الزميل ..ود بغداد الان بمستشفى ساهرون اثر حادث ارفعوا الاكف بالدعاء له ...

[محمد مصطفي]

كفارة وسلامتك ......
اتمني ليك الشفاء العاجل
ويا رب تكون بسيطة .

[فتحي مسعد حنفي]

المشاركة الأصلية كتبت بواسطة عمر صديق

ود بغداد نسال الله لك العافية
واجر وعافية وتقوم بالسلامة انشاء الله
والاخت نعمات حمود تشكرى وابقى طمنينا عليهو

ياعمر والله انت زول مسكين خلاص..تطمنك شنو..ياخ الزول دا في المستشفي وقاعد يناكف فينا وما داير يهنينا بي راحة البال..انا كان عرفت الزول العمل معاهو الحادث بمشي أعضيهو في راسو عشان ما شاف شغلو كويس...هسة كان اليد البتكتب في الكيبورد اتجبست ما كان ريحنا بتاع 15 يوم

[نعمات حمود]

الاخوة المارين ...من هنا ...لكم وللعزيز سامي الصحة والعافية ....
الاستاذ فتحي مسعد حنفي ....كل الاشواق ..وكاتمنى ان التقيك هنا بالسودان ولكن ...
الاخ سامي حسب الماسنجر دا كلامو وكان يبدو عليه التعب ...لذلك لم استرسل في الكلام ...وقد علمت انه قرابة الثلاثة اسابيع الحادث ولكن يظهر في بعض الكسور
وعلى كل الاحوال اريد تفاصيل الاسم حتى اتمكن من السوال عنه وسوف افيدكم ...
لكم مني كل الشكر على الاخوية النبيلة ...وهكذا هي سودانيات ...عالم ينبض بالحب والمحبة ....
كل المنى مع محبتي

[مرافي]

الاخ ودبغداد امنيات صادقات لك بكامل الشفاء

[مرافي]

الغالية نعمات اشواق شارقانا عديل ليك وحشة جليل المحبة لكي وامنيات عبقة بطيب المقام اكليل من التحايا لافراد اسرتك الكريمة ومنهم زهرة زكية للغالية سمية وقوليها واحشانا

[فتحي مسعد حنفي]

المشاركة الأصلية كتبت بواسطة نعمات حمود

الاخوة المارين ...من هنا ...لكم وللعزيز سامي الصحة والعافية ....
الاستاذ فتحي مسعد حنفي ....كل الاشواق ..وكاتمنى ان التقيك هنا بالسودان ولكن ...
الاخ سامي حسب الماسنجر دا كلامو وكان يبدو عليه التعب ...لذلك لم استرسل في الكلام ...وقد علمت انه قرابة الثلاثة اسابيع الحادث ولكن يظهر في بعض الكسور
وعلى كل الاحوال اريد تفاصيل الاسم حتى اتمكن من السوال عنه وسوف افيدكم ...
لكم مني كل الشكر على الاخوية النبيلة ...وهكذا هي سودانيات ...عالم ينبض بالحب والمحبة ....
كل المنى مع محبتي

العزيزة نعمات..
انت زولة طيبة ساكت والراجل دا عرف يختار يكضب علي منو..
صدقيني يانعمات أنا اتصلت بالمستشفي واليوم داك أصلو مافي زول مصاب في حادث وبعدين عرفت انو أصلا ما موجود في السودان وأتحداهو يثبت انو في السودان.أللهم الا لو في ساهرون تانية في بلد غير..
غايتو الله يشفيهو من داء الكذب وانتي بطلي الطيبة الزايدة دي..

[نعمات حمود]

الاستاذ فتحي ....
والله اتمنى ان التقيك ...فالعلاقات مهما توطدت لا تكتمل الا باللقاء ..

بالنسبة للاخ سامي لا ارى ان هناك ما يدعوه للكذب لان الذي بيننا اخوة نبيلة احسبها انا ...ولكن بالتاكيد لو ب في شي زي دا ....حتشوف الايقونه الجد جد ...
اما انا علمت منه بذلك وعملت ما املاهو ضميري واحساسي علي ...واتمنى ان يطلع كذبة ويكون بخير وانا ...بعالج الباقي ...رغم ان الكذب اخطر من الحادث ...فهو مرض عضال ...فكيف اذا اصاب من يعمل (في العون الانساني )ويقضي الليالي بالباكستان لاعانة المتضررين من فيضاناتها ...اعيننا نحن ..اهله وبنات بلده بالصدق ...
استاذ فتحي ...ما تقول لي ممكن تكون قصة بايخة لاني حاكفر بعلاقات المنتديات ...

