من أجل الأيدلوجية.. انتخبوا زكريا

تاج السر الملك · 26-03-2010, 04:49 PM

من أجل الأيدلوجية.. انتخبوا زكريا

تجربتي مع الانتخابات في السودان، تجربة خائبة باطلة بكل المقاييس، تفتح وعي عليها و أنا طفل أبان الحقبة التي تلت ثورة أكتوبر، والتي صلى فيها الأمام النميري صلاة الغائب عليها ولما تبلغ الحلم، و لعل كل ما علق بذهني من صورتها، هتاف ساذج يقول ( الفانوس حرق القطية)، و يخيل لي أن ثبات هذه التحفة اللغوية في عقلي، كان بسبب من الإثارة التي تبعثها في عقلي الصبياني المتوفز للخراب ، أو لأن أبي كان يميل إلى مرشح الفانوس، فصرنا أبناؤه بالضرورة من ( دعمته) دون أن يكون لنا أي خيار تحت سقف الديكتاتورية الأبوية الصارمة، جاء النميري إلى الحكم بعد ذلك، فلم يعد للرموز الانتخابية وجود، لم يعد لها مكان غير سطح ( الكرتلة)، الفانوس، القطية، الفرار، السلوكة، البرمة، و نجمة المريخ.
بيد أن بعض أنواع النشاط الديمقراطي ، ما لبثت أن أطلت بوجهها في حياء و خفر، شهدنا منها في عطش حقيقي للممارسة الديمقراطية، انتخابات ( اتحاد مزارعي الجزيرة و المناقل) ، و انتخابات ( دار فلاح للغناء الشعبي)، و تمخض عن أخريات ، ظهور منتخبات ( شباب التاكا) ، و منتخب (فريق أولاد البحر)، وفاز من فاز برئاسة مجالس إدارات و أندية رياضية ، ثم برزت للوجود مصطلحات سياسية جديدة، من بينها ( القرعة) و ( الطرة و كتابة)، ثم ( شختك بختك)، و امتلأت ملفات و أضابير بدرر الأدب السياسي الجديد، بدءا بنظرية ( بالملايين قلناها نعم) و التسعة و تسعين و تسعة من عشرة بالمائة، فوز ساحق للمشير رحمه الله.
ما غاب عن خاطرنا ذكر مراكز اقتراع ( توتو كورة)، و التي اهتم الناس فيها بتصليب مربعات جداولها الأنيقة، أملا في الفوز ( بالأفنجر) و بعض مال جزيل، أشباعا لرغبات ايدولوجية دفينة في نفوس الفقراء منا، و بالأصح كلنا، وقف الناس صفوفا في سلوك حضاري أصيل، حتى قضى على الكورة و التوتو نفر من ( سناجك الدعوة) جاءوا على متن ( الفور ويل درايف الأسلامي)، بمساعدة اللواء اركانحرب السابق، بعد اكتشافه المفاجيء للأسلام عوضا عن النفط!
وكان ان تمفنست ( من مانيفيستيشن)، قلنا تمفنست الرغبة في نظام شورى يحقق العدل الاجتماعي، فنجح برنامج ( جراب الحاوي) التلفزيوني أيما نجاح، و تعلل الناس عن شقاء الدنيا و ظلم الحسن و الحسين، و طابت خواطرهم حين سماع ( دخل ايدك في الجراب ... اوعى من الفاضي)!!! و تحولت الدنيا أمام ناظريهم إلى ( دبنقا) ندردقها ( بشيش) جهد الطاقة، و حينما تأبت و تمنعت تلكم الديمقراطية، وأصاب القوم الهم العظيم و اليأس المقيم، منح الناخبون أصواتهم في استسلام كامل و بمحض إرادتهم، إلى قنصل المملكة و قنصل الأمارات و قنصل الجماهيرية، وانعم به من فاز بالفيزا ( الحرة)، و قبل أن ( ننتهي على كده)، قال جارنا العزيز، أن السبب في عدم حصوله على الفيزا، أن حماته قد دست له العمل، و أنها تمارس ( الفنقوسية) سرا، حين يغطي الليل الجبال.
أتت الأنتفاضة الأبريلية، فوجدتنا في حيرتنا منشغلين بالسؤال الشكسبيري ، فصل دراما آخر ساعة
عبد الصادق انتحر أم نحروه ؟؟؟؟
فأدلى العسكر كالعادة بالتصريحات إلى ( البي بي سي) و ( رويتر)، و تأملن النسوة كالعادة في وسامتهم
سوار الدهب احلى ولا عثمان عبدالله؟؟؟ الجزولي ما كشفة.
و لا نستبعد أن يكن غنين لهن، خصوصا الطقطاقة، فهي لا تدع سانحة تمر دون أن تطقطق فيها، فيحمل العساكر ( عصاية الأبنوس) تذكارهم المفضل من الجنوب، تلك التي تشبه ( كدوساً عظيماً)، ابشري...ابشري...أبشري، و ذاك لعمري أس الديمقراطية في الأدب الشعبي المعاصر، و ( جدليهن اذا ما عاد) أو أذا عاد فجدلينا، والأمر للمتبصر، سياااااان.
بيد أنني أعود في حيرتي، أسائل أهل العلم، عمن جاء باختراع الرموز للمرشحين و المترشحين؟؟؟ ما هو المعنى المقصود برمز ( الحمار) الذي يمثل الحزب الديمقراطي الأمريكي، و الذي من ضمن عضويته الرئيس الحالي (باراك حسين اوباما؟؟ و الذي لو قدر له أن يولد في كينيا ، لكان ( سواق متاتو زى العجب)؟؟؟؟ ما معني الفانوس و القطية و الكباية الشوب، و عصاة الأبنوس و شوربة العدس و الربابة و شايب الديناري و بت الشيريا، و المجروس، و مدفعية صلاح الدين و كتيبة جعفر و صيف العبور و خور عمر و النهج الإسلامي لماذا و مركز صحي اللاماب بحر ابيض و كبري بيكة.؟؟؟
و بذكر الرموز، فقد أتانا حديث مرشح غرب القاش ، أبان صحوة ديمقراطية مايوية قصيرة الأمد، ترشح فيها السيد زكريا، رمز البطارية، فجرى ( الهايلوكس موديل ستة وسبعين)، في طرقات المدينة هزجا، يحمل على صفحتيه شعار المرشح (انتخبوا زكريا لحماية الأيدلوجية)، روى صديقى، و العهدة على من روى، أن قصيدة تقديمه إلى المنبر ليخاطب الجماهير، كانت من سجع كهنة التكارين الذين ( جابوا رمضان و الكدنكة بالواد) كما يلي
زكريا
رمز البطارية
لحماية الايدلوجية
يجيد اللغة الانجليزية
و لولا ظروفه العائلية
لأجاد الفرنسية
و قد علمت حيث لا نفع و لا جدوى لمعلم، بأن الأيدلوجية، ما هي إلا السلطة و الثروة في حقيقتها، و أن الأيدلوجية ، خلقت ( الفولغا القبيحة)، و بعثت بالكلبة ( لايكا) لتتبول في الفضاء، و صنعت راكوبة ( الفيس بوك) و قريبا ( الفيس بوكس)، و قضت على التمساح الذي ( غلّب الشايقية)، و تنبأت بالكوكب ( نيبرو) و خلقته اختلاقا حتى يتسنى للفيلم أن ينتشر، و أن يبيع حتى لا يتبقى درهم في جيب عاقل بالغ، و تمددت الأيدلوجية تبيع للناس صكوك الغفران و تخبيء مال النفط ، و اهتم أصحابها بتنوير الناس عن عظم ذنب من يشتري ( طرمبة موية)
( عاد نان ياجماعة الكلام ده ما بيصح، المويي دي ما حقت الناس كلهم، علا البترول ده حق الناس الصالحين، يبنوبو الجوامع و يدبلوبو النسوان ، انتو مالكن كدي)
آمنا و صدقنا، و(شحدنا) الله ، تطلعو يوم القيامة أوائل الدفعه.

