راكوبة المجادعات.. النمة والدوباي

[شبارقة]

[align=justify]كل عام إنتو بخير يا ناس الراكوبة ... ويتبارك عليكم العيد.[/align]

[عكــود]

تسجيل متابعة واستمخاخ شديد بالحيل.

إقتراح لكل النامّين والنامّات،
ياجماعة نمّكم ده ما تخلّوهو حبيس البوست ده،
بعد شويّة بتنسوهو وبيضيع منّكم/ن . .
كل واحد/ة يحفظ في كمبيوترو مشاركاتو و بالمرّة الردود العليها،
ده شُغل سمِح، فأحفظوه، يرحمكم الله.

بينفعكم لا قدّام.

[سجمان]

المشاركة الأصلية كتبت بواسطة سارة

شاحدة الله الكريم تهون وينحل قيدك
وتسجع بالغنى وتتطربنا يوت بقصيدك
يالسجمان عدوك حن لى الرجاك وبريدك
ما يبقى كلام شعر وبكرة تنفض أيدك

ما اتحدثت يوم في قول وجيت أتنصل
ومعروووف في الرهان إبلي ماب تتحصل
شيليهو الحديث مني الصحيح ومفصل
سافرلك قليببي عُقب الجسد اتكنصل

[سجمان]

المشاركة الأصلية كتبت بواسطة مي هاشم

العيد عليكم مبارك ..للناس فتح أبوابو
جاب ليهم الفرحة وكل الحزن لي جابو
رجاي ما اتحقق وآمالي (جَت) خابو
ما حباب الهَم والعيد حزين ما حبابو

الصام احتساب في عيدو أصبح فايز
في الأخرة العتق والدنيا نالا جوائز
الشفع جيوبنا ما خلو فيها برايز
والشيالات وحاتكم ما خلو فيها خبايز

[سجمان]

المشاركة الأصلية كتبت بواسطة طارق الحسن محمد

كل عام وانتو بالف الف خير
وانتو شوطين
وبس كلكم
يالله يالله يالله يالله

حبابك وحباب العيد الجابك..

كل سنة وانت زي ما عايز علي كيفك يعني..

[مي هاشم]

المشاركة الأصلية كتبت بواسطة شبارقة

[align=justify]كل عام إنتو بخير يا ناس الراكوبة ... ويتبارك عليكم العيد.[/align]

يبارك لعميرك وعليك يعود العيد
بالرضا والسرور دايماً بخيت وسعيد
المسدار سمِح ندوبي ليهو نعيد
اتفضل معانا لا تقيف هناك بعيد


كل سنة وانت طيب يا رب

[سجمان]

المشاركة الأصلية كتبت بواسطة عبدالله وداعه الامين

اهل المسادير سلام وتحية
وكل سنة وانتوا طيبين
العيد مبارك عليكم كلكم

وانت طيب يا رب..
والقابلة كدا كل الأمنيات ان شاء الله..

[سجمان]

المشاركة الأصلية كتبت بواسطة عبدالله وداعه الامين

زازيتو السهر والنوم محق من نومو
قطّع رسنو فات تم الفضل في هدومو
يا عروبنا هوي ان بكرة ما بتصومو
كل حشاش يحش وابليس بكبّر كومو

البررّق لمعن والسارية زاد دفيقة
والصيد المرق لي نفسي زاد تعويقة
إبليس اللعين ما بلقى فينا طريقة
كل ما يقول يقرب نزيدلو في التعشيقة

[سجمان]

المشاركة الأصلية كتبت بواسطة أحمد محمد زين حسين

البارح بعد كـل الخلـوق ما نامو
تاورني الغـرام هيج علـي آلامو
ود الاريل البهرن عيونـي سهامو
يلقى مرادو في الدنيا ويطيبن ايامو



سلام عروب سلام
يطيب معناكم .. والبلاء ما جاكم
والعيد مبارك عليكم والعفو لله والرسول وينعاد عليكم بالخير والبركة

حسيت من صباح العين موالية الرفة
عشمني الزمن في الشال منامي وقفا
درفون أم حفر بي غيبتو نوري انطفّا
وأنا من فراقو الموت بشوفو أخف

[مي هاشم]

المشاركة الأصلية كتبت بواسطة عكــود

تسجيل متابعة واستمخاخ شديد بالحيل.

