الله يخيِّب الراجل (البُوم) الماب يراعي شعور زوجته ويحترمها!!!

أبو الحُسين · 04-06-2006, 02:13 PM

إخوتي الكرام..

صبحكم الله بالخير والرضا...

يا اخواننا عاوز أقول ليكم كلام (مفروض ما كان إتدخل فيهو) ـ بحكم إني عازب لكن بيني وبينكم مقبل على الزواج قريباً إنشاء الله ومن حقي أناقش بحكم إني قاعد في القفص الفضي المورق الجميل ـ وكان دايرين تقولو شلاقة مني قولو علي كيفكم!! الموضوع كالآتي:

أها أنا شايف في رجال والحقيقة تُقال ماب يراعو شعور زوجاتهم... قولو لي كيف؟؟؟

مثلاً يكونوا قاعدين في التليفزيون (ومرات يكونوا جماعة يعني هم ومعاهم ضيوف أو في بعض الأحيان والحالات المستعصية أولادهم كمان!!!)

.. وجات قاصفي عجرم ولة قشرا وهبي... طوالي الراجل بدون ما يراعي شعور زوجتو ولة الحضور المعاهم يقوم يتغزل فيها.. وفي عويناتها وشعيرها وحاجات تانية حامياني!!! وزوجتو المسكينة تاكلها في حنانها لكن تكون طاقي من الزعل بس مافي إيدها حيله مع زوجها البوم الماهو نجيض دا!!...

أها بالمقابل لو جاء عبد المجيد عبد الله يغني ولة إيهاب توفيق... (تُب فوقو دا زيارتو للسودان الأخيرة قالو عمل عمائل مع البنات العاملات فيها متحررات واحدات جارات قالو فوقو دايرات توقيعو ودايراتَنُّو يحكي معاهِن وكمان واحدات دايرات يتصورن معاهو ـ والسودان ومشروعه الحضاري الواعد!!! )... أها لو قامت الزوجة المسكينة بس قالت والله الراجل دا جميل خلاااااااااس!!!... يعني ما إتغزلت زي راجلها البوم... الراجل يقوم ينفخ جضومو ويقوم الدنيا وما يقعدها...

:

طيب الأداك الحق دا منو يا الحاج وما أداهو الحاجة؟؟؟!!!!

لكن أسمعوها مني أنا أبو الحســـــــــين... والله ... من هسع بطلنا معاينة للتليفزيون يعني بس غزلنا في مسلسل السودان المضحك دا حسن يوسف ودلال عبد العزيز!!! وحرَّمنا شوف ناس فلاني وفلاني ديل (الله يطراهِن بالخير)... ومنتظرين فارسة أحلامنا تجي نختها في العين ونقفل عليها... وتاني يا تليفزيون عيناً تشوفك تِتْقدَّ!!!

لكم مودتي كلها بلا حدود... وأسأل الله يحفظ كل زوج وزوجته في حياة هانئة وسعيدة ملؤها الحب والتصافي والوداد... ويسعد اللي هسة متاوقين في الباب بزوجات خلوقات يسعدنَّهم ويسعدوهِن يااااااااااااااااااارب....

والمعذرة إذا كان في واحد من القراء من الرجال إيَّاهُم وجرحت شعورو!!!
لووووووووووووووووووووووول!!!

أبو الحســـــــــين...

قمر الزمان · 04-06-2006, 09:59 PM

أبو الحســـــين ..

صباح الخير بلليل ..

ما شاء الله.. بتاخد كورس في مسائل عائلية جداً ..

حسن يوسف .. اسمو حسين ... شوية و يكووون أبو الحسين ..

اقتباس:

المشاركة الأصلية كتبت بواسطة أبو الحسين

مثلاً يكونوا قاعدين في التليفزيون (ومرات يكونوا جماعة يعني هم ومعاهم ضيوف أو في بعض الأحيان والحالات المستعصية أولادهم كمان!!!) .. وجات قاصفي عجرم ولة قشرا وهبي... طوالي الراجل بدون ما يراعي شعور زوجتو ولة الحضور المعاهم يقوم يتغزل فيها.. وفي عويناتها وشعيرها وحاجات تانية حامياني!!! وزوجتو المسكينة تاكلها في حنانها لكن تكون طاقي من الزعل بس مافي إيدها حيله مع زوجها البوم الماهو نجيض دا!!...

