خريجو جامعة أسيوط لمزيد من التواصل

[الجيلي عبد الله الريح]

سلآآآآآم عليكم ....
عبود عبد القادر .. نورت الحلة .. ألف مرحب ..
أبو شهد الكندي ... ليك وحشه .. وألف مرحب ..
العزيز كيشو ... نور بيتنا .. شارع بيتنا ... يوم ماجيتنا ...
القلم المنمق المموسق المعبق ...هاشم أبوزيد ... ألف مرحب ..
سنهزم الاحزان بهذه الاقلام الرائعة وهذا التآلف الرائع ..
شبارقة لا تطول كتير وتتاوق ... أبقى لي جوا ...
أبواللمين ذاك المخزون الذي لا ينضب بإذن الله ... أتحفنا ..
علي عبد الله ... تحياتي للأخ محمد ... وألف مرحب ..
كباشي الطويل ... ياخي ماتطول كتير ..
أين أنت يا إبن هارون ..؟؟؟
وأين ... أين ... وأين ودالكاشف ... المرة ديه طولت شديد ..
ماتقول لي لسه كتفك واجعك ...
متهم شرائط الكاسيت ... العوض ... هلا هلا ... أنا حسابي معاك
كتير شديد ...خلي كيشو يترافع عنك ...؟؟

[محمد الامين مصطفي]

المشاركة الأصلية كتبت بواسطة مكي محمد الحسن

السلام عليكم يا صعايده
وسلامات محمد الامين وكباشي والزوول ..علي فكرة يا كيشو سجل للزوول 3 شرايط فقد وجدت في درج مكتبته عندما سكن معه الاخ سيد احمد ابوشعر وانا خريج ل أبوداؤدإخنفي مني عندما كنت برلوما ..وما زال ملف د.الزوول مفتوحاً حتي تتم ترقيته الي رتبه (المهم )
يلا سلام

العزيز مكي حفظكم الله في غربتكم واعانكم فيها 00ويا اخوة ما تطولو الغيبة فالمنتدي محتاج واشد ما يكون لطلتكم البهية 00 والحمد لله اكتمل العقد الفريد بعودة زعماء المنتدي (مصطلح الزعيم مصطلح مريخي حصري رغم ما اصاب المريخ من وهن ) فمرحبا بقادة المنتدي ومحركي اوردته وشرايينه ودمتم نابضين باسيوط متالفين عبرها 00

[محمد الامين مصطفي]

المشاركة الأصلية كتبت بواسطة الجيلي عبد الله الريح

سلآآآآآم عليكم ....
عبود عبد القادر .. نورت الحلة .. ألف مرحب ..
أبو شهد الكندي ... ليك وحشه .. وألف مرحب ..
العزيز كيشو ... نور بيتنا .. شارع بيتنا ... يوم ماجيتنا ...
القلم المنمق المموسق المعبق ...هاشم أبوزيد ... ألف مرحب ..
سنهزم الاحزان بهذه الاقلام الرائعة وهذا التآلف الرائع ..
...؟؟

اخي دكتور الجيلي 00 عودا مضيئا بهيا نديا 00 بملامح مدني وناس مدني وبهاء اسيوط الحبيبة 00فيا اخي افتقدنا مشاركاتكم فكونو قريبين حتي لا نكون غرباء 0

[على عبدالله محمد يوسف]

عموم الأسايطة ...السلام والتحية والإحترام .
كيشو والجيلى تحياتكم وصلت وأخى محمد يغريكم عاطر التحايا والأشواق .
ياعود وأبوريم .. وين صور الإفطار الرمضانى بالسودان؟ ...... مستنين .