خالد الحاج · 26-03-2010, 05:05 PM

الله يجازيك يا تاج .. والله إنت الرايق ومافي زيك

حقو مقالتك دي تكون مقرر لكل مدعي السياسة وكتابها في النت . يقروها صباح مساء..
قدونا يا أخي بانتخاباتهم "المخستكة " دي .

أحكي ليك أنا واحدة كمان :

كان مندوب النيل الأبيض في الدمقراطية الثانية اسمه (الشعار) .. اتحادي .
الجماعة ناس الدويم كانوا بيعانو من مشكلة عدم وجود قابلات-دايات- . وكانت النساء يمتن في انتظار البنطون وفي بعض الولادات المتعثرة .
أها الجماعة مشوا للشعار وطلبوا منه كمندوب في البرلمان يخاطب وزارة الصحة وأهل الحظوة في الخرطوم .
زولنا تعب وعمل ندوة كبيرة في الدويم .
في الندوة تحدث الدكاترة عن أن القابلات ضرورة وأن المسألة حياة وموت وليست ترف.
وتحدث السيد الشعار عن أهمية القابلات وضرورة توفيرهن .

في زول لابس ليه عمة ترباسية قاعد قدام رفع يدو عشان يتكلم . طنشوا ..
تاني قعد يتطقطق في اصابعينو نظام "استاذ استاذ"

أها الشعار قال ليه : قول يا زول في شنو ؟
وقف علي حيلو ، صلح عمتو وتحدث :
يا جماعة موضوع القابلات ده خلوه . سويتولنا شنو في حكاية الدايات ؟ نحن نسوانا قاعدات يموتن في البنطون ؟

قام السيد الشعار نهرو ليك : أقعد يا زول يا غبيان . القابلات يعني الدايات . أقعد .

صاحبنا قعد يا تاج إلا واجعاهو النهرة .
تاني قام رفع يدو : طنشوه ..
أها بقي ينادي : يا الشعار .. يا الشعار ..
الشعار رد عليه بي نهرة :في شنو يا زول ؟
وقف علي حيلو ... صلح عمتو

وقال :
الشعار أخوي .. دحين سكر شبشة قمتبو جت ؟

تاج السر الملك · 27-03-2010, 02:07 AM

خالد ود الحاج

القددان حاصل غايتو انشا الله الناس تلقا الفي مرادا
ما يجيبولينا الشعار الما بيفرق بين الداية و القابلة يبقى رئيس كمان
السودان ده ما مضمون
هسة لو في زول دعا ليه في العيد ( القابلة في منى)
بيتجهجه ( داية شنو الفي منى) .

الوليد عمر · 27-03-2010, 03:59 AM

[align=center]............[/align]

[align=right]ياتاج و الله الواحد ذاتو بقى ما عارف يقول ليك شنو ؟

ريحتنى فى أخلاقى دى يعلم الله ،
و كان البلد دى عندها صليح ، يشيل حديثك الماهل دا ، ويعلقو فى القصر الجمهورى ذات نفسُو المنفِّسة دى ..، ( قلت لى تمفنست ) من ( مانيفيستيشن) ، ياتاج ياخى قاعد تجيب الكلام دا من وين إنت ؟

تعرف المشكلة وين ؟

المشكلة بالنسبة لى : إنو زى قلمك دا عندنا منو فِرِد واحد بس ،

و نحنا محتاجين لينا لى ( كَرُوسة ) كاملة يعلم الله ،

نكرشا كلها نولع بيها البتَّاب ( خالى العيش) المالى البكان دا

قلت لى تمفنست من شنو ؟
ياخ و الله بتبالغ عديل كدا.

بالمناسبة يا تاج السر والله أنا بريدك لى الله سيدك دا ساى كدا[/align]

[align=center]............[/align]

محمد عبد الرحمن · 27-03-2010, 05:27 AM

السامق و سامي
العزيز تاج(نا)

بقرا كلامك دايما و بعمل رايح بس (أصلا بكون رحت في حتات و حاجات خليها ساي)
الليله أتجرأتا و أتجرعتا الغصة كم مرة( مرار شديد)

نحنا الجيل الما شم ريحة حاجة من الأنتخابات ولا سمعلها هزة كانون

غير أنتخابات البشير الأخيرة ودي أصلا حاولو يولعوها بي(فحم) قديم مكتول بي( موية) و كمان قيل حجري.

غايتو (أمشي في الدرب البطابق فيهو خطوك صوت حوافرك). الغريق بتعلق بالقشة
عشمنا في الله كبير ما تطلع جلة.

