العنــــــــــــــف الاسفيرى ضد المرأة

[ناصر يوسف]

اقتباس:
المشاركة الأصلية كتبت بواسطة عباس الشريف

ليس لدي مانع اكراما لكم ان اقف في هذا الحد ....
ولكم مني خالص التقدير والاحترام




ولكَ مثله آلاف يا ود الشريف

شكراً لأنك أكرمتنا جميعاً ولأنك أكرمت نفسك بالإبتعاد عن الكي بورد وأنتَ في إنفعالاتك العاملة زي وشك الشين ده ...

والله هسي دي بكلم ليك عمك د. بابكر مًخير .. ولا أقول ليك ... برسل ليك ديك العِدَة

ود الشريف يا وزول عوافي وأبقي طيب

[عباس الشريف]

الاعزاء مبر - النور- بابكر - ناصر
اعلن انسحابي من البوست نهائيا ودي قفله --- ولكم العتبي حتي ترضوا ...... مع خالص الود والتقدير

[ناصر يوسف]

اقتباس:
المشاركة الأصلية كتبت بواسطة عباس الشريف
الاعزاء مبر - النور- بابكر - ناصر
اعلن انسحابي من البوست نهائيا ودي قفله --- ولكم العتبي حتي ترضوا ...... مع خالص الود والتقدير





غايتو بعد مرات ....

بتكون ود فااااااااااااالح وبتسمع الكلام

حلاااااااااااااتك يا عباس الشريف وإنتَ زعلان



بجِدِيَه شوية :

شكراً لبعدك عن البوست في هذه اللحظات فقط ... بل ... أدعوك للرجوعِ مرةً أخري بالنفس البارد

شكراً ليك يا عباس بالجد

[سارة]

الله قادر

ساعود لكم فردا

[الرشيد اسماعيل محمود]

لوندرك فقط ..
أنَ كل الأشياء يمكنها أن تصبح سلاحاً متي ماإستخدمناها بصورةٍ من الصُور..
وكل الكلمات يمكن أن تصبح جارحة.. فقط لو إستعملناها بصورة ما..
والكلماتُ حينما نرميها لتجرح الآخرين تكون كالزجاج المتكسر..
أي محاولة لتجميعه مرة أخري تعني مزيداً من الجراح.
كنت مستمتعا بهذا البوست..ولكن يبدو اننا لا ندري كيف نقود
الأشياء الممتعة علي إستواء الطريق..وتلك مأساة.

[جيجي]

اقتباس:
المشاركة الأصلية كتبت بواسطة سارة

الله قادر
ساعود لكم فردا

الله قادر يوم وقفوك
رزينة حافظة لاسم ابوك

براحة ياستهم

[طارق الحسن محمد]

نعم فقد تابعت هذا البوست من أوله، وهو بوست منضبط جداً
ولكن للأمانه هنالك شيئان أحزناني فيه
الشئ الأول :
إعراض سارة عن الرد علي أسئلة "طارق" الغير شخصية، والتي لم تخرج من سياق البوست، فهذا السلوك منها في رائي لا يخدم الحوار

شكرا مبر
ولا زلت فى انتظار مدخلات منك

[طارق الحسن محمد]

اقتباس:
المشاركة الأصلية كتبت بواسطة الرشيد اسماعيل محمود

لوندرك فقط ..

أنَ كل الأشياء يمكنها أن تصبح سلاحاً متي ماإستخدمناها بصورةٍ من الصُور..
وكل الكلمات يمكن أن تصبح جارحة.. فقط لو إستعملناها بصورة ما..
والكلماتُ حينما نرميها لتجرح الآخرين تكون كالزجاج المتكسر..
أي محاولة لتجميعه مرة أخري تعني مزيداً من الجراح.
كنت مستمتعا بهذا البوست..ولكن يبدو اننا لا ندري كيف نقود
الأشياء الممتعة علي إستواء الطريق..وتلك مأساة.

الراشد
ياصديقى مرات كثيرة
نفتقد التحكم فى ردود افعالنا
ما بالك بالاخرين
! ! !
مازال الامر يستحق ان يناقش
بدون اتفعالات
مودتى
تخريمة :
اسعدتنى حد الثمالة
باتصالك
الله يديك العافية

[سارة]