[مكي محمد الحسن]

المشاركة الأصلية كتبت بواسطة محمد الامين مصطفي

العزيز مكي حفظكم الله في غربتكم واعانكم فيها 00ويا اخوة ما تطولو الغيبة فالمنتدي محتاج واشد ما يكون لطلتكم البهية 00 والحمد لله اكتمل العقد الفريد بعودة زعماء المنتدي (مصطلح الزعيم مصطلح مريخي حصري رغم ما اصاب المريخ من وهن ) فمرحبا بقادة المنتدي ومحركي اوردته وشرايينه ودمتم نابضين باسيوط متالفين عبرها 00

الاخ محمد الامين
كل عام وانتم بخير ..
اللون الاحمر ده ما لونا انت داير تزعل الناس البكتبوا بالازرق هنا ده ولا شنو
متابعين كتاباتك الثره بس امرقنا من الكتابات السياسية ..
علي فكرة ..وين قائد الاسطول د. كيمو الجاهز؟؟؟

[مكي محمد الحسن]

المشاركة الأصلية كتبت بواسطة الجيلي عبد الله الريح

سلآآآآآم عليكم ....
عبود عبد القادر .. نورت الحلة .. ألف مرحب ..
أبو شهد الكندي ... ليك وحشه .. وألف مرحب ..
العزيز كيشو ... نور بيتنا .. شارع بيتنا ... يوم ماجيتنا ...
القلم المنمق المموسق المعبق ...هاشم أبوزيد ... ألف مرحب ..
سنهزم الاحزان بهذه الاقلام الرائعة وهذا التآلف الرائع ..
شبارقة لا تطول كتير وتتاوق ... أبقى لي جوا ...
أبواللمين ذاك المخزون الذي لا ينضب بإذن الله ... أتحفنا ..
علي عبد الله ... تحياتي للأخ محمد ... وألف مرحب ..
كباشي الطويل ... ياخي ماتطول كتير ..
أين أنت يا إبن هارون ..؟؟؟
وأين ... أين ... وأين ودالكاشف ... المرة ديه طولت شديد ..
ماتقول لي لسه كتفك واجعك ...
متهم شرائط الكاسيت ... العوض ... هلا هلا ... أنا حسابي معاك
كتير شديد ...خلي كيشو يترافع عنك ...؟؟

د. الجيلي الريح النطاسي البارع
كل سنة وانت والاسرة الكريمة بخير
إقتبسنا كلامك الفوق ده ..ونعلق عليه ..
شرحواااااااااااااااااااااااااااااااااااااااا

[مكي محمد الحسن]

المشاركة الأصلية كتبت بواسطة على عبدالله محمد يوسف

عموم الأسايطة ...السلام والتحية والإحترام .
كيشو والجيلى تحياتكم وصلت وأخى محمد يغريكم عاطر التحايا والأشواق .
ياعود وأبوريم .. وين صور الإفطار الرمضانى بالسودان؟ ...... مستنين .

الطبيب البيطري علي عبد الله ( ودمدني حي دردق ) ؟؟
سلامات ..والعيد مبارك عليك وعلينا..
وين أخبار السادة البياطرة .. مبارك ..علي حسن ..
معي في المدينة الاخ البيطري عبدالله انزلت صورته في مداخلة سابقة ..تركته منتظرا حضور زوجته من مصر في المدينة ورحلت بي ظروف العمل في الاصقاع المتجمده علني التقيه في اجازة اعياد الكريسماس القادمة..
واين انت الان من سؤالك للصور تبدوا من المغتربين مثلنا

[مكي محمد الحسن]

المشاركة الأصلية كتبت بواسطة الزوول

السلام عليكم....





يا جماعة انتو مستغلين حكاية العوض النساي ديك
وأي شيء ملصقينها فوقي

.....

د.العوض صديق الكل وحبيب الكل
ينعاد عليكم بالخير واليمن والبركات ان شاء الله
لكن ما قلت لي ..لسع نساي والدليل حكوتك دي حكيتها قبل كده ..
القضايا الزي قضية الشرائط دي ناس شيخي كيشو لسع بنظروا فيها لانها من ضمن المستجدات تحت بند الملكية الفكرية ما شايف الفنانين في السودان مشاكلهم وصلت المحاكم وما عاد فيها يا اخوانا باركوها ..اها انا عافي ليك شريطي بتاع ابوداؤد بشرط انك توريني انزل فيديو كيف من في اليوتيوب ولا من خلال مواقع اخري ..باقي انت حريف في الشبكة ومقددها ..