الله يكضب الشينة وكلها ساعات وحاعرف الحقيقة ....واتمنى ان يرد سامي نفسه ما امكن ؟؟؟والا .....

محبتي دوما وصادق الاحترام وما تجوا لي ناس مجدي معانا هناك بالله ...
محبتي

[وهاد ابراهيم محمد]

ألف سلامة..
وان شالله أجر وكفارة ذنوب..
بتمام العافية بإذن الله.

[فتحي مسعد حنفي]

المشاركة الأصلية كتبت بواسطة نعمات حمود

الاستاذ فتحي ....
والله اتمنى ان التقيك ...فالعلاقات مهما توطدت لا تكتمل الا باللقاء ..

بالنسبة للاخ سامي لا ارى ان هناك ما يدعوه للكذب لان الذي بيننا اخوة نبيلة احسبها انا ...ولكن بالتاكيد لو ب في شي زي دا ....حتشوف الايقونه الجد جد ...
اما انا علمت منه بذلك وعملت ما املاهو ضميري واحساسي علي ...واتمنى ان يطلع كذبة ويكون بخير وانا ...بعالج الباقي ...رغم ان الكذب اخطر من الحادث ...فهو مرض عضال ...فكيف اذا اصاب من يعمل (في العون الانساني )ويقضي الليالي بالباكستان لاعانة المتضررين من فيضاناتها ...اعيننا نحن ..اهله وبنات بلده بالصدق ...
استاذ فتحي ...ما تقول لي ممكن تكون قصة بايخة لاني حاكفر بعلاقات المنتديات ...

الله يكضب الشينة وكلها ساعات وحاعرف الحقيقة ....واتمنى ان يرد سامي نفسه ما امكن ؟؟؟والا .....

محبتي دوما وصادق الاحترام وما تجوا لي ناس مجدي معانا هناك بالله ...
محبتي

يانعمات من ناحية انها قصة بايخة فهي قصة بايخة واستدرار لعواطف الآخرين ودا في حد نفسو مرض وأنا زي ما قلت ليك بتحداهو يجي يثبت انو كلامي دا غلط عشان ساعتا حيضطرني أكشف أوراقو كلها وأخليهو بالفعل يطفش من المنتدي عشان احنا ما ناقصين محن..
أنا آسف اذا كنت سببت ليك صدمة لكن برضو ما بقدر أشوفك ماشة ورا معلومة غلط وأسكت ودا المطلوب من كل الأصدقاء أما حكاية تكفري بالعلاقات السايبرية فدي انتي غلطانة فيها فلولا هذا المنتدي لما تعرفنا علي بعض ولا كانت لي أسرة احتلت في قلبي مكان أسرتي البايلوجية فأصبحت أتشوق الي أصدقاء المنتدي عند سفري للسودان أكثر من شوقي لاخوتي من أبي وأمي..
معليش حكاية أجي أزور مجدي دي صعبة عشان اسمي علي قائمة الممنوعين من دخول البلاد بسبب مشاكل مع أحد الشيوخ الذي توفاه الله مؤخرا وكنت مديرا لمكتبه عندما كان وزيرا لمدة أربع سنوات والتفاصيل ممكن تعرفيها من مجدي لما ترجعي الامارات..الشوق لملاقاتك واصل الركب زي ما بقولوا..

[احمد زين]

المشاركة الأصلية كتبت بواسطة فتحي مسعد حنفي

يانعمات من ناحية انها قصة بايخة فهي قصة بايخة واستدرار لعواطف الآخرين ودا في حد نفسو مرض وأنا زي ما قلت ليك بتحداهو يجي يثبت انو كلامي دا غلط عشان ساعتا حيضطرني أكشف أوراقو كلها وأخليهو بالفعل يطفش من المنتدي عشان احنا ما ناقصين محن..
أ

يا خواجة انا اسي ماشي المستشفى اشوف الزول ده
يعني معنى كلامك ده اجليهو ولا شنو

[فتحي مسعد حنفي]

المشاركة الأصلية كتبت بواسطة أحمد محمد زين حسين

يا خواجة انا اسي ماشي المستشفى اشوف الزول ده
يعني معنى كلامك ده اجليهو ولا شنو

لأ تجليهو ليه..أمشي واتأكد يمكن أنا المعلومة العندي غلط ولو أنو صعب تكون غلط..يا أحمد ود بغداد دا كان معانا في المداخلات لغاية الفجر وبالنهار نعمات نزلت البوست يعني الا يكون عندو طيارة خاصة جدعتو في الخرطوم وقامت طقتو عربية في الرن ويي..الغريبة بعد داك قام نزل مداخلة قال فيها بيكتب من الأسرة البيضاء وتاني غتس..دل معناهو شنو..عليك الله أمشي عشان تفك الاشتباك وتخليني أعتذر ليهو لو كلامي طلع غلط وافتراء..