اقتباس:
طيب يا حاجة امينة كده كويس معاك يا زولة ما عندك اي مشكله انا انسان متصالح مع نفسي اي اسم ما فارق معاي عباس غبيرا كويس عباس عرقي ما حلوة خليها عباس طشة تعرفي انا وقت كنت بشرب عليك امان الله ما داسيهوا من اي زول توقيت كاساتي مع اشارات المرور الما بتجاوزا وتبقي حمرا بوقف العربية وبفتح القزازة ووين في السعوديه هنا شفتي !!!!!!!!!
حكاية جيب الغزلان انا ما قلت ليك حاجة وقديمه يا بت الناس المرحله دي انا ما وصلتها قالوا دي بعد التوبة في سن الحجاج.... والاسم اتغير لي طرمة خليك مع الزمن يا حاجة
الدق والركوب دي شايفا عاجبك بس يا خاله ما قدر ده السترة واجبه.....
اما عن بوستاتك عوسي عواستك يا حاجة انتي عندك مشكله نفسية مع الرجل عامة وليس عباس او خلافه وتدعي الدفاع عن قضايا المرأة الوهميه بعبارات واهية وافساد جو المنتدي بافتعال القضايا الميته نحترم المرأة ونقدرها ونجلها ان كانت بنت او حاجة او ان كانت غزالة او شغالة بتجيب الغزلان هذه في اعتقادنا تصرفات شخصية نلتقي هنا لنرتقي بالدردشة دون حواجز وانتمائنا لهذا المكان لمساحة الحرية التي به اختاري ما تختاري من الالقاب ليس تنقص منا شيء او تزيدنا شيء لا هنالك ما نخبيه عباس الشريف هو نفس الاسم علي الواقع والمنتدي.
يا بت الناس شوفي ليك زول تاني اندرعي فيهو كرهنا السياسة واليوم الجابنا ليها كان سياسة الكيزان او سياسة الرجال ضد النسوان لكم دينكم ولنا ديننا خلينا في ونستنا بتاعت العرقي والبلوم ما ناكرنها ولا بنستعار منها انتي شوفي جبهة نضالية واهيه ومؤتمرات لتحديد النسل او مكافحة البغاء والمخدرات في اوساط الشابات احسن ليك من درب رجال رجال نسوان نسوان وفي النهاية احنا ما قاعدين نتصعلق عليك ولا علي اي اخت في المنتدي عارفين حدودنا واخوان بنات ما مطلوقين في السهله ......ونصيحه ليك ترسباتك الداخليه ما تنعكس علي حياتك العامة يا حاجة

لو فاكر يا عباس أنه كلماتك دى بتخوفنى وبحنى راسى ولا بتضارى تبقى غلطان ...اولا انا لما كتبت مفرداتك الرخيصة على سبيل المثال عشان
انت فعلا مثالا جيد لنوعية العنف والسخف البيحصل فى المنتديات ...
هناك اكثر من شخص استنكر كتابتك والفاظك البجحة لكن قلت فى نفسك انا ارد على سارة والصقت لفظ الحاجة للتهكم والسخرية ..
سكرك وعربدتك وقصصك وماضيك انا شخصيا ما بتشرفنى لكن تكتب
اى كلام بمقايسى انا الحاجة سارة او امينة بعتبره قلة حياة وعدم احترام
بقول راى...ولو مفتكر اللالفاظ التى استخدمتها ضدى والشتائم الظاهرة
والمبطنة انها بتثنينى عن قول راى تبقى غلطان...العنف ومحاولات اقصائى لن تفلح فيها ...فىى الاول انا كنت بتكلم كلام عام عن ظاهرة
حسب راى موجودة لكن انا الان بتكلم وعندى اسوأ مثال للعنف الاسفيرى
محاولاتك شتمى و تعمدك اهانتى لن تنقصنى ولن تزعجنى فقط خدمتنى
وخدمت قضيتى التى لم تعجب االكثيرون ...ان هناك عنف فى الاسافيروهناك نوعيات تدعى الثقافة والحضارة والوعى وتظن ان بنات
المنتديات لقمة رخيصة وانهن يصلحن فقط للونسة والدردشة وطق الحنك
اما عبارتك هذه الدق والركوب دي شايفا عاجبك بس يا خاله ما قدر ده السترة واجبه.....
اولا دا دليل على انك فاقد احترامك لنفسك ولذلك متوقع منك فهذا اسلوبك
والغريب انك بتتكلم عن السترة وانها واجبة و قصصك ومغامراتك وافلامك وجيب العرقى هى الطابع المميز لبوستاتك
عباس
استأذنك ...أسمحى لى ان اهدى مداخلتك هذه للذين عارضوا طرحى
ويرون ان الموضوع بلا موضوع

على فكرة
حاولت ارد هانتك لى باهانة فلم أجد ما يناسبك

[سارة]

اقتباس:
المشاركة الأصلية كتبت بواسطة عباس الشريف
اقتباس:
المشاركة الأصلية كتبت بواسطة همس الشوق


