اتفضلوا فى بيت أسامة

[أسامة معاوية الطيب]

المشاركة الأصلية كتبت بواسطة عكــود

لا حولااااا . .
قلت كيف يا أسامة،
ساعة رسمتو كنت قايل نفسك مهندس ضُمة!

اها شفت الجبناها لي رقبتنا ؟
أعد دي من رابعة ابتدائي اتفرقنا نحن وياها لامن تاني جابا لينا الباش مهندس دا
مهندس ضمة الشوية دي ؟ يمين قربت اشتري الحامل بتاع الرسم داك

[أسامة معاوية الطيب]

المشاركة الأصلية كتبت بواسطة أسامة معاوية الطيب

انا مشكلة تهوية المطبخ وتوصيلاتو دي كانت مقلقة بي (كمهندس ضمة ) لكن ما لقيتلها حل
كت فاكر انو الزول يسوي الخريطة بعدين يجي يشوف واطتو راقدة كيف يقلب الخريطة فوقا ... يعني شمال وغرب دي ما اهتميت بيها
يا باش مهندس الفكرة الجاتك في الورقة دي ( اسي نقول المخطط عكود ينط لينا في رقبتنا دي ) دي فركتي وتصوري ... وتصور ست البيت زاتا للسكن ... بعد دا التفاصيل الفنية والملاحظات عليك
والكمون على مرافي

بالله دا كلام دا ؟

[ود البلد]

المشاركة الأصلية كتبت بواسطة معتصم الطاهر

أجمل زول فى الدوحه ...

نحنا فى السودان قطع الدرجه الاولى الغالبيه مساحتها 500 متر مربع يعنى 20 طول و25 عرض ... دا طبعا" غير الدرجه التانيه والتالته ... اها نظام توزيع المساحات حايكون كيف خاصة للبيوت الأرضيه ذى المخطط دا ... طبعا" بعد استشارة وزارة الداخليه

ناس الدور التانى ... ديل الله يحصلنا ليوهم ...

انا غايتو على الحديقه وكان فى حوض سباحه وحكايات الشلالات القايمين فيها الجماعه الايام دى ...

زيدنا ... الله يزيدك من خيرو ...

[فخري الزين]

اي زول عندو مشروع ذي دا انا علي البوهيه
وخاصه الديكوريه
( والكلام ليك يا كيشو )
تحياتي

[عكــود]

المشاركة الأصلية كتبت بواسطة أسامة معاوية الطيب

انا مشكلة تهوية المطبخ وتوصيلاتو دي كانت مقلقة بي (كمهندس ضمة ) لكن ما لقيتلها حل
كت فاكر انو الزول يسوي الخريطة بعدين يجي يشوف واطتو راقدة كيف يقلب الخريطة فوقا ... يعني شمال وغرب دي ما اهتميت بيها
يا باش مهندس الفكرة الجاتك في الورقة دي ( اسي نقول المخطط عكود ينط لينا في رقبتنا دي ) دي فركتي وتصوري ... وتصور ست البيت زاتا للسكن ... بعد دا التفاصيل الفنية والملاحظات عليك
والكمون على مرافي

أسامة قول بسم الله!
ده كلام شنو ده.

[عكــود]

المشاركة الأصلية كتبت بواسطة أسامة معاوية الطيب

بالله دا كلام دا ؟

مداخلتك دي ما شفتها والله،
تراك شلت فركتك براك!

[معتصم الطاهر]

كدى ..
يا جماعة الخير نرسم اسكتش الزول دا بالمقاسات ..( TO SCALE)

مساحة البيت/الطابق الأرضى بى حالتو دى 220 متر مربع .. وطبعا لازم نعمل تعديلات .. القلنا فيها مشاكل ..( فى فرق بين مشاكل وخطأ ) ..عندنا هنا تقريبا ما بنقول خطأ ..الخطأ دا حاجة تانية .. فى المعمار فى مشاكل بالريدة بتحل ..

