غايتو الشناف والنقة تختاكم وين عاد !! ماسودانيين !
اسع فى ذمتكم عندكم ذرة بتاعت وطنية جواكم عشان تنبذو اهلكم كده !!
انا والنصيحه تتقال (رغم ) حالة مطارنا المنتهية دى ، لما جو المصريين للكورة
الاتغلبو فهيا ديك وحرقتم ...وشالوها وكبونا فينا نحنا (المساكين ) ديل اللا ايدنا
لا كراعنا غير شلاقتنا السوته فينا ...
اها هالة صدقى وكت مالقت شى تقوله ...قالت ليهم : هم عندهم مطار !!
ياعينى كلو اوضة وصالة
النصيحه حرقتنى فى فشفاشى وكلاى !!
ولو عندى سلطة ولا سلطة اسود زاتو كنت منعته اى مصرى او حلبى عمو فتحى (نموزجن
) من الدخول ...
بس عمو فتحى حبيبنا ومابنرضى فوقو النصيحه لانو بسف سعوط وبياكل كوارع معانا لوووووووووووول
ياجماعه الخير عليكم الله لمن تتكلمو وتشنفو بلدكم ، راعو فى الاول (عباراتكم)
وشوفو رزاز (تفافكم ) ده بصل لحد وين !!
عشان ماتقومو تجلبطو ليكم وش زول ماعندو ذنب ساى !!
وعاد ياها بلدنا ..
وياهو مطارنا
وياهم اهلنا ...اى ياهموس
كان صارين ولا مبتسمين ، اوووب عليك بتمشى وين عاد منها
تطيرو تطيرو ..مصيركم تركو فى بلدكم
قومو لفو كلكم