يعني نخلص لي كلامك دا أنه المراة طيره



ايواااااااااااااااا يا همس الله اديك العافيه المرأة الحاجة اما البلوم معرف لا داعي للتكرار

اللهم لا تمحننا لا تبلينا

[عباس الشريف]

اقتباس:
المشاركة الأصلية كتبت بواسطة سارة



لو فاكر يا عباس أنه كلماتك دى بتخوفنى وبحنى راسى ولا بتضارى تبقى غلطان ...اولا انا لما كتبت مفرداتك الرخيصة على سبيل المثال عشان
انت فعلا مثالا جيد لنوعية العنف والسخف البيحصل فى المنتديات ...
هناك اكثر من شخص استنكر كتابتك والفاظك البجحة لكن قلت فى نفسك انا ارد على سارة والصقت لفظ الحاجة للتهكم والسخرية ..
سكرك وعربدتك وقصصك وماضيك انا شخصيا ما بتشرفنى لكن تكتب
اى كلام بمقايسى انا الحاجة سارة او امينة بعتبره قلة حياة وعدم احترام
بقول راى...ولو مفتكر اللالفاظ التى استخدمتها ضدى والشتائم الظاهرة
والمبطنة انها بتثنينى عن قول راى تبقى غلطان...العنف ومحاولات اقصائى لن تفلح فيها ...فىى الاول انا كنت بتكلم كلام عام عن ظاهرة
حسب راى موجودة لكن انا الان بتكلم وعندى اسوأ مثال للعنف الاسفيرى
محاولاتك شتمى و تعمدك اهانتى لن تنقصنى ولن تزعجنى فقط خدمتنى
وخدمت قضيتى التى لم تعجب االكثيرون ...ان هناك عنف فى الاسافيروهناك نوعيات تدعى الثقافة والحضارة والوعى وتظن ان بنات
المنتديات لقمة رخيصة وانهن يصلحن فقط للونسة والدردشة وطق الحنك
اما عبارتك هذه الدق والركوب دي شايفا عاجبك بس يا خاله ما قدر ده السترة واجبه.....
اولا دا دليل على انك فاقد احترامك لنفسك ولذلك متوقع منك فهذا اسلوبك
والغريب انك بتتكلم عن السترة وانها واجبة و قصصك ومغامراتك وافلامك وجيب العرقى هى الطابع المميز لبوستاتك
عباس
استأذنك ...أسمحى لى ان اهدى مداخلتك هذه للذين عارضوا طرحى
ويرون ان الموضوع بلا موضوع

على فكرة
حاولت ارد هانتك لى باهانة فلم أجد ما يناسبك



لا بخوفك لا بدور شكل مع الجنس الاخر .. ...اولا انا لما كتبت مفرداتك الرخيصة على سبيل المثال .... وده ياهوا الجاب الكلام في شخصنة الموضوع وختيتيني فار تجارب مع انو الكلام بتاعي كان بطريقة مفهومة ماخذ طابع الهزل لا يمسك انتي شخصيا ولا يمس المرأة عامة كلمة من هنا وكلمة من هنالك وصلنا الحد ده الماشه انتي لسع فيهو ... وتعرفي بعد الكلام الشين الكتبتوا ليك فوق بغض النظر عن كلامك زعلته من نفسي ليه عشان انتي مرأة وكانتقاد ذاتي من شخصي الزول ود الناس ما بشاكل النسوان مهما كانت الظروف لاعتبارات التربية القمنا فيها يا زولة اعملي الدايراهوا بي راحتك وكان انا بحل ليك المشكله في الحوار ممكن امدك بمعلومات شخصيه كبيره حسب طلبك وانا اسف جدا لو سببت اي ازي نظري للقراء من المداخلات والعبارات وعشان اوريك مافي عنف ضد المرأة الحصل بيناتنا ده حاجة شخصية ليس لها علاقة بتعامل المرأة مع الاسافير ومني العزر وعاطر التحايا ونقيف في الحد ده

[الرشيد اسماعيل محمود]

الزول ود الناس ما بشاكل النسوان مهما كانت الظروف لاعتبارات التربية القمنا فيها

هسع القال شكل منو..؟؟
ياخي الموضوع فكرة..نقاش ومقارعة رأي بآخر..
الله لا جاب الشكل ياخي..
ياخي كان اختلفت معاك في طرحك مامعناها انا شاكلتك..
كلو كوم براهو..
عباس والله مداخلتك المع همس الشوق ديك صادمة للحد البعيد..
قدر ماحاولت ابررها ماقدرت..
انا كنت شايف انو من حقك تدخل وترد لما سارة اشارت
للبوست حقك وحتي مداخلتك الاولي رغم مافيها من تلميحات كان عادية
بس جيت في الاخير وفقدت لياقة الحوار بفعل الانفعال.
غايتو يازول دايما نحن بنستفيد من خطواتنا البتمرق برا الدرب..

