لعناية بعض أشباه الرجال

[مي هاشم]

المشاركة الأصلية كتبت بواسطة منال

مى يا اخيه فاهمك و صدقينى اختك تفكيرها مشلول ... طيب با مى الزول طلبنا منه ما يكتب ( و افتكر لو ما خانتنى الذاكرة انو حلف عليها لجانيت) جاء سبقنا كلنا و كتب هنا فى سودانيات - نقعد نعاين و نتفرج و نمش البوليس ... لا برد عليهو زى ما رديت امس على تلفونو الجانى نص الليل. مهم جدن عندى يا مى هو بقرأ كل يوم سودانيات بالساعات يعرف ردنا عليهو كيف - ياريت يكف عن ... او يعقل

اها يا مى ازيدك كمان تعرفى فكرنا نشوف دكتور للعلاج و لقينا ...البقنع الديك منو؟
عشان تشوفى نحن بنفكر كيف مسكين دى بحتلف معاك وهو ثعلب كبيييييييييير .
و كمان يا مى الشتيمه وين لانو هو بشتم فى ابونا قدامنا ...

أها..يعني مطلوب مننا هنا نفتوا ولا نعمل شنو بالضبط..ما تشركوا وتحاحوا..نفتو ونخلي الناس تحكم ولا نتغتغت؟؟
رسونا على بر..

[أبو أماني]

بالله عليك متى يفهم مثل هذا الفقمة إن كل (رجل) بسودانيات وليا (شرعيا وإجتماعيا) لكل إمراة تحمل الجنسية السودانية؟ .. هون عليك شليل .. فهذا المسخ لا يستحق إهتمامك إطلاقا .. تحياتي العطرة لك وللجميع .. وكما قالت حبوبتي رحمها الله .. اللهم لا تبلينا لا تمحنا .. عندي ليك هدية تدور في سياق هذا البوست الهادف .. بوستر يسخر من أمثال هذا الدعي ينزل قريبا توقعوهوا (سوون) تشششاااووو

[منال]

المشاركة الأصلية كتبت بواسطة أميرى

منال سلامات
تعرفي المشكلة شنو يامنال إني عارف الحكاية كلها يامنال للاسف
بس أنا في حياتي دي مابتعامل بي فلان قال وسمعنا والله المادة دي ماشايلها
يا منال ياخ جريمة الزنا مابتثبت إلا يشوفوها اربعة عديييل شوف عين
ولو واحد اتلكلك بس في كلمة وقال عيني رمشت ساي بسقط حد الزنا
خليك من كلام شايلوا الهواء
وأنا هنا ماببرئ زول ولا من حقي اتهم زول
واقف معاكم وحاسي بي غضبكم والاهانة الحاسين بيها
وكلامي كان واضح غتغتة مابتنفع يا تقولوا الكلام كلوا بالواضح
يا مافي داعي للبوست البفرق الناس دة ويظهر ناس مع الحق وناس ضدوا
وإنتي قلتي إنكم واجهتوهوا وحلف علي المصحف إنو برئ
يبقي عليكم البينة طالما هو أدي اليمين وأنكر التهمة

في الآخر أنا نافض يدي من هنا ومابحب الكلام لمن يبقي مكرر ومعاد
بفقد نكهته...واظن البوست مفروض يكون ادي غرضوا
ولو ما أدي غرضوا يبقي عليه العوض

اميرى اسمح لى قبل تنفض ايدك

اميرى كيفن كلام شايلو الهوى - طيب انا منال اقسم بالله العظيم انو الكلام القالو عنى هذا المدعو ما سمعتو من زميلاتى الا فى جلسة المواجهة و هن حالفت على القسم برضو ( فى حين تعلم جيدا انو متوفر لينا اتصال بشتى الطرق وانا كنت بعيدة فى الفاشر جيتى الخرتوم يوم 10/4 يعنى لو قواله كان بى تلفون يقلنها لكن لانهن واثقات من نفسهن اخترن المواجهة و جينا نوريهو قدر سمو.
كمان يا اميرى لو ما مقتنع بانو الكلام الاتقال فى حقنا بمس شرفنا و نربأ ان نكتبه هنا و نترفع عن ذلك ... فقط فكرنا فى المعالجات بكل ما هو متاح و لكن الامر طفح و ما بنسكت

