بدرالدين اسحق اعتذراك مقبول نيابة عن كل المنتديات السودانية يا راجل يا كلس

[عبدالمنعم الطيب حسن]

عباس ياجميل
سلامات
عارف بدر الدين دا ردودو اسلاشات ومرات لما يبدع بقول كلمة وبالكتير كلمتين
و20 مداخلة مايرد عليها
بوستاتو ان لم نكن مقتبسة من قوقل فهي طرح اسئلة اكتر منها اجابات
عمرو ما كتب تلاتة سطور وراء بعض تكون رؤية ولو تورط وكتب
تلقي كل كلمة تناقض اختها
المشكلة انو لازم بكون اسمو موجود واتفق معك في تحليلك العميق
للامر وربطه بلقمة العيش يا خي دا لقمة مرة خالص
يقول ليك بدر الدين فكرة دونما يذكر ماهية الفكرة حتى نتفق او نختلف معاها
هو كمان طارح نفسو مفكر قال
عارف السودان دا يا عباس راجع كل يوم لي ورا ليه
هذا مستوى العقليات التي تحكم بطريقة او اخرى
وموجودة في مكان ما لجهة اتخاذ القرار اي قرار
جلد البنية المسكينة نموذجا
وبدر الدين نفسو موجود بحكم الحظ او اي ظروف اخري في مؤخرة هذه المستويات
واي كان تواضع المستوى لكنه موجود
الم يذكر بنفسه انه كان مشاركا في المفاوضات مع الحركة لمدة عشر سنوات
والنتيجة ماثلة امامنا امامهم
بدر الدين مثال واضح لمؤتمر وطني بامتياز

[عباس الشريف]

اقتباس:
المشاركة الأصلية كتبت بواسطة معتصم الطاهر
عباس

انا و بصراحة جدا عاوز ادخل معاك فى تحدى بسؤال

يعنى هل بدر الدين وحده هو الذى يأتى يحمل اجندة حزبو ؟؟؟؟؟؟



يا باشمهندس الاجنده هي الافكار وطالما هي رؤي اذن اي شخص بجي بحمل هذه الرؤي والافكار معاهوا واضيف ليك كمان التربية الحزبيه بغض النظر عن بدرالدين بتكلم بصفة عامة عن المؤتمر الوطني او الكيزان الاجندة الخاص بيهم واضحه ان كانت في السياسة او الاخلاق او العمل العام والرفض ليهم جاء من داخل الحزب للخباثات ومجتمع الكيزان مجتمع يحمل اجندة هدامة للوطن ولو مسكنا تفنيط الخباثات الراحل محمد احمد طه بتاع جريدة الاتفاق لو كان الاسم صاح هنالك مقال داخلي بالجريدة يتمرد علي شيخ الترابي حيث قال بالحرف الواحد (( يا خرطوم جوطي جوطي لن يحكمنا الشيخ ال........)) هذا ما يخص الاجنده الاخلاقيه والتي يرتكز عليها باقي الاجندة اما في مجال السياسة حدث ولا حرج والظواهر كثيره معروفه للجميع نجي للنقطه الاهم ينقسم اخوانا لله في المؤتمر الوطني الي فئتين.
الاولي: فئة الحرامية الكبار وهؤلاء شغالين بقاعدة كان سرقته اسرق جمل وكان عشقته اعشق قمر وهذه القاعده تتضمن ايضا في معناها السرقه الكبيره والسفاهه فيما ما معني الجمل يعني تقتل صاحبك وتعرس مرتوا.
اما الجانب الثاني صغار المؤتمرجيه ناس قريعتي راحت ديل برسلوهم عشان اتصدوا للحاجات التي تعيق مخططاتهم ما مهم كيف تسرق تتلب فوق حيطة قوقل لازم تثبت وجودك وتوقف الحملة الضدنا وتشغل الناس عننا العالم الاسفري بقي مفتوح مظاهره في منتدي ممكن تغير كثير مظاهرات الحجارة انتهت وهم عارفين كده الكادر ده بسموهوا تاكل عيش اجدعوا ليهو عضمة في مؤتمر بالقاهره او ماليزا انشاءالله الصين ذاتا المهم انفذ التوجيهات.
اما الاجندة بتاعتي انا لا تختلف عن اجندة اي مواطن سوداني زيك انت وزي اي واحد في الاجندة بتاعتوا السرقه حرام ولو سرقت مقال او بئر بترول واحد كلوا سرقه من المفهوم ده تتضح اجندة الزول العادي لا ديلاكتيك لا اقتصادي سياسي من حاجة بسيطه بتعرف مضمون الاجندة البنحملا احنا.

