اقتباس:
المشاركة الأصلية كتبت بواسطة نبراس السيد الدمرداش
يا ود اشيخ انزيك انشاء الله فاين
هنا مافي صاحب بيت لسبب بسيط الكتب المداخله عضو زي و زيك
البيت بناسو و ساكنيه بنفس فهمك لو اختلفنا انا و محمد اخوي امرق اخلي ليهو البيت؟؟؟
حقو نراجع انفسنا شويه جميعا نحن هنا ليه و عشان شنو وعلاقاتنا فعلا مترابطه زي ما بنقول ولا هشه اي شيء ممكن يكسرها
طارق اول زول بينتقد اي شء ما يعجبو و بيقول اي كلام عاوزو
طارق لو ما عاوز الناس تنتقدو خلي يمشي
لو ما عاوز يسمع راي مضاد خلي يمشي
لوما عاوز يسمع نصح و يسمع انت غلطان خلي يمشي
و اذا طارق بيتعاطى و يتفاعل مع الناس عشان خالد الحاج برضو خلي يمشي
سودانيات ما خالد الحاج سودانيات نحن جميعا
العزيزة نبراس
كونو الاخ خالد الحاج صاحب البيت ده احساس طبيعي لأي زول بطالع سودانيات وده حق من حقوقو وما نقدر نسلبوا ليهو ... وكونو انو عضو زيو وزي اي عضو وكلنا تحت مظلة اللوائح والقوانين ده جانب تاني .... والناس ممكن تتعامل معاهو كعضو او صاحب بيت وده بيرجع لتقديرات الشخص الداير يتعامل مع خالد ..
والنقطة التانية بخصوص الاخ طارق ... انا شايف انو كلمة يمشي دي جافة شوية .... لأنو الاسباب الذكرتيها فوق دي ما اظن تخلي طارق يتخذ القرار ده بحكم انه علي قدر عالي من الوعي ويتقبّل الراي الاخر برحابة صدر وهذا ما عرفناه عنه من خلال المنتدي ولو ده السبب كان تخلي عن المنتدي في اول نقاش له بُعيد اشتراكه لأن الاختلاف موجود دائما في الحوارات ... لذلك استبعد كل الاسباب التي تقول عدم تقبل الاخ طارق للراي الاخر ....
الا اللهم اعتبار الاخ خالد هو صاحب البيت وزي ما قلت ليك ده احساس طبيعي ... وهذا ليس صوت لوم لخالد عشان الناس ما تفهم غلط لكن ده قدر وضع خالد الحاج في الحتة دي . .. انو يكون مساحتو محدودة وخطواتو بي حساب .
لكم وافر الاحترام 