اميرى يا شفيف
هل يعقل ان تقول 7 من زميلاتك هنا ذات الكلام
و هل يعقل كلهن يكونن مفتريات على المدعو

و تانى هل من الممكن لى سبعة ديل يكتبن الكلام الفاحش و المشين التقال فى حقهن

اميرى نحن بنات أسر ممتدة
مودتى

[سمراء]

المشاركة الأصلية كتبت بواسطة شليل

كل رجل يموت.. لكن ليس كل رجل يحيا
السير/ ويليام والاس

هو بالظبط ياشلو .....
فمامعنى للحياة بدون اخلاق ؟

[الفاتح]

المشاركة الأصلية كتبت بواسطة الأمين العام لسودانيات

بسم الله الرحمن الرحيم
الأخ شليل ..
الأخوة المتداخلين ..

لا ينبغى أن نجعل من أعراض الناس مادة تلوكها الألسن ..
المنافحة عنها جهراً ربما تؤذى أيضاً .. ربما ..!!!
فليستمر البوست فى عمومياته ,, وإلا ستنتفى الحكمة منه ..
ويصبح خمراً ضررها أكبر من نفعها ..

سأتابع ,, وارجو الا يحيد عن مساره

حألوك أي زول يحاول إنو يلوك عرض أخواتنا هنا
و الرهيفة التنقد

[الفاتح]

المشاركة الأصلية كتبت بواسطة عبدالعزيز عبدالله

اخي شليل
اتضامن مع بأن الموضوع لا يمكن بلعة تماما ... بل سيظل في القلب يحرق ... وألما علي من تم قذفيهم... لكن ما يهون الموضوع عندي هو ثقتي التامة في الاخوة والاعمام في السودان بقدرتهم علي علاج هذا الموضوع..

شكرا

المشكلة إنو شرد يا عبد العزيز..
شرد بعد ما حلف بأغلظ أيمانو إنو ما عمل كده
وبعد ما حلفن 3 من أخوانك إنو قال فيهن كيت وكيت وكيت..
شرد ، وأخوانك الفي السودان بيبكوا لصدمتم وعجزم في التعامل مع الظاهرة دي
شرد ومافي حاجه قدام أعمامك وأخوانك غير أنو يواسوهن ويطيبوا على خاطرن

[أبو أماني]

عفوا لست أعلم منك وأجهل تفاصيل اللوائح الدقيقة ولكن وببساطة متناهية إن لم تمنع الإدارة مثير الموضوع من التداخل في بوسترات الآخرين وإفتراع أخريات ليخدم قضيته فليس لها الحق في منع الآخرين أو تجميد أو إغلاق هذا البوستر .. وأكرر إحترامي لك ومعه بداية رسالتي .. شكرا .. وتشششاااووو

[الفاتح]

المشاركة الأصلية كتبت بواسطة أميرى

شليل سلامات

بابكر عباس قال


بعدين مي هاشم جات قالت

بس المحاكمة تمت ولا شنو!!

بعدين شليل جا وقال

وغلطت عليه تصدق

ونبراس جات وردت علي بابكر وقالت

دة نظام قضائي لم نسمع به من قبل..ربما في القمر

وجانيت جات وقالت لي بابكر

قسوة شديدة يا فتاة واي موضوع قابل لكل الاحتمالات
فلا تضعي المقياس انتي وتمرريه علي الجميع

ــــــ
في الآخر كدة زول قال كلام شين وقبيح في أخواته الهنا يا تقولوا اسموا عديل وتوجهوا شكوي رسمية
للادارة ويتم في حقوا الاجراء المناسب ويتم عزلوا وحصاروا من بقية الاعضاء لغاية مايمرق من هنا براه...
يا ما تجوا توجهوا الناس البتتداخل وتقسوا عليهم وتحاكموا نواياهم

ـــــ
في الآخر اتضح إنو المنتدي عبارة عن ماسنجر داخلي كبير تتداول فيه الأسرار وناس قريعتي راحت الفاتهم درس العصر ادوهم علي راسهم لأنو كلامهم مابغطي معاكم ولا ماشي في إتجاهكم

