خدرا شراب - نص أو كما أظن

على ماجداب · 26-01-2010, 07:48 PM

إن كان ما بيننا بالفعل حساس لحالة الأحرف فذلك أدعى بأن نفترق .. كان ذلك وكانت الفاقه أيضا تعلمهن على مهل .. والرفاه مجرد صور محمومه من تخاريف مهتبل العمر ..
الكائن المعلق يذكرها بهوايتها القديمه .. تقطيع الحواف الناتئه والبارزه عن الشكل الأملس .. بل هو شغف
ذات شغف تحكى انها إختارت مسماها لهذا اليوم برفق واتجهت صوب ملمات جدد ..بشغف أيضا أقل قليلا من نصف الشغف الأول .. ذات الصباح أرادوها جيدة المسام .. لتستولى على ما تبقى من الوسامه ..لعلها قبل ذلك صدئت بفعل الأكسده .. ولا ترى من الطريق الآن إلا الذى لا رجوع عنه ..وذلك هو يقينها المرحلى ..اليقين عينه .. عندما أختارت التلقى المباشر والمباشر جدا ..
سجاره خدرا شراب ياسيد ..أو هكذا قالت بت اللذين
- تفتحى خشمك تقولى أيدلوجيا وماعارف شنو ..المثقف القاعد جنبك دا ببلعك ليها ..
لاذت بما هو مريح ..وأستكانت معلبه بنصف التفاته .. نحو....
- منو القال ليك يختى كان دايرا
- ..............................
- برى جابتو بى إيدا وشديدا
وإيدا وشديدا دا شنو كمان .. لاذت معلبه .. ولكن نصف الإلتفاته كانت الى الجهه (ب)
- على بالطلاق البص دا ما يتحرك شبر كان ما حاج الطاهر ركب
اللا مبالاه هى الجهه (ج) الجهه الاكثر إنسجاما مع لون الفكره المتدليه ببله ..
- إتجاوطنا زييييييييييييين
ياخى دا أقبح وطن مر على من الصباح
غرف داخليه للمشهد (د) مشهد منقطع النظير
-سيجاره خدرا شراب لو سمحت ..وبى الباقى كبريته مع العدم شكلت ..أيوه ..أيوه .
الى روح أكثر حنكه الجهه (أ) تاااااانى
- يربط ميتينك ذاتو..
- يأخى إنت ممل بشكل
- حددى الشكل لو سمحتى
- سخيف
- وقلتى هسى حتعملى شنو ؟
- فى شنو ؟
- فى السوسته الإتحلجت دى
- عوير ..متخلف ..
ياخى دا أعور وطن مر على من الصباح
الجهه غير معلومه على الأقل حتى الآن
- لو سمحت بيره بى كحول ..أيوه الحرام دى ..وجبنه بى ألف .. معليش مستعجله
اليقين يتحرك نحو أليق إنحراف له ..
المشهد (ب) مافى جديد ..تعال راجع
تصرفات سويه فى زمن غير سوى .. تعال نعشعش هنا ..
مافى غير جنب المثقف اللزج دا
مشهد غير متجدد ..لم يقطعه حدث مفاجئ .. حتى اللستك نام بهدوء وكان يمكنه غير ذلك .. المشهد مصر على الرتابه ..
ثقالة الزول دا أرحم من الصنه دى
- لو قرصتك هنا ..حتعملى شنو ؟
- وإنت تتجرأ ؟
- ماهو أنا بسأل فيك عشان أعرف إذا كان حأتجرأ ولا ما حاأتزفت
- انا كنت حاسه من الأول إنك منحط ..
- ووضيع ومتحرش وذئب ومريض .. يختى الأوصاف دى ما تخليها للصحافه بعدين هم قطع شك ما حيقصروا ..هم لاقين
- وانت حتستفيد شنو ؟
- عاجبانى الفكره من ناحيه ..ومن ناحيه تانيه شوفى الألقاب الكتيره دى ..حدى لاقى.. فى بلد يموت من العفاف صعاليكها
الكائن المعلق يذكرها بهوايتها القديمه .. تقطيع الحواف الناتئه والبارزه عن الشكل الأملس .. بل هو شغف
وأضاف لقبا جديدا .. لقبا أخيرا
ياخى دا أعنف وطن مر على من الصباح

أشتر · 27-01-2010, 08:44 AM

وبعدين مع السوسته الإتحلجت دى !!!!!
ياخ دا أعنف نص مرّ علي من الصباح ...
قريتو مرتين
لا .. تلاتة مرات ...
كنت بفتش للنقطة (دال) الدالة على وطن القى فيهو زاوية مستقيمة على أسوأ الميلان ...
فقري يا علي
فقري شدييييد والله
ولا يسعني إلا أن أشكر مكابستي الجابتني هنا ...
فـ يا فقري ... الشلاقة ليست دائما مذمومة ...

