نفًاج سودانيات ( لو أعيش زول ليهو قيمة....)

[منال]

المشاركة الأصلية كتبت بواسطة نبراس السيد الدمرداش

ما بنقدر نجمع اي مساعدات من اي جهه بدون ما نكون نحن نفسنا جهة رسميه
جمعيه او منظمه مسجله رسميا و الا بنعرض نفسنا لمساءله

عشان كدا من اول مداخلاتي قلت نسعى للتسجيل او تفعيل المنظمه القامت زمان واعادة تسجيلا
لانو حيفيدنا كتير بالذات في مسالة جمع تبرعات خارجيه او اقامة حفل خيري او معارض

اوكى - ده بالنسبة للعمل الهم بعتبروا تجارى مفتوح و عايز تصديق و شنو كده كميات

قصدى انو لمن نخاطب مركز علاج السرطان مثلا الكتابه بتكون بى خطاب و كذلك الكفاله
راى انو فى المرحله الاولى دى ما محتاجين لتسجيل و عن تجربه نعمل الى ان نقيف على كرعينا . كلو بكون يا نبراس المهم نبدأ و تكون فى الخطة و نشوف ننفذها كيف لى قدام

[نبراس السيد الدمرداش]

المشاركة الأصلية كتبت بواسطة منال

تمام موافقه

و نستمر فى طرح الافكار هنا عشان المبادرون يشاركونا

اكيد مقترحاتنا و افكارنا كلها هنا

بس وين الناس
ناس الداخل يلا ايدكم معانا بالافكار

قصدى انو لمن نخاطب مركز علاج السرطان مثلا الكتابه بتكون بى خطاب و كذلك الكفاله
راى انو فى المرحله الاولى دى ما محتاجين لتسجيل و عن تجربه نعمل الى ان نقيف على كرعينا . كلو بكون يا نبراس المهم نبدأ و تكون فى الخطة و نشوف ننفذها كيف لى قدام

تمام يا ستي

البداية دي خلاص نحن تاني ما بوقفنا الا الشديد القوي النفاج خلاص اتفتح

[جانيت]

المشاركة الأصلية كتبت بواسطة منال

حبيه قولى بسم الله ( و نخلى شويه التفكير الكتير)
طيب المكان ما بعيد ( بتصلى مشكلة ماف)
بالنسبة لدوامك التانى ممكن تشاركى فى جزء من اللمة و نسمح ليك عشان تورينا تصور اللجنة الطبيه - و المهم و الاهم تكونو اخترتو الحالات لانكم بتكونو عارفين و ع طوال نبدا فى تبنى الحالات للعلاج ( دى ح نزنقكم بيها الى يوم السبت الجاى تكونوا اخترتو )

و كمان حبيبه هنى بى نتداخل و نكمل الافكار
اها شنو ليك

و شوفى هيفاء وين و احمد زين

خير والله يقدرنا
منولة في معلومة عايزة اقولها ليك انو مرضى السرطان علاجهم مكلف جدا
وحتى لو الناس وضعهم ميسور العلاج برضو بيكون عبأ عليهم
وفي الناس المحتاجين وما قادرين للعلاج من اساسه ده بيصعب علينا الاختيار
يعني ما بي الساهل الا بعد قعده مع مدير المستشفى
وتحديد الدخل العندنا وطريقة الدعم
حاحاول مع كم شركة دوائية ونشوف عشان تتسهل شوية الموضوع
منال ونيبو الافكار مشتته وما محصورة بس في الدعم والمريض
في ثانويات في اعتباراتنا عند مرضى السرطانات اساسيات


هيفاء حتظهر اكيد واحمد قرب يشتغل مأذون الله يجيبو سالم

[منال]