[عباس الشريف]

اقتباس:
المشاركة الأصلية كتبت بواسطة ناصر يوسف
الأخ عباس الشريف

سلام

أبدأ ليك من تِحت .... مقفول ؟؟؟ لا أعتقد

في الوسط: أنا دخلي هنا شنو ؟؟ ومنو القال ليك أنا قلت بإني زعلان لمجرد سَفَه الأخ بدر الدين لمداخلاتي ؟؟؟


فوق خااالص: إنابة عن نفسك تقبل إعتذار الأخ بدر الدين في أمر بيخُصه هوَ وليس لك الحق أن تأتي ولو .... ( مَجااااااااااازاً) متحدثاً في بإسم الجميع من أعضاء سودانيات



هذا مل لَزِم توضيحه بكامل الإحترام


ثُمَّ شئ آخر يا عباس الشريف ...

أنا ضد مداخلة طارق الحسن كلغة تحمل معاني هي في الأصل ضد لغة المداخلة تماماً

بيد أني ضد لغة المداخلة في قولها الظاهر وليس الباطن من قِبَل طارق الحسن



شيخ ناصر ازيك
حكاية زعلك من اخونا بدرالدين لقيتا لما كنت في المدرجات وبتابع مداخلاتك والله يا ناصر البوست بتاعك ده افنطوا حسب الالوان ومن كلمة تحت تحت وحسب المفهوم الوصلني ناس الامانة المرة دي افصلوني عدييييييييييييييل وخاصة حكاية بي القلبه والعدله بتاعت طارق.
همس الشوق والله انتي مسكينه تعالي شوفي هنا نعمل شنو نسكت

[عابد عقيد]

اقتباس:
المشاركة الأصلية كتبت بواسطة عباس الشريف
والله يا حبينا طارق من مغستي الربه دي ما حضرتها قلته كان اعمل بيها بوست براي افش مغستي في الزول ده كمان في توصية من اخوانا بي هناك قالوا لي الزول ده خليتوا لي طارق وناس حافظ وعبدالمنعم والشله ليه وانا ايدي كتفن عم النور.


شكرا يا الحبيب بمناسبة الترشيح يرفع الي حبينا عابد للافادة



علي شرط بدون خج

[عباس الشريف]

اقتباس:
المشاركة الأصلية كتبت بواسطة سمراء
ياعباس الشريف مع كامل احترامى ليك

البوست غير موفق اطلاقاً ....

لاسباب كثيرة ..اهمها
اللياقة واحترام الاخر !!




سمراء مع احترامي ليك انتي:
قايله الناس دي بتشتغل بدون فهم وكان بتفتكري مداخلة اي كوز هنا بحسن نية انتي غلطانه اللياقه والاحترام مع الزول البجعل ليك قيمة ما بعاملك زي البهيمة سماحتنا احنا في السودان البتخلي كل واحد اجي اعمل الدايروا وامشي... الصراع ليس مع بدرالدين في شخصه الصراع فكري وكل ما نلقي فرصه في النظام عن طريق احد الاخوان في الله ما بنقيف بنلوكا لبانه عسي ولعلا الناس تتعظ لي قدام وتعرف التساهل عواقبوا وخيمه السرقه حدها شنو في الاسلام قطع اليد طيب انا بعتذر عشان..... كلمتي المست غروركم وفرقتنا يا حبيب .... بتاعت ظوط فراق لمدة شهر (( مش خلاص كفرتا عنها بي سهري ونحيبي)) اها بترجعوا لي الشهر ده كلوا في خانة التسامح و ل نخليها اعيش في ظلمة وانت صباحي وانت طبيبي اموت بجراحي.

[عباس الشريف]

اقتباس:
المشاركة الأصلية كتبت بواسطة فيصل سعد
الاخ عباس لك التحايا الطيبة :

اتمنى ان نختلف بعيدا عن التهاتر و العنف اللفظي .. الاخ بدر الدين عضو و زميل منبر و وجب ان تعطى الزمالة حقها من احترام.. يمكنك ان تنتقد و تشجب و تدحض رأيه باسلوب يبتعد عن التحقير و الاستخفاف و الازدراء و الاستفزاز .. هذا مجرد رأي و لك حق قبوله و رفضه .. كما اتمنى ان يراجع الاخ الامين العام لسودانيات او نائبه هذا البوست ان كان مخالف اللائحة و روح سودانيات و الحس و الذوق السليم .. و كما قال لك الاخ ناصر لا تتحدث بالانابة عن منبر سودانيات دون تفويض لا تملكه يا ابن العم بل تحدث باسمك و اسمك الظافر ينمو !!