[ابوريم]

المشاركة الأصلية كتبت بواسطة على عبدالله محمد يوسف

عموم الأسايطة ...السلام والتحية والإحترام .
كيشو والجيلى تحياتكم وصلت وأخى محمد يغريكم عاطر التحايا والأشواق .
ياعود وأبوريم .. وين صور الإفطار الرمضانى بالسودان؟ ...... مستنين .

علي عبد الله!
كل سنه وانت والاسرة الكريمه طيبين.
للأسف الشديد مع اللخمه بتاعت تجهيز حاجات الفطورنسيت اشيل معاي الكاميرا...وعمر عود برضو ماجاب معاه كاميرا...لكين في زول رسل ولده عشان يجيب كاميرة فيديو من العربيه وجابها وصور الناس بيها لكين هو منو؟ ما بتذكروا ليك لانو من الناس الاتخرجوا قبل ما نجي اسيوط.
غايتو ممكن نديك وصف حي ونوريك منو الكانو حاضرين...من تربيه محمد الطيب وابتسام محمود وعمر الازرق واسامه مامون والضو الشيخ الطيب واديبه حسن الحواتي...من زراعه زهير صلاح حضرة وندى القوصي وامل احمد علي ومن معهد تجاري و سنيه عبد الوهاب وعلي عباسيه وعادل الطيب والرشيد عربي كان واقف جنب الباب وما خش لانو كان عندهم فطور في حته تانيه ومن معهد صحي د. محمد مدني تجارة محمد الحافظ احمد فضل الله ونادر محمد عيسى وعادل محمد الحسن(ريجان)واميرة واسامه الشريف وعمر عود وبعدين رئيس اللجنه بتاعت اسيودان نسيت اسمو والزول الولدو صور بكاميرة الفيديو برضو من تجارة على ما اظن
قصرت معاكم؟

[أسامة الكاشف]

صباحكم قشطة يا أسايطة

والله يالجيلي شغالين بالكورتزون والعلاج الطبيعي
لكن متابع يوماتي


تسلموا

[ابوريم]

من الناس الحضروا هشام عباس تربيه من اخر دفعه.
...
الف سلامه اسامه الكاشف وربنا يكتب سلامتك.

[محمد الامين مصطفي]

سلامتك اخي اسامة واجر وعافية وكفارة باذن الله 00 اخي ابوريم الاف التحايا 000 وتقبلو اخوتي الكرام تحايا محمد الرشيد جولوجيا اسيوط ويعزيكم في كل المرحومين 00 وتفاجأ بوفاة قرفة تقبله الله قبولا حسنا 00 التحايا موصولة لدكتور منتصر ولدكتور عصام عليش ونسأل عن عراب المنتدي الدكتور كمال محجوب 000 والسلام 00

[محمد الامين مصطفي]

المشاركة الأصلية كتبت بواسطة الزوول

السلام عليكم

...

والله إنا لنغبطكم على ما أنتم فيه من نعيم
ونسأل الله أن يجنبنا عذاب القبر وعذاب الجحيم
ونسأله برحمته أن يدخلنا الجنة فهو الغفور الرحيم
....
تحياتي لك أخي د. هاشم أبوذيد
والتحايا موصولة أيضاً لأختنا أميرة
ولمحمد ولبقية الأبناء
وكل عام وأنتم بخير
...