ــــــــ
القسوة علي بابكر عباس هنا غير مبررة روحكم محرقاكم من الشتمكم واساء الادب في حقكم
هنا ما المكان المناسب عشان نقرا صفحة سقوط البعض بالغتغتة والكلام الني

ــــــ
وياشليل يا اخوي أغضب ما شاء لك ولا تنسي إنوا البنيات ديل ما أخواتك براك
والآخرين الماغضبوا ديل أعزرهم ياااخ أكيد ما وصلتهم النشرة الداخلية
وإلا أكيد كانوا حيغضبوا لي أخواتهم ولا شنو؟؟

لانشره داخليه ولا غيرا.. في بداية البوست ده نوهت لإنو ما حإتوغل كتير في التفاصيل ، إحتراماً لبني آدمية أخواتنا.. والكلام الإتقال عنهن ما بيتكتب هنا ، فاهم يعني شنو ما بتكتب هنا ؟ يعني قلة أدب ومسخرة ما أظن حتكون سعيد لو إطلعت عليها من باب الفضول أو الإلمام بالموضوع بكل حيثياتو.. بتمنى إنو تحترم الحته دي ، وتتعامل معاها على ضوئها.. الأخوات قدموا بلاغ وهي حالياً عند الإدارة.. حيثياتو ما حتعيد بشكل من الأشكال أنفة وكبرياء أخواتك الإتلاكت سيرتن.
موضوع البوست ده وموقفي منو بيهمني عشان أرسي واقع الناس تتعامل معاهو : أي زول بيغلط في حق أخواتنا بديهو في راسو.. والمعالجات بتاعة ندين ونشجب دي ما بتغطي معاك.. في حدود يفترض أي زول يحترما وما يتخطاها ، إتجاوزتها بفهم إنو في إحساس إتسلل ليك إنك ممكن تتجاوزا بفهم إنو البنات ما حيشيلوا حالك ، كضَاب والله.
داير تتضامن معاي في الحته دي حبابك ، عندك راي تاني قولو ما ترهقني بالإقتباسات الكتيره البتردم بيها البوست. وقناعتك الإتوصلت ليها بإنو المنتديات بتدار برسايل داخلية عيد فيا النظر ، قبيل أشرت لإنو ما حإستقبل مكالمة وللا رسالة داخلية.. جني جن الجلكسات الزي دي ، العندو كلام يقولوا هنا مباشره وبدون مواربة..
تاني بعيد ليك يا أميري : الكلام الإتقال فيهن مابيتكتب هنا ، ده بخلاف إنو بيشوه سيرتن ، ومافي حاجه بتخليهن يغضبن مالم تكون في حاجه مست شرفن.
رجاء أفهم النقطة دي ، وقلبها كويس جواك ، وشوف في حوجه بتتطلب الخوض في التفاصيل وللا لأ ؟
بعدين الأولوية وين ؟ الأولوية في رفضك للمسلك ده ، وللا لمعرفة التفاصيل ؟

[أميرى]

المشاركة الأصلية كتبت بواسطة منال

اميرى اسمح لى قبل تنفض ايدك

اميرى كيفن كلام شايلو الهوى - طيب انا منال اقسم بالله العظيم انو الكلام القالو عنى هذا المدعو ما سمعتو من زميلاتى الا فى جلسة المواجهة و هن حالفت على القسم برضو ( فى حين تعلم جيدا انو متوفر لينا اتصال بشتى الطرق وانا كنت بعيدة فى الفاشر جيتى الخرتوم يوم 10/4 يعنى لو قواله كان بى تلفون يقلنها لكن لانهن واثقات من نفسهن اخترن المواجهة و جينا نوريهو قدر سمو.
كمان يا اميرى لو ما مقتنع بانو الكلام الاتقال فى حقنا بمس شرفنا و نربأ ان نكتبه هنا و نترفع عن ذلك ... فقط فكرنا فى المعالجات بكل ما هو متاح و لكن الامر طفح و ما بنسكت

اميرى يا شفيف
هل يعقل ان تقول 7 من زميلاتك هنا ذات الكلام
و هل يعقل كلهن يكونن مفتريات على المدعو

