط الشاف الجغمسه بتاعة أمس دي حيطلع بياتو راي ؟

[الفاتح]

المشاركة الأصلية كتبت بواسطة الجيلى أحمد

يابنج

نحنا مابنكضب (ونحنا دى انتا جواها),
دا سؤال شخصى وبيستحق رد مباشر وصريح,
المشروع الديمقراطى ماعندو علاقة بمسألة الدين
ورد نقد واضح,

يابنج الناس ماحتدخل فى موجة الدجل الشيطانى
عشان تكسب ليها صوتين تلاتة..!!

والدولة المدنية مفصولة تمامآ من النقة الفوق دى..
وخلينا ندور النقاش دا لأنو بالجد مفيد

مستجد سياسة يا بنج كان بيلقى في سؤالو ده مطيه لإنو يطرح برنامجو ناهيك عن كونو السكرتير العام للحزب الشيوعي..
إنت ليه بتغفل الناس البسيطين البيتابعو الحوار ده .. تكوين الناس البسيطين ديل ، إنو (الصلاة عماد الدين ) لمن تجاهر ب ( فمن تركها فقد ترك الدين ) ما بتلقى زول يقيف في صفك..
حليل أركان الجبهه الديمقراطية .. نوعية الأسئلة الفطيره الزي دي ، بتخمًرها وتخبز فكرتك وبتصلو ويتقبلا..
أستاذ نقد ، ضاق ذرعاً بالحوار ، ويفترض إنو يساءلوهو..
قصة الدولة المدنية ده بجيهو بعد ما تشاهد/ تستمع للحوار

[الفاتح]

المشاركة الأصلية كتبت بواسطة الوليد عمر

[align=center]...........[/align]







[align=right]تحياتى يا شليل


كان ممكن الإستفادة من المساحة الإعلامية دى
فى التركيز على البرنامج أكثر من الوقوع فى المطبات
العمدية و الإجابة على الأسئلة الشخصية السافرة.

و كان من الأجدى تفادى الإجابة بعنف على
نوعية تلك الأسئلة البلهاء

ليس من باب التوارى خلف مفاهيم الممكن
و المفترض ، و لكن من باب التأسيس على الواقع

الناخب البسيط يتأثر بمثل هذا الوضوح العنيف
تجاه قضايا الدين والمجتمع وتتأثر خياراته
وإنحيازه للحرية و الديمقراطية و الذى يجب أن يهتم الجميع
بتوجيهه نحو الإتجاه الصحيح .




















يمكن دى النقطة الوحيدة الإيجابية الطلعنا بيها من الحوار.






مودتى.

[/align]








[align=center]...........[/align]

إزيك يا الوليد..
كالعادة مداخلاتك ملانه ، ومتفق معاك في أي تفصيله قلتها
أبقى طيب.

[ابومشعل]

[align=justify]شليل يا خوي

احتراماتي لك

نقد صلي - اماماً - للشيخ الترابي والصادق المهدي والمرغني بعد دخولهم المعتقل في سجن كوبر عقب انقلاب الانقاذ وتلك معلومة موثقة لا ياتيها الباطل من خلفها ولا من امامها .

فهل كان مطلوب منه ان يجيب على سؤال مفخخ ومراداته معروفه ومكشوفه للاستاذ نقد مسبقاً ؟ اعتقد ان وجهة نظرك بانه كان غير حاضر الزهن وغير مركز ان لم نقل مشتت هى التوصيف الصحيح لحالة الاستاذ نقد .

على كل حال هناك وجهة نظر اخرى انقلها للبوست لافادة الفكرة وان كانت تتحدث برؤية اعمق عن الاهداف الخبيثه من تلك الحوارات والحملات مما يعني ضرورة ان تكون اكثر خبثاً وحضوراً وانت تجيب عليها .