أنشاءالله الناس ديل يدركو صلاة كتابتك مع أنهم مسبوقين بست ركعات و حنين,

تسلم يا رايع

أميرى · 27-03-2010, 08:06 AM

اقتباس:

زكريا
رمز البطارية
لحماية الايدلوجية
يجيد اللغة الانجليزية
و لولا ظروفه العائلية
لأجاد الفرنسية

بس يا ملك ياخ هي كانت بطارية ولا بطانية

وفي غمرة انفعال التكروني بعاصفة التصفيق
قال:
موعدكم يوم الزينة وأن يحشر الناس ضحى

وشبه له أن الزينة والالوان علي عجلة البرقاوي
هي ما قصد الله...
حيث كان زكريا عجلاتي فى نفس السوق يوما..
و احم احم ااحم...

ـــــــ
صوتي تشتري!!
ما انت يااخ....زكريا

تاج السر الملك · 28-03-2010, 04:28 PM

الوليد العزيز

المفنسة دي ولا هي التمفنس ، ده موضوعو تاني
كل شي بيحصل في الدنيا دي عندو عَرَض، اها الحرمان الديقراطي
ده بتمفنس في أعراض كتيرة يا ريت يوم نقدر نفندا.

لك تحياتي و مودتي التي لا تنقطع
الملك

تاج السر الملك · 28-03-2010, 04:32 PM

أخي العزيز محمد عبد الرحمن

ههههه و لعوها بفحم ميت !!!
ذكرتني الفحم البرشوهو بالموية تاني قسما عظما ما يولع كان شنو داك ، ده تشبيه عظيم خلاص.
عشمي معاك انها حقيقة ما تطلع جلة ، و ياريت الناس ما تتاخد في دوكة.
لك تحيتي و شكري على المتابعة و التعليق.
الملك

تاج السر الملك · 28-03-2010, 04:35 PM

أميري الفنان

زكريا العجلاتي هههههه
رمز الدينمو البقول ظررررررر
العجلاتي طبعا كانوا ما بيحبو مجلة ( الشبكة) لأختلاف الذائقة!!!1
وهي بطارية و ليست بطانية يا لفيف
و اولاد البرقو ما بتفرقو
خلي بالك
لك تحياتي اميري باراكا
الملك

سمراء · 29-03-2010, 09:44 AM

غايتو ياتاجو النصيحه ليك يا الله ماحصل شفنا لينا انتخابات ، اللهم الا انتخابات الجامعه
وانتخابات الصرفه حقت الصندوق فى الحاتقع ليها منو

بس امس وانا براجع فى ورقه الرموز الجدعا لينا الولد ى الاستوب بقيت اقراء واقارن بين الاسم
والرمز ....ياخ حاجه مدهشة شديد !!

بلاى سكاكين وحراب ،
جرادل وطشاطة

وكيزان وعبارات
وطيور وحيوانات وعيييييييييييك
ويدين وكرعين وعيون وفوانيس
واشياء تحير المابتحير !!!

بس البحيرنى دلالاته شنو !!وبتعنى ؟
وبتتعمل نتيجه شنو ؟ هل بى هدف ومغزى
ولا ساااااااااااااااى كده !!

حكمتو فى رموزو

تاج السر الملك · 30-03-2010, 04:44 PM

العزيزة السمراء
شفتي حكاية الرموز دي عجيبة كيف؟؟
انا لمن انزل ح أختار رمز ( ابو الزنان)
بس كده
تحياتي ليك للمتابعه و التعليق

حكمتو في كوزو المادي بوزو

الوليد محمد الأمين · 30-03-2010, 09:57 PM

يا تاج

الخرطوم الايام دي مليانة ملصقات

امبارح شفت دعاية لمشروب غازي مالي البلد كنت قايلو بقي مرشح !

مودتي ....

تاج السر الملك · 31-03-2010, 04:51 PM

الوليد محمد الأمين الصديق

سالتك بالله ترسل لينا صور لهذه الرموز
نديها قراية غرافيتية لله و الرسول
تحياتي و امتناني
الملك

الوليد محمد الأمين · 31-03-2010, 09:33 PM

التحايا يا تاج

سأجتهد في ذلك ،

يازول هي كترة ملصقات : شامبيون وبيبسي وزبادي ومرشحين رئاسة !!!!

- زرتك في Flicker كم مرة -

مودتي .