هوّ لما يقول كدة ... بالتأكيد .. بكون قاصد يغيظها ..
فحتكون عويرة لو اتغاظت ليهو ..

ولو ذكية .. تقول ليهو .. انا زاتي مكسراني ..

ومن بكرة .. حأمشي الكوافير . وأعمل زي اللوك بتاعها دة ..

ايديك على محفظتك ..

أمااااانة .. الراجل ما حيفتح المحطة دي تاني .. و كان داير يتفرج حيبطل فرجة.. ويقول ليها دة كلام فارغ .

اقتباس:

المشاركة الأصلية كتبت بواسطة أبو الحسين

[أها بالمقابل لو جاء عبد المجيد عبد الله يغني ولة إيهاب توفيق... (تُب فوقو دا زيارتو للسودان الأخيرة قالو عمل عمائل مع البنات العاملات فيها متحررات واحدات جارات قالو فوقو دايرات توقيعو ودايراتَنُّو يحكي معاهِن وكمان واحدات دايرات يتصورن معاهو ـ والسودان ومشروعه الحضاري الواعد!!! )... أها لو قامت الزوجة المسكينة بس قالت والله الراجل دا جميل خلاااااااااس!!!... يعني ما إتغزلت زي راجلها البوم... الراجل يقوم ينفخ جضومو ويقوم الدنيا وما يقعدها... :

يا سلااااام .. ولو جه كمان كاظم الساهر بروائعه و حافي القدمين ..
أو وهو يقول : قولي أحبك كي تزيد وسامتي...
أو هل عندك شك أن دخولك في قلبي ..هو أعظم يوم في التاريخ و أجمل قمر في الدنيا..

أكييييد .. ما حيخلي الأغنية و لاّ المحطة مفتوحة .. عشان عارف حتجيب ليهو الهوا .. و حيحرد روحوو ساعاتها و هو يقارنوهو بغناء كاظم و كلمات نزار..

اقتباس:

المشاركة الأصلية كتبت بواسطة أبو الحسين

طيب الأداك الحق دا منو يا الحاج وما أداهو الحاجة؟؟؟!!!!

للأسف .. في حاجات كتييييرة .. الراجل بيعتبرها حلال عليهو و حرام عليها .. و لسة في ناس بتتعامل بمنطق سي السيد .
و بتخضع لمزاجو هوّ بس من غير مراعاة مشاعر و لا اعتبار...

وأنا معاك ... في البعمل كدة ..

انوو بومة

خالص تحياتــــي
D

د.سيد عبدالقادر قنات · 04-06-2006, 10:22 PM

اللخو أبو الحسين

وبنتنا قمر الزمان

مداخلتنا خرمجة خارج النص ::

عاصمتنا الخرتوم سكانا في حدود

8مليون مواطن

والناس العندهم مواسير موية في بيوتم

اقل من مليون مواطن

طيب 7 مليون ماعندهم ماسورة بت نقط !!

هل يمكن يكون عندهم تلفزيون ؟؟؟

عشان كده ديل ونسوانم مرتاحين من نشرة الأخبار

وقام سافر تاها

وهم زاتم مرتاحين نفسيا

علما بان العدم كعب وكفر

الرجل الشرقي شرقي وأن تخرج في السوربون

والمراة الشرقية عليها انتزاع حقوقها والكفاح من اجلها

نعم الرجل يحلل لنفسه ما شاء حتي فعل الحرام

ولكن المراة لا يمكن ان ترفع عينا او صوتها

وحتي بعد الهجعة لا يمكن ان تقول ::

لا

بل لا يمكن لها ان تطلب ...........

