اسئلة تعسفية ......النعام والظلاميين يمتنعون

[الأغبش]

المشاركة الأصلية كتبت بواسطة خالد الصائغ

كل الود و أطيب المني

حالة الحب مع طرف تالت دي يا زول الله حالة معقدة جدا و ممكن تكون مدمرة لو ما تم التعامل معاها بشجاعة و مسئولية

و أنا هنا أتحدث عن الرجل و المرأة علي قدم المساواة لأنو الحالة دي ممكن تتلبس أي واحد فيهم


كتير من الناس بعتبرو الحالة دي شكل من أشكال الأنانية أو الخيانة


لكن و بكل واقعية مجرد الشعور بالحالة دي ما بيعتبر خيانة في حد ذاتو لأنو مسألة تقلب القلوب دي واردة و مشهودة

لكن الاستمرار فيها دون الحسم هو البيمثل قمة الخيانة

لأنو الحب في المقام الأول و قبل كل شئ إلتزام

يبقي لا بد من الحسم و المفاضلة في إتجاه الإلتزام فقط ... إما بالخيار القديم أو الجديد

مع الإستعداد الكامل لتحمل نتائج الإختيار و تبعاتو


أما تعليق المسألة و التسويف و ممارسة التدحرج بين الخيارين دون الحسم في إتجاه الإلتزام بي خيار واحد فقط فده ضعف و سقوط إنساني و خيانة لكل الأطراف.

لا فُض فوك خالد الصائغ ...
علي الرغم من أن الموضوع شائك ومعقد ويمثل مطب حقيقي لكل من يحاةل الإدلاء برايه ..إلا أنني وقبل أن أتابع بقية المشاركات هنا أجد هذا الرد وافياً وكافياً ...

[ام التيمان]

هل الحياة الزوجية شئ مقدس ؟

[طارق الحسن محمد]

زول الله سلام
ياخى موضوعك فى السلك

والكلام فيهو بيودى لمطبات
وانت زول بتتكلم عن واقع
حاصل
عموما بجيه راجع

[طارق الحسن محمد]

المشاركة الأصلية كتبت بواسطة ام التيمان

هل الحياة الزوجية شئ مقدس ؟

لا

[فتحي مسعد حنفي]

المشاركة الأصلية كتبت بواسطة طارق الحسن محمد

لا

فاقد الشيئ لا يعطيهياطارق السؤال دا ما بخصك بلسان بوث ديو

[الرشيد اسماعيل محمود]

المشاركة الأصلية كتبت بواسطة فتحي مسعد حنفي
فاقد الشيئ لا يعطيه

طيب انت ممتلك الشيء ياعم فتحي..
منتظر اجابتك ياريت ماتكون بلا او نعم وبس..
يعني شوية تفاصيل ووجهة نظر.

[طارق الحسن محمد]

المشاركة الأصلية كتبت بواسطة فتحي مسعد حنفي

فاقد الشيئ لا يعطيهياطارق السؤال دا ما بخصك بلسان بوث ديو

بيخصك انت
وبلسان البوث ديو
برضو

[طارق الحسن محمد]

الحمد لله حتى الان
البوست خالى
من الظلاميين
والنعام
واشباهم

[فتحي مسعد حنفي]

المشاركة الأصلية كتبت بواسطة الرشيد اسماعيل محمود

طيب انت ممتلك الشيء ياعم فتحي..
منتظر اجابتك ياريت ماتكون بلا او نعم وبس..
يعني شوية تفاصيل ووجهة نظر.

أكيد أنا بمتلكه عشان والحمدلله متزوج..لكن أبو الطرق دا راجل عازب ما جرب الحياة الزوجية عشان يحكم لو مقدسة ولا لأ..
أكيد الحياة الزوجية ليها قدسية من عدة نواحي..دينيا واجتماعيا وحفاظا علي عدم اختلاط الأنساب ولو ما ليها قدسية يبقي معظم الناس ما حيكونوا متأكدين لو المولود حقهم ولا حق صاحب المرا.. وأقول ليك حاجة كمان أم التيمان السألت السؤال العجيب دا أنا بعرفا شخصيا وبعرف زوجها ومتأكد مليون في المية انها بتقدس الحياة الزوجية وما عندها أي استعداد لأي التفاف علي حياتها الزوجية ولو واحد بالغلط حاول يشطح معاها في الكلام حياخد ليهو كف علي وشو قبال ما يتم كلامو وأنا شخصيا سمعتها بتقول : أنا راجلي مكفيني من جميع النواحي ومافي زول ممكن تاني يملا عيني غيرو..أها القدسية دي كيف..سيبكم من شطحاتا وأفكارا الغريبة الما أفتكر ممكن تطبقا علي نفسها..

[طارق الحسن محمد]

المشاركة الأصلية كتبت بواسطة فتحي مسعد حنفي

أكيد أنا بمتلكه عشان والحمدلله متزوج..لكن أبو الطرق دا راجل عازب ما جرب الحياة الزوجية عشان يحكم لو مقدسة ولا لأ..
..