26-03-2010, 04:49 PM	#[1]
تاج السر الملك :: كــاتب نشــط::	من أجل الأيدلوجية.. انتخبوا زكريا من أجل الأيدلوجية.. انتخبوا زكريا تجربتي مع الانتخابات في السودان، تجربة خائبة باطلة بكل المقاييس، تفتح وعي عليها و أنا طفل أبان الحقبة التي تلت ثورة أكتوبر، والتي صلى فيها الأمام النميري صلاة الغائب عليها ولما تبلغ الحلم، و لعل كل ما علق بذهني من صورتها، هتاف ساذج يقول ( الفانوس حرق القطية)، و يخيل لي أن ثبات هذه التحفة اللغوية في عقلي، كان بسبب من الإثارة التي تبعثها في عقلي الصبياني المتوفز للخراب ، أو لأن أبي كان يميل إلى مرشح الفانوس، فصرنا أبناؤه بالضرورة من ( دعمته) دون أن يكون لنا أي خيار تحت سقف الديكتاتورية الأبوية الصارمة، جاء النميري إلى الحكم بعد ذلك، فلم يعد للرموز الانتخابية وجود، لم يعد لها مكان غير سطح ( الكرتلة)، الفانوس، القطية، الفرار، السلوكة، البرمة، و نجمة المريخ. بيد أن بعض أنواع النشاط الديمقراطي ، ما لبثت أن أطلت بوجهها في حياء و خفر، شهدنا منها في عطش حقيقي للممارسة الديمقراطية، انتخابات ( اتحاد مزارعي الجزيرة و المناقل) ، و انتخابات ( دار فلاح للغناء الشعبي)، و تمخض عن أخريات ، ظهور منتخبات ( شباب التاكا) ، و منتخب (فريق أولاد البحر)، وفاز من فاز برئاسة مجالس إدارات و أندية رياضية ، ثم برزت للوجود مصطلحات سياسية جديدة، من بينها ( القرعة) و ( الطرة و كتابة)، ثم ( شختك بختك)، و امتلأت ملفات و أضابير بدرر الأدب السياسي الجديد، بدءا بنظرية ( بالملايين قلناها نعم) و التسعة و تسعين و تسعة من عشرة بالمائة، فوز ساحق للمشير رحمه الله. ما غاب عن خاطرنا ذكر مراكز اقتراع ( توتو كورة)، و التي اهتم الناس فيها بتصليب مربعات جداولها الأنيقة، أملا في الفوز ( بالأفنجر) و بعض مال جزيل، أشباعا لرغبات ايدولوجية دفينة في نفوس الفقراء منا، و بالأصح كلنا، وقف الناس صفوفا في سلوك حضاري أصيل، حتى قضى على الكورة و التوتو نفر من ( سناجك الدعوة) جاءوا على متن ( الفور ويل درايف الأسلامي)، بمساعدة اللواء اركانحرب السابق، بعد اكتشافه المفاجيء للأسلام عوضا عن النفط! وكان ان تمفنست ( من مانيفيستيشن)، قلنا تمفنست الرغبة في نظام شورى يحقق العدل الاجتماعي، فنجح برنامج ( جراب الحاوي) التلفزيوني أيما نجاح، و تعلل الناس عن شقاء الدنيا و ظلم الحسن و الحسين، و طابت خواطرهم حين سماع ( دخل ايدك في الجراب ... اوعى من الفاضي)!!! و تحولت الدنيا أمام ناظريهم إلى ( دبنقا) ندردقها ( بشيش) جهد الطاقة، و حينما تأبت و تمنعت تلكم الديمقراطية، وأصاب القوم الهم العظيم و اليأس المقيم، منح الناخبون أصواتهم في استسلام كامل و بمحض إرادتهم، إلى قنصل المملكة و قنصل الأمارات و قنصل الجماهيرية، وانعم به من فاز بالفيزا ( الحرة)، و قبل أن ( ننتهي على كده)، قال جارنا العزيز، أن السبب في عدم حصوله على الفيزا، أن حماته قد دست له العمل، و أنها تمارس ( الفنقوسية) سرا، حين يغطي الليل الجبال. أتت الأنتفاضة الأبريلية، فوجدتنا في حيرتنا منشغلين بالسؤال الشكسبيري ، فصل دراما آخر ساعة عبد الصادق انتحر أم نحروه ؟؟؟؟ فأدلى العسكر كالعادة بالتصريحات إلى ( البي بي سي) و ( رويتر)، و تأملن النسوة كالعادة في وسامتهم سوار الدهب احلى ولا عثمان عبدالله؟؟؟ الجزولي ما كشفة. و لا نستبعد أن يكن غنين لهن، خصوصا الطقطاقة، فهي لا تدع سانحة تمر دون أن تطقطق فيها، فيحمل العساكر ( عصاية الأبنوس) تذكارهم المفضل من الجنوب، تلك التي تشبه ( كدوساً عظيماً)، ابشري...ابشري...أبشري، و ذاك لعمري أس الديمقراطية في الأدب الشعبي المعاصر، و ( جدليهن اذا ما عاد) أو أذا عاد فجدلينا، والأمر للمتبصر، سياااااان. بيد أنني أعود في حيرتي، أسائل أهل العلم، عمن جاء باختراع الرموز للمرشحين و المترشحين؟؟؟ ما هو المعنى المقصود برمز ( الحمار) الذي يمثل الحزب الديمقراطي الأمريكي، و الذي من ضمن عضويته الرئيس الحالي (باراك حسين اوباما؟؟ و الذي لو قدر له أن يولد في كينيا ، لكان ( سواق متاتو زى العجب)؟؟؟؟ ما معني الفانوس و القطية و الكباية الشوب، و عصاة الأبنوس و شوربة العدس و الربابة و شايب الديناري و بت الشيريا، و المجروس، و مدفعية صلاح الدين و كتيبة جعفر و صيف العبور و خور عمر و النهج الإسلامي لماذا و مركز صحي اللاماب بحر ابيض و كبري بيكة.؟؟؟ و بذكر الرموز، فقد أتانا حديث مرشح غرب القاش ، أبان صحوة ديمقراطية مايوية قصيرة الأمد، ترشح فيها السيد زكريا، رمز البطارية، فجرى ( الهايلوكس موديل ستة وسبعين)، في طرقات المدينة هزجا، يحمل على صفحتيه شعار المرشح (انتخبوا زكريا لحماية الأيدلوجية)، روى صديقى، و العهدة على من روى، أن قصيدة تقديمه إلى المنبر ليخاطب الجماهير، كانت من سجع كهنة التكارين الذين ( جابوا رمضان و الكدنكة بالواد) كما يلي زكريا رمز البطارية لحماية الايدلوجية يجيد اللغة الانجليزية و لولا ظروفه العائلية لأجاد الفرنسية و قد علمت حيث لا نفع و لا جدوى لمعلم، بأن الأيدلوجية، ما هي إلا السلطة و الثروة في حقيقتها، و أن الأيدلوجية ، خلقت ( الفولغا القبيحة)، و بعثت بالكلبة ( لايكا) لتتبول في الفضاء، و صنعت راكوبة ( الفيس بوك) و قريبا ( الفيس بوكس)، و قضت على التمساح الذي ( غلّب الشايقية)، و تنبأت بالكوكب ( نيبرو) و خلقته اختلاقا حتى يتسنى للفيلم أن ينتشر، و أن يبيع حتى لا يتبقى درهم في جيب عاقل بالغ، و تمددت الأيدلوجية تبيع للناس صكوك الغفران و تخبيء مال النفط ، و اهتم أصحابها بتنوير الناس عن عظم ذنب من يشتري ( طرمبة موية) ( عاد نان ياجماعة الكلام ده ما بيصح، المويي دي ما حقت الناس كلهم، علا البترول ده حق الناس الصالحين، يبنوبو الجوامع و يدبلوبو النسوان ، انتو مالكن كدي) آمنا و صدقنا، و(شحدنا) الله ، تطلعو يوم القيامة أوائل الدفعه.
تاج السر الملك :: كــاتب نشــط::

