الخلاوي نظام موجود وقديم وتخرجت منه جموع غفيرة من حفظة القرآن والحديث
العقاب في الخلوة بالفلقة والبسطونة والخرطوش و دا شيء طبيعي حتى في المدارس
ولاحظ انو حتى الخلاوي فيها رسوم بتندفع للشيخ يعني مافي فرق من المدرسة بس يختلف المُسمى
كلامك فيهو تلميحات لتسييس القضية ودي نقطة حأتجاوزها وأقول ليك رأيي ..
رغم وجود المدارس النظامية لكن بعض الاهل يفضلون لأبناءهم الخلاوي و دي المشكلة
لو ملاحظ الولد المكلبش الاول عندو رغبة يمشي المدرسة وماعايز يحفظ في الخلوة
افتكر دا من ابسط حقوقو
اما المكلبش التاني فـ عندو مهنة -كان ميكانيكي- زي ماقال وعايز يواصل
دا برضو من حقو و نُص
الحديث قال مامعناهـ يولد المولود على الفطرة وأبواه يهودانه أو ينصرانه أو ...الخ
طيب ديل عايزين يخلولانه بدون رغبته ؟؟؟
وإذا خضع للتحفيظ القسري هل حيكون محافظ على آداب القرآن وعلومه بعد يتخرج ؟؟
السجن والسلاسل تعذيب لاحاجة لهم به ويكفي رؤية ذلك السوط
طارق .. انت بتجيب الحاجات دي من وين ؟؟
اقول قولي هذا واستغفر الله لي ...................
|