المشاركة الأصلية كتبت بواسطة جانيت

خير والله يقدرنا
منولة في معلومة عايزة اقولها ليك انو مرضى السرطان علاجهم مكلف جدا
وحتى لو الناس وضعهم ميسور العلاج برضو بيكون عبأ عليهم
وفي الناس المحتاجين وما قادرين للعلاج من اساسه ده بيصعب علينا الاختيار
يعني ما بي الساهل الا بعد قعده مع مدير المستشفى
وتحديد الدخل العندنا وطريقة الدعم
حاحاول مع كم شركة دوائية ونشوف عشان تتسهل شوية الموضوع
منال ونيبو الافكار مشتته وما محصورة بس في الدعم والمريض
في ثانويات في اعتباراتنا عند مرضى السرطانات اساسيات


هيفاء حتظهر اكيد واحمد قرب يشتغل مأذون الله يجيبو سالم

طيب يا جانيت عشان كده اقترحنا انكم تختارو حاله و نعرف التكلفة و نقيس مساهمتنا و نورى المبادرون انو التكلفه مقدارها كدى ح نساهم بالمعانا
برضو فى مقترحات من المبادرون بالخارج لمساهمات عينيه
كمان من خلال تعاملك مرضى السرطان شنو الحاجات العينيه البى يحتاجونها - بتوقع مبادر تكون مساهمتو شئ عينى من الاحتياج
المهم ندرس الحاله و تختاروها و تحددو كهيئه
و كلو ربك بسهلو و لى قدام

[جانيت]

المشاركة الأصلية كتبت بواسطة منال

طيب يا جانيت عشان كده اقترحنا انكم تختارو حاله و نعرف التكلفة و نقيس مساهمتنا و نورى المبادرون انو التكلفه مقدارها كدى ح نساهم بالمعانا
برضو فى مقترحات من المبادرون بالخارج لمساهمات عينيه
كمان من خلال تعاملك مرضى السرطان شنو الحاجات العينيه البى يحتاجونها - بتوقع مبادر تكون مساهمتو شئ عينى من الاحتياج
المهم ندرس الحاله و تختاروها و تحددو كهيئه
و كلو ربك بسهلو و لى قدام

منولة ممكن لي بعدين الواحد يكون رتب افكارو وحدد هدفو بالزبط علي وين
وتطلع الاكيدة انشاء الله
وفي الاجتماع ده الواحد بيجمع كية من الافكار ويصل لي فكرة ملمة
يعني الله يقدرنا بس

[احمد زين]

سلام وتحيات للجميع
انا بسال ليه الناس هنا مركزة على مرضى السرطان؟؟؟
علما بان الجمعيات التي تعمل في رعاية مرضى السرطان كثيرة
وانه هناك امراض قاتلة ويحتاج المريض فيها للدعم العاجل مثل الفشل الكلوي مثلا
كما ان هناك حالات وشرائح تحتاج للرعاية فعلا
وانا الآن افكر في شريحة اطفال وقع عليهم ظلم اجباري من المجتمع والسلطات
وهم الاطفال الموجودين في السجون مع امهاتهم
فهؤلاء الاطفال قد يكونوا مولودين داخل السجن وذلك بسبب حبس امهاتهم في جرائم مختلفة
ويظلوا محبوسين مع امهاتهم ولا تستطيع سلطات السجن توفير احتياجاتهم
ارجو وضع هذا الاقتراح في اجندة الاجتماع القادم

واسال الله التوفيق

[عكــود]

سلام يا أحمد زين ولعلّك عافية.

سبب التركيز على مرضى السرطان أوضحه شليل في إفتتاحيّة البوست:

تماشياً مع مسمًى دورة 2010 نداء إيمان ، بطرح عليكم الفكرة دي :

لكن طُرحت أفكار أخرى من خلال التداول والمجال مفتوح لكل ما يُمكن عمله حسب الإلتزام، الإمكانيّات والأولويّات.

بالتوفيق إن شاء الله.

