راكوبة المجادعات.. النمة والدوباي

[جيجي]

من جهة الشرق جات السحب مجاريه
كبّ الحن سيول غرق علينا الصافيه
رعدّ وانبرق رزرز حواسا حافية
سلك الشوق شلع وين نلقى تاني العافية

[سجمان]

المشاركة الأصلية كتبت بواسطة زول الله

البرق الشلع في القبلي جاب نسامِن
خيط نومي انفرط قطعنو بي كشامِن
السبب البكُتل الزول عديل قدامِن
اللولي النصع نام في الصدير متطامِن

اقول قولي هذا واستغفر الله لي ..............

برقاً في السحر حرقوصي قام راصدني
جافاني الغميد سهر العيون حاصدني
دريفيناً قدر ما حُدْتَ جا مقاصدني
بي سهم العيون جوة الوريد فاصدني

[elle]

سحار العقول اللي القوافي فرسها
في جامعة فهم سمح المعاني درسها
سهر عيني شوق فد ليلة ما نعسها
تلقاهو إن سهت هب ولفى وحسسها





سلام للجميع

[سجمان]

المشاركة الأصلية كتبت بواسطة elle

سحار العقول اللي القوافي فرسها
في جامعة فهم سمح المعاني درسها
سهر عيني شوق فد ليلة ما نعسها
تلقاهو إن سهت هب ولفى وحسسها

سلام للجميع

غنيلو كان يمسك دريبو الودر
اشجيهو كان فرعو اليبس يتخدر
بي سمح النضم باقي الجسم بتخدر
يا elle العشوق ألفيو قليبو الودر

هلا بي طلتك..

[سمراء]

المشاركة الأصلية كتبت بواسطة سجمان

غنيلو كان يمسك دريبو الودر
اشجيهو كان فرعو اليبس يتخدر
بي سمح النضم باقي الجسم بتخدر
يا elle العشوق ألفيو قليبو الودر

هلا بي طلتك..

الودر مابعود ان كان ودر بالريدة
والقلب ان عشق مااا اظنو تانى يعيدة
فرتاك العبوس ان كان نست مواعيده
مااظن القليب براهو يقدر يجيده

[سجمان]

المشاركة الأصلية كتبت بواسطة سمراء

الودر مابعود ان كان ودر بالريدة
والقلب ان عشق مااا اظنو تانى يعيدة
فرتاك العبوس ان كان نست مواعيده
مااظن القليب براهو يقدر يجيده

الغنا والنميم جاب الودر في الفونقة
بي صوتو اليرن "كوز" اتربط في "دونقة"
الزول الرحل بيهو الشمش متخونقة
مسخ للحياة خلاها دنيا "دبونقة"

[سارة]

المشاركة الأصلية كتبت بواسطة سجمان

الغنا والنميم جاب الودر في الفونقة
بي صوتو اليرن "كوز" اتربط في "دونقة"
الزول الرحل بيهو الشمش متخونقة
مسخ للحياة خلاها دنيا "دبونقة"

الغنى والنميم ما بيشفعن لى حالى
والزول الرحل هالكنى شاغل بالى
يا السجمان عدوك انجدنى بى رمالى
خسفت شمسى خنقت واتمزعن اوصالى

[سمراء]

المشاركة الأصلية كتبت بواسطة سجمان

الغنا والنميم جاب الودر في الفونقة
بي صوتو اليرن "كوز" اتربط في "دونقة"
الزول الرحل بيهو الشمش متخونقة
مسخ للحياة خلاها دنيا "دبونقة"

الغنا والنميم ياسجم الرماد بنعرفو
من قومة الجهل يانا ساسو وملحو
رصراصين للنضم وللنم كمان بنعرفو
وانت ابعد غادى خليك فى جعيرك ونخجو

[سجمان]

المشاركة الأصلية كتبت بواسطة سارة

الغنى والنميم ما بيشفعن لى حالى
والزول الرحل هالكنى شاغل بالى
يا السجمان عدوك انجدنى بى رمالى
خسفت شمسى خنقت واتمزعن اوصالى

الغنا والنميم واليهن أوعي تري
خليهن وِرِد في ليلك أقعدي جري
لو ضهب الدرب بي بسمة منك فري
تنجدي زول غرامك باقيلو حبلو السري

[سجمان]

المشاركة الأصلية كتبت بواسطة سمراء

الغنا والنميم ياسجم الرماد بنعرفو
من قومة الجهل يانا ساسو وملحو
رصراصين للنضم وللنم كمان بنعرفو
وانت ابعد غادى خليك فى جعيرك ونخجو

الرعد البجيب مطراً بنعرف رزمو
ما حشيت عدار كان ما خبرت أحزمو
في الغنا والنميم رايي ديمة بحزمو
حاكر فكري ديمة البارزني فيهو بهزمو

[سمراء]

المشاركة الأصلية كتبت بواسطة سجمان

الرعد البجيب مطراً بنعرف رزمو
ما حشيت عدار كان ما خبرت أحزمو
في الغنا والنميم رايي ديمة بحزمو
حاكر فكري ديمة البارزني فيهو بهزمو

الرعد ان كتر ياهو الخريف الخائس
ولملام العدار يادوبو زولاً بائس
ان كتر النضم تلقاهو واقف حائس
وان سكت الجميع تلقاهو جارى يكابس

هييييييييييييييع تقولى شنو

[سجمان]

وين المتل ود كانديك سمح في نضمو
ود الزين أخوي النمو ساهل هضمو
جيبولنا الغنا الفي الجوف بيصعب كضمو
قبال الجلد بالشوق يفارق عضمو

[سارة]

المشاركة الأصلية كتبت بواسطة سجمان

الرعد البجيب مطراً بنعرف رزمو
ما حشيت عدار كان ما خبرت أحزمو
في الغنا والنميم رايي ديمة بحزمو
حاكر فكري ديمة البارزني فيهو بهزمو

الرعد المزرقن وبراقو شالع قبلى
فى النم والغنى انا مافى زولا متلى
فرتاقة صفوف والبارزنى فاهم قدرى
بس هجر الحبيب هلكنى قصر اجلى

[سجمان]

المشاركة الأصلية كتبت بواسطة سمراء

الرعد ان كتر ياهو الخريف الخائس
ولملام العدار يادوبو زولاً بائس
ان كتر النضم تلقاهو واقف حائس
وان سكت الجميع تلقاهو جارى يكابس

هييييييييييييييع تقولى شنو

ماني رعد هرع .. صاقعة نجم في الجو
سيل وادي أم سدر المويتو تقلع شو
خريف أمات تعول في العركة باقي أحو
جبل الحديد الشامخ الماب هددوو بالنو

دي هعيييييييييييين كان

[مي هاشم]

المشاركة الأصلية كتبت بواسطة سجمان

الغنا والنميم جاب الودر في الفونقة
بي صوتو اليرن "كوز" اتربط في "دونقة"
[mark=FFFF33]الزول الرحل بيهو الشمش متخونقة
مسخ للحياة خلاها دنيا "دبونقة[/mark]"

النّم جابني وهاجت علي أحوالي
بي صوتو الحنين نتح الألَم متوالي
الزول الرحل غنّيتلو جِب موّالي
مسّخ علي العيد وجع القليب سوّالي


سلام للجميع..
سجمان(الله لا سجمك) مالك علي بالليل ده(مافي وش باكي ومتجرس)؟؟