-------------------------------------------------------

نقلاً عن سودانيل

تابعت كغيري من السودانيين منابر الانترنت المهتمة بالشأن السوداني في الفترة الاخيرة، وشهدت الظلم والتجريح الذي يتعرض له سكرتير حزبنا، السيد محمد ابراهيم نقد، من اعداء الحزب من اليمين واليسار وايضا هالني مدى العون الذي يقدمه بعض اعضاء الحزب لهولاء. لا استغرب موقف اعداء الحزب ولكني احتار من مواقف بعض اعضاءه. في ثلاثة مواقف حوارية : قدم نقد شهادة في موضوع حلايب في احد تلك المواقف، وصرح في الموقف الثاني اثر سؤال مغرض عما اذا كان يصلي فصرح بانه لا يصلي ، و ايضا قال بان المؤتمر الوطني هو الحزب الاكثر حظا بالفوز في الانتخابات القادمة وان فوز البشير يتماشى مع مواقف القيادات الجنوبية التي وقعت معه نيفاشا واضيف انا يشاركون البشير الرغبة في فصل الجنوب من الشمال. في اي من هذه المواقف لم يقل نقد الا الحق، وما يراه في المشهد السياسي السوداني. ولكن اتخذ البعض ذلك منصة للانطلاق للهجوم على محمد ابراهيم نقد في محاولة مكشوفة للنيل من الحزب والطعن في قيادته. فهل قول الحقيقة عيب؟

شهد السيد محمد ابراهيم نقد بان الحكومة المصرية كانت قد قدمت له واخرين دعوة في فترة سابقة واثناء الزيارة والمناقشات حول مثلث حلايب اطلعهم المصريون على وثيقة من ايام التركية كانت الحكومة المصرية انذاك قد ارسلتها للسلطات في السودان تطلب منهم الاشراف الاداري على منطقة حلايب. محمد ابراهيم نقد رجل معروفة صلته بالوثائق والتوثيق، ويعرف ان الحق يؤول في مثل هذه المنازعات الي جانب من يمتلك وثائق تسند دعواه، وايضا اقر بانه لا يعلم ما اذا كانت الحكومة السودانية تملك وثائق مماثلة تثبت ملكيتها للمثلث وانه لم يطلع على اي رد من حكومة السودان على طلب المصريين حينها، بلفت نظرهم بانهم يعطون ما ليس لهم، او اي وثائق لاحقة. المروة والنزاهة والخلق السليم تحتم على الانسان ان يشهد بالحق ولو على نفسه. موقف نقد يشهد له بانه قال الحق بان المصريين يملكون وثيقة تاريخية قد تساعدهم في حال النظر قضائيا للمشكلة. قامت الدنيا ولم تقعد، البعض طعن في وطنية نقد والبعض قال بانه كان سوف يغطي الحقيقة "ويغطس حجر المعلومة " ولكن لم يفتح الله على هولاء بان قول الحق مأثرة، وصفة مطلوبة في القائد، ولم يجول بخواطرهم ان يطالبوا حكومة الانقاذ بابراز كل الوثائق المتعلقة بموضوع حلايب وعرضها على كل السودانيين، ليتسنى لهم الاستناد عليها في صياغة خط سياسي يلف الشعب السوداني حول القضية ويناهض الخط المصري ويقوي موقف السودان. ولكنه الغرض الذي يعمي الافئدة! هل اخطأ نقد ام قصرت الحكومة السودانية؟ هل اخطأ من قال الصدق ام نافق من يريد لي عنق الحقائق ودفن المعلومات؟ هل اخطأ من قال الحقيقة ام من ينساق خلف الاماني؟ للقارئ ان يحكم!

الحركة الشعبية وقعت اتفاق نيفاشا مع حكومة الانقاذ. الاثنان حرصا على استبعاد الاحزاب السودانية الاخرى واقصاء الشعب السوداني ممثلا في المجتمع المدني والنقابات من المشاركة في صياغة بنود الاتفاقية. فعلا ذلك لان لهما مصالح في الاتفاقية بشكلها الموقع، وخدمة اهدافهما السياسية كانت هي حاديهما ومحفزهما. المنطق يقول الموقع على الاتفاقية هو الاحرص عليها لانه وقعها ويعرف ان تنفيذها يحقق ما يريد. لا يخفى على احد ان قادة حكومة الانقاذ حريصون على فصل الجنوب لاهداف في انفسهم يعلمها كل الناس، وايضا يعرف الكثيرون ان القيادة الحالية للحركة الشعبية احرص على مصالح الجنوب من مصلحة السودان ككل، وبعض قادتها لا يخفي ان اقصى امانيهم هو الانفصال وتكوين دولة في الجنوب. من كل ذلك من السهل الاستنباط والاستدلال على ان فوز البشير في الانتخابات يسرع تحقيق ما يصبو اليه بعض قادة الحركة الشعبية وان ذلك يصب في مصلحتهم. محمد ابراهيم نقد قال ان فوز البشير في مصلحة الجنوبيين ويعرف كل ذي حس سليم انه يقصد ما هو اعلاه وبذلك يريد ان ينبه ان انتخاب البشير في خدمة مصالح الانفصاليين في الحركة. ولكن مرة اخرى وضع الكلام في قالب ليبدو ويدل على غير ما قصد به ويتحول سهاما مسمومة لرمي الحزب وقيادته. الاهم الان ليس جندلة محمد ابراهيم نقد والتعريض به لان ذلك يخدم الانفصاليين في الشمال والجنوب، الهم هو العمل لتحبيط خطط الانفصال وصيانة الوحدة، واجب الساعة ليس جزارة محمد ابراهيم نقد وحزبه بل شد ازره والعمل معه لاسقاط الانقاذ وفضح نوايا الانفصاليين. محمد ابراهيم نقد اشار الي موضع الداء ومكان الخلل، هل ينقذ المريض حصب الطبيب بالحصى واطفاء النور؟

