شعب جعان .. لاكنو جبان

[رأفت ميلاد]

المشاركة الأصلية كتبت بواسطة مرافي
عارف يا رافت الشعب زي القنع من خيرن فيها مسكين يكافح انتفاضات انقلابات ويجو ناس قريعتي راحت ينهبوا الثروات كان الله في عون البلد الما عندها وجيع مش كان خلونا مستعمرين احسن

تعرفى يا مرافى نقطتك دى مهمة لكن ما دقيقة .. ثورات السودان من ثورة (24) .. ما أكتوبر وأبريل .. رحت شمار فى مرقة ..عارفة ليه ؟؟؟

عشان إنتفاضاتنا كانت غضبات من الظلم .. ما ثورة .. الثورة دايرة زعامة فرد أو حزب .. زى نلسون مانديلا وكاستروا وهوشى منة .. وزى قرنج .. لكن أجزابنا بتاعة (المصالحة) الوطنية دى ما بتنفع .

[تحفة حوا]

اقتباس:
المشاركة الأصلية كتبت بواسطة رأفت ميلاد
[/B]
تعرفى يا تحفة كلام ماهر ده تنصل من الحقيقة دافعه حب الوطن .. لكن لامن تكون الحقيقة بالـ (الليك والعليك) .. الرؤيا بتكون أوضح ..

يعنى بلادى وإن جارت على عزيزة الخ .. كلام ساكت ..

لكن يا تحفة (حريرة) دى شنو يعنى بت عرب ما خادم بقرا اكلام ده كل يوم وأنا ساكت ..

والليلة
كنت قايلة معناها انثى
وعذرا لو بدا منها هذا الفهم الما جميل كلو كلو
وشكرا للتنبيه والتفسير وحسن الظن

[فتحي مسعد حنفي]

المشاركة الأصلية كتبت بواسطة تحفة حوا

والليلة
كنت قايلة معناها انثى
وعذرا لو بدا منها هذا الفهم الما جميل كلو كلو
وشكرا للتنبيه والتفسير وحسن الظن

ياتحفة حوا حريرة هي تصغير حرة وكلام رأفت دا 95% من الناس ما عارفنو يعني ما براك..هسة زي اسمك دا كان جيت خاطبتك وقلت ليك ياتحفة بكون في احتمال اني بشتمك أو بستهزأ بيك لذلك لازم أقول الاسم كامل مبتداهو وخبرو ألله يقطع خبرك يارأفت

[رأفت ميلاد]

والليلة

كنت قايلة معناها انثى
وعذرا لو بدا منها هذا الفهم الما جميل كلو كلو
وشكرا للتنبيه والتفسير وحسن الظن

متأكد وعارف وقصدت أنبهك لخطأ عام زى ما قال فتحى .. يعنى مقولة (تموت الحرة ولا تأكل من ثديها) .. مقولة معطنة بالعنصرية .. لكن نقولها بزهو عشان تربيتنا غلط ما بنلاحظ الأشياء دى .. وغالباً يكون العرب قادننا بيها .. المصيبة الفينا قايلين نحن عرب

[الرشيد اسماعيل محمود]

رأفت والله داخل أسلم عليك بس..
بقيت زي دولار اليومين ديل..
شفت البوست بإسمك وجيت داخل ماقريت اي حاجة.
تحياتي ياخ

[محمد مصطفي]

يا عمو رأفت النظام ده اول حاجة عملا
كوزن الثائرين وصعاليك المدن والناس السمهم فاير
قتل روح الوطنية واستبدلها بحب المؤتمر الوطني
الشعب حا اثور ليه ؟
عشان افتحو فيهو نيران البنادق وبعد ما اقتلوا نصفهم
اقولوا للنصف التاني تعالو نحل ليكم مشاكلكم
يا عمنا هذاالشعب محبوب عند الله
مش ربنا اذا احب عبداً ابتلاه
اهو نحن ربنا ابتلانا بالكيزان والحيتان ووجع المصران

[رأفت ميلاد]

