حفرة دخان سكينة بت ود جيب الله

[سارة]

المشاركة الأصلية كتبت بواسطة جانيت

يابتي مو بالدس
نلقى متل دي بوخات ونفوتها
امي في رمضان ده ماها فارزاني كان شمتو بتتدروخ
بس ما تجي تقرا الكلام ده

انا لله يا ود جبرين
خربت البنيات
الدخان يايابا اليملخ كيعانك شحدت ربى عليك

[جانيت]

المشاركة الأصلية كتبت بواسطة سارة

انا لله يا ود جبرين
خربت البنيات
الدخان يايابا اليملخ كيعانك شحدت ربى عليك

سمح بزح ليك

[طارق جبريل]

المشاركة الأصلية كتبت بواسطة ناصر يوسف

الغريبه يا طارق مداخلتي السابقة ديك كتبتها والبوست ما زال في الصفحة الأولي

وآخر مداخلة لحظة كتابتي للمداخلة وإرسالها كانت مداخلة البت نبراس الأولي الفي الصفحة الأولي ديك ..

وفجأة كده أجي ألقي ليك البوست مشي الصفحة التالتة ومداخلتي تنزل عند الصفحة التالته

وده واحد من إتنين

يا الموقع ده جَنّ براااااااااااااهو كدي من إنسخاط البوست المسخوت زي سيدة ده

وإما كمان جميع الأقلام التي تداخلت هنا وحتي ردودوك ليهم كانت ماشية علي وتيرة واحدة وفي نفس الزمن والسياق ..

عموماً قرأت الحلقة رقم (8) وإستمتعت بكامل دسامة المتعة

وما زلت أنتظر المزيد

حفرة الدخان دي مجينينا يا الحبيب لا تزعل منها

[طارق جبريل]

المشاركة الأصلية كتبت بواسطة سارة

انا لله يا ود جبرين
خربت البنيات
الدخان يايابا اليملخ كيعانك شحدت ربى عليك

هن أصلن مملخات
ناقصاهن كبة ألت دخان

[طارق جبريل]