ثالثة الاثافي هي الحملة الجارية الان ضد الاستاذ محمد ابراهيم نقد بعد تصريحه لاحد الصحفيين من ذوي الغرض، بانه لا يصلي "حاليا". هل محمد ابراهيم نقد هو المسلم الوحيد الذي لا يصلي؟ في الحقيقة اذا اجرينا دراسة بسيطة جدا سنجد ان الغالبية العظمى من المسلمين لا يقومون بواجب الصلاة، نسأل الله ان يهدينا واياهم. لكن السؤال المهم هو هل اداء الصلاة كفاءة مطلوبة لحل مشاكل السودان؟ اذا كانت كذلك اذا لماذا يتدهور الحال في السودان كل يوم؟ عمر البشير يصلي ويقوم الليل وسمعنا انه يختم تلاوة القران بصورة راتبة، لماذا شهد السودان تحت سيطرته على الحكم اسوأ حالاته في تدهور الاخلاق والمعاش؟ ام هل يطلب منتقدي نقد من الرجل ان يكذب ويقرر بانه يقوم بما لا يفعل؟ اذا لماذا يعيبون على الاسلاميين الكذب حين استولوا على الحكم في السودان فصرح البشير وبطانته بانهم لا ينتمون للجبهة الاسلامية ولماذا يعيبون على الترابي الكذب حين ارسل تلامذته للقصر وذهب الي السجن وظن انه يخادع الله والشعب؟ عندما سأل الرجل الرسول صلى الله عليه وسلم ان ينصحه بما ينفعه في حياته ومماته، قال له الحبيب المصطفى:"لا تكذب"! وعندما سأل بعضهم صلى الله عليه وسلم: هل المسلم يفعل الفواحش، قال ان المسلم قد يزني وقد يسرق ولكنه لا يكذب! معيار انتماء محمد ابراهيم نقد لمعايير الثقافة والدين الاسلامي هو انه لا يكذب مهما كلفه ذلك. انا افخر باني انتمي لحزب قائده لا يكذب ولا يتملق وانه يقول الحق ولو على نفسه وانه رائد لا يكذب اهله. فليفخر الشعب السوداني بان محمد ابراهيم نقد ابنه البار وقائده المثقف.

اعداء الحزب يتمنون ان يجدوا قائد الحزب الشيوعي في موقف كذب ولو مرة ويغيظهم انه رجل مستقيم ويقدر الحق ويقول الحقيقة. وذلك يضعهم في اضعف المواقع حتي يضطروا الي مفارقة الحس السليم والخلق الاسلامي و السوداني القويم فيهاجمون من شهد بالحق وقال الحقيقة. هل اضعف من ان يقول احدهم بانه كان سيخفي الحقيقة ويشهد بالزور بدلا من ان يقف موقف محمد ابراهيم نقد؟ هل اضعف من ان يستخدم المؤتمر الوطني واشياعه سلاح تفتيش الضمائر والنوايا لتحقيق اهداف دنيوية زائلة ويساندهم اعداء الحزب، هل الصلاة لله ام لكسب الاصوات، ولماذا لم تمنع الصلاة اعداء الشعب من الفشل؟ والله العظيم لو وضع محمد ابراهيم نقد الشمس بيمينهم والقمر على شمالهم لما رضوا عنه! [/align]

بدرالدين موسى

[أبوبكر عباس]

المشاركة الأصلية كتبت بواسطة شليل

1/ ... ممكن توريني السبب الخلاك تفكر إنك تدي صوتك لنقد ، وما تديهو للصادق شنو ؟ ولاء.. وللا حاجه تانية ؟
.2/.... الجانب التاني الحزب الشيوعي على مر السنوات كان ما بيتحمل مسئولية الإنقلاب ده ، وبيقول قاموا بيهو ضباط أحرار ووو،.. هل الحزب الشيوعي بيتحمل خطيئة الضباط الأحرار !
..