[ودبغداد]

الاحباب الاعزاء اهل سودنيات

كل الشكر والعرفان والتقدير للاخوه والاخوات الذين مرو على هذا البوست وقدمو واجب الزيارة والسوال عن صحتى واحاولى...اطمئانكم باننى بخير والحمدالله واخص بالشكر للاخت العزيزة نعمات حمود (فخربلادى)بدولة الامارات على فتح البوست وممنون كتير للجميع...وده ما غرئب على اهل سودنيات....(ناسف لازعج الاخوان توقيت البوست فقط اتى متاخر فقد تعافيت تمام والحمدالله شكرا للجميع)

محبتى للجميع

[نعمات حمود]

اقتباس:
المشاركة الأصلية كتبت بواسطة ودبغداد
الاحباب الاعزاء اهل سودنيات

كل الشكر والعرفان والتقدير للاخوه والاخوات الذين مرو على هذا البوست وقدمو واجب الزيارة والسوال عن صحتى واحاولى...اطمئانكم باننى بخير والحمدالله واخص بالشكر للاخت العزيزة نعمات حمود (فخربلادى)بدولة الامارات على فتح البوست وممنون كتير للجميع...وده ما غرئب على اهل سودنيات....(ناسف لازعج الاخوان توقيت البوست فقط اتى متاخر فقد تعافيت تمام والحمدالله شكرا للجميع)ا
الاخ والزميل ود بغداد ...
لا ادري...هل فعلا كنت مريض ام هو حادث اليم جعلعني انوم مسهدة العين والقلب ؟؟؟
ماذا تعني هذه الاسطر ...
تعودت دائما ان اتسامح مع كل الهفوات في حقي الا الحقوق الادبية ...
ارجو لزاما ان توضح هنا ما اصابك وان كنت لشي في نفسك قد خدعتني فلزاما علي ان اعتذر على اسرتي الجميلة سودانيات والتي اقحمتهم في ذنب لم يقترفوه ...دون قصد بالتاكيد ..فلم اتعود خداع الاصدقاء ..فالكلمة شرف تعلمت منهم ذلك ...دعني اعتذر لهم وخاصة لكل الذين تداخلوا معي ...وهاتفوني ...وبنات اختي الذين لم يهدأوا من مهاتفة اهل ساهرون وكل من يعرفونه هناك لهؤلاء الذين اصبحوا وامسوا يقلبون دفاترهم بحثا عن اسمك ...
لا لا...لا يجب ان يكون هناك دافعا قويالهذا الفعل البايخ معي وكنت احسب ان تقديرا محترما عندك ...يجب ان توضح اولا انت وين بالسودان ام بمكان اخر اولا ...


الاستاذ فتحي فخرا ان التقيك واخرين كثر ...ولكن بالتاكيد ساب بالاحباط لو طلعت قصة بايخة ...لا اصدق بان هناك بالمنتدى من يتربص بي الشرور ...وان غد لناظره لقريب

نتمنى ردا شافيا ...وقبل ما امشي الامارات اتمنى ان يحل اللغز دا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
...

[فتحي مسعد حنفي]

الابن ود بغداد ..
في مكالمتك الهاتفية قمت بشرح الظروف التي أدت لحدوث هذه المفارقات بطريقة مقنعة وطلبت منك أن تشرح ما قلته لي في البوست حتي تزيل كل لبس في هذا الموضوع ووافقت أنت ولم تفعل..
حسب كلامك قلت ان الزميلة نعمات لها معزة خاصة في نفسك وأعتقد انك تدين لها بتوضيح حتي لو علي الخاص حتي لا تتركها في حيرة ..طبعا هذا ان كانت فعلا عزيزة عليك وياريت لو وضحت ما خفي في هذا الوست حتي نرمي بكل شيئ وراء ظهورنا.

[أبو عبيدة البصاص]

الف الف كفاره و سلامة
وربنا يجعله كفارة واجر يارب
ونقول سوا اللهم ياشافي لا شفاء الا شفاك
اشفه شفاء لاسقم بعد والبسه ثوب العافية والرفاه