خاص بطارق الحسن محمد

[رأفت ميلاد]

المشاركة الأصلية كتبت بواسطة عمر صديق
عزيزى طارق كيفنك يا حليل بوست ابو جقادو المتوارى فى درب الاربعين
عندنا صديق قرر انو يستعين بى وهو مسافر القاهرة وهو ما عندو خبرة
وانا عارفك انك انت ماعندك علاقة بالحاجات دى لكن عايزنك تستعين بصديق انشاء الله من جيرانك ناس الثقبة (والثقبة هو حى من احياء مدينة الخبر فى السعودية )
فى الحقيقة الاخ ده عايز منك نصيحة وهو ما عندو خبرة مع المشروبات الروحية خبرتو كلها مع المشروبات البلدية
وهو هسع محتار يسافر بالاثيوبية ولا الكينية

سلامات يا عمر وكل سنة وأنت طيب

تعرف يا عمر شيل شيلتك من صاحبك ده .. أنا سافرت تركيا مع صديق .. زول ما عندو شدايد .. نوع المرة عافصاه .. ومن المطار بقى (زى الفكو طار) .. خفس للسوق الحر وجانى طالع بـ (جاك دانيال) .. فى الطيارة نشرب فى القهوة وهو عاصر قزازتو ..
طلعنا من المطار .. أتخرت أنا عشان محتاج فيزا وهو جوازو أوربى .. بعد كملت أوراقى قعدت ألف أفتش فيه لامن قربت أقنع .. لقيتو قاعد فى حمام يبكى .. يا زول مالك .. قال لى (أمى ماتت) .. أخوك ضرب لخمة وقلت فى نفسى دى مصيبة شنو .. أنا قايل جاه خبر بالموبايل .. أتضح لى الحجة ماتت ليها كم سنة كدى ..

تخيل حال باقى الرحلة