و لك وافر الود و التقدير ..



يا ود العم الدور تاني جاك قبيل كانت علي استعجال وانا طالع المدارس والمدام اتصلت بي ولما تتصل بي بتحصل لي الرجفه وما بركز.
البوست فيهوا نيابة عن سودانيات وفيهو في النهاية مقفول ليه بس مسكته في حكاية نيابة عن سودانيات وما علقته علي مقفول ده تغول علي حقوق الامين العام الادتا ليهوا اللائحه في قفل البوستات ورمي بها الي مذبلة المنتدي زي بوستاتي الفاتت ديك نسيتا يا الحبيب.
يا حبيبنا انا ما قدمت اساءه شخصيه لي اي حد هنا وبي مداخلتك دي ممكن تفتل البوست والزول المسكين ده البياكل عيش تسبب ليهوا ازي نفسي ودي اعتقد في اللائحه مافي مسألة الاذي النفسي وحكاية القوانيين والله اللائحه دي وقعت عليها بس فيها شنوا ما عارف بس اعتقد حكاية السخريه دي ما بتمنعا ممكن نرجع ليها وجيب البند ده... وفي كتاب بياكلوا من السخريه عيش في صحف ومجلات.
الموضوع ده كان عايزني اخلي برفع منوا يدي بي جودية اهلك الاشراف وتاني السياسة دي ما بجيب خبرا ابقي ليك زي عمك الشريف زين العابدين بتاع شعر قصرت معاك.
وبرضو منتظرين رأي الاداره

[عباس الشريف]

اقتباس:
المشاركة الأصلية كتبت بواسطة تحفة حوا
النصيحة لي الله
الاقتباسات دي كل الناس بتقتبسها
وكتيرين ما بكتبوا منقول

فحقو تخلو الراجل في حالو وكفاية لحدي هنا
قلة الشغلة مصيبة

والحمد لله ان الجنة والنار بيد الله وحده

عباس اتمنى لك عودا حميدا



تحفه سلامات وكل سنة وانتي طيبه كلامنا ده عن نار الدنيا وجحيما العايشين فيهوا بسبب الاقتباسات اتفاقية السلام مقتبسه عن اتفاقية الميرغني تم ادخال بعض التعديلات عليها ودت البلد في داهيه .
الاقتباس لما تقتبسوا ما تعرف معناهوا في بعض الكلمات التي يمكن تغيرها بتأدي للانفصال والشرزمة.
الاقتباس لما اكون لمواد بقانون الانضباط تم تحويرها من القران وتفسيرها في صالح النظام بتهين المواطن.
شوفتي الكلمة الصغيره دي عملت شنو.
الف شك ليك وانشاءالله عودتنا ما تزعجكم

[ناصر يوسف]

المشاركة الأصلية كتبت بواسطة عباس الشريف

اقتباس:

XXXX ناصر ازيك
حكاية زعلك من اخونا بدرالدين لقيتا لما كنت في المدرجات وبتابع مداخلاتك والله يا ناصر البوست بتاعك ده افنطوا حسب الالوان ومن كلمة تحت تحت وحسب المفهوم الوصلني ناس الامانة المرة دي افصلوني عدييييييييييييييل وخاصة حكاية بي القلبه والعدله بتاعت طارق.
همس الشوق والله انتي مسكينه تعالي شوفي هنا نعمل شنو نسكت

عباس أخوي كيفنك ياخي

كدي علييييييييييك الله في الأول أرجع لردك علي ده وأمسح لي كلمة ( شيخ ) دي لأنها بتعمل لي إشقَدِي



أما البلأحمر دي فيا الحبيب

يخخخخخخخخخخخخخخخخخربني إن كان فهمت منها حاجه

[ناصر يوسف]

المشاركة الأصلية كتبت بواسطة عباس الشريف

اقتباس:
المشاركة الأصلية كتبت بواسطة فيصل سعد
[I]الاخ عباس لك التحايا الطيبة :


وحكاية القوانيين والله اللائحه دي وقعت عليها بس فيها شنوا ما عارف

طيب يا عباس يا أخوي

كيفن توقع علي شئ وإنتَ جاهل بمضامينو ؟؟؟؟

وسؤال مباااااااااشِر ليك وإنتَ المعني بيهو تماماً

إنتَ جيت راجع هنا بي زعلتك ؟؟؟ يعني زعلااااااااااااااااان وعندك شوية حسابات عاوز تصفيها مع الكُل ؟؟

بدءاً بالإدارة مروراً بكافة الأعضاء و بي أنا شخصياً وإنتهاءاً بنفسك ؟؟

عباس الشريف يا أخوي

أنا ما عندي والله غذاذة في إنو الإنسان يكتب ما شاء له وما يعن ليهو من مواضيع ومن ردود ( لأنو إنسان كبير وعاقل وفاهم هو بيكتب ده علشان شنو) .... لكن .....