مساء النور
1/ ببساطة يا شليل أنا إشتراكي عشان كدا نقد أفضل لي من الصادق ..

في اشاره لانقلاب 71‏_

‏
2/ الحزب الشيوعي لم ينكر إنتماء قادة حركة 71 للحزب الشيوعي لكن بنكر انو الانقلاب حصل بموافقة الحزب الشيوعي

[الفاتح]

المشاركة الأصلية كتبت بواسطة سمراء

حقيقه بدون فهم انا تابعت الحوار وللاسف الشديد وطلعت منو بالاتى :-

شكل القعدة بالنسبة لى المحاور والمحاورين ماكانت بتوحى بالراحه لنقاش مهم ورسالة حزب - غايتو انا حسيت فيها نوع من الاستخفاف وكأنو متهمين ....(ماعارفه ليه) ده فهمى غايتو .

استاذ نقد كان بتكلم وكانو فى محكمة ، وبتكلم بطريقه مابتشبه تاريخو فى اللغه الحوارية الزكية
المفترض تكون رسالة مشبعه فى زمن ضيق .....يعنى اتوقعته انو يركز على اشياء داعمة

معظم الاسئلة من الضيوف (الاسلاميين) كانت بتدور حور محور الالحاد ، ومفهوم بعد الشيوعيين عن الدين ...الامر الخلق نوع من الارتباك الغير متوقع من المستضافين ....

باختصار ماقدرو يوصلو الرسالة المفترض تصل بصورة متكاملة من الناحية الشكلية والموضوعية نتيجه الجو العام لشكل الندوة ...

بالضبط ، حتى الإستفزاز ده إتجر ليهو أستاذ نقد ، وضاق ذرعا بالأجواء دي : وقال ياخ أنا ذاتو الشاكوش ده ماعارف إختارو ليه؟ لكن ممكن أديك ليهو لو داير..
تحس بيهو منهزم.. وما واثق من روحو ، ومن طرحو..
الإنهزاميه دي ظهرت في : تسليمو بإنو النتيجة حتكون لصالح البشير.. طيب ياخ إنو لو عارف النتيجة دي عملت شنو عشان تغيًرا ؟ طرحك وين ؟ هل بالحاجه التمت أمس دي بتتوقع إنو ناس يمشو يصوتو ليك ؟ وقبل كده : علاقتك شنو مع الجماهير إللي آثرت إنك تبتعد عنهم ، وتنحاز لكراسي البرلمان.. لا قعادك ده شرعي ، ولا إنقاذك شرعية.. والحاجه السويتا دي ما بتخرج من إطار إنك ( شوكشت ) عضويتك
عدم الثقة ظهرت برضو في قولو بإنو الإنقاذ أفضل للحركة الشعبية .. ودي بتنسف أي بارقة أمل قد يعول عليها المواطن السوداني بإنو قد يحصل تغيير بشكل أو بآخر.. كالتحالفات مثلا..

[طيبان]

المشاركة الأصلية كتبت بواسطة شليل

يا دكتره.. اكتر حاجه مزهجاني إنو حنين إتفسح فيهم بشكل سخيف..
بداية لمن سألو وريثك منو؟.. ولمن نقد أجاب بإنو مافي نظام الوراثه في الحزب ( وتاني إستدرك بشكل ما فاهمو : يجوز ).. إتهكم عليهو ، وطال خصوصياتو في إشارتو المغتغته : بإنو إذا ما متزوج بالتأكيد ما حيكون عندك وريث..
الجلسه ما كان معد ليها ، واضح من نقد إنو كبر في سنو ، وكان بيعاني مشاكل في السمع ، وضيع كل الوكت في إعادة الأسئلة.. غير كده ، جارى حنين في تهكمو.. والتسرع في الإجابات الجاهزة ، وما مركًز ، ومشوًش.. وكان تارقت لحنين وللصحفيين إنو يتفسحوا فيهو..
وبالتالي إهتزت صورتو بالنسبة للمشاهد إللي أساساً الإعلام ما قصًر في تشويهو..
إنا لله