(9)
الشافع يا الحبان دخل مهجوم لقى النسوان نصهن الفوق كله في السهلة
شال شنطتو وجاء مارق لقى خالته البتول مارقي من الشملي
ضحكلو ضحكي خبيثي وخت ايدو فوق عيونه وقام جري علي الحوش البيغادي
- البيتول: ولدك يا سكينة باين عليه ماهو ساهل شي.. حدرلي زييييين هههههه
- سكينة: ترب ابوهو عاد.. وكتين يقوم علي الخمج.. ووووب علينا
- خادم الله: هو منو الفيهم الماهو خمجان...
- سكينة: قومي يا السرة الطلح دخانه قاجي
السرة قامت وقلعت توب الجارات المهرود داك
الكرعين مكلوجات وضُعوووويفات علي كُنش العصيدة
مشت قدام آمنة وغتست تحت الشملة
- آمنة: النبي فيك يا السرة.. الراجل دة شن عاجبه في عضيماتك ديل ههههه
- البتول: حرام عليك يا آمني وحات ربي السرة ليها وجيها صبوح وتتراد
- السرة(من تحت الشملة ممرقي نخرينها بس): عاد فراغك وحات ربي وكتين
يهيج ويقعد يجوعر تقولي الراجل معرس تاجوج في زمانها
- سكينة: كدي كدي كدي علي الرباطابيي.. انا اختك يا السرة
- البتول (تلايق في الحلاوة فشان تمعط تحت يدينها): باقيلي الراجل قاعدي ترسليهو لي شغلو مهضلم
- السرة: وكتين يكون ليله ماشي زي العجب يقوم الصباح يلبس ويقولي: انا ود عمك يا السرة
- سكينة: انتو في السرة دي ولا خادم الله النامت دي ههههههههههه
- السرة: الكزيها بي عود طلح الخرابة لا يبقى ماتت
- سكينة: حرام عليك يا السرة الله يخليها لي وليداتها
سكينة قامت علي البتول تشيلها في الحلاوة وتقلب فيها يمين وشمال
-سكينة: عاد بعد الهركي دة باكر الراجل دة ان ما بقيتي رقدتيهو خل ماكي مرة شي
- البتول: وحاتك علي اخليهو يعوعي ههههههههههههه
حنان بت آمنة جات داخلة من تالا الزقاق وتصفق: يا ناس البيت ازيكم
-سكينة: حبابك اتفضلي
- حنان: انتو اصلكم طلحكم دة ما بتخلوهو.. يمة انا ما اجي المغرب البيت القاكي تدخني
- خادم الله (صحت من نومها): اييي حنان كيفنك انت من متين هني
- السرة: هي حليل ابو داك
- خادم الله: انت يا آمني دحين بتك دي ما تمت الحول لليلي مالها لليلي ما تقلت شي
- حنان: خالتي خادم الله ماني دايري الد انا ارتاحي
- سكينة: كيفن يا بتي عاد الكلام دة لااامتين مصيرك تسويلك ولاد
- آمنة: نان هي تسويهن كيفن الولاد ديل مباري راجلها وراجلها مباري الانتخابات
والحزب الفلاني ويسقط فلان ويعيش فرتكان
- السرة: من تحت الشملة: الخرابة لا تبقي بقت شوعيي كافري
- خادم الله (بلت اصبعها بي لسانها وختتو في الواطة ونفضتو): قبلها وحدها كافري ضمة
- سكينة: لا تسمعي كلام خالاتك المخرفات ديل.. يا بتي مصيرك تلدي
- السرة: يبقى الخومري ألت امها ميمي ومايصي
- آمنة: عاد فراغك خومرتي انا يحكوبها
- السرة: تعالي يا بتي اديك فتيل أليل خومرة يمين تجيبيهم تيمان
- سكينة: قدر خومرتك انت يا المخرفي
- السرة: وحاتك الراجل من يشمها يقوم ينكرش وتبقالو صلاة العشي دي بعيدي
انا ان ما الخومرة ألتي دي كان جبتلي تلاتة شفع الفرق بيانت كل واحد فيهم عشرة شهور
- البتول (ميتة من الضحك) باقيلي تتشوبحي من من تمغرب للفجر
- حنان: ارتاحن انا لاني كافري لاني دايري ألد تمن دخانكن
- خادم الله: الرسول يا حنان الدني خميس ما تجدي تاخديلك كبي وتمشي تراري علي راجلك
- حنان: يا خالتي والله انا ما جاهزة والراجل منتظرني بهناك في البيت
- السرة: بنرسلو ونقوله حا تدخني.. هو الدخان دة دايرلو جهوزيي
ما تتقولعي وتغتسي تحت الشملي
سكينة: البتول اتمسحي بالكركار الطلح دة كافر بيشقق جسمك
خادم الله: باقيلي دايرين ترسلوها عروس للراجل
- سكينة: ياخي الراجل ليهو سنة بعيد خليها تعيش حياتها
- السرة: نان هي الغبيانة ما براها ابت تمشي معاهو
- حنان: ياخي كملوا دخانكم دة
- آمنة: خلاص انتهينا يا بتي كملي فنجان القهوة أليلك فشان نمشي
- سكينة: الله يعدلها عليكن ويطرح البركة فيكن
كملن دخانن وكل واحدي مشت علي بيتها
.....

[Dr. Mohammed Hassan]

المشاركة الأصلية كتبت بواسطة طارق جبريل

(7)
- خادم الله: (اخدتلها سفة من حقتها) بت الغلفا مكوفري باقيلي
.....