وبعد غياب طويل وغربة يسلم عليها الزوج

سلام فاتر بدون حضن وخلافه

وفي نفس الوقت يسلم علي الجميع بنات ونسوان اخر بالاحضان ،،

لماذا ؟؟

عقلية متخلفة وليست بومة

ويطول الحديث عن تلك الممارسات

التي تكبت حرية الزوجة والبنت والاخت

ولكن الي حين

ان شاء الله

يديكم العافية

العيدروس · 05-06-2006, 05:51 AM

اخوي العزيز : ابو الحسين

انت لايوم الليلة ما دخل او مدخل روحك في كستبانة مالك ارجى الراجيك وان ما قلت الروب قول العيدروس اخوي

كضاب . بس يعني فتحتلك خط رجعة ان مر الزمن او قبضوك وانت تعاين في التويمات القليدات اللابسات اكياس في يديهن ديلك

طوالي تقول انا من اشد المناصرين لي حرية النظر والمشاهدة ويشهد على ذلك موضوعي اللي نشرتة في اليوم كذا في منتديات

سودانيات ومن الله عليك يا سودانيات ..................زززززن

mime · 05-06-2006, 06:31 AM

يا أبو الريدة
نفحاتك يا شيخ الريدة

انا قلتا أسلم عليك
وأشوف انا إسمي ده الجابو شنو ؟؟؟

باقي أنا لا شفتا العرس ولان داير اشوفو

عشان كدي قلتا انتا وقمر الزمان جايبين اسمي بالبنط العريض في ونسة بتجيب لي الهواء مالكم ؟؟

بيني وبينك :
الحركات دي حركات مغتربين بس وبعملوها كية للعزابة الزيكم ديل
وزي ما قال العيدروس أرجا الراجيك انتا (الفي البر عوام )

د.سيد عبدالقادر قنات · 05-06-2006, 06:40 AM

سلام حسن مايم

انت منطط عينيك مالك

امبارح كت وزير كبير

وعرفت الخم والسفسفة والتصديقات

والعطاءات وحاجات تانية حامياني

بكرة نشوفك ريس كبير

والوزارة يجوها ناس تانيين

حتي لو شتتو سكر

ولا رصو طوب

نصيبم بلقوهو
بس الصبر دراج
والفرج قريب

بس السنارة لازم

طعمها يكون مدنكل

ولا حاتجي فاضية

يديكم بنات الحلال واولاد الحلال

تخريمة :

مسعول من الخير

جمال دا مشي شهر ولا سنة عسل

ترقدو عافية

أبو الحُسين · 05-06-2006, 07:14 AM

اقتباس:

المشاركة الأصلية كتبت بواسطة قمر الزمان

أبو الحســـــين ..

صباح الخير بلليل ..

ما شاء الله.. بتاخد كورس في مسائل عائلية جداً ..

حسن يوسف .. اسمو حسين ... شوية و يكووون أبو الحسين ..

خالص تحياتــــي
D

الغالية جداً قمرنا الضاوي...

دااااااااااااايماً محرجاني ومنقصي ثقافتي اللغوية وكمان الفنية كمان!!!

هسع شفتي حسن مايم جانا ناطي من الصباح ومتفلِّت... لزومو شنو دا هسي دي!!! لووووووووووووول!!!

قلتي لي الراجل اليكون زي دا بومة!!!

دا طقرة سااااااااااااااكت يا اختي...

لك مودتي كلها كيمان كيمان...

أبو الحســــــــــين...

(الناطق الرسمي بإسم العزابة في هذا البورد والعريس المرتقب!!!)

mime · 05-06-2006, 07:18 AM

معليش يا أبو الحسين

بس انا مشتاق لي دكتور سيد ده شديد

والله يا دكتور مشتاقين

بعدين يا دكتور رأيي الفوق ده رأي حاسم

عارف ليه ؟؟؟

المثل بقول السعيد بشوف في غيرو

والشقي بشوف في عميرو

وأنا عايز عمري الباقي لي ده اعيشو مرتاح

أسي عليك الله اقعد في :

يا راجل اصحي محمد ده عيان عندو كوليرا

يا أبو محمد مرام دي الليلة جاييهم الحاوي اديها الفين جنيه (هو في حاوي غيري )

يابابا ناس اللوضة قالو لي ديبي دلوش التلحيل (الروضة قالو لي جيبي قروش الترحيل )