أتفق معاك ..
عدم التنسيق كان واضح جدّا .. ومحاولة تشتيت تركيز نقد من جانب بابكر حنين كانت ظاهرة وعدم مقدرة نقد علي إلتقاط الأسئلة جاطت الحكاية زيادة ..
الإرتباك ظهر أكتر لما حنين ذكر كلام نقد القبل الحلقة ..والغريبة إنو نقد أكّد علي قولو بإنو البشير ح يفوز ..ولما جات نقطة عدم قدرة عرمان علي الفوز ..قال أنا ماممكن أقول منو يفوز ومنو ما يفوز ؟؟؟..وبثينة خرساني حاولت ترميم النقاش وفشلت تماما ..

أداء ضعيف جدا للحزب الشيوعي في حلقة كان ممكن إستثمارها بشكل جيّد..

[الفاتح]

المشاركة الأصلية كتبت بواسطة ابومشعل

[align=justify]الاخ شليل
صباحاتك منوره ... وشواكيشك مهنده

حقيقة لم اشاهد اللقاء الحواري للاستاذ نقد بالنيل الازرق لكن والدتي اطال الله في عمرها ستينية - تحب البشير - ولا علاقة لها بالكوزنه - وبمجرد وصولي للبيت وجدتها في انتظاري لتنقل الي ملاحظاتها على الحوار وقد تمثلت في النقاط التاليه :

1 - نقده ده بقى راجل كبير وسمعه قلا .
2 - الجماعة القاعدين في الاستديو ومقدم البرنامج زرزروه جنس زرزه .
3 - مقدم البرنامج بابكر حنين كان قاصد نقد عديل كده واده جنس اسئله لو انا كنت محله كنت زعلت وطلعت من البرنامج لكن اظنوا عشان داير الرئاسة أستحملن كتير .
4 - سالوه عن قصده من موضوع الدولة العلمانية ومعناها شنو ما عرف يقول حاجه ، وقال ان بعرف الدولة المدنية وهي برنامجنا .
5 - سالوه عن الصلاة ما كضب عليهم قاليهم رغم انه موضوع شخصي لكن بجاوبك عليه انا ما بصلي .

فياخي شليل ... تلك انطباعات الوالدة وبالتالي يمكننا ان نجعلها معيار او قياس لرؤي من هم في جيلها او شريحتها العمرية بصرف النظر عددهم او نسبتهم من مجمل المشاهدين حالياً و الناخبين في مرحلة ثانية اخذين في الاعتبار موقفها الشخصي او خليفتها السياسيه قبل مشاهدتها للحوار فهي ترى ان نقد ما كضب في موضوع الصلاة لكنه ما كان بعرف يتكلم ويرد على الاسئله بطريقة مفهومه ، وما كان في تنسيق بينه والناس الكتبوا ليه البرنامج حقه قبل دخوله للحوار .
وراجعلك براي وتقييمي بعد مشاهدة الحوار .


[/align]

إزيك يا أبو مشعل..
الوالده الله يطول في عمرها إلتقطت ببصيرة عميقة إنو المرشح الرئاسي :
1/ راجل كبير وسمعو قلا 2/ زرزروه جنس زرزره3/ ما كان بيعرف يتكلم 4/ ماكان في تنسيق بينو وبين الناس
في تقديرك يابنج: الصفات الإلتقطتها الوالده دي بتخولو لإنو يكون رئيس !

[أميرى]

المشاركة الأصلية كتبت بواسطة شليل

إزيك يا أبو مشعل..
الوالده الله يطول في عمرها إلتقطت ببصيرة عميقة إنو المرشح الرئاسي :
1/ راجل كبير وسمعو قلا 2/ زرزروه جنس زرزره3/ ما كان بيعرف يتكلم 4/ ماكان في تنسيق بينو وبين الناس
في تقديرك يابنج: الصفات الإلتقطتها الوالده دي بتخولو لإنو يكون رئيس !

ـــــــــــ
كفوا ايديكم عن نقد يا شليل
حاكموا مؤتمركم الخامس فقط لا غير...
(واو الجماعة باعتبارى خاتيك شيوعى يعنى)
لو ما كدة شيلها وما تشتغل بيها....

ـــــــــــ
اذا كانت اجابة نقد عن الصلاة هى الاجابة الحاسمة
فى كسب اصوات الشعب السودانى
فنقد بصلى يا اخوانا....
أمّ بالامس صلاة جنازة أون لاين عليه وعلى الرفاق...