[سارة]

الاسافير وحرب المصطلحات وظاهرة العنف اللفظى خاصة اذا كان احد اطراف الحوار امرأة ليست جديدة..هناك مقولة تقول... البلاغة هى ان تنال
من خصمك دون ان تخدش وجه الادب..ولكن فى زماننا هذا البلاغة والفصاحة هو ان تتلاعب بالالفاظ وتخدش وتجرح وتسىء وجه الادب
خاصة لوكان الخصم امرأة ...قلت فى معرض مقالى المهبب انه لغة الحوار فى لمح البصر تتحول
من الموضوع المطروح لإساءت شخصية وعنف لفظى غير مبرر
انا ياعباس لا أعرفك وليس بينى وبينك اى شىء من قريب ولا من بعيد
يعنى سبب واحد يخلى الحصل يكون لاسباب شخصية مافى انا تداخلت
مثلى مثل غيرى وقبل ان اقول راى فى طرحك وجدت من سبقونى...
يعنى لم اكن الاولى ولا كنت الاخيرة...انا انتفدت اسلوبك ومفرداتك
دون ان اشخص او اسىء الادب ...لكن انت ماشاء الله عليك ود ناس
واهلك ربوك ما بتشاكل النسوان مهما كانت الظروف لاعتبارات التربية القمت فيها وكدا..الاعتبارات القمت فيها دى..مافيها ليس منا من لم يرحم
صغيرنا ويوقر كبيرنا؟؟ خاصة وانت بنفسك أشرت الى اننى حاجة وجملتها بالخالة؟؟؟






هذا دستور اعتبره اخلاقى من الدرجة الاولى

هدية لزوار البوست



إنني لا أكذ ب
ولا اعتدي على ملكية غيري
ولا ارتكب الخطيئة
وقلبي ينفطر لمعاناة الفقراء
إنني لا اقتل شخصا دون جرم يستحق القتل
ولا أقبل رشوة لأداء عمل غير شرعي
ولا أدفع بخادم استجارني إلى صاحبه
ولا أعاشر امرأة متزوجة
ولا انطق بحكم دون سند
ولا انصب الشراك للطيور المقدسة
أو اقتل حيوانا" مقدسا"
إنني لا اعتدي على ممتلكات المعبد -الدولة
أقدم العطايا للمعبد
إنني أقدم الخبز للجياع
والماء للعطشى
والملبس للعري
افعل هذا في الحياة الدنيا
وأسير في طريق الخالق
مبتعدا عن كل ما يغضب المعبود
لكي ارسم الطريق للأحفاد الذين يأتون بعدي
في هذه الدنيا والى الذين يخلفونهم والى الأبد
خاليوت بن بعانخي - معبد البركل

[سارة]

الاعزاء مبر..النور...بابكر عباس..ناصر..جيجى..الرشيد
شكرا لتشريفكم البوست المهبب دا وناسف ان نغم لسانكم الطاهربما حصل
امسحوها لى فى وشى الشين دا


طارق سلام
اولا لو رجعت لاول كتابة لى فى هذا البوست المؤلم ..واول مداخلة ليك
وهى الموسيقى السخيفة والتى قلت انها لم تعجبنى..وانت مصرعليها
رغم انك متأكد انها لا تخدم الطرح ولكنها فد تحرفه عن مساره وقد فعلت
مداخلتك الثانية كانت عبارة عن اسئلة وتحقيقات اختلقتها بنفسك لم يكن
لها اى وجود على الاقل فى الجزئية الانا كتبتها..
اولا انا لست تلميذة فى صف ومطلوب منى الاجابة على اسئلتك ولست
ملزمة بايضحات طالما حديثى لم يكن فيه تزوير للتاريخ او طمس لحقائق علمية...انا طرحت وجهة نظر شخصية بحتة يعنى بتكلم عن رأى الخاص لم يعجبك طرحى هات ما عندك والقارىء حكم بينا لكنى
لست ملزمة لاقناعك وليست بالضرورة اقتناعك...ما أوردته فى معرض
ردودى هو ما اعتبره عنفا اسفيريا لحدوثه فى مجتمع الاسافير

انا رديت عليك عشان انا امس اصلا كتبت ليك رد ولعطل فى الصفحة
راح وما قدرت اكتب تانى
مش عشان مبر عاتب علي

[سارة]

فــــــــــــــــــــــــــــــوق لحين عودة