دكتور الزوول سلامات 000 وتمنينا ان تكون لغزا ولكن قدر الله وما شاء فعل واصبحت الان الزوول عوض 00 شخصيا افضل الزوول لانه في يوم من الايام ادار العقول ويا اخي نسيت غلبنا ليك في تنس الطاولة بدار الاتحاد 00 فيبدو ان الزهايمر قد احتل مساحات واسعة منك 00 واهديك هذه الطرفة 00 يقال والعهدة علي الراوي 00 ان الطائرة كانت تحلق عاليا وجلس الشايقي والخواجة متجاوران 00 واستهون الخواجه بجاره الشايقي قائلا له : يا سوداني اسأل اي سؤال في ذهنك اذا لم استطع الرد عليه فسأعطيك خمسة الف دولار وسأسألك سؤال اذا غلبك تدفع لي خمسة دولار فقط الفكرة عجبت اخونا الشايقي فوافق علي الفور 00 وكان السؤال الاول من نصيب الخواجة فوجه سؤاله للشايقي قائلا : عرف الجاذبية الارضية فما كان من الشايقي الا ان ادخل يده في جيبه وسلم الخواجة خمسة دولار متعللا بعدم معرفته للاجابة 00 وجاء دور الشايقي ليسأل الخواجة فقال الشايقي : حيوان طلع الجبل بثلاثة ارجل وعندما نزل نزل باربعة ده ياتو حيوان ؟ فكر الخواجة ونحت مخه نحتا وكانت معه مراجع في المعلومات بحث فيها ولم يجد الاجابة وكذلك دخل علي النت ولم يجد اجابة فأخرج من جيبه خمسة الف دولار واعطاها الشايقي بانه لم يعرف الاجابة 00 فأستلم الشايقي المبلغ 00 ولكن الخواجة ربت علي كتف الشايقي قائلا ما هي الاجابة ؟ ادخل الشايقي يده في جيبه واخرج خمسة دولار واعطاها للخواجة وقال والله يالخواجة انا ذاتي ما عارف الاجابة 0000

[هاشم أبوزيد نقد]

المشاركة الأصلية كتبت بواسطة محمد الامين مصطفي

]العزيز دكتور هاشم تحية واحتراما :
ان حروفك الطروبة اطربتنا وابتعثت فينا الفرح وغسلت النفوس 00 لانك تكتب النثر وكأنه شعر 00 وتكتب الشعر وكأنه لحن سرمدي يمتد ويمتد في اعماقنا الجافة كانه سهول خضراء في اللا منتهي لافاق خريفية تحمل الدعاش والرزاز والفرح النبيل 00 فكن مطرا هاطلا علي هذا المنتدي وبلل المساحات الجفاف 00 فيا ابو محمد لا تحرمنا من هذه التداعيات ولا تنسونا من صالح الدعوات وانتم في باحة الحرم المكي والحرم النبوي الشريف 00[/color]

أخي الأديب محمد
ليتني أكون بعضا مما كتبت ...
و لكنني أحاول أن أذرع فرحا في بساتين الحزن الشائكة ... حينا أستطيع ... و أحايين كثيرة لا ...
فعندما تؤخذ وردة من بستان جميل و تغرس في صحراء جرداء ... فلا أبى لها (أي الوردة) تزبل و تموت ...
و نحن هنا لا نصارع الموت ... و لا نغالبه ... و لكننا نحاول أن نأخذ منه القيمة الحقيقية للحياة ... فالضد (بفتح الدال) يظهر حسنه الضد (بضمها)...
و ليتني كنت أقيم في مكة المكرمة أو المدينة المنورة ...
لكن وجودنا في الرياض ... يذهب عنا عناء تأشيرات الخروج و الدخول ...
فنذهب كلما كاد الشيطان أن يهزمنا إلي حيث رجم و يرجم ...
و في كل مرة تذهب إلى هناك ... تضحك و تبكي ...
تضحك على الدنيا ... لأنك تكتشف في كل مرة أنها لا تساوي جناح بعوضة ...
و تبكي على الدنيا ... لأنك لا محال مفارقها ...
و تسأل نفسك السؤال ذاته كل مرة ... لماذا تبكيها و هي لا تساوي جناح بعوضة ... و لا إجابة ...
و هناك المتضادات كثر ...
( تقف) إجلالا لرب البيت ... و (تسجد) تعظيما له ...
( تصوم ) اليوم كله و تعطش و تجوع و( تفطر) على تمرات و جرعات من ماء زمزم فتشبع و ترتوى ...
و عندما نكون ههنا في الرياض نصوم فلا نحس (إلا قليلا) بجوع أو عطش ...
و نملأ طاولات الطعام و البطون بما لذ و طاب من أنواع الأكل و ألوان الشرب ...
فلا نحس (إلا قليلا ) بطعم الشبع و لذة الارتواء...
و هنالك تقف و تمشي و تهرول ...(تقف) لتصلى و (تمشى) لتطوف ... و (تهرول) بين العمودين الأخضرين الشاخصين بين الصفا و المروة ...
و هنا في الرياض تقف و تمشي و تهرول ... (تقف) كثيرا لدرجة السأم و الملل في إشارات المرور ...
و (تمشي) كثيرا بين ردهات المكاتب ...
و (تهرول) لتشتري حاجة من بقالة أو صيدلية أو بائع خضار ...
نقف هنا و هناك ... نمشي هنا و هناك ... نهرول هنا و هناك ...
فهل من بعض الرحيق.؟