كدي حاول أخرج من الدائرة دي وعاين لوجودك من داخلها ومن فوق

أكيد حتشوف نفسك بغير الشكل الشايف بيهو نفسك الآن

وأنا آسف يا أخوي علي الصراحة دي

بس ما بعرف أقول غير رأيي وبكل كل الوُضوح

ويمكن ده السبب البخلي البعض قد ـــ أكرر ــ قد يكرهني

آسف للإطالة

[عباس الشريف]

اقتباس:
المشاركة الأصلية كتبت بواسطة همس الشوق
يقول الله تعالى في الآية الكريمة 11 من سورة الحجرات: { يَا أَيُّهَا الَّذِينَ آمَنُوا لا يَسْخَرْ قَومٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلا تَلْمِزُوا أَنْفُسَكُمْ وَلا تَنَابَزُوا بِالألْقَابِ بِئْسَ الاسْمُ الْفُسُوقُ بَعْدَ الإيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ }
صدق الله العظيم



استاذه همس سلامات:
بسم الله والصلاة السلام علي اشرف خلق الله سينا محمد (ص) اما بعد.
سبحان الله ان الاية نزلت علي المسلمين وفيها تحزير ونهي عن السلوكيات الزميمه اصبحنا نتلوا القران ولا نتامله ويكون منهاج لحياتنا نتعامل معه كوسيله لتحقيق اغراضنا ... المسلمون يسخر بعضهم من بعض المؤتمرجيه اللاوطنين يرون انهم افضل من بقية الشعب اصبحت القبيلة متفشيه وهو ما تنهي عنه الايه والاسلام بسماحته نهي عن الهمز واللمز والاستخفاف بالبشر اليس التعامل معنا بطريقة المغفلين ينهي عنها الاسلام اليس خلق الفوارق الطبقيه بين ابناء الشعب غني وفقير بغير وجه حق لا تدعوا للسخريه ... اليس حرمان البعض من التعليم والاخر بارقي المدارس حتي بعد ان يصبحوا كبار يكون هنالك فوارق عليمه هذا ليس بسخريه.
جزالك الله خير يا اختاه

[عباس الشريف]

اقتباس:
المشاركة الأصلية كتبت بواسطة صالح تاجاب
يا عبس يا حبيبنا خلاص رمينا القلم بتاع إعتذار بدر الدين وفكيت دربو ولكن فقط أطالب بتثبيت البوست
ياخى عاوز أرد ليك قدوم محبة لكن بحت بحت بحت ما لقيتو



تاجاب يا حبيب البوست ود العم كان عايز اوديهوا الكوشه ولسع مجهجه معنا بي دعواتك وبركات اهلنا النوبة ساعدنا بي الورق الكثير زي الحفاوي المشا الحج وشايل ورق اصرفوا للجماعه كل ما اخرم للسب.
ياخي انا زعلته زعل من غيبتك من المنتدي اسال صاحبك طارق

[عباس الشريف]

اقتباس:
المشاركة الأصلية كتبت بواسطة عابد عقيد
اقتباس:
المشاركة الأصلية كتبت بواسطة عباس الشريف
والله يا حبينا طارق من مغستي الربه دي ما حضرتها قلته كان اعمل بيها بوست براي افش مغستي في الزول ده كمان في توصية من اخوانا بي هناك قالوا لي الزول ده خليتوا لي طارق وناس حافظ وعبدالمنعم والشله ليه وانا ايدي كتفن عم النور.


شكرا يا الحبيب بمناسبة الترشيح يرفع الي حبينا عابد للافادة



علي شرط بدون خج




تأمر يا حبيبنا عابد انت الكنترول بتاع بوست النجم اللبن اصلك زي ماهو بدون خج مرحلة الروب ما بنصلا

[فتحي مسعد حنفي]

المشاركة الأصلية كتبت بواسطة عباس الشريف

اقتباس:
المشاركة الأصلية كتبت بواسطة صالح تاجاب
يا عبس يا حبيبنا خلاص رمينا القلم بتاع إعتذار بدر الدين وفكيت دربو ولكن فقط أطالب بتثبيت البوست
ياخى عاوز أرد ليك قدوم محبة لكن بحت بحت بحت ما لقيتو