و تانى هل من الممكن لى سبعة ديل يكتبن الكلام الفاحش و المشين التقال فى حقهن

اميرى نحن بنات أسر ممتدة
مودتى

منال سلامات
اي كلام طالما ما موثق ومكتوب ومسجل ويعتد بيه في اي محاكمة عادلة
يبقي كلام شايلوا الهواء بغض النظر عن صحته أو عدمها...
مناااااااااااااااااال انا ضد اي كلمة اتقالت في حقكم حتي لو كلام شايلوا الهواء
ومعاك إنو كلمة سبعة ضد واحد بترجح كفة السبعة
دي الدنيا العايشنها بتقول كدة...وما لازم يكون دة حق مطلق نلتزم بيه

ــــــــ
يا منال والله احسن امرق من هنا وانفض يدي
عشان ما يجي واحد زي حاتم ويشبكني انت خاشي للدفاع
عن فلان ولا فلان...
بكره يااخ قراية الاضنين دي

وكامل تضامني معاكم في محنتكم
وعشان اوريك إني معاكم اتنين او تلاتة من البنات الاتقال فيهم الكلام دة
من اعز الناس علي قلبي في المكان دة وما برضي فيهم كلمة لا مني ولا من غيري
بس مرات بسك درب التنظير والتعقل ودة شي ما مجدي في أحوال الكتاحة
شكلي هبطت هنا غلط

وكوني طيبة يا طيبة

[منال]

المشاركة الأصلية كتبت بواسطة شليل

المشكلة إنو شرد يا عبد العزيز..
شرد بعد ما حلف بأغلظ أيمانو إنو ما عمل كده
وبعد ما حلفن 3 من أخوانك إنو قال فيهن كيت وكيت وكيت..
شرد ، وأخوانك الفي السودان بيبكوا لصدمتم وعجزم في التعامل مع الظاهرة دي
شرد ومافي حاجه قدام أعمامك وأخوانك غير أنو يواسوهن ويطيبوا على خاطرن

متوقعه كده يا شليلنا يشرد
و بفتكر كلنا بنعرف و الما عرف عرف من هو .....
وبالجد اصلا كنت خابرا انو لو حلف بحلف كاذب ... وبل نبراس مشت اكتر من كده و توقعت ذات السيناريو الحصل وسبحان الله حصل بى كل تفاصيلهو (بالنسبه للحلف)

و سؤال يا شياب
البخلينا نقتنع بى حليفته و نقول نتركه
و ما نصدق حليفة زميلاتى شنو

اخوانا وزملائنا
الفى السودان و ناس برا

البمسنا بمسكم
وريتوتنا تانى متانة علاقتنا فى المنتدى
لكم جميعا انحناءة تقدير و احترام

مشكورين كل من هاتفنى

اخى الفطن الوسيم
مشكور لمبادرتك
و دام تواصلك

[أميرى]

المشاركة الأصلية كتبت بواسطة شليل

لانشره داخليه ولا غيرا.. في بداية البوست ده نوهت لإنو ما حإتوغل كتير في التفاصيل ، إحتراماً لبني آدمية أخواتنا.. والكلام الإتقال عنهن ما بيتكتب هنا ، فاهم يعني شنو ما بتكتب هنا ؟ يعني قلة أدب ومسخرة ما أظن حتكون سعيد لو إطلعت عليها من باب الفضول أو الإلمام بالموضوع بكل حيثياتو.. بتمنى إنو تحترم الحته دي ، وتتعامل معاها على ضوئها.. الأخوات قدموا بلاغ وهي حالياً عند الإدارة.. حيثياتو ما حتعيد بشكل من الأشكال أنفة وكبرياء أخواتك الإتلاكت سيرتن.
موضوع البوست ده وموقفي منو بيهمني عشان أرسي واقع الناس تتعامل معاهو : أي زول بيغلط في حق أخواتنا بديهو في راسو.. والمعالجات بتاعة ندين ونشجب دي ما بتغطي معاك.. في حدود يفترض أي زول يحترما وما يتخطاها ، إتجاوزتها بفهم إنو في إحساس إتسلل ليك إنك ممكن تتجاوزا بفهم إنو البنات ما حيشيلوا حالك ، كضَاب والله.
داير تتضامن معاي في الحته دي حبابك ، عندك راي تاني قولو ما ترهقني بالإقتباسات الكتيره البتردم بيها البوست. وقناعتك الإتوصلت ليها بإنو المنتديات بتدار برسايل داخلية عيد فيا النظر ، قبيل أشرت لإنو ما حإستقبل مكالمة وللا رسالة داخلية.. جني جن الجلكسات الزي دي ، العندو كلام يقولوا هنا مباشره وبدون مواربة..
تاني بعيد ليك يا أميري : الكلام الإتقال فيهن مابيتكتب هنا ، ده بخلاف إنو بيشوه سيرتن ، ومافي حاجه بتخليهن يغضبن مالم تكون في حاجه مست شرفن.
رجاء أفهم النقطة دي ، وقلبها كويس جواك ، وشوف في حوجه بتتطلب الخوض في التفاصيل وللا لأ ؟
بعدين الأولوية وين ؟ الأولوية في رفضك للمسلك ده ، وللا لمعرفة التفاصيل ؟