75 الف لحافلة مروة العمرها 4 سنين

أنسا الايجار والكهرباء

عليك الله يا دكتور خليك جادي معاي
انا اخير لي أكون وزير كده

بالمناسبة ندى خاتة طوبتها عشان أكون وزير ليها

تحياتي لي الاسرة الكريمة

ناصر يوسف · 05-06-2006, 08:38 AM

لا لا مباااااااااااااااااااالغه

مبالغه يا شباب

أبو الحسين قرر يجيب الحسين والحسييييييييييينه

ومايم بعد ما ققرنا نحن إدارة العزوبيه والعنوسه

إننا ننحيه من الوزارة أياها ونبقيه عريس ... نطّ من تنفيذ القرار

وقال السبب .. إنو الشافو في آخر رئيس كفّاهو تماماً من فكرة إنو يبقي رئيس

أها دلوقت هو مسك وزارة ندي المشت باريس عشان تجيب العريس

وعثمان حمد في الصور ما مديها فرقه تمش من عينو جاي ولا جاي (المسعله مي واااااااضحه)

ويا أبو الحسين والله ما عارفك بتجيب الحاجات دي من وين

عليك أمان الله البيني وبين بنيتكم دي سمن علي عسل .. هي تقول رأيها وأنا أقول رأي والكل محترم رأي التاني

وما بنسمي آراءنا (غزل) في ممثل ولا مغني

علي العموم يظهر إننا كمجتمعات سودانويه لسه محتاجين كتير جدا عشان ما نفلت من المتعارف عليه والمتوارث من آراء أضحت كالثوابت

أها ما قلت لينا العرس متييين يا ابو الحسين والعروس في البلد هني ولا هنوووووك ولو هني حتجي ولا هي حتجيك (طرد) ؟ حوووووووله

أبو الحُسين · 05-06-2006, 08:55 AM

اقتباس:

المشاركة الأصلية كتبت بواسطة د.سيد عبدالقادر قنات

اللخو أبو الحسين

وبنتنا قمر الزمان

نعم الرجل يحلل لنفسه ما شاء حتي فعل الحرام

ولكن المراة لا يمكن ان ترفع عينا او صوتها

وحتي بعد الهجعة لا يمكن ان تقول ::

لا

بل لا يمكن لها ان تطلب ...........

وبعد غياب طويل وغربة يسلم عليها الزوج

سلام فاتر بدون حضن وخلافه

وفي نفس الوقت يسلم علي الجميع بنات ونسوان اخر بالاحضان ،،

لماذا ؟؟

عقلية متخلفة وليست بومة

يديكم العافية

دكتورنا سيد... يا سيد الناس...

والللللللللله ما قلت إلا الحق...

لكن قلت لي عقلية متخلفة!!!

لووووووووووووووووول!!!

دي موش متخلفة وبس.. دي متنيلة بي ستين نيلة يا اخوي...نسأل الله يهدي سر الجماعة إياهم... ويحمينا ويحميكم من النوع دا قول آمين...

لك مودتي كلها بلا حدود...

أبو الحســـــــــــين...
(الناطق الرسمي بإسم العزابة والعريس المرتقب!!!)

شايف في واحدين يشاشو بي بعييييييييييد للبوست دا وعاملين تقالات ما عارف مالُمْ!!؟؟

سارة · 05-06-2006, 07:51 PM

ود الحسين اخوى ليك مودتى كيمان كيمان خم وصر قدر البكفيك وقسم الباقى

علا كلامك يا اخوى صحيح وفى محلو بس هن النسوان زاتن يستاهلن الحقارة

انا وحاتك يا غالى يلحق الراجل يتغزل فى داهية عجرم فى قدامى

احسن اسكت السواى ما حداث كدى الله يقدروا اليسويها

قمر الزمان · 05-06-2006, 11:39 PM

اقتباس:

المشاركة الأصلية كتبت بواسطة أبو الحسين

الغالية جداً قمرنا الضاوي...

دااااااااااااايماً محرجاني ومنقصي ثقافتي اللغوية وكمان الفنية كمان!!!

العفووو أبو الحسين ...

بس انت عارفني..

بحب أحركش ..