سمراء · 27-01-2010, 10:18 AM

على .....نص يحتاج الى ماطلبته تلك الانسه لكى
ندوزنه بخيالنا قبل ان نستطيع مشاهدته ...عبر الاسطر

برجع تانى اتفن

على ماجداب · 28-01-2010, 12:08 AM

اقتباس:

المشاركة الأصلية كتبت بواسطة محمد أبوعاقلة

وبعدين مع السوسته الإتحلجت دى !!!!!
ياخ دا أعنف نص مرّ علي من الصباح ...
قريتو مرتين
لا .. تلاتة مرات ...
كنت بفتش للنقطة (دال) الدالة على وطن القى فيهو زاوية مستقيمة على أسوأ الميلان ...
فقري يا علي
فقري شدييييد والله
ولا يسعني إلا أن أشكر مكابستي الجابتني هنا ...
فـ يا فقري ... الشلاقة ليست دائما مذمومة ...

أبو عاقله ياجميل
أولا ضحكت شديد ..
وياخى انا بشكر مكابستى انا ذاتى
وعن الدال فهى داله فعلا لذلك خلينا فى الترميز دا أخير
ياخى تقراك عافيتك

على ماجداب · 28-01-2010, 12:14 AM

اقتباس:

المشاركة الأصلية كتبت بواسطة سمراء

على .....نص يحتاج الى ماطلبته تلك الانسه لكى
ندوزنه بخيالنا قبل ان نستطيع مشاهدته ...عبر الاسطر

برجع تانى اتفن

أيا سمراء
مساءات سماح بضم السين
طيب تعالى راجعه قبال ما تفك
شكرا هنا ماسمحه لكن بالجد انا سعيد بالنص شديد بعد المداخلتين ديل
ليك إحترامى

مبر محمود · 29-01-2010, 08:36 PM

القلم في حد ذاته
سجارة خدرا غير مضمونة العواقب

يطيبن ايامك يا ابو علوه ........ كيفنك آ زول ؟

على ماجداب · 29-01-2010, 09:14 PM

اقتباس:

المشاركة الأصلية كتبت بواسطة مبر محمود

القلم في حد ذاته
سجارة خدرا غير مضمونة العواقب

يطيبن ايامك يا ابو علوه ........ كيفنك آ زول ؟

مبر ..عليك الله إزيك
ياصديقى القلم دا عواقب غير مضمونة الإخضرار ..أو كما قال .
انا كويس ..زعلان شوية من إضرابك عن الكتابه ..ما شايفك

اشرف السر · 06-06-2010, 02:52 AM

ماجداب

دع كلماتك تختار مسماها...
دوخّتني بهذا الحسن المتجلي

على ماجداب · 20-06-2010, 05:35 PM

اقتباس:

المشاركة الأصلية كتبت بواسطة اشرف السر

ماجداب

دع كلماتك تختار مسماها...
دوخّتني بهذا الحسن المتجلي

أبو الشوش سلامات
نص بعجبك دا ما نص ساهل ..حاحتفى بيهو زياده يعلم الله
ود السر المليان غنا ليك المحبه ياخ

زكي عبد الحي · 20-06-2010, 06:21 PM

الغالي على نص (نٌص) لولا عجالة العمل لجلست القرطفاء هنا لكن .....
ما بال أقوامٍ يسرقون الكلام خفية من صدورنا قبل أن ننطق به !
فيصيغون أفكارنا ويتحدثون بأحب الأقوال إلينا ..
غير أنّها لهم ..

لولا انعدام البيّنة وفقر الشهود لطالبناهم بالقصاص ..

- لسان حالنا عند القراءة لبعض من نحسبهم من الصادقين -.

على ماجداب · 18-07-2010, 08:33 AM

اقتباس:

المشاركة الأصلية كتبت بواسطة زكي عبد الحي

الغالي على نص (نٌص) لولا عجالة العمل لجلست القرطفاء هنا لكن .....
ما بال أقوامٍ يسرقون الكلام خفية من صدورنا قبل أن ننطق به !
فيصيغون أفكارنا ويتحدثون بأحب الأقوال إلينا ..
غير أنّها لهم ..

