شكر خاص لطاقم مستشفى الزيتونه

[وهاد ابراهيم محمد]

برضو.. الحمدلله..!

[حافظ حسين]

المشاركة الأصلية كتبت بواسطة طارق الحسن محمد

سلام للجميع
هذا الخيط يجب الخوض فيه