ـــــــ
ثم هنيئا لعادل عبد العاطى

ـــــــــ
وما تنسوا...
ناس عبدالحى يوسف بالطرقات والفرصة مواتية
لحادثة معهد المعلمين من جديد...

[سمراء]

المشاركة الأصلية كتبت بواسطة أميرى

ـــــــــــ
اذا كانت اجابة نقد عن الصلاة هى الاجابة الحاسمة
فى كسب اصوات الشعب السودانى
فنقد بصلى يا اخوانا....
أمّ بالامس صلاة جنازة أون لاين عليه وعلى الرفاق...

...

بركة يايمة نقد المرقك من الشرنقة يايسور ى حمدلله بالسلامة

بعدين نقد ده بعضمة لسانو قال ماقاعد يصلى حالياً ! اها داير تغالطو كمان !

وصلاة الجنازة دى مامقياس لى صلاة الزول ..يعنى باعتبار انو اتعصر ومالقو زول ..او انو الكبير قام صلى بيهم .

بعدين هو صلاتو او عدمه مادخلة فى الموضوع لو الناس بقت عليها ....بس كان الكلام فى شكل الحوار العام والردودو ..

فهمتنى ياود ؟

[الفاتح]

المشاركة الأصلية كتبت بواسطة محمد عبد الرحمن

أستاذنا شليل

من حيث المبدأ انا معارض ترشح الديناصورات للرئاسة ( البشير, نقد, و الصادق. تاني في؟)

الناس ديل يمشو البرلمان (أذا ما استطاعوا سبيلا) يقعدو يونسو الناس و يستفيدو من خبراتم (ان وجد)

برغم مآخذي على الميرغني, تقديمو لحاتم السر, فيهو قراية كويسة لواقع الحال.






بابكر مرحب

ده الوتر البلعبو عليهو الجماعة بقذارة

انت مفتكر انو سواد الشعب الما(سوداني) الفضل بيفهم جنس كلامك ده

إزيك يا محمد
- وعليك دينك لاحقاً خاطبني بشليل ، وللا أخوي ، وللا أي حاجه ، لكن ما تخت حاجز -
الشعب السوداني ده مل من الوشوش المتكرره.. ووضحت الحاجه دي في التسميات الصارخه ( قرفنا ، كفايه ) إللي بتعبر عن واقع الحال إللي الديناصورات أسمهمو بشكل أو بآخر في ترديهو..

الناس ديل يمشو البرلمان (أذا ما استطاعوا سبيلا) يقعدو يونسو الناس و يستفيدو من خبراتم (ان وجد)

البرلمان ما حبيضيف ليهم نقله ، الواقع السياسي ده مهترئ بخطابو وشخوصو ومنتوجو.
إنا لله

[أشتر]

(حنيني) إليك ...

[أميرى]

المشاركة الأصلية كتبت بواسطة سمراء

بركة يايمة نقد المرقك من الشرنقة يايسور ى حمدلله بالسلامة

بعدين نقد ده بعضمة لسانو قال ماقاعد يصلى حالياً ! اها داير تغالطو كمان !

وصلاة الجنازة دى مامقياس لى صلاة الزول ..يعنى باعتبار انو اتعصر ومالقو زول ..او انو الكبير قام صلى بيهم .

بعدين هو صلاتو او عدمه مادخلة فى الموضوع لو الناس بقت عليها ....بس كان الكلام فى شكل الحوار العام والردودو ..

سمورة ياخ الله يسلمك أهو بقت حردة ومعاها حول فى العيون...
عاينى يابت وينها الايقونات عشان اشوف كلامك دة شايت وين؟
انا عن نفسى ما شغال بى حكاية بصلى ولا ما بصلى يا سمراء
عن نفسى كنت ممكن انتخب قرنق لو لسة موجود ورشح نفسه
للرئاسة...قرنق بصلى؟ اقصد مسلم؟..بس اكيد فارقة مع ملايين
وجملتك الاخيرة بتاعت كان الكلام فى شكل الحوار العام وردود
دى ما راكبة عدلها يا سمراء؟...ما ممكن تفصلى سياق عن سياق
البرنامج ما اسماء فى حياتنا و مجرد ونسة تتقال ويلبس نعلاتو ويمرق

عجبتنى الكلمة دى..

فهمتنى ياود ؟

ولد دة