NoNa · 06-06-2006, 04:08 AM

[[][size=7]أبو الحسين
حياك اخي
هذا رأيك و انا احترم و جهه نظرك

فعلا اختي الزوجه عندما تلاقي زوجها يشجعها و يهتم فيها

تفعل ما بوسعها لتضهر بافضل صورة و حله و تهتم بزينتها و جمالها

اما اذا لقت اهمال زوجها فهذا سيكون محرك سلبي لها و تهمل نفسها

انا اعتقد انها مشكلة مشتركة

دائرة مغلقة بين الزوجين

يجب ان لا تهمل الزوجة في نفسها
يكفي المرأة ان تكون أمراة لتكون رائعه

و كل أمرأة تتميز بشيء يختلف عن الاخرى
فكما كانت المرأة تهتم بشكلها ومظرها قبل الزواج ، فعليها بذلك بعد الزواج
و نلاحظ الكثيرات ممن يهملن أنفسهن خاصة بعد إنجاب أول طفل
حتى ان بعضهن تظهر بكامل اناقتها خارج المنزل وبالمنزل نراها عكس ذلك

وبعض النساء تقول أن السبب هو عدم اهتمام الزوج بالزوجة
نجد ان هناك خلل او شيء غير طبيعي يحدث في الباطن
اخي فالرجل ممكن ان يكون محرك سلبي للمرأة
فلا يثني عليها او يهتم بها

و احيانا تتكاثر الاعباء المنزليه مع الاطفال و خاصه اذا كانت المرأة عامله

فهذا كفيل بأن يأخذ معظم و قتها و لا تجد مساحه للاهتمام بنفسها
اااشياء كثيره واسباب كثيره
وفعلا الواحد لازم يكون شوي عاطفي عند زوجته
علشان يحسسها بقيمتها وبحبه لها
لا يتغزل في زوجتة والسب
نعم ومتي يفعل ذلك وهو طوال الوقت في قناة الجزيرة مع الاخبار السياسية مع الكورة ولايراء حسناء جميلة غير تلك المغنية ومقدمة الاخبار
حياك اخي ويعطيك العافية][/size]

عكــود · 06-06-2006, 06:34 AM

العين سرّااااااقة يا جمال يا خوي
لكن التعليق مافي ليهو داعي

أبو الحُسين · 06-06-2006, 07:08 AM

اقتباس:

المشاركة الأصلية كتبت بواسطة العيدروس

اخوي العزيز : ابو الحسين

انت لايوم الليلة ما دخل او مدخل روحك في كستبانة مالك ارجى الراجيك وان ما قلت الروب قول العيدروس اخوي

كضاب . بس يعني فتحتلك خط رجعة ان مر الزمن او قبضوك وانت تعاين في التويمات القليدات اللابسات اكياس في يديهن ديلك

طوالي تقول انا من اشد المناصرين لي حرية النظر والمشاهدة ويشهد على ذلك موضوعي اللي نشرتة في اليوم كذا في منتديات

سودانيات ومن الله عليك يا سودانيات ..................زززززن

الغالي عايد أخوي...

هسع شيل الحال دا لزومو شنو؟؟؟

إنت ماك عارف في ناس هني قاعدينلي للزي دا...

وبعدين أماني وإيمان خيري ديل... أنا من المناصرين ليهِن ومن رابطة معجبيننِ هني في الخُبر... يعني عينك يا تاجر... لا مزاوغات ولا شئ...ولة كمان قول لي دا حرام؟؟!!! لووووووووووووووووول!!

لك مودتي كيمان كيمان... وإنت بس الله يخليك للزي دا!!

أبو الحســـــــــــين...

