راكوبة المجادعات.. النمة والدوباي

[elle]

سكيت الرهاب نشفن وسايد حلقي
ضحكت رملتو قالت لي شن حا تلقي؟
غير وسط الحفر تنهايري وتنزلقي
في نار الودار تتململي وتنسلقي

[عبدالله وداعه الامين]

المشاركة الأصلية كتبت بواسطة elle

سكيت الرهاب نشفن وسايد حلقي
ضحكت رملتو قالت لي شن حا تلقي؟
غير وسط الحفر تنهايري وتنزلقي
في نار الودار تتململي وتنسلقي

يا ايلي الرهاب بي وراهو لو تنطلقي
فات فيك الفوات بي المغسة يوت تنفلقي
دنقري في الارض قبال كمان تندلقي
مكسورة جناح وهمك تلولي تسلقي

[مي هاشم]

المشاركة الأصلية كتبت بواسطة عبدالله وداعه الامين

المسك الشبك شايل شويش واتشلى
شتت شملي بين شاله وخويت الشله
شارد لي شقاي شقيش تشرد الشلة
اشرد لي الشرق شرقان وشقي انشله

حت ما الرشاش شتّت دعاشك ورشّ
شوف قلبي الشّليق أشواقي برّه فرشّا
شاشيتلو وشِفق.. دمّاعي شَوْ ما انقشّ
شارد تب.. حشاي مهرود وقلبي اتحشّ

[مي هاشم]

المشاركة الأصلية كتبت بواسطة elle

سكيت الرهاب نشفن وسايد حلقي
ضحكت رملتو قالت لي شن حا تلقي؟
غير وسط الحفر تنهايري وتنزلقي
في نار الودار تتململي وتنسلقي

لا تسكي الرّهاب والسّاكّيهو لا تبري
سكّتك قبل المشي..جرّبيها اختبري
على درب الحفر والزلقة ما تنجبري
ومن نار الودار.. يا elle والله تبري


كل سنة وانت بألف خير

[سارة]

المشاركة الأصلية كتبت بواسطة عبدالله وداعه الامين

يا ايلي الرهاب بي وراهو لو تنطلقي
فات فيك الفوات بي المغسة يوت تنفلقي
دنقري في الارض قبال كمان تندلقي
مكسورة جناح وهمك تلولي تسلقي

مكسورة جناح وفوق الهموم غرقانة
زى ابل الروى شايلة السقى وعشانة
غالبنى النضم وحديثى كلو رطانة
فات فينى الفوات رشونى بالجبخانة

[مي هاشم]

المشاركة الأصلية كتبت بواسطة سارة

مكسورة جناح وفوق الهموم غرقانة
زى ابل الروى شايلة السقى وعشانة
غالبنى النضم وحديثى كلو رطانة
فات فينى الفوات رشونى بالجبخانة

لا حولااااااااااااااااااا

مرفوع راسك ديمة وفوق للثريا مكانك
زي قمر الليالي للناس بيضوي حنانك
رطانتك عسل ما سمعت قبيحة أضانك
شِن الفوات يا اختي؟؟ أقِدلي ياهو زمانك

[سجمان]

بعد كان الجراب لي حلقو مزرود زردة
من النم وحاتكم الليلة راقد خردة
لي صواميل حرفي قرّيطي دايرة وردة
وحتى سن قلمي.. تحتاج بقت للبردة

[مي هاشم]

المشاركة الأصلية كتبت بواسطة سجمان

بعد كان الجراب لي حلقو مزرود زردة
من النم وحاتكم الليلة راقد خردة
لي صواميل حرفي قرّيطي دايرة وردة
وحتى سن قلمي.. تحتاج بقت للبردة

النّم والجّدع هولك آسجمان ..ما بتنلحق يا فرده
إتّ البحر فيهو وحروفي ديل فد ورده
إن قلنا الشكر مسكت فلان الحرده
وإن قلنا الوصف علانة شردت شرده

[عبدالله وداعه الامين]

المشاركة الأصلية كتبت بواسطة مي هاشم

حت ما الرشاش شتّت دعاشك ورشّ
شوف قلبي الشّليق أشواقي برّه فرشّا
شاشيتلو وشِفق.. دمّاعي شَوْ ما انقشّ
شارد تب.. حشاي مهرود وقلبي اتحشّ

شن شاف الحشى يا مي عشان اتحشّ
شحتفتي النشاف الفيني كيف انفشّ
شقيش ما الشلش شلاني شقي اندشّ
اشرب من شقاي متل الفتيق الكشّ

[سجمان]

سال النور بهل في الكون بهايج ضيو
والسجمان هناك في بحرو زاد في غيو
في وادي النميم قمرينا صايح حيو
سوولنا النضم بالنمة شهلو ريو

[طارق صديق كانديك]

المشاركة الأصلية كتبت بواسطة سجمان

سال النور بهل في الكون بهايج ضيو
والسجمان هناك في بحرو زاد في غيو
في وادي النميم قمرينا صايح حيو
سوولنا النضم بالنمة شهلو ريو

هعععع أبشر بالخير ... جيتك ..


السجمان أخوي نِم قوقي أجمع طيو
النور انبهل وقتين قدل في حيو
تالي اليمنى فوق ردفا عدم للزيو
شاحد الله الكريم في قلوبنا يخلف كيو

[طارق صديق كانديك]

زاد وجعي العلي وكتين نسيمك هبا
شال برقو وشلع مطرا يقوقي وكبا
الخلاني في نيراني ضقتا الكُربا
فاطر بسمو ناير خدو كلوو محبا

[محمد ديكور]

آ ناس ها
السمحان وود كانديك
كلامكن كيف ويزيد الكيف
وكت قبلت اشوف البورد
دخلت على رواكيبكن
لقيت ناسا نجاض بالحيل
ومابيغبانى قول النم
كلاما زى نجوم الليل
ضوايه وهدايه وتجيب الضيف
وزى ماقال عكود
بالحيل بزيد الكيف
محمد ديكور

[طارق صديق كانديك]

المشاركة الأصلية كتبت بواسطة محمد ديكور

آ ناس ها
السمحان وود كانديك
كلامكن كيف ويزيد الكيف
وكت قبلت اشوف البورد
دخلت على رواكيبكن
لقيت ناسا نجاض بالحيل
ومابيغبانى قول النم
كلاما زى نجوم الليل
ضوايه وهدايه وتجيب الضيف
وزى ماقال عكود
بالحيل بزيد الكيف
محمد ديكور

مرحبتين حباب الجابك

تسلم ياخي

**

الراكوبة ناقصا .. مي وود الزين

و( سارتنا ) لاهنا مليانة بالتفنين

elle مرة مرة تضربنا بي برقين

والسجمان ان سخى زولا لسانو سنييين

[طارق صديق كانديك]

المشاركة الأصلية كتبت بواسطة مي هاشم

حت ما الرشاش شتّت دعاشك ورشّ
شوف قلبي الشّليق أشواقي برّه فرشّا
شاشيتلو وشِفق.. دمّاعي شَوْ ما انقشّ
شارد تب.. حشاي مهرود وقلبي اتحشّ

مي هاشم ياصديقة ... عساك طيبة ومن حولك .. !!

شيناتك شلش .. رشت شمال اتفشت
شن طعمو الغناء فوق زول دربو انكشت
شاوينا البعاد شوشو قليبنا اتشتشت
يوت من شافو شال شبالو تب ما اتلفت