إقتراح لكل النامّين والنامّات،
ياجماعة نمّكم ده ما تخلّوهو حبيس البوست ده،
بعد شويّة بتنسوهو وبيضيع منّكم/ن . .
كل واحد/ة يحفظ في كمبيوترو مشاركاتو و بالمرّة الردود العليها،
ده شُغل سمِح، فأحفظوه، يرحمكم الله.

بينفعكم لا قدّام.

تعليقك سمِح بالحيل كتير سرّانا
شاركنا النّضم ما بيحلى لينا برانا
ورّينا جدعك سجمان قبيل ورّانا
ما يمكن رصين..نحن إيش درّانا (على قول المواطنين)

[شبارقة]

المشاركة الأصلية كتبت بواسطة مي هاشم

يبارك لعميرك وعليك يعود العيد
بالرضا والسرور دايماً بخيت وسعيد
المسدار سمِح ندوبي ليهو نعيد
اتفضل معانا لا تقيف هناك بعيد


كل سنة وانت طيب يا رب

[align=justify]يا ريتني لو بقدر أقول متل كلامكم السمح ده ... كان أقلو جاريتك

كل سنة وإنتي طيبة وأسرتك الكريمة.[/align]

[سجمان]

المشاركة الأصلية كتبت بواسطة مي هاشم

البـارح بعد الخلوق انجمّت
تاورني الغرام وآلامو فوقي اتلمّت
الفارس الهُمام الفي قليبي مغمّت
يلقى مرادو في الدنيا وأمورو انتمّت


سلام ..يا د.أحمد..وكل سنة وانت وأسرتك بخير
العفو لله والرسول..الله يحفظك وكل من تحب

انفلت النسيم ساكن الفريعات قوقا
لي ام فلجات صبح دستوري ناز فوقا
الجاهلة أم عجن يوماتي زايد توقا
والشوق لي لماها ختاني في المهتوقة

[سجمان]

المشاركة الأصلية كتبت بواسطة محمد مصطفي

هنا اسجل حضور واستمتاع

سجمان يالحبيب منك نعرف النمة
من شفتك عرفتك ياكا زول الهمة
حضورك جميل وبيك السمر بنتمة
يا زول يا سمح والله ما فيك كلمة

عانينا الجفاف واطاتنا في أنصافا
بلاداً بالمحل لما الضبابا تخافا
جيتلنا يا ام تعول موية انعدم صرافا
كترنا العيوش ما حاقت الصرافة
حبابك ألف والله نورت أم شعب..

[احمد زين]

المشاركة الأصلية كتبت بواسطة سجمان

ما اتحدثت يوم في قول وجيت أتنصل
ومعروووف في الرهان إبلي ماب تتحصل
شيليهو الحديث مني الصحيح ومفصل
سافرلك قليببي عُقب الجسد اتكنصل

شعرك يا رفيق مليـان حـكم ومعانـي
وكم شَديت وجيت لي نَمُّو قاصد وعاني
لو كـان بالمـراد والدنيا تبقى أمانـي
كنت كتبت فيك شعري وعقدت لساني

[سجمان]

المشاركة الأصلية كتبت بواسطة مبر محمود

سلام ومحبة لكل صُناع الجمال هنا
لإتساع رقعة هذا البوست لم أتمكن من الطواف عليه إجمالاً.. ولكني حتماً سأفعل .

إستمتعت جداً بمسادير (مي)
شي مدهش ونم ناضج، ينم عن موهبة حقيقية ليست مصطنعة ..
ما رفدت به البوست يحتاج منا لبوست نقدي يعالج بعض القصور ويشير أيضاً لمواضع الجمال فيه

أول شئ نرحب بيك بي مسدار شكر كدا..

حباب الجانا غيرو ماف البسد الخانا
اياك اسد الهنيش الما بخاف جبخانا
عِن ساعة الدواس دايماً عليك تحجانا
والمنفسة غيرك مين العدل عوجانا

ثم مرحب بي مجهرك وانت تضع هذه الجهود المتواضعة قيد التمحيص والتعديل والنقد..

ودي؛؛