04-06-2006, 02:13 PM	#[1]
أبو الحُسين :: كــاتب نشــط::	الله يخيِّب الراجل (البُوم) الماب يراعي شعور زوجته ويحترمها!!! إخوتي الكرام.. صبحكم الله بالخير والرضا... يا اخواننا عاوز أقول ليكم كلام (مفروض ما كان إتدخل فيهو) ـ بحكم إني عازب لكن بيني وبينكم مقبل على الزواج قريباً إنشاء الله ومن حقي أناقش بحكم إني قاعد في القفص الفضي المورق الجميل ـ وكان دايرين تقولو شلاقة مني قولو علي كيفكم!! الموضوع كالآتي: أها أنا شايف في رجال والحقيقة تُقال ماب يراعو شعور زوجاتهم... قولو لي كيف؟؟؟ مثلاً يكونوا قاعدين في التليفزيون (ومرات يكونوا جماعة يعني هم ومعاهم ضيوف أو في بعض الأحيان والحالات المستعصية أولادهم كمان!!!) .. وجات قاصفي عجرم ولة قشرا وهبي... طوالي الراجل بدون ما يراعي شعور زوجتو ولة الحضور المعاهم يقوم يتغزل فيها.. وفي عويناتها وشعيرها وحاجات تانية حامياني!!! وزوجتو المسكينة تاكلها في حنانها لكن تكون طاقي من الزعل بس مافي إيدها حيله مع زوجها البوم الماهو نجيض دا!!... أها بالمقابل لو جاء عبد المجيد عبد الله يغني ولة إيهاب توفيق... (تُب فوقو دا زيارتو للسودان الأخيرة قالو عمل عمائل مع البنات العاملات فيها متحررات واحدات جارات قالو فوقو دايرات توقيعو ودايراتَنُّو يحكي معاهِن وكمان واحدات دايرات يتصورن معاهو ـ والسودان ومشروعه الحضاري الواعد!!! )... أها لو قامت الزوجة المسكينة بس قالت والله الراجل دا جميل خلاااااااااس!!!... يعني ما إتغزلت زي راجلها البوم... الراجل يقوم ينفخ جضومو ويقوم الدنيا وما يقعدها... : طيب الأداك الحق دا منو يا الحاج وما أداهو الحاجة؟؟؟!!!! لكن أسمعوها مني أنا أبو الحســـــــــين... والله ... من هسع بطلنا معاينة للتليفزيون يعني بس غزلنا في مسلسل السودان المضحك دا حسن يوسف ودلال عبد العزيز!!! وحرَّمنا شوف ناس فلاني وفلاني ديل (الله يطراهِن بالخير)... ومنتظرين فارسة أحلامنا تجي نختها في العين ونقفل عليها... وتاني يا تليفزيون عيناً تشوفك تِتْقدَّ!!! لكم مودتي كلها بلا حدود... وأسأل الله يحفظ كل زوج وزوجته في حياة هانئة وسعيدة ملؤها الحب والتصافي والوداد... ويسعد اللي هسة متاوقين في الباب بزوجات خلوقات يسعدنَّهم ويسعدوهِن يااااااااااااااااااارب.... والمعذرة إذا كان في واحد من القراء من الرجال إيَّاهُم وجرحت شعورو!!! لووووووووووووووووووووووول!!! أبو الحســـــــــين...
أبو الحُسين :: كــاتب نشــط::	التوقيع: وَتولّني يَا وَليّ يَا عليّ بالولاية وَالرعاية وَالعناية وَالسلامة بمزيد إِيرادِ إِسعادِ إِمدادِ ذلكَ خير ذلكَ من فضل الله.

04-06-2006, 10:22 PM	#[3]
د.سيد عبدالقادر قنات :: كــاتب نشــط::	اللخو أبو الحسين وبنتنا قمر الزمان مداخلتنا خرمجة خارج النص :: عاصمتنا الخرتوم سكانا في حدود 8مليون مواطن والناس العندهم مواسير موية في بيوتم اقل من مليون مواطن طيب 7 مليون ماعندهم ماسورة بت نقط !! هل يمكن يكون عندهم تلفزيون ؟؟؟ عشان كده ديل ونسوانم مرتاحين من نشرة الأخبار وقام سافر تاها وهم زاتم مرتاحين نفسيا علما بان العدم كعب وكفر الرجل الشرقي شرقي وأن تخرج في السوربون والمراة الشرقية عليها انتزاع حقوقها والكفاح من اجلها نعم الرجل يحلل لنفسه ما شاء حتي فعل الحرام ولكن المراة لا يمكن ان ترفع عينا او صوتها وحتي بعد الهجعة لا يمكن ان تقول :: لا بل لا يمكن لها ان تطلب ........... وبعد غياب طويل وغربة يسلم عليها الزوج سلام فاتر بدون حضن وخلافه وفي نفس الوقت يسلم علي الجميع بنات ونسوان اخر بالاحضان ،، لماذا ؟؟ عقلية متخلفة وليست بومة ويطول الحديث عن تلك الممارسات التي تكبت حرية الزوجة والبنت والاخت ولكن الي حين ان شاء الله يديكم العافية
د.سيد عبدالقادر قنات :: كــاتب نشــط::