26-03-2010, 05:05 PM	#[2]
خالد الحاج :: كــاتب نشــط::	الله يجازيك يا تاج .. والله إنت الرايق ومافي زيك حقو مقالتك دي تكون مقرر لكل مدعي السياسة وكتابها في النت . يقروها صباح مساء.. قدونا يا أخي بانتخاباتهم "المخستكة " دي . أحكي ليك أنا واحدة كمان : كان مندوب النيل الأبيض في الدمقراطية الثانية اسمه (الشعار) .. اتحادي . الجماعة ناس الدويم كانوا بيعانو من مشكلة عدم وجود قابلات-دايات- . وكانت النساء يمتن في انتظار البنطون وفي بعض الولادات المتعثرة . أها الجماعة مشوا للشعار وطلبوا منه كمندوب في البرلمان يخاطب وزارة الصحة وأهل الحظوة في الخرطوم . زولنا تعب وعمل ندوة كبيرة في الدويم . في الندوة تحدث الدكاترة عن أن القابلات ضرورة وأن المسألة حياة وموت وليست ترف. وتحدث السيد الشعار عن أهمية القابلات وضرورة توفيرهن . في زول لابس ليه عمة ترباسية قاعد قدام رفع يدو عشان يتكلم . طنشوا .. تاني قعد يتطقطق في اصابعينو نظام "استاذ استاذ" أها الشعار قال ليه : قول يا زول في شنو ؟ وقف علي حيلو ، صلح عمتو وتحدث : يا جماعة موضوع القابلات ده خلوه . سويتولنا شنو في حكاية الدايات ؟ نحن نسوانا قاعدات يموتن في البنطون ؟ قام السيد الشعار نهرو ليك : أقعد يا زول يا غبيان . القابلات يعني الدايات . أقعد . صاحبنا قعد يا تاج إلا واجعاهو النهرة . تاني قام رفع يدو : طنشوه .. أها بقي ينادي : يا الشعار .. يا الشعار .. الشعار رد عليه بي نهرة :في شنو يا زول ؟ وقف علي حيلو ... صلح عمتو وقال : الشعار أخوي .. دحين سكر شبشة قمتبو جت ؟
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