طارق

طبعا انا بقراها بي فهم تاني
علي عجبتني شديد العبارة اعلاه
ياود يا فقري

[سيداحمد شامي]

الحبيب ود جبريل

سلاااااااااامات يا مبدع في انتظارك ما تطول علينا يا ابوالنسب هههههههههه

[الجيلى أحمد]

- سكينة: انتو في السرة دي ولا خادم الله النامت دي ههههههههههه
- السرة: الكزيها بي عود طلح الخرابة لا يبقى ماتت

يااخى ديل مصائب

يااخى الله يعدلا عليك دنيا وآخرة ,
ياودجبرين,
كتاباتك دى مهمة وأنا تابعت كل ماوقعت عليه عينى من تدوينك للحياة واللهجة والثقافة,
الشغل البتعملو دا بوثق لحياة الناس وتفاصيل أخذت المدنية فى طيها شيئآ فشيئآ,
وثق ياصاحبى,
وأرجو أن تجمع أعمالك فى مكتبة يمكن الرجوع اليها,
ودالحاج يمكنه المساعدة فى أمر كهذا...

________________
دحين يازول انتو سكينة دى مابتقولو ليها سكينى
ولاأنا غلطان..

يديك العافية ياطارق
(ماالعافية بتاعت المغاربة )

[طارق جبريل]

المشاركة الأصلية كتبت بواسطة Dr. Mohammed Hassan

طارق

طبعا انا بقراها بي فهم تاني
علي عجبتني شديد العبارة اعلاه
ياود يا فقري

دكتورنا يا حبيب رمضان كريم
تصوم وتفطر علي خير

[طارق جبريل]

المشاركة الأصلية كتبت بواسطة سيداحمد عبدالرحيم شامي

الحبيب ود جبريل

سلاااااااااامات يا مبدع في انتظارك ما تطول علينا يا ابوالنسب هههههههههه

ود ناس شامي كيفنك ابوي
انت صدقت كلام ود رغيم

[طارق جبريل]

المشاركة الأصلية كتبت بواسطة الجيلى أحمد

يااخى ديل مصائب

يااخى الله يعدلا عليك دنيا وآخرة ,
ياودجبرين,
كتاباتك دى مهمة وأنا تابعت كل ماوقعت عليه عينى من تدوينك للحياة واللهجة والثقافة,
الشغل البتعملو دا بوثق لحياة الناس وتفاصيل أخذت المدنية فى طيها شيئآ فشيئآ,
وثق ياصاحبى,
وأرجو أن تجمع أعمالك فى مكتبة يمكن الرجوع اليها,
ودالحاج يمكنه المساعدة فى أمر كهذا...

________________
دحين يازول انتو سكينة دى مابتقولو ليها سكينى
ولاأنا غلطان..

يديك العافية ياطارق
(ماالعافية بتاعت المغاربة )

الجيلي كيفنك ابوي
تعرف كتبت البوست دة في منبر اهلي البركل
يمين واحدين قربوا يقيموا علي الحد

كل زول يجي يفتي فيني من جهة
يا زول توثيق شنو ترانا بنكتب لامن ربنا يشيل أمانتو

بعدين سكيني دي ابينا نقلبها شايقيي حفظا للأعلام
رمضان كريم
تصوم وتفطر علي خير يا الحبيب

[aboomer]

دكتور ود جبرين
كيفك يا ملك
رمضان كريم
سردك جميل
يخلى الزول التقول عائش مع النسوان ديل
ربنا يديك العافية وما تقصر
واصل

[آبري]

ودجبريل
سلامات
فترنا من المساسقه يمين وشمال
هيا يابا الحقنا بي عقاب الشي ده
باقي حبل الصبر كمل


كسره
بركاله........... ومفتونين بالحكي ده

[ناصر يوسف]

المشاركة الأصلية كتبت بواسطة آبري

ودجبريل
سلامات
فترنا من المساسقه يمين وشمال
هيا يابا الحقنا بي عقاب الشي ده
باقي حبل الصبر كمل

كسره
بركاله........... ومفتونين بالحكي ده

مو كدي بالله يا آبري يا أخوي ؟؟؟

[فخري الزين]

المشاركة الأصلية كتبت بواسطة ناصر يوسف

مو كدي بالله يا آبري يا أخوي ؟؟؟

ياهو كدي
ناصر ازيك ياخ والله انت من بقيت تسافر السفات العجيبه دي جليتنا ( الله في )
ودجبرين يارائع يديك العافيه ياحبوب
تحياتي وكل عام وانتم بخير