05-06-2006, 05:51 AM	#[4]
العيدروس :: كــاتب جديـــد ::	اخوي العزيز : ابو الحسين انت لايوم الليلة ما دخل او مدخل روحك في كستبانة مالك ارجى الراجيك وان ما قلت الروب قول العيدروس اخوي كضاب . بس يعني فتحتلك خط رجعة ان مر الزمن او قبضوك وانت تعاين في التويمات القليدات اللابسات اكياس في يديهن ديلك طوالي تقول انا من اشد المناصرين لي حرية النظر والمشاهدة ويشهد على ذلك موضوعي اللي نشرتة في اليوم كذا في منتديات سودانيات ومن الله عليك يا سودانيات ..................زززززن
العيدروس :: كــاتب جديـــد ::	التوقيع: [7la1=#FFFF99]قلنا ليكم ريدوا حبوا الدنيا مازالت ندية..... العيدروس [/7la1]......

05-06-2006, 06:31 AM	#[5]
mime :: كــاتب نشــط::	يا أبو الريدة نفحاتك يا شيخ الريدة انا قلتا أسلم عليك وأشوف انا إسمي ده الجابو شنو ؟؟؟ باقي أنا لا شفتا العرس ولان داير اشوفو عشان كدي قلتا انتا وقمر الزمان جايبين اسمي بالبنط العريض في ونسة بتجيب لي الهواء مالكم ؟؟ بيني وبينك : الحركات دي حركات مغتربين بس وبعملوها كية للعزابة الزيكم ديل وزي ما قال العيدروس أرجا الراجيك انتا (الفي البر عوام )
mime :: كــاتب نشــط::	التوقيع: [align=center]لو كان مخاض الحرف الواحد مثل مخاض الأم إذ تحبل بالأبناء لمنحنا الأحرف والكلمات بكل سخاء وملأنا راح الكون قصائد الأنسان : جمال محمد إبراهيم[/align]

05-06-2006, 06:40 AM	#[6]
د.سيد عبدالقادر قنات :: كــاتب نشــط::	سلام حسن مايم انت منطط عينيك مالك امبارح كت وزير كبير وعرفت الخم والسفسفة والتصديقات والعطاءات وحاجات تانية حامياني بكرة نشوفك ريس كبير والوزارة يجوها ناس تانيين حتي لو شتتو سكر ولا رصو طوب نصيبم بلقوهو بس الصبر دراج والفرج قريب بس السنارة لازم طعمها يكون مدنكل ولا حاتجي فاضية يديكم بنات الحلال واولاد الحلال تخريمة : مسعول من الخير جمال دا مشي شهر ولا سنة عسل ترقدو عافية
د.سيد عبدالقادر قنات :: كــاتب نشــط::

05-06-2006, 07:18 AM	#[8]
mime :: كــاتب نشــط::	معليش يا أبو الحسين بس انا مشتاق لي دكتور سيد ده شديد والله يا دكتور مشتاقين بعدين يا دكتور رأيي الفوق ده رأي حاسم عارف ليه ؟؟؟ المثل بقول السعيد بشوف في غيرو والشقي بشوف في عميرو وأنا عايز عمري الباقي لي ده اعيشو مرتاح أسي عليك الله اقعد في : يا راجل اصحي محمد ده عيان عندو كوليرا يا أبو محمد مرام دي الليلة جاييهم الحاوي اديها الفين جنيه (هو في حاوي غيري ) يابابا ناس اللوضة قالو لي ديبي دلوش التلحيل (الروضة قالو لي جيبي قروش الترحيل ) 75 الف لحافلة مروة العمرها 4 سنين أنسا الايجار والكهرباء عليك الله يا دكتور خليك جادي معاي انا اخير لي أكون وزير كده بالمناسبة ندى خاتة طوبتها عشان أكون وزير ليها تحياتي لي الاسرة الكريمة
mime :: كــاتب نشــط::	التوقيع: [align=center]لو كان مخاض الحرف الواحد مثل مخاض الأم إذ تحبل بالأبناء لمنحنا الأحرف والكلمات بكل سخاء وملأنا راح الكون قصائد الأنسان : جمال محمد إبراهيم[/align]