تاجاب يا حبيب البوست ود العم كان عايز اوديهوا الكوشه ولسع مجهجه معنا بي دعواتك وبركات اهلنا النوبة ساعدنا بي الورق الكثير زي الحفاوي المشا الحج وشايل ورق اصرفوا للجماعه كل ما اخرم للسب.
ياخي انا زعلته زعل من غيبتك من المنتدي اسال صاحبك طارق

ياعباس البوست ما حيمشي الكوشة لكن حقو انت ما تنجرف ورا ردودك الانفعالية وخليك منطقي في الردود بدون أي جر شكل وياريت ترمي حكاية توقيفك دي ورا ضهرك عشان بقت ماضي واندثر..تحياتي..

[عباس الشريف]

اقتباس:
المشاركة الأصلية كتبت بواسطة ناصر يوسف

عباس أخوي كيفنك ياخي

كدي علييييييييييك الله في الأول أرجع لردك علي ده وأمسح لي كلمة ( شيخ ) دي لأنها بتعمل لي إشقَدِي



أما البلأحمر دي فيا الحبيب

يخخخخخخخخخخخخخخخخخربني إن كان فهمت منها حاجه



حبينا ناصر
امكن فهمي انا غلط الراس ملوث ومكن سبب التلوث ده البودي بوستاتي الكوشه زي ما قال بابكر عباس.
اما عن الشياخه ما تخاف يا الحبيب دي ما زي شياخة ناس شيخنا الترابي دي شياختنا هنا في المنتدي حسي عليك الله شياخة الترابي بتتلم مع شياخة الشيخه موزة بتاعت قطر كل شيخ بي طريقتوا

[عباس الشريف]

اقتباس:
المشاركة الأصلية كتبت بواسطة ناصر يوسف


طيب يا عباس يا أخوي

كيفن توقع علي شئ وإنتَ جاهل بمضامينو ؟؟؟؟

وسؤال مباااااااااشِر ليك وإنتَ المعني بيهو تماماً

إنتَ جيت راجع هنا بي زعلتك ؟؟؟ يعني زعلااااااااااااااااان وعندك شوية حسابات عاوز تصفيها مع الكُل ؟؟

بدءاً بالإدارة مروراً بكافة الأعضاء و بي أنا شخصياً وإنتهاءاً بنفسك ؟؟

عباس الشريف يا أخوي

أنا ما عندي والله غذاذة في إنو الإنسان يكتب ما شاء له وما يعن ليهو من مواضيع ومن ردود ( لأنو إنسان كبير وعاقل وفاهم هو بيكتب ده علشان شنو) .... لكن .....

كدي حاول أخرج من الدائرة دي وعاين لوجودك من داخلها ومن فوق

أكيد حتشوف نفسك بغير الشكل الشايف بيهو نفسك الآن

وأنا آسف يا أخوي علي الصراحة دي

بس ما بعرف أقول غير رأيي وبكل كل الوُضوح

ويمكن ده السبب البخلي البعض قد ـــ أكرر ــ قد يكرهني

آسف للإطالة



ناصر نرجع لي حكاية الشياخه البوست ده لو شوفتا مداخلت الباشمهندس معتصم وانت وعم فتحي بتلقي مضمونا واحد ده البقصدوا انا.
اما عن شيء في النفس والله يا الحبيب ما اكذب عليك يوجد شيء ودي طبيعة الاشياء حسي انت لو لقططتك كميرا السرعه في الطريق العام وعملت ليك مخالفه ما بتهدن شويه وتعاين ليها بي زعله شديده وتسب عليها وتمشي دي طبيعة البشر بس انا والله ما زعلان من زول والدليل ايميلي استقبل خطاب التوقيف من النور صاحبي بس في احداث كده كانت غايبه عن الزول بفترة التوقيف وخاصه لما تخص الحكومه وناسا بمسكني نوع من الهستريا الغضبيه الكل هنا اقدم ليهوا الاحترام وبنتقابل عشان نتحاور طريقة الحوار تختلف البعض يري في الاساءات الشخصيه فش غل والاخر في المطاعنات راحه نفسيه وانا زول بكب كلامي والتجي تجي والواقعه من السما بتتلقاها الواطه المسأله اصبحت ما فارقه.
اجمل حاجة يا ناصر صراحتك وهي ما يميزك ولو غلطنا امسحا في وشنا.
اما القوانين مسكتنا منها حساسيه لعدم احترام بلادي لكل الاعراف والقوانيين المنظمة للحياة والخاصه بحقوق الفرد بقينا نشوت ساكت بدون اطلاع.