مين اللى قال ؟ ؟
الحياة الزوجية دى
دين ولاشنو ؟
لفظ القدسية المطلوق عليها دا
! ! ! !
الحياة الزوجية علاقة بين شخصين
عاديين جدا
وقابلة لكل فعل انسانى
بخيره وشره وما بينهم
ولو ما متنا يا سمسم
شقينا المقابر

[فتحي مسعد حنفي]

المشاركة الأصلية كتبت بواسطة طارق الحسن محمد

مين اللى قال ؟ ؟
الحياة الزوجية دى
دين ولاشنو ؟
لفظ القدسية المطلوق عليها دا
! ! ! !
الحياة الزوجية علاقة بين شخصين
عاديين جدا
وقابلة لكل فعل انسانى
بخيره وشره وما بينهم
ولو ما متنا يا سمسم
شقينا المقابر

عارفك شقيتا وقددتها لكن أنا كلامي رد علي سؤال محدد وهو:هل الحياة الزوجية شئ مقدس ؟ وردك انت كان:لا..والسؤال ما كان بخصوص علاقة بين شخصين خارج الرباط المقدس...لاحظ التسمية دي ما من عندي..

[طارق الحسن محمد]

المشاركة الأصلية كتبت بواسطة فتحي مسعد حنفي

عارفك شقيتا وقددتها لكن أنا كلامي رد علي سؤال محدد وهو:هل الحياة الزوجية شئ مقدس ؟ وردك انت كان:لا..والسؤال ما كان بخصوص علاقة بين شخصين خارج الرباط المقدس...لاحظ التسمية دي ما من عندي..

لكن أبو الطرق دا راجل عازب ما جرب الحياة الزوجية عشان يحكم لو مقدسة ولا لأ..

لاحظ التسمية دي ما من عندي

عارفها ما من عندك
لكن شايفك عاصر عليها
شديد جدا

[فتحي مسعد حنفي]

المشاركة الأصلية كتبت بواسطة طارق الحسن محمد

عارفها ما من عندك
لكن شايفك عاصر عليها
شديد جدا

أعمل شنو ياطارق..ما لاقي لي حاجة تانية أعصر عليها وانت الزول الوحيد الممكن يفهم انا بقول في شنو وبكون قاصد شنو

[wageeda]

اقتباس:
المشاركة الأصلية كتبت بواسطة زول الله

اباح الدين الاسلامي للزوج أربعة زوجات
فهل يستطيع الرجل أن يحب أربعة ؟؟
وحرم على المرأة تعدد الأزواج
لكن هل حرم عليها الحب ؟؟؟
بالجد الحتة دي بقت هاجس من كثرة حدوثها
بقدر اقتناعي بصعوبتها اجدها واقعاً معاشاً
هل يمكن ان يعيش الزوج أو الزوجة حباً حقيقياً مع طرف آخر؟؟
طرف آخر دي بتعني زول أو زولة تانية
والأسوأ إذا كان الزواج من البداية قام على علاقة حب
طيب وين مشى الحب ؟؟؟
وإذا لم تكن هنالك نية للإرتباط بالطرف الجديد ... الحل شنو ؟
وشكل العلاقة زاتو حيكون كيف ومسماها شنو غير الخيانة ؟؟؟





زول الله عيدك سعيد

تعرف فلسفة تعدد الزوجات من منظور الشريعة الاسلاميه
علشان رغبتكم المتأججه وحالتكم الا مستقره واهواء نفوسكم والشغف والوله لكل فاتنه
فاذا امتلكت القصيرة طقت لطويله واذا اخزت الصفراء خلبت لبك السمراء وهكذا
نفسكم فاتحه سسته؟؟؟؟؟؟
فاباح تعددهن لاسترضاءكم ولكن هيهات ان تعدلوا
فعليكم بالواحدة وانطموا
وقد قرأت لا ادري بقرطاس تسالي ولا طعميه بان الزواج قبل الاسلام وفي الجاهليه تحديدا كان يعطي المرأة العصمة بيدها ويتم الطلاق بتغيير باب الخيمه
بمعني اذا تزوجت عمر وخرج في شأن له رجع وقد تغير باب الخيمه واتخذت عثمان زوجا وعند الصباح خرج فنكحت غيره وهلماجرا
فقام الاسلام بتأسيس لحفظ الانساب وحفظ حقوق وجردت المرأة من العصمة بيدها لميولها العاطفيه وصغر عقلها
اما الحب في نظري فهو برعم يستشري كنبت شيطاني ويدمر القلب والعقل ويتنزف الوجد ويستفد الاشواق فقط هو( وهم) نصنعه فيتلفنا ردحا من الزمن ويصيبنا في مقتل فنادرا ما نصاب بحبا حقيقي
يسكنناحتي الممات وكم لا يسهل قبره بالم وحزن
وجميلا هو الحب المبني علي علاقه زوجيه ورباط مقدس بتفاصيل عشق اسطوري يسمؤ مع العواصف الهوجا ء
فتعلموا كيف تجددون حياتكم كي لا يخبؤ بريق الحب وتملونهن
فعزرا قد تتعدد الزوجات والنهكات ولكن عندما ينطفئ النور تتساوي النساء
تيبقي المرأة الفاضله بتفاصيل حضورها البهيه نورا يشع ويضئ حياتنا الي الابد
فيجب علي الكل ان يبحث عن المرأة الكنز ومن امتلكها فهنئا له
احزروا اساتذة ابليس وقادته وخصوصا ابليس( النبطشي)
وقد سئل الامام الغزالي عليه رحمة الله عن الحب فقال:
حب ماعدا الله فهوا باااااااااااااااااااطل
حبتكم الشكلوته عاملين عيونكم زي لمبات الفلوكسواجن
احدي الظلاميات





اقول قولي هذا واستغفر الله لي ..............

[طارق الحسن محمد]

المشاركة الأصلية كتبت بواسطة فتحي مسعد حنفي

أعمل شنو ياطارق..ما لاقي لي حاجة تانية أعصر عليها وانت الزول الوحيد الممكن يفهم انا بقول في شنو وبكون قاصد شنو

والباقين ديل
؟ ؟ ؟