[yassir musa]

عذرا اصدقائي مروري قليل هذه الأيام شكرا لنادر السماني الذي حضر ليخبرني بسباق المسافات الجميلة ونجمه الشفيف شليل الذي يفكر كما يرسم كله جمال.... معكم نمشي عبر نفاج سودانيات ..هي فكرة يمكن ان تكون عملا متواصلا بكل حاضرنا وتاريخنا وما نرجوه لإنسان بلادي الطيب المسكين الذي تتضاعف آلامه وهو راقدا على نقالة متهالكة ينتظر الطبيب الذي بدوره يفتقد الكثير ..ما أسوأ أن تكون بحاجة للتطبيب الطارئ في بلادي ..الحوادث وما ادراك ما الحوادث ..هييهيههيهيهيهيهيه الألم العذاب أسباب اليتم!!!!!!!! إييد على اييد تجدع بعيد لسنا فقط المكتوي هناك الكثيير هاهي يدي فوق ايديكم ويمكنني ان أكون مع راغبين هيئة دراسة الحالة الاجتماعية والنفسية وجمع المعلومات اللازمة للحالة المستهدفة وتسهيل خطوط العلاج وتوصيل الاعانات والتنسيق مع الجهات العاملة في مجال الاصابة المعينة وهناك الكثير الذي يمكن تظبيطه في الاجتماع واقتراح دون المساس بكرم وضيافة نادر السماني للاجتماع يمكن استضافة الاجتماع الأول بدار المسنات وهي فرصة للنقل اليكم الاجتماع صورة وصوت هو مجرد اقتراح في حالة زيادة العدد المهم موافقووووووووووووون باصموووووووون بالعشرة

[نبراس السيد الدمرداش]

يا حبايب تحيات ليكم من الحبيبه ساره

دا الايميل الخاص بها للتواصل
[email protected]

[نبراس السيد الدمرداش]

واليوم التحيات تترى من البعيد

تحية من العزيزه ايمان
وتخبركم انها بخير وصحتها مستقره
و انها يوم الاثنين الماضي دخلت لعمل فحوصات
و انها ستخضع لجرعات علاج كيميائي من جديد

وتبلغكم بانها معاكم في النفاج و ح تظهر عليكم قريب
وحتكون معاكم بافكارها و خبرتها من خلال معايشتها للمرض

[نادر السماني]

المشاركة الأصلية كتبت بواسطة yassir musa

واقتراح دون المساس بكرم وضيافة نادر السماني للاجتماع يمكن استضافة الاجتماع الأول بدار المسنات وهي فرصة للنقل اليكم الاجتماع صورة وصوت هو مجرد اقتراح في حالة زيادة العدد المهم موافقووووووووووووون باصموووووووون بالعشرة

شوف يا ياسر الموضوع دا تبع سلمى ما تلخبط معانا ، باقي الكلام ما عندي فيه كلام .

[نادر السماني]

المشاركة الأصلية كتبت بواسطة نبراس السيد الدمرداش

واليوم التحيات تترى من البعيد

تحية من العزيزه ايمان
وتخبركم انها بخير وصحتها مستقره
و انها يوم الاثنين الماضي دخلت لعمل فحوصات
و انها ستخضع لجرعات علاج كيميائي من جديد

وتبلغكم بانها معاكم في النفاج و ح تظهر عليكم قريب
وحتكون معاكم بافكارها و خبرتها من خلال معايشتها للمرض

ربنا يديها الصحة والعافية وتعود بالسلامة شكرا يا نبراس يا وجه الخير والقمر غير المسافر

[نادر السماني]

المشاركة الأصلية كتبت بواسطة نبراس السيد الدمرداش

يا حبايب تحيات ليكم من الحبيبه ساره

دا الايميل الخاص بها للتواصل
[email protected]

تقبل التحيات لكن عايزين مع الأشواق تفهيمنا
هو الحاصل شنو ؟!!

[نبراس السيد الدمرداش]

المشاركة الأصلية كتبت بواسطة نادر السماني

تقبل التحيات لكن عايزين مع الأشواق تفهيمنا
هو الحاصل شنو ؟!!

الحاصل انها استراحة المحارب

[نادر السماني]

المشاركة الأصلية كتبت بواسطة نبراس السيد الدمرداش

الحاصل انها استراحة المحارب

فلتسترحْ ولا تُطِلْ