لولا انعدام البيّنة وفقر الشهود لطالبناهم بالقصاص ..

- لسان حالنا عند القراءة لبعض من نحسبهم من الصادقين -.

أبو الزيك معليش ماشفت المداخله (المحله دى عليمك الله مهجوره زمن )
بعدين الجاى تقيل .. المدينه والدهن وربما ميلاد المسيح سيما لاماب 1 زكريات ومواقف بتصرّف إن دعى الأمر
كن قريبا

زكي عبد الحي · 18-07-2010, 09:01 AM

اقتباس:

المشاركة الأصلية كتبت بواسطة على ماجداب

أبو الزيك معليش ماشفت المداخله (المحله دى عليمك الله مهجوره زمن )
بعدين الجاى تقيل .. المدينه والدهن وربما ميلاد المسيح سيما لاماب 1 زكريات ومواقف بتصرّف إن دعى الأمر
كن قريبا

ادفع بعض الذى هو لنا فى حواشى خاطرة الحلم المبتور نصل وطيف ووطن جريح
أعطني وطنا و ارمني في البحر :
قال لي هيا نستبق أيّنا يحب الوطنَ أكثر ؟
اجبته : نتيجة السباقِ محسومة
أنت تستخدم منشطات وطنية
و أنا أعرج .. لو منحني الوطن عكازً لسبقتك ..

على ماجداب · 19-07-2010, 06:37 AM

اقتباس:

المشاركة الأصلية كتبت بواسطة زكي عبد الحي

ادفع بعض الذى هو لنا فى حواشى خاطرة الحلم المبتور نصل وطيف ووطن جريح
أعطني وطنا و ارمني في البحر :
قال لي هيا نستبق أيّنا يحب الوطنَ أكثر ؟
اجبته : نتيجة السباقِ محسومة
أنت تستخدم منشطات وطنية
و أنا أعرج .. لو منحني الوطن عكازً لسبقتك ..

أبو الزيك العكاز موجود ولكنه بيد من لا يخافه ولا يرحمنا
بعدين
*إن الدودة تملك وطنا
إن الفأرة تملك وطنا
والسحلية والصرصار
وأنا ما ملّكنى أحد وطنا
لذا يازكى
نسكن وطنا بالإيجار

* قبانى

26-01-2010, 07:48 PM	#[1]
على ماجداب :: كــاتب نشــط::	خدرا شراب - نص أو كما أظن إن كان ما بيننا بالفعل حساس لحالة الأحرف فذلك أدعى بأن نفترق .. كان ذلك وكانت الفاقه أيضا تعلمهن على مهل .. والرفاه مجرد صور محمومه من تخاريف مهتبل العمر .. الكائن المعلق يذكرها بهوايتها القديمه .. تقطيع الحواف الناتئه والبارزه عن الشكل الأملس .. بل هو شغف ذات شغف تحكى انها إختارت مسماها لهذا اليوم برفق واتجهت صوب ملمات جدد ..بشغف أيضا أقل قليلا من نصف الشغف الأول .. ذات الصباح أرادوها جيدة المسام .. لتستولى على ما تبقى من الوسامه ..لعلها قبل ذلك صدئت بفعل الأكسده .. ولا ترى من الطريق الآن إلا الذى لا رجوع عنه ..وذلك هو يقينها المرحلى ..اليقين عينه .. عندما أختارت التلقى المباشر والمباشر جدا .. سجاره خدرا شراب ياسيد ..أو هكذا قالت بت اللذين - تفتحى خشمك تقولى أيدلوجيا وماعارف شنو ..المثقف القاعد جنبك دا ببلعك ليها .. لاذت بما هو مريح ..وأستكانت معلبه بنصف التفاته .. نحو.... - منو القال ليك يختى كان دايرا - .............................. - برى جابتو بى إيدا وشديدا وإيدا وشديدا دا شنو كمان .. لاذت معلبه .. ولكن نصف الإلتفاته كانت الى الجهه (ب) - على بالطلاق البص دا ما يتحرك شبر كان ما حاج الطاهر ركب اللا مبالاه هى الجهه (ج) الجهه الاكثر إنسجاما مع لون الفكره المتدليه ببله .. - إتجاوطنا زييييييييييييين ياخى دا أقبح وطن مر على من الصباح غرف داخليه للمشهد (د) مشهد منقطع النظير -سيجاره خدرا شراب لو سمحت ..وبى الباقى كبريته مع العدم شكلت ..أيوه ..أيوه . الى روح أكثر حنكه الجهه (أ) تاااااانى - يربط ميتينك ذاتو.. - يأخى إنت ممل بشكل - حددى الشكل لو سمحتى - سخيف - وقلتى هسى حتعملى شنو ؟ - فى شنو ؟ - فى السوسته الإتحلجت دى - عوير ..متخلف .. ياخى دا أعور وطن مر على من الصباح الجهه غير معلومه على الأقل حتى الآن - لو سمحت بيره بى كحول ..أيوه الحرام دى ..وجبنه بى ألف .. معليش مستعجله اليقين يتحرك نحو أليق إنحراف له .. المشهد (ب) مافى جديد ..تعال راجع تصرفات سويه فى زمن غير سوى .. تعال نعشعش هنا .. مافى غير جنب المثقف اللزج دا مشهد غير متجدد ..لم يقطعه حدث مفاجئ .. حتى اللستك نام بهدوء وكان يمكنه غير ذلك .. المشهد مصر على الرتابه .. ثقالة الزول دا أرحم من الصنه دى - لو قرصتك هنا ..حتعملى شنو ؟ - وإنت تتجرأ ؟ - ماهو أنا بسأل فيك عشان أعرف إذا كان حأتجرأ ولا ما حاأتزفت - انا كنت حاسه من الأول إنك منحط .. - ووضيع ومتحرش وذئب ومريض .. يختى الأوصاف دى ما تخليها للصحافه بعدين هم قطع شك ما حيقصروا ..هم لاقين - وانت حتستفيد شنو ؟ - عاجبانى الفكره من ناحيه ..ومن ناحيه تانيه شوفى الألقاب الكتيره دى ..حدى لاقى.. فى بلد يموت من العفاف صعاليكها الكائن المعلق يذكرها بهوايتها القديمه .. تقطيع الحواف الناتئه والبارزه عن الشكل الأملس .. بل هو شغف وأضاف لقبا جديدا .. لقبا أخيرا ياخى دا أعنف وطن مر على من الصباح
على ماجداب :: كــاتب نشــط::	التوقيع: [frame="1 80"]إن بكى قلبى عليه بدموع من لهيب فى وجيب لا غرابه عُشرة كانت بحق جاوزت حد القرابه[/frame]