27-03-2010, 02:07 AM	#[3]
تاج السر الملك :: كــاتب نشــط::	خالد ود الحاج القددان حاصل غايتو انشا الله الناس تلقا الفي مرادا ما يجيبولينا الشعار الما بيفرق بين الداية و القابلة يبقى رئيس كمان السودان ده ما مضمون هسة لو في زول دعا ليه في العيد ( القابلة في منى) بيتجهجه ( داية شنو الفي منى) .
تاج السر الملك :: كــاتب نشــط::

27-03-2010, 03:59 AM	#[4]
الوليد عمر :: كــاتب نشــط::	[align=center]............[/align] [align=right]ياتاج و الله الواحد ذاتو بقى ما عارف يقول ليك شنو ؟ ريحتنى فى أخلاقى دى يعلم الله ، و كان البلد دى عندها صليح ، يشيل حديثك الماهل دا ، ويعلقو فى القصر الجمهورى ذات نفسُو المنفِّسة دى ..، ( قلت لى تمفنست ) من ( مانيفيستيشن) ، ياتاج ياخى قاعد تجيب الكلام دا من وين إنت ؟ تعرف المشكلة وين ؟ المشكلة بالنسبة لى : إنو زى قلمك دا عندنا منو فِرِد واحد بس ، و نحنا محتاجين لينا لى ( كَرُوسة ) كاملة يعلم الله ، نكرشا كلها نولع بيها البتَّاب ( خالى العيش) المالى البكان دا قلت لى تمفنست من شنو ؟ ياخ و الله بتبالغ عديل كدا. بالمناسبة يا تاج السر والله أنا بريدك لى الله سيدك دا ساى كدا[/align] [align=center]............[/align]
الوليد عمر :: كــاتب نشــط::	التوقيع: [moveo=left]A PERSON WITH ONE DREAM IS MORE POWERFUL THAN OTHERS WITH ALL FACTS[/moveo]

27-03-2010, 05:27 AM	#[5]
محمد عبد الرحمن :: كــاتب نشــط::	السامق و سامي العزيز تاج(نا) بقرا كلامك دايما و بعمل رايح بس (أصلا بكون رحت في حتات و حاجات خليها ساي) الليله أتجرأتا و أتجرعتا الغصة كم مرة( مرار شديد) نحنا الجيل الما شم ريحة حاجة من الأنتخابات ولا سمعلها هزة كانون غير أنتخابات البشير الأخيرة ودي أصلا حاولو يولعوها بي(فحم) قديم مكتول بي( موية) و كمان قيل حجري. غايتو (أمشي في الدرب البطابق فيهو خطوك صوت حوافرك). الغريق بتعلق بالقشة عشمنا في الله كبير ما تطلع جلة. أنشاءالله الناس ديل يدركو صلاة كتابتك مع أنهم مسبوقين بست ركعات و حنين, تسلم يا رايع
محمد عبد الرحمن :: كــاتب نشــط::	التوقيع: لماذا ايها الوطن الكسيح سيجتني بالريح لماذا ايها الرب الرحيم وحدي ولي وطن جحيم (الصادق الرضي)