المشاركة الأصلية كتبت بواسطة الرشيد اسماعيل محمود
رأفت والله داخل أسلم عليك بس..
بقيت زي دولار اليومين ديل..
شفت البوست بإسمك وجيت داخل ماقريت اي حاجة.
تحياتي ياخ

الله يسلمك يا الرشيد .. فيك الخير ..
البوست والله فاضى وفيه كل شيئ .. زى زينة الحياة الدنيا (مقلوبة) .. يعنى بدل (المال والبنون) بقت (البنون والمال) غايتو

[رأفت ميلاد]

المشاركة الأصلية كتبت بواسطة محمد مصطفي

يا عمو رأفت النظام ده اول حاجة عملا

كوزن الثائرين وصعاليك المدن والناس السمهم فاير
قتل روح الوطنية واستبدلها بحب المؤتمر الوطني
الشعب حا اثور ليه ؟
عشان افتحو فيهو نيران البنادق وبعد ما اقتلوا نصفهم
اقولوا للنصف التاني تعالو نحل ليكم مشاكلكم
يا عمنا هذاالشعب محبوب عند الله
مش ربنا اذا احب عبداً ابتلاه
اهو نحن ربنا ابتلانا بالكيزان والحيتان ووجع المصران

وليك وحشة يا محمد مصطفى .. ياخ الله برئ من ذاك إبتلاء .. قالوا العروس يوم الدخلة النسوان الخبرة كرهنها .. كل واحدة جاراها فى ركن توصى فيها .. وهى معصورة .. جات تزوغ نادنها شلة .. فاض بيها ونهرتن (ما جاية .. مو الشئ ده خابرا)

[حسن سادة]

الظريف اللماح رأفت الهجان
أخوك من ناس يا مايو أبوي ذي أختي وأخوي وأمي وأبوي
ومن حقبة الناس البقولو " وريتنا جديد ما كان على بال"
لكين في زمن الإنقاذ والإرتحال تأخذني منك وتعدو الظلال
من خاف سلم

رمية تماس
التقول أنحن إتلاقينا مرة لكين ما في خيالي
في المنامة وشارع المعارض
صح ولا يخلق من الشبه أربعين

[فتحي مسعد حنفي]

المشاركة الأصلية كتبت بواسطة حسن سادة

الظريف اللماح رأفت الهجان
أخوك من ناس يا مايو أبوي ذي أختي وأخوي وأمي وأبوي
ومن حقبة الناس البقولو " وريتنا جديد ما كان على بال"
لكين في زمن الإنقاذ والإرتحال تأخذني منك وتعدو الظلال
من خاف سلم

رمية تماس
التقول أنحن إتلاقينا مرة لكين ما في خيالي
في المنامة وشارع المعارض
صح ولا يخلق من الشبه أربعين

مادام فيها منامة أكيد فيها أحلام..غايتو الزول دا من المنامات ما بعرف غير الفيها ناموسية لكن برضو محتمل عشان كان في السعودية وما بعيد يكون بخمس في البحرين..غايتو منامتك دي أنا مشيتا 27 مرة وكنت بنزل في سي روك علي البحر..

[حسن سادة]

اقتباس:
المشاركة الأصلية كتبت بواسطة فتحي مسعد حنفي
مادام فيها منامة أكيد فيها أحلام..غايتو الزول دا من المنامات ما بعرف غير الفيها ناموسية لكن برضو محتمل عشان كان في السعودية وما بعيد يكون بخمس في البحرين..غايتو منامتك دي أنا مشيتا 27 مرة وكنت بنزل في سي روك علي البحر..


إذن ذرني أزجي إليك سلاماً أغلى من لؤلؤة بضة صيدت من شط البحرين
أو إن شئته أجمل من نوارة على ضفاف المقرن الجميل أيها النبيل
وداير أشوفك تاني مرة ألف مرة في المنامة في نفس المكان الإشتهر
فليكن مشهداً يا مسعدي ما أروعه

بخرة
زولك ده شاعر؟
Give me a clue

[فتحي مسعد حنفي]

المشاركة الأصلية كتبت بواسطة حسن سادة

اقتباس:
المشاركة الأصلية كتبت بواسطة فتحي مسعد حنفي
مادام فيها منامة أكيد فيها أحلام..غايتو الزول دا من المنامات ما بعرف غير الفيها ناموسية لكن برضو محتمل عشان كان في السعودية وما بعيد يكون بخمس في البحرين..غايتو منامتك دي أنا مشيتا 27 مرة وكنت بنزل في سي روك علي البحر..


إذن ذرني أزجي إليك سلاماً أغلى من لؤلؤة بضة صيدت من شط البحرين
أو إن شئته أجمل من نوارة على ضفاف المقرن الجميل أيها النبيل
وداير أشوفك تاني مرة ألف مرة في المنامة في نفس المكان الإشتهر
فليكن مشهداً يا مسعدي ما أروعه

بخرة
زولك ده شاعر؟
Give me a clue

الشاعر هو مسعد حنفي والدي رحمة الله عليه شاعر وجه القمر سافر والناعسات عيونن..أما أنا فمتشاعر ليس الا ما موضع قصايد

[حسن سادة]

اقتباس:
المشاركة الأصلية كتبت بواسطة فتحي مسعد حنفي
الشاعر هو مسعد حنفي والدي رحمة الله عليه شاعر وجه القمر سافر والناعسات عيونن..أما أنا فمتشاعر ليس الا ما موضع قصايد


وهل يخفى القمر
على فكرة أنحن إتلاقينا مرة في غير هذا المنبر (وعمداً لا أسميه)
أما بالنسبة للشفيف رأفت:
ما لقيت لي مغيث وما لقيت لي مراجع

[فتحي مسعد حنفي]

المشاركة الأصلية كتبت بواسطة حسن سادة

اقتباس:
المشاركة الأصلية كتبت بواسطة فتحي مسعد حنفي
الشاعر هو مسعد حنفي والدي رحمة الله عليه شاعر وجه القمر سافر والناعسات عيونن..أما أنا فمتشاعر ليس الا ما موضع قصايد


وهل يخفى القمر
على فكرة أنحن إتلاقينا مرة في غير هذا المنبر (وعمداً لا أسميه)
أما بالنسبة للشفيف رأفت:
ما لقيت لي مغيث وما لقيت لي مراجع

ممكن نكون اتلاقينا بس أكيد انت كنت بي لبن ما سادة هناك..

[ناصر يوسف]

المشاركة الأصلية كتبت بواسطة رأفت ميلاد

شعار صرخنا بيه فى الشوارع زمااااان ..

يعنى البشير العرس مرت صاحبو المتهم بتصفيتو .. وفاز فى الإنتخاابات بريئ من جبن هذا الشعب .. لقاهو حبان كده ..

الزول الحبيب للقلب

رأفت ميلاد

ياخي ليك وحشة يا زول ولي حق الألمان داك يعلم الله ( بس يكون معانا الخواجه فتحي في المراة الجاية )

السودان يا رأفت ما محتاج لإنتفاضة ولا إنقلاب عسكري ولا شئ ...

السودان محتاج لمُفَكِر حقيقي يقدر يمرقنا من هذا الجهل الظلامي

وبمثل ما حدثَ في دولة الصين الشعبية ( إختلف الناس معاهم ولا اتفقوا)

محتاجين لمن يأتي بفكر جديد يصُب في خانة الوطن الكبير بعيد عن هذه الإنتماءات الحزبية الضييييييييييقة ...

كلو عايشناه ( عسكر / أحزاب ) ومافي غير النظرو الأحادية تجاه التنظيم أياً كان ...

مافيش حد جاء وإشتغل في الإنسان السوداني .. شُغُل إنو يمرقوا من جهله وعطالة فِكرو ويديه الثقه في نفسو بإنو قادر علي قيادة وطنه وشعبه

نحن محتاجين لمثل هذا المُفكر

هناك مسودة شغال فيها حأنشرها هنا لما تكتمل بمشيئة الله

تحياتي لميلاد وأخوه وأخواته وأمهم