[هاشم أبوزيد نقد]

[font=Tahoma][size=5][color=#008000]يا جماعة انتو مستغلين حكاية العوض النساي ديك
وأي شيء ملصقينها فوقي
بعدين دي فوق ل25 سنة
شرايطكم دي ما نسيتوها
هسع الزول يعملكم زي فضل المولى
يمشي تاني ما يرجع
....
طبعاً كلكم عارفين قصة فضل المولى
الزول العمل العملة داك
ولفائدة البرالمة نحكيها
(وأرجو أن تعزروني على الألفاظ التي لا تليق بمقامكم ولكن لا يمكن للقصة أن تستقيم بدونها)
...
العوض ...
أجمل مافي العوض ... أنه هو ... هو ... و قد إختار لنفسه لقبا لم يختف خلفه طويلا ... فقد إختار إسما يجسد كل المعاني الطيبة ... و القيم الأصيلة ...
العوض إسم يذكرك دائما ... بالدميرة ... و المطر ... و الدعاش ... و الطنبور ... و النيل ... و العنقريب ... و العرديب ... و الشاي ... و الباباي ...
تذكر العوض ... فتذكر كل شيىء جميل ... و طيب ... و طبيعي ...
تذكره ... فتذكر شتاء اسيوط ... و صيفها ... و كان هو بين شتائها القارص و صيفها الحار ... كان ربيعا جميلا لا يخلو من حرارة أولاد البلد ...
و قصة فضل المولى التى كتبها العوض ... تحمل كل الصفاء الذي عرفته به ... و تحمل كل النقاء ... الذي لا زال يعيشه ... و حتى صورته التي أطل بها علينا ... تجسد نفس العوض الذي كان يمشي في شوارع أسيوط و يأكل من فولها و عدسها ...
و الكلمة التي إعتذر العوض - بطيبته و تلقائيته - المعهودة ليست إلا كلمة عربية فصحى ...
و ( أظن) أنها وردت في كتاب طوق الحمامة في قصة الإعرابي الذي ذهب ليخطب فتاة ... فقرر أن يأخذ معه شخص يثنيه ... و عندما دخلوا الى بيت الفتاة ... بدأ الرجل يثني على كل حركة يأت بها الخطيب ...
جلس الخطيب فقال الرجل : ما أجمل ما جلس!
و إذا تكلم الخطيب قال الرجل : ما أجمل ما تكلم !!!
و ما أجمل ما أبتسم !!!! و ما أجمل .... و ما أجمل ......و ما أجمل
و في وسط زحام ما أجمل و ما أجمل ... (ضرط) الخطيب ...
فقال الرجل : ما أجمل ما (ضرط) فلا هو قرقرها و لا هو كركرها و لا هو .... و لا هو ...
و بدا الرجل يتغزل في (ضرطة) الخطيب ...
فقال أبو الفتاة للرجل : حسبك ... و الله لو (سلح) في نفسه لزوجناه ....
و (سلح) هذه لن تجدوها إلا في المعجم أو في (حفائظ الأطفال) ...
.........
و يبقى العوض ... الزول الوسيم في طبعوا دايما هادي ... كما غناها النعام آدم ...
و غدا أعود ببعض الرحيق.