حفرة دخان سكينة بت ود جيب الله

[طارق جبريل]

المشاركة الأصلية كتبت بواسطة أزهري سيف الدين

طارق يا مبدع …

أكتب يا طارق .. يمكن يجي يوم ما نلقي الكلام دا الا في الورق .... ( دا لو ما كان جا اصلا)

واصل سردك الممتع ..

مع تحياتي

ازهري كيفنك ابوي
ياخي لغة وكلام البسطاء دة بيخلي الزول في عوالم تانية
للاسف بعض الكلمات في طريقها الى الانقراض

[طارق جبريل]

المشاركة الأصلية كتبت بواسطة الهادي قنديل

حبيبنـا طارق جبريل

تصدّق اخوك عـاكس البرنــامج في رمضان دا .. ليلي نهــار ونهاري ليل
يعني ياسيدي حفرتك دي بنجي نقراها بعد المغرب.. حتى لا تصيب صيامنـا نيران حفرتهّن

واصل يا ود جبريل

ود قنديل رمضان كريم
عاد ان باريت الحفرة ألتي دي
رمضانك ما قايم من برشه

[طارق جبريل]

المشاركة الأصلية كتبت بواسطة قرقاش

الحبيب طارق جبريل ..
متابعين ... وربنا يكفينا واياك .. شر الهمزه اللمزه واهل الهمزه على نبره ..
حاولت فى بوستات اخرى فى منتدانا هذا ان اقول ..ان لدينا لغه سودانيه مولوده من رطانه العرب ..
ولااجد دليل على صحه كلامى باننا لدينا لغه سودانيه مكتوبه ومنطوقه غير هذا الذى كتبته ..
اما عربى جوبا داك ...خلى ساكت ..واصل ياحبيب ..

قرقاش يا حبيب
لدي يقين اكيد انه اللغة الدارجة قادرة على توصيل
الكثير من الاشياء
ويمكن ان تكون لغة ابداع عديييييييل

[طارق جبريل]

المشاركة الأصلية كتبت بواسطة نبراس السيد الدمرداش

ود جبرين يا مسخوت
رمضان كريم
مشتاقين والله

غايتو نقة طاعمه و ريحتا طاقه

نبراس كيفنك ياخي
ورمضان كريم
لا تباري نضمي النسوان ديل يبوظ عليكي صيامك

[طارق جبريل]

المشاركة الأصلية كتبت بواسطة عثمان

يا طارق
ياخي لما تكتب أنا بحس الأحداث
دي بتتصور قدامي
الله يديك العافية حكي طاعم والله
كل سنة أنت وأسرتك بخير وعافية

حبيبنا عثمان كيفنك ابوي
رمضان كريم
تصوم وتفطر علي خير
الله يجبر بي خاطرك يا حبيب

[نبراس السيد الدمرداش]

المشاركة الأصلية كتبت بواسطة طارق جبريل

ود قنديل رمضان كريم
عاد ان باريت الحفرة ألتي دي
رمضانك ما قايم من برشه

عارف روحك مسخوت و مسلط

[طارق جبريل]

المشاركة الأصلية كتبت بواسطة سارة

ود جبرين يا مطوفش

يجازى محنك نعلك طيب آجنا
وانا باقيللى رمضان متلوم معاك
عقابك كيفنو
اسمع نصيحتى
مباراتك لنقة الحروم دى يوم بتجيب اجلك

انا غايتو كان ما الليل انتلت مانى داخلة ضومة

الله يقلعك يا خرابة
نان هي الحياة دي من غير نقة الحروم شن طعمها

[طارق جبريل]

المشاركة الأصلية كتبت بواسطة نبراس السيد الدمرداش

عارف روحك مسخوت و مسلط

عاد اكذب

[طارق جبريل]

