سودانيات إلى أين ؟؟

[أبومناهل]

المشاركة الأصلية كتبت بواسطة بدر الدين اسحاق احمد

كلام ذى الدهــب

مشكور يابدر الدين على المرور والتأمين على قولي
لك تقديري

[أبومناهل]

المشاركة الأصلية كتبت بواسطة تجـــاني

!!! زول جاء كتب رأيه انت قلت دي وصاية وتاني قلت المهم اى زول يطرح رأيه ...

ح أرجع ليك ياتجاني لكن وريني رأيك في المداخلة هل تعتبر رأي وبالذات ما تحته خط

مع احترامى للجميع
الا ان هناك بعض الالفاظ مؤذية فعلا
ليه كدا يا احباب؟؟؟؟؟؟؟؟؟؟؟؟؟؟؟؟؟؟؟؟


فى بريد خاص وفى ايميل وفى تلفونات

لا حول ولا قوة الا بالله

[فتحي مسعد حنفي]

المشاركة الأصلية كتبت بواسطة أبومناهل

ح أرجع ليك ياتجاني لكن وريني رأيك في المداخلة هل تعتبر رأي وبالذات ما تحته خط

أبو مناهل أخش ليك ولا مافي داعي..طارق الحسن حذرني منك

[أبومناهل]

المشاركة الأصلية كتبت بواسطة فتحي مسعد حنفي

أبو مناهل أخش ليك ولا مافي داعي..طارق الحسن حذرني منك

يا خواجة
طارق قال ليك الكلام ده متين بالليل ولا بالنهار عشان في فرق

[فتحي مسعد حنفي]

المشاركة الأصلية كتبت بواسطة أبومناهل

يا خواجة
طارق قال ليك الكلام ده متين بالليل ولا بالنهار عشان في فرق

هو ما قال لكن انا داير أجر كراعو وهو هسة معاي في السكايب وقال يمكن مدرسة الراعي الصالح دي يحول منها لي اقباط بحري عشان فيها حرية أكتر.

[أبومناهل]

المشاركة الأصلية كتبت بواسطة ام التيمان

سودانيات بخير
المشكلة فى الشللية
و خاصة النساء
اكثر من الرجال

أما التيمان
أعذريني ما شفت المداخلة عشان صغيرونة
الشللية بمعناها الحرفي لا أعتقد أن لها وجود هنا في سودانيات
قد يكون هنالك حشد للرأي في إتجاه ما تقوم به فئة محددة
بأساليب غاية في الوضاعة رغم محاولتها التدثر بغطاء أخلاقي
وبهذه الأساليب تستطيع تأليب بعض العضوية هنا لتبني أفكارها
وهو ما يظهر في شكل شللية .

[أبومناهل]

المشاركة الأصلية كتبت بواسطة فتحي مسعد حنفي

هو ما قال لكن انا داير أجر كراعو وهو هسة معاي في السكايب وقال يمكن مدرسة الراعي الصالح دي يحول منها لي اقباط بحري عشان فيها حرية أكتر.

ما بيجي ياعم فتحي قالوا الضاق قرصة الدبيب بخاف من جرة الحبل .. خليهو يزازي بره بره

[قوت القلوب]

ابو مناهل
سودانيات الى القلب

ممكن تكون زي البيت فيه المناقرة بين الاخوان عادي
الما عادي
انونحنا دايرين مدينة فاضلة بسودانيتنا الروحا قريب للرد الشين
وسوء الظن
وده عادي بيحصل لاي امة في ارض المنتديات الواسعة ان يختلف الراي
ولكن هناك رحم جمعنا
فلنقف
حماة لهذا البيت الذي جمعنا
سدا منيعا لدرء الفتن
ونخمد مايبدر من البعض من هنات
ياناس انا متأكدة نحنافي بيتنا
باركوها

وكدي نكلم واحدة من البنيات تسوي عصير ليمون
من الشجرة المصورين تحتها عكود ومعتصم
وتديه حبة نعناع
يبرد نار الفرقة التي تكاد ان تعصف ببيتنا

[فتحي مسعد حنفي]

المشاركة الأصلية كتبت بواسطة قوت القلوب

ابو مناهل
سودانيات الى القلب
وكدي نلكم واحدة من البنيات تسوي عصير ليمون
============
من الشجرة المصورين تحتها عكود ومعتصم
وتديه حبة نعناع
يبرد نار الفرقة التي تكاد ان تعصف ببيتنا

آي بالله ألكمي لي سمراء دي في نخرتا وخليني أتفرج بي مزاج..

[قوت القلوب]

المشاركة الأصلية كتبت بواسطة فتحي مسعد حنفي

آي بالله ألكمي لي سمراء دي في نخرتا وخليني أتفرج بي مزاج..

ابو الوية

سلامات

شفت كيف
الضيق جاب اللكم
هوي اقروني صاح
معليش للخطأ الكي بورتي الغير مقصود

[عبدالمنعم الطيب حسن]

سلام لصاحب البوست والجميع
بصراحة شديدة في بوست الاستاذة سمراء البداية كانت طبيعية
ونقاش علمي متحضر وكتابة الراي او الرؤية بصورة محترمة
بعدها انحرف المسار من بعضهم وتطرفت اللغة لن اذكر اسماء
ولكن بعض الكلمات والتلميحات
على المستوى الشخصي لا اقولها ابدا حتى امام شباب فقط
ببساطة شديدة لانها ليست حلوة .
اقول حاجة سبق وقلتها اقولا تاني ومالوهي قصة خفيفة كدة ذات دلالة
كنت بعد في الابتدائي وفي غرفة براي افتش لشي ما
وطال البحث وزهجت اطلقت كلمة نابية جدا
اتاريه في اللحظة دي ابوي دخل وانا ماجايب خبروسمع الكلمة قال لي
(معليش انت ماشفتني لكن ماتعود لسانك على الكلام الزي دا)
هذه العبارة اصبحت بالنسة لي مدرسة ومنهاج
ومن يومها وانا لم اتفوه بكلمة نابية ابدا امام جمع او شخص او حتى براي....