شليل لمن تجي ترد علي بالله شيل وشك من ورا نخرتك واتكلم

مابغلبنا الكلام المتعجرف دة

لمن تبقي تعرف ترد علي الناس كويس نبقي نجي عشان نشوف رد لي كلامك
الكلو ثغرات ومقدود من دبر دة...

سلام

[hatim ALi]

المشاركة الأصلية كتبت بواسطة أميرى

ــــــــ
يا منال والله احسن امرق من هنا وانفض يدي
عشان ما يجي واحد زي حاتم ويشبكني انت خاشي للدفاع
عن فلان ولا فلان...
بكره يااخ قراية الاضنين دي

افتكر يا اميري كلامي معاك كان واضح

ما رديت عليك على كلامك الملولو القبيل قلتو ردا على كلامي الواضح ليك

ببساطة عشان ما افتح معاك جدال - زي ما انتا عايز - تطلع بيهو البوست دا من مضمونو


انتا عاوز شنو يعني من البنات ديل ؟

يكتبوا ليك الكلام (البطال) الاتقال عنهن !!!!

خليك واضح ووضح داير تصل لي شنو

وسيبك من رمي الكلام و حشر (اسمي) في ردودك على غيري ،

ما عندي اخلاق للكلام و المنضمة

و المنتدى ذاتو بقا يطمم البطن صراحة

اذا كان في ناس جايا تدافع عن بشر

بالمستوى دا

[أميرى]

المشاركة الأصلية كتبت بواسطة hatim ALi

افتكر يا اميري كلامي معاك كان واضح

ما رديت عليك على كلامك الملولو القبيل قلتو ردا على كلامي الواضح ليك

ببساطة عشان ما افتح معاك جدال - زي ما انتا عايز - تطلع بيهو البوست دا من مضمونو


انتا عاوز شنو يعني من البنات ديل ؟

يكتبوا ليك الكلام (البطال) الاتقال عنهن !!!!

خليك واضح ووضح داير تصل لي شنو

وسيبك من رمي الكلام و حشر (اسمي) في ردودك على غيري ،

ما عندي اخلاق للكلام و المنضمة

و المنتدى ذاتو بقا يطمم البطن صراحة

اذا كان في ناس جايا تدافع عن بشر

بالمستوى دا

بكره يااخ قراية الاضنين دي

بس دة الدايرو

ومع السلامة

[أمير الأمين]