27-01-2010, 08:44 AM	#[2]
أشتر :: كــاتب نشــط::	وبعدين مع السوسته الإتحلجت دى !!!!! ياخ دا أعنف نص مرّ علي من الصباح ... قريتو مرتين لا .. تلاتة مرات ... كنت بفتش للنقطة (دال) الدالة على وطن القى فيهو زاوية مستقيمة على أسوأ الميلان ... فقري يا علي فقري شدييييد والله ولا يسعني إلا أن أشكر مكابستي الجابتني هنا ... فـ يا فقري ... الشلاقة ليست دائما مذمومة ...
أشتر :: كــاتب نشــط::

27-01-2010, 10:18 AM	#[3]
سمراء :: كــاتب نشــط::	على .....نص يحتاج الى ماطلبته تلك الانسه لكى ندوزنه بخيالنا قبل ان نستطيع مشاهدته ...عبر الاسطر برجع تانى اتفن
سمراء :: كــاتب نشــط::	التوقيع:

29-01-2010, 08:36 PM	#[6]
مبر محمود :: كــاتب نشــط::	القلم في حد ذاته سجارة خدرا غير مضمونة العواقب يطيبن ايامك يا ابو علوه ........ كيفنك آ زول ؟
مبر محمود :: كــاتب نشــط::

06-06-2010, 02:52 AM	#[8]
اشرف السر :: كــاتب نشــط::	ماجداب دع كلماتك تختار مسماها... دوخّتني بهذا الحسن المتجلي
اشرف السر :: كــاتب نشــط::	التوقيع:

20-06-2010, 06:21 PM	#[10]
زكي عبد الحي :: كــاتب نشــط::	الغالي على نص (نٌص) لولا عجالة العمل لجلست القرطفاء هنا لكن ..... ما بال أقوامٍ يسرقون الكلام خفية من صدورنا قبل أن ننطق به ! فيصيغون أفكارنا ويتحدثون بأحب الأقوال إلينا .. غير أنّها لهم .. لولا انعدام البيّنة وفقر الشهود لطالبناهم بالقصاص .. - لسان حالنا عند القراءة لبعض من نحسبهم من الصادقين -.
زكي عبد الحي :: كــاتب نشــط::	التوقيع: [align=center]نسيت بداركم انسان اللهم ارحم خالد الحاج وتقبله [/align]