يعنى
*تهوية المطبخ
*مساحة السلم
*مداخل البيت ( 3 مداخل ) ..بافتراض واحد للاسرة وواحد للديوان و ثالث للطوابق العليا


بالمناسبة يا طارق الشقق الفوق منفصلة من الارضى؟
.. يعنى ما عندها علاقة بيهو ..
و لا ممكن من داخل البيت ولا مشتركة ( جوة و برة)

[نبراس السيد الدمرداش]

المشاركة الأصلية كتبت بواسطة معتصم الطاهر

اقتباس:
المشاركة الأصلية كتبت بواسطة نبراس السيد الدمرداش



سلام ..نبرة
عتبة دخول الجنة ان شاء الله

يلا انت أدينا أفكارك لحدى ما "حسين" يظهر

الباش حسين دا خليهو مرتاح وين ماكان
لما يظهر بجيبو ليك تجضمو

انا في رايي انو الطابق الارضي يكون عباره عن استقبال
رجال و نسائي مع الحمامات و المطبخ و غرفتين للنوم للضيوف
الطابق الاول يكون للاسره للاحتفاظ بخصوصيتها كامله مع وجود كتشن بار
ممكن يكون في مطبخ خارجي في الحوش للطبيخ لتلافي مشكلة التهويه

[سارة]

آمنت بالرفع السماء بلا عمد
مبروك البيت يا سمسم وشوفوا لينا فرقة معاكم

ان شاء الله جناينى ومنسق زهور ما بنقصر بى خبرتنا

[جانيت]

اقتباس:
المشاركة الأصلية كتبت بواسطة سارة

آمنت بالرفع السماء بلا عمد
مبروك البيت يا سمسم وشوفوا لينا فرقة معاكم

ان شاء الله جناينى ومنسق زهور ما بنقصر بى خبرتنا

هييييييي يا سرورة الكرورة

شيلي ولدك اب مخاخيت ده وبيحدر لينا كمان في صفحتك وتعال لي بي غادي جهزي لي بيتي

امات اخر زمان شغالة في بيت الجيران وبيت بتها مبشتن

[أسامة معاوية الطيب]

المشاركة الأصلية كتبت بواسطة معتصم الطاهر

كدى ..
يا جماعة الخير نرسم اسكتش الزول دا بالمقاسات ..( TO SCALE)

مساحة البيت/الطابق الأرضى بى حالتو دى 220 متر مربع .. وطبعا لازم نعمل تعديلات .. القلنا فيها مشاكل ..( فى فرق بين مشاكل وخطأ ) ..عندنا هنا تقريبا ما بنقول خطأ ..الخطأ دا حاجة تانية .. فى المعمار فى مشاكل بالريدة بتحل ..

يعنى
*تهوية المطبخ
*مساحة السلم
*مداخل البيت ( 3 مداخل ) ..بافتراض واحد للاسرة وواحد للديوان و ثالث للطوابق العليا


بالمناسبة يا طارق الشقق الفوق منفصلة من الارضى؟
.. يعنى ما عندها علاقة بيهو ..
و لا ممكن من داخل البيت ولا مشتركة ( جوة و برة)

تعرف يا باش انا اتصورتا انو الغرفة الخلف المطبخ مع المطبخ بي مساحتم دي ممكن يكونو غرفة النوم الرئيسية والجزء الفي اتجاه المدخل من غرفة النوم القديمة يكون المطبخ والجزء الداخلي يكون غرفة ... لكن بتحتاج مضايرة
كمان اعتقد انو جهة السلم دي لو رجعت متر لي ورا بتدي مساحة اوسع للمداخل
واللا أعد برضو ؟

[أسامة معاوية الطيب]

المشاركة الأصلية كتبت بواسطة معتصم الطاهر

[U]/U]

عليك الله يا عكود بعد الأحمر والأخدر دا ما حسيت بي اخوك مهندس مهندس ؟

[أسامة معاوية الطيب]

المشاركة الأصلية كتبت بواسطة سارة

آمنت بالرفع السماء بلا عمد
مبروك البيت يا سمسم وشوفوا لينا فرقة معاكم

ان شاء الله جناينى ومنسق زهور ما بنقصر بى خبرتنا

صديقتي السارة الجميلة
بالله مبروك (تصور أو مخطط) البيت لو سمحتي الدقة برضها كويسة
البيت يورينا ليهو الله

[جانيت]

اقتباس:
المشاركة الأصلية كتبت بواسطة الأمين العام لسودانيات

بسم الله الرحمن الرحيم
الباش ..

ياخى دى مداخل أنيقة لجديات الأمور ..
غايتو إنت أهتم بالنواحى الفنية والجمالية
نحنا هنا سنبنى لكما الإتنين بيتا من محبة ....

ونادوا لينا البناء ....

بسم الله الرحمن الرحيم
الامين العام والله شفتك جيت جارية شايلة شباشبي في يدي
قلت مالو ناوي يحزف البوست
لقيتك عايز تبني بيت محبة غايتو بيت المحبة بتاعك يخلع

[أسامة معاوية الطيب]

السادة الحضور في (تصورنا )
شرفتونا والله
والأمين العام كمان ؟؟
وبرضو أعد يا باش ؟