المشاركة الأصلية كتبت بواسطة شليل

لانشره داخليه ولا غيرا.. في بداية البوست ده نوهت لإنو ما حإتوغل كتير في التفاصيل ، إحتراماً لبني آدمية أخواتنا.. والكلام الإتقال عنهن ما بيتكتب هنا ، فاهم يعني شنو ما بتكتب هنا ؟ يعني قلة أدب ومسخرة ما أظن حتكون سعيد لو إطلعت عليها من باب الفضول أو الإلمام بالموضوع بكل حيثياتو.. بتمنى إنو تحترم الحته دي ، وتتعامل معاها على ضوئها.. الأخوات قدموا بلاغ وهي حالياً عند الإدارة.. حيثياتو ما حتعيد بشكل من الأشكال أنفة وكبرياء أخواتك الإتلاكت سيرتن.
موضوع البوست ده وموقفي منو بيهمني عشان أرسي واقع الناس تتعامل معاهو : أي زول بيغلط في حق أخواتنا بديهو في راسو.. والمعالجات بتاعة ندين ونشجب دي ما بتغطي معاك.. في حدود يفترض أي زول يحترما وما يتخطاها ، إتجاوزتها بفهم إنو في إحساس إتسلل ليك إنك ممكن تتجاوزا بفهم إنو البنات ما حيشيلوا حالك ، كضَاب والله.
داير تتضامن معاي في الحته دي حبابك ، عندك راي تاني قولو ما ترهقني بالإقتباسات الكتيره البتردم بيها البوست. وقناعتك الإتوصلت ليها بإنو المنتديات بتدار برسايل داخلية عيد فيا النظر ، قبيل أشرت لإنو ما حإستقبل مكالمة وللا رسالة داخلية.. جني جن الجلكسات الزي دي ، العندو كلام يقولوا هنا مباشره وبدون مواربة..
تاني بعيد ليك يا أميري : الكلام الإتقال فيهن مابيتكتب هنا ، ده بخلاف إنو بيشوه سيرتن ، ومافي حاجه بتخليهن يغضبن مالم تكون في حاجه مست شرفن.
رجاء أفهم النقطة دي ، وقلبها كويس جواك ، وشوف في حوجه بتتطلب الخوض في التفاصيل وللا لأ ؟
بعدين الأولوية وين ؟ الأولوية في رفضك للمسلك ده ، وللا لمعرفة التفاصيل ؟

يا شليل ..
موفقك سليم ورسالتك واضحة المعالم..
وما اظن لاغلب البعض اعتراض عليها..
واكيد وصلت لصاحبها ... فقط ..اتمنى لجم هذا البوست
لان البعض بدا فى كتابة وطرح ما حاولت ان تخفيه فى البداية
يعنى المغتت ح يبقى مكشوف ولا أظنك تؤيد ذلك...!!
و الافضل حصر الضرر فى دائرة صفيرة نسبياً..من دائرة
تتسع للكل و تتزايد فيها تخمينات وبهارات قد تؤدى فى النهاية
الى مشاكل اسرية متفاقمة وغير قابلة للاصلاح..

[منال]

المشاركة الأصلية كتبت بواسطة أميرى

منال سلامات
اي كلام طالما ما موثق ومكتوب ومسجل ويعتد بيه في اي محاكمة عادلة
يبقي كلام شايلوا الهواء بغض النظر عن صحته أو عدمها...
مناااااااااااااااااال انا ضد اي كلمة اتقالت في حقكم حتي لو كلام شايلوا الهواء
ومعاك إنو كلمة سبعة ضد واحد بترجح كفة السبعة
دي الدنيا العايشنها بتقول كدة...وما لازم يكون دة حق مطلق نلتزم بيه

ــــــــ
يا منال والله احسن امرق من هنا وانفض يدي
عشان ما يجي واحد زي حاتم ويشبكني انت خاشي للدفاع
عن فلان ولا فلان...
بكره يااخ قراية الاضنين دي

وكامل تضامني معاكم في محنتكم
وعشان اوريك إني معاكم اتنين او تلاتة من البنات الاتقال فيهم الكلام دة
من اعز الناس علي قلبي في المكان دة وما برضي فيهم كلمة لا مني ولا من غيري
بس مرات بسك درب التنظير والتعقل ودة شي ما مجدي في أحوال الكتاحة
شكلي هبطت هنا غلط

وكوني طيبة يا طيبة

اميرى كدى شويه كده و شنو الما مجدى ؟
و كويس انك عرفت الكارثه من كم مصدر و فات حد أضانك

الامر عندى ما بنصب محكمة للمدعو انا على يقين من هو ...و هل يستحق؟
ادى لروحك فرقا و تم تقرا صاح ... و جميل انو متوفره ليك كل الفرص و متاح عندك الاتصال بزميلاتك للمعرفة

صدقنى ما بحبث عن تضامن من اى زول (موجوعه و قلتا حقى باخدو يايدى) كل همى ان المدعو ح يكرر الفعل المشين ده تانى و ناس كتار عارفين كده

بل كمان اتمنى ان يجى المدعو و يدافع عن نفسه (لو بعتبر دى تهم) وع الهواء مباشر
ده حقو

الله يكبر اضنينك كمان
عشان ما تقرأ بيهم
بالجنبه
لو سمحتا سميها كارثه و ليس محنه

ودى