05-06-2006, 08:38 AM	#[9]
ناصر يوسف :: كــاتب نشــط::	لا لا مباااااااااااااااااااالغه مبالغه يا شباب أبو الحسين قرر يجيب الحسين والحسييييييييييينه ومايم بعد ما ققرنا نحن إدارة العزوبيه والعنوسه إننا ننحيه من الوزارة أياها ونبقيه عريس ... نطّ من تنفيذ القرار وقال السبب .. إنو الشافو في آخر رئيس كفّاهو تماماً من فكرة إنو يبقي رئيس أها دلوقت هو مسك وزارة ندي المشت باريس عشان تجيب العريس وعثمان حمد في الصور ما مديها فرقه تمش من عينو جاي ولا جاي (المسعله مي واااااااضحه) ويا أبو الحسين والله ما عارفك بتجيب الحاجات دي من وين عليك أمان الله البيني وبين بنيتكم دي سمن علي عسل .. هي تقول رأيها وأنا أقول رأي والكل محترم رأي التاني وما بنسمي آراءنا (غزل) في ممثل ولا مغني علي العموم يظهر إننا كمجتمعات سودانويه لسه محتاجين كتير جدا عشان ما نفلت من المتعارف عليه والمتوارث من آراء أضحت كالثوابت أها ما قلت لينا العرس متييين يا ابو الحسين والعروس في البلد هني ولا هنوووووك ولو هني حتجي ولا هي حتجيك (طرد) ؟ حوووووووله
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

05-06-2006, 07:51 PM	#[11]
سارة :: كــاتب نشــط::	ود الحسين اخوى ليك مودتى كيمان كيمان خم وصر قدر البكفيك وقسم الباقى علا كلامك يا اخوى صحيح وفى محلو بس هن النسوان زاتن يستاهلن الحقارة انا وحاتك يا غالى يلحق الراجل يتغزل فى داهية عجرم فى قدامى احسن اسكت السواى ما حداث كدى الله يقدروا اليسويها
سارة :: كــاتب نشــط::	التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا

06-06-2006, 04:08 AM	#[13]
NoNa :: كــاتب جديـــد ::	[[][size=7]أبو الحسين حياك اخي هذا رأيك و انا احترم و جهه نظرك فعلا اختي الزوجه عندما تلاقي زوجها يشجعها و يهتم فيها تفعل ما بوسعها لتضهر بافضل صورة و حله و تهتم بزينتها و جمالها اما اذا لقت اهمال زوجها فهذا سيكون محرك سلبي لها و تهمل نفسها انا اعتقد انها مشكلة مشتركة دائرة مغلقة بين الزوجين يجب ان لا تهمل الزوجة في نفسها يكفي المرأة ان تكون أمراة لتكون رائعه و كل أمرأة تتميز بشيء يختلف عن الاخرى فكما كانت المرأة تهتم بشكلها ومظرها قبل الزواج ، فعليها بذلك بعد الزواج و نلاحظ الكثيرات ممن يهملن أنفسهن خاصة بعد إنجاب أول طفل حتى ان بعضهن تظهر بكامل اناقتها خارج المنزل وبالمنزل نراها عكس ذلك وبعض النساء تقول أن السبب هو عدم اهتمام الزوج بالزوجة نجد ان هناك خلل او شيء غير طبيعي يحدث في الباطن اخي فالرجل ممكن ان يكون محرك سلبي للمرأة فلا يثني عليها او يهتم بها و احيانا تتكاثر الاعباء المنزليه مع الاطفال و خاصه اذا كانت المرأة عامله فهذا كفيل بأن يأخذ معظم و قتها و لا تجد مساحه للاهتمام بنفسها اااشياء كثيره واسباب كثيره وفعلا الواحد لازم يكون شوي عاطفي عند زوجته علشان يحسسها بقيمتها وبحبه لها لا يتغزل في زوجتة والسب نعم ومتي يفعل ذلك وهو طوال الوقت في قناة الجزيرة مع الاخبار السياسية مع الكورة ولايراء حسناء جميلة غير تلك المغنية ومقدمة الاخبار حياك اخي ويعطيك العافية][/size]
NoNa :: كــاتب جديـــد ::

06-06-2006, 06:34 AM	#[14]
عكــود Administrator	العين سرّااااااقة يا جمال يا خوي لكن التعليق مافي ليهو داعي
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.