28-03-2010, 04:28 PM	#[7]
تاج السر الملك :: كــاتب نشــط::	الوليد العزيز المفنسة دي ولا هي التمفنس ، ده موضوعو تاني كل شي بيحصل في الدنيا دي عندو عَرَض، اها الحرمان الديقراطي ده بتمفنس في أعراض كتيرة يا ريت يوم نقدر نفندا. لك تحياتي و مودتي التي لا تنقطع الملك
تاج السر الملك :: كــاتب نشــط::

28-03-2010, 04:32 PM	#[8]
تاج السر الملك :: كــاتب نشــط::	أخي العزيز محمد عبد الرحمن ههههه و لعوها بفحم ميت !!! ذكرتني الفحم البرشوهو بالموية تاني قسما عظما ما يولع كان شنو داك ، ده تشبيه عظيم خلاص. عشمي معاك انها حقيقة ما تطلع جلة ، و ياريت الناس ما تتاخد في دوكة. لك تحيتي و شكري على المتابعة و التعليق. الملك
تاج السر الملك :: كــاتب نشــط::

28-03-2010, 04:35 PM	#[9]
تاج السر الملك :: كــاتب نشــط::	أميري الفنان زكريا العجلاتي هههههه رمز الدينمو البقول ظررررررر العجلاتي طبعا كانوا ما بيحبو مجلة ( الشبكة) لأختلاف الذائقة!!!1 وهي بطارية و ليست بطانية يا لفيف و اولاد البرقو ما بتفرقو خلي بالك لك تحياتي اميري باراكا الملك
تاج السر الملك :: كــاتب نشــط::

29-03-2010, 09:44 AM	#[10]
سمراء :: كــاتب نشــط::	غايتو ياتاجو النصيحه ليك يا الله ماحصل شفنا لينا انتخابات ، اللهم الا انتخابات الجامعه وانتخابات الصرفه حقت الصندوق فى الحاتقع ليها منو بس امس وانا براجع فى ورقه الرموز الجدعا لينا الولد ى الاستوب بقيت اقراء واقارن بين الاسم والرمز ....ياخ حاجه مدهشة شديد !! بلاى سكاكين وحراب ، جرادل وطشاطة وكيزان وعبارات وطيور وحيوانات وعيييييييييييك ويدين وكرعين وعيون وفوانيس واشياء تحير المابتحير !!! بس البحيرنى دلالاته شنو !!وبتعنى ؟ وبتتعمل نتيجه شنو ؟ هل بى هدف ومغزى ولا ساااااااااااااااى كده !! حكمتو فى رموزو
سمراء :: كــاتب نشــط::	التوقيع:

30-03-2010, 04:44 PM	#[11]
تاج السر الملك :: كــاتب نشــط::	العزيزة السمراء شفتي حكاية الرموز دي عجيبة كيف؟؟ انا لمن انزل ح أختار رمز ( ابو الزنان) بس كده تحياتي ليك للمتابعه و التعليق حكمتو في كوزو المادي بوزو
تاج السر الملك :: كــاتب نشــط::

30-03-2010, 09:57 PM	#[12]
الوليد محمد الأمين :: كــاتب نشــط::	يا تاج الخرطوم الايام دي مليانة ملصقات امبارح شفت دعاية لمشروب غازي مالي البلد كنت قايلو بقي مرشح ! مودتي ....
الوليد محمد الأمين :: كــاتب نشــط::

31-03-2010, 04:51 PM	#[13]
تاج السر الملك :: كــاتب نشــط::	الوليد محمد الأمين الصديق سالتك بالله ترسل لينا صور لهذه الرموز نديها قراية غرافيتية لله و الرسول تحياتي و امتناني الملك
تاج السر الملك :: كــاتب نشــط::

31-03-2010, 09:33 PM	#[14]
الوليد محمد الأمين :: كــاتب نشــط::	التحايا يا تاج سأجتهد في ذلك ، يازول هي كترة ملصقات : شامبيون وبيبسي وزبادي ومرشحين رئاسة !!!! - زرتك في Flicker كم مرة - مودتي .
الوليد محمد الأمين :: كــاتب نشــط::