(8)
النسوان مشت كل وحدي علي بيتها..
الشدتلها باميي.. والسوتلها خضرة .. واللايقتلها لاريق... والكوجنتلها بطاطس
مع المغربيي كل وحدي فيهن شالتلها بوقجي ألت هدوم وتوب جارات قديم وبرطمان كركار ومشن علي بيت سكينة
- خادم الله: قشيرة كيفنك أها طلحك دة مكسر ولا لليلي
- سكينة: مكسر من امبارح يا ست اللفحي
- السُرة: الرسول خلني اللاخدلي كبة أنا قبلكن باقي مخروقتي واجعاني
- البتول: هي مخروقتك دي ما لقت توجعك علي الليلي
- السُرة: مشيت استحمى في الحمام المن تالاكي وانزلقت لامن سروالي انشرط كرررررررررررررر
- سكينة: هن سراويلك شن طعمن العلي خيمة البكاء ديل
- السرة: (تضحك بعمق) وحات نضري يا سكينة سراويل الجن ديل تقول ضاربن شيطان
- البتول: كيفن.. مالن النبي يا السرة
السُرة: يوما نعافر انا والراجل الغبيان دة في الضُلمة.. قوم يا الغبيان لبس سروالي ودخل استحمى
وساق الكارو أليلو ومشى علي السوق العربي.. وكتين بقى يعتل في البضاعة ألت الناس
قوم ارفع العراقي أليلك وسط النسوان.. ههههههههه.. إن كان يلقى نفسه لابس السروال أليلي ومندلي منه المطبقة بي الجلد أليلا
- سكينة: هي سوووووووووووود علي نان شن سوا هههههههههههه
السُرة: السوق كله يضحك عليه وقالولوا: باقيلي امباح الليل كله انت تحَفِت ههههههههههههه
والله جاء دعاني جنس دعايا ههههههههههههه
- البتول: انت نان يا خرابة ما تلمي سراويلك عليكي وسط معافرة الجن دي
- السُرة: أنا شن عرفني تراهو يلكزني وندخل علي الأوضة الفاتحي في ضهر بيتك ديك هههههههه
- خادم الله: اصلو يا كافي البلا ماكُن قاعدين تولعوا النور وكتين يأذن الفجر
- السُرة: إييي نور شنو... حق الله بق الله كل زول يمشي علي شغلو هههههه
- البتول: بري بري بري منك عاد... ماكي مرة شي
- سكينة: قومي يا البتول ادخلي انت اللولا فشان نطفي نور الحوش دة
النسوان كلهن كل واحدة قلعت هدوما ولبسن تيبان الجارات المقطعات ديلك وبقن يشربن في قهوتن
- البتول: احي احي .. الخرابة .. طلح الجن دة ماله كافر كدي
- سكينة: دة قولك.. جايبو معاهو ابو محمد من الصعيد.. بالله الكبة فيهو تمرق جسمك زي الجبص
- خادم الله: عاد الليلي اتجبصي زين باقي الراجل جايي... انتو آمنة لليلي ما جات
- السرة: يبقى ماتلها زول... هههههههه... هسي تجيكن دمعها علي نقاع الزير وتقولكن: جاني خبر العدو هههههههه
- سكينة: حرام عليكي يا ام لسان اطرق انت... يديك الجات من الزقاق
- محمد ولد سكينة: يمة... يمة (من جهة الزقاق)
سكينة: النجما التقطع مصارينك مالك
- محمد ود سكينة: يمة عندي بكرة امتحان في الحساب داير اشيل شنطتي من جوة
- السرة: انت الجنا مالك مداعاهو خليهو يجي يدخل يشوف الشي الدايرو
- سكينة: نان انا من الصباح قلتلو ان عندك شي في الاوضة طلعو قبل تمغرب
- البتول: (من تحت الشملة وراسها مارق والدخان طالع من جنب رقبتها علي البخار البيطلع من حلة البريستو): تعال يا محمد حبيبي ادخل شيل شنطتك امك دي باقي خرفت
- سكينة: يا فقر تعال شيل نصيبتك دي واوعك تجي بي هنا تاني
.....

[سارة]

المشاركة الأصلية كتبت بواسطة طارق جبريل

الله يقلعك يا خرابة
نان هي الحياة دي من غير نقة الحروم شن طعمها

الدنيا رمضان آ مسجم

وحات اب عصا وولادو الستة معا يوم تجى مكايتلك فى حفرة
دخان ونبقى فى اليمرقك يا مسلط

[نبراس السيد الدمرداش]

المشاركة الأصلية كتبت بواسطة سارة

الدنيا رمضان آ مسجم

وحات اب عصا وولادو الستة معا يوم تجى مكايتلك فى حفرة
دخان ونبقى فى اليمرق يا مسلط

ما بمرق
بقول احفروها ذياده

[طارق جبريل]

المشاركة الأصلية كتبت بواسطة سارة

الدنيا رمضان آ مسجم

وحات اب عصا وولادو الستة معا يوم تجى مكايتلك فى حفرة
دخان ونبقى فى اليمرق يا مسلط

دة ان ما بقيت اختلي كبة انا ذاتي تحت شملي

[طارق جبريل]

المشاركة الأصلية كتبت بواسطة نبراس السيد الدمرداش

ما بمرق
بقول احفروها ذياده

دة ان ما بقيت كسرتة طلحها براااااااااااااي

[سارة]

المشاركة الأصلية كتبت بواسطة طارق جبريل

دة ان ما بقيت اختلي كبة انا ذاتي تحت شملي

قبلك وقبالك
يا نبروسة امرقى عليك امان الله الجنا المطرطش دا علا يفطرنا
دا ان بقى ما عزمنا على الحفرة انت يايابا شكيت محنك

[اروي حامد عبد الله حامد]

طارق جبريل

جميل الحكي وبديع الوصف
متشوقون للبقية

لك التحية