اقتباس:
المشاركة الأصلية كتبت بواسطة عبد الجليل سليمان
عموما كنت ولزمن طويل ضد الكتابة في الأسافير (لدي مساحات أخرى)، لكني وجدت في سودانيات مساحة رائعة للتداول، ولما ذهب بعض الرائعين والرائعات وجاء بعض الغارقين والغارقات في أتون ( حراسة) القيم والأخلاق والمثل، ولأسف صدقهم البعض، فقط لأن أصواتهم عالية، أشفقت على نفسي من هؤلاء، وظللت إدافع عن الأخت أم التيمان، وكنت دائما أقول وأردد أنني لا أدافع عنها بشكل شخصي فأنا بالكاد أعرفها لكني أدافع عن مبدأ الحريات حتى لو كان ضدي، وربما كنت أدخر دفوعاتي تلك لـ (يوم كريهة وسداد ثغر) وها هو قد حان للإسف.
|
عبد الجليل سلامات
البوست بتاعك داك يا أخوي دخلنا زي ما قال الحردلو في بكانا صعب بلحيل! خلانا بالفعل نفتش على حدود الحرية دي وين؟ و هل هي مطلقة؟
شوف مداخلة زول الله الغير لائقة ديك(التي إعتذر عنها مشكورا)، كان ممكن يدافع عنها بانو دي حرية و يقول دا سؤال حر؟ انت نفسك ردك عليهو كان عنيف لانك شايفو تعدى حدود الحرية.
ببقى الحرية دي عندها حدود بتفاوت من زول لزول،
غايتو الموضوع دا داير ليهو قعدة مع النفس و الآخرين.