ارجوا من الجميع ان يجنبوا كيبورتاتهم سفيه القول وماجن الكلمات
ولنذكر دائما ان هذا منبر عام وينبغي الا نجرح مشاعر بعضنا البعض
ويبقى الود والاحترام للجميع

[ام التيمان]

المشاركة الأصلية كتبت بواسطة أبومناهل

أما التيمان
أعذريني ما شفت المداخلة عشان صغيرونة
الشللية بمعناها الحرفي لا أعتقد أن لها وجود هنا في سودانيات
قد يكون هنالك حشد للرأي في إتجاه ما تقوم به فئة محددة
بأساليب غاية في الوضاعة رغم محاولتها التدثر بغطاء أخلاقي
وبهذه الأساليب تستطيع تأليب بعض العضوية هنا لتبني أفكارها
وهو ما يظهر في شكل شللية .

النسوان الهنا
الله اكفينا شرهم
جارات معاهم فى وكرهم بعض الرجال

[تجـــاني]

المشاركة الأصلية كتبت بواسطة أبومناهل

تيجاني
ياخ مشكور لإعتبارك لي ركيزة هنا رغم أن في وجود العديد من القامات من القدامي والجدد أنا في حضرتهم تلميذ وتلميذ بليد كمان . . لكن برضو شكراً على حسن ظنك .
نجي لي كلامك :
حقو مهما إختلفنا مع شخص لا يمكن أن نصل لمرحلة وصف كلامه بقلة الأدب أو يزكم الأنوف .. هذه من وجهة نظري أنا أو هذا أسلوبي لا أستطيع أن أصف رأي مهما كان بالغ القسوة ومهما أختلفت معه بهذه الصفات . . وأنت إذا كان بإمكانك أن تصف الرأي والفكرة التي تعجبك بهذه الصفة وبهذا الأسلوب فلا أعتقد أن لدي المقدرة للإستمرار في نقاش معك حتى لا يصل بي الحال في التفكير في كيفية الرد عليك إن وصفتني بما وصفت به بعض الكتابات في مداخلتك أعلاه .

ابو مناهل مساء الخير
المداخلة الفوق دي انت كتبتها لى بهناك ، حيّرتني في مسألة انى وصفت موضوع برائحة تزكم الأنوف وقلت الأسلوب دا ما عندك مقدرة للاستمرار في النقاش ..
يلا أنا ما قاعد ما أحترم لى زول كدا بدون سبب ولا أقول الموضوع دا رائحته تزكم الأنوف كدا بدون سبب كان سألتني بوضح ليك وبديك الرابط للموضوع وبوريك ليه يزكم الأنوف ..
وبدون ما تسأل أنا قصة بوست الملك نمر جراياً لبوة وقلت كلامي دا لأنو وصف راجل بعبارة لبوة غاية في القبح ...
أنا هنا ما مطالب بأى توضيح بس أهو جيت ووضحت لقناعة جواى أنا ...
نجي لكلامك انت هنا في البوست دا

المشاركة الأصلية كتبت بواسطة أبومناهل

أما التيمان
قد يكون هنالك حشد للرأي في إتجاه ما تقوم به فئة محددة
بأساليب غاية في الوضاعة رغم محاولتها التدثر بغطاء أخلاقي
وبهذه الأساليب تستطيع تأليب بعض العضوية هنا لتبني أفكارها
وهو ما يظهر في شكل شللية .

والله الوصف انو في أساليب غاية في الوضاعة دي لو جبت ليك سبعة واربعين (دي ايت) عشان يجروها ليك من هنا ما بتتجرّ .
درجة وضاعة دي والله وصف عجيب وبرفع درجة الحرارة لمليون درجة فهرنهايت
ممكن تتبرع كدا من نفسك وتقوم تحصر لينا منو من الأعضاء اسلوبو وضيع وحدد لينا كمان بالمرة الفئة المحددة اللى بتقوم بتأليب الأعضاء بتبنيها لأفكار وتتدثر بغطاء أخلاقي ...
انّا لله يا ابو مناهل أظنك بقيت تعلم بالغيب لدرجة انك كمان حددت وجود فئة محددة ..
انّا لله ...

[تجـــاني]

والله يا أبو مناهل قدر ما قارنت بين قول ان هناك موضوع تزكم رائحتة الأنوف
وبين وصف أسلوب زميل بالوضاعة وانو في فئة بتدثر بغطاء اخلاقي...
أنا طلعت بنتيجة ما مهمة شديد عشان أقولها ليك بس انت ياريت تشوف بينك وبين نفسك مقولتى وين ومقولتك دي انت وين ..

....

[سارة]

ابو مناهل وضيوفه الكرام
اسعد الله اوقاتكم بكل الخير
بعتذر لانى شغالة ورديتين ووصلت للتو
اشرب لى شاى وبجيكم كان الله مد فى العمر
مرفق لكم كامل الاحترام