عندما سقيت الهم ........وحدى

[هشام تاج السر]

ربما ....


ما سوف اكتبه هنا

سرد لمواجع ......

او ان كيف فهمت الدرس....


وربما هى مساحه للفضفضه عن اشياء مرت منذ زمن...

و

عشان ما فى زول يزهج منى

هى مواقف محرجه لى استفدت منها.

[همس الشوق]

يا رااااااااااغل
كيف يعني نزهج منك

انداح وامكن نستفيد من مواقفك

[هشام تاج السر]

المكان.......

حلة ناس بيت عمى


كنت اذهب كلما لهم كلما سنحت الفرصه لى حتى ارى تلك الفاتنه........جارتهم

املا عينى بشى جميل....


ليس الا...

وكنت اعرف كل من حولها


اخوها

و

خطيبها

و

حبوبتها

تلاقينا صدفه فى المواصلات....

جلست بجوارى......تنحنح الانبساط داخلى

كيف الاحوال


تمام ...

قالتها بارهاق....

احممم

بالله حبوبه كيف


حبوبه الله يرحما


تمتمت....

البركه فيكم



اخبار........اخوك كيف

بضيق كده ....

والله فى السجن ضارب ود ناس هناى





اخر كرت عندى......


ما شايف هناى.....اقصد خطيبها

الايام دى..

حمرت لى


ياخى انت بتتكلم كتير كده ليييييييه

طقطقت للكمسارى.....


نزلنى هنا...

اخوك لم ..طار ليهو



هسى البت دى شنو سويت ليها


حكيت الى ابن عمى


انت ما عارفو عرس ولا شنو

[هشام تاج السر]

المشاركة الأصلية كتبت بواسطة همس الشوق

يا رااااااااااغل
كيف يعني نزهج منك

انداح وامكن نستفيد من مواقفك

مساءات رايقه بيك
همس الشوق
بس الله اعلم هنا فى فايده ......
بس عليك الله ماتضحكى

[هشام تاج السر]

اول

رحلت عمل

ارسلت المنظمه الفرنسيه التى عملت بها لفتره بسيطه.....

دامتين.......


من شاكلت

(روز بتاعت التايتنك)


بى شوية مبالغه منى كده

وكنا ماشين بانتيو


بلقرب من الرهد اب تكنا


نظام الشاب قاعد يورجق مع البتين..........

وكده

واخر انبساط.........

والدامتين اخر ضحك وفصيل:

قوووووووووم ياعمك........

افتح قزاز العربيه....

وفن الكرستاله بتاعت المويه بى الشباك

السوق فرمل................

لم خجانا زاتو............

اتلفت السواق ......

وبكل قطع.....


وهو من النوير....



بعد ما رجع العربيه لى وراء


وبصوت هادى........


لو سمحت ياسيد......

انزل جيب الكرستاله دى لانها بتعمل تلوث بعد مية سنه كده

وبتتحلل فى التربه وتجيب سرطانات للاجيال القادمه

اخوك بحنك كده

اى والله

وتحت تحت لو كنا برانا كان قطعتو معاهو سطاشر صفر

وتوكلتا نزلت وجبتها

ياخى لو قال بلعربى

كان دقستا البتين وقلت ليهم::

السواق ده قال بيحتاج ليها قدام

الله يقطعك زاتو


كرمبع

[هشام تاج السر]

واحيانا


تعبر فى الكلام ........

تعبر تلك الاشياء الى القلب......تتساوى فيها حاسة الاذن بجبروت العين

اولم تصيبنا الاهوال عند مشاهدتنا
.........بصدمه ورعب تفعل الاذن ذاك ايضا

اقول لك يا صاح ما حدث........


اشياءه عبرتنى فى صمت........وليتنى ما عرفته

هناك من الهم مايشقى الجميع.........................

.............. هذا اسمه

عندما جئت تلك المدينه الاستوائيه,كان هو الوحيد فى الكامب

من ابناء جلدتى...

حمدت القدر فى صدفته,وتهلل اسير دواخلى وجدت من يقاسمنى الوحده

لكنه عاملنى ببرود حاد........,حتى خلته من شاكلت ابناء العم سام

اصبحت اتحاشى بروده ووووو

حتى خرجنا سويا الى ذلك ....المكان القصى

حمل معه ماتيسر من الشراب........مايكفيه لاسبوع

ما ان نفرغ من العمل...حتى يذهب الى الخيمه يحمل نديمه ويجلس خارجا

نسيت ........ان اقول

انه وسيم جدا....ترى فى ملامحه الطيبه وقسماته تريح وافضل من هذا كله ...

لا يمكن التطفل عليه البت

............واتت البرقيه

ان سنجلس شهرا..........

اختلطت الامور عنده,

شهر..لن اجلس يوما واحد هنا...ولم اهتم به كثيرا وهنا لايوجد من شاكلت ما يحتسيه

ولو كان ردئ حتى..........

والعربه الوحيده ..امتلك مفاتيحها

جاءنى بشكل عادى.......

الا يوجد مكان قريب هنا........

مسافة يوميين اجبته

اصابه ماكنت اخشاه,

اليوم الاول لم يخرج الى العمل...وكذلك اليوم التالى وعندما ازداد الامر سوء

فى يومنا الثالث........

اخبرته ان عليه المواجه كى ننجز عملنا...

وفى المساء عاقر وحدتى واتانى فى استحياء.....

اجبته قبل ان ينطق بسلام .......

يا صاح

افضل من هذا الموت الواضح....لم لا تموت بصورة اسرع من هذه

لى سبعه اشهر اراك تدمر نفسك

افضل لك الموت الصريح

اصابه كلامى فى مقتل ..........

كأنى لمست الجرح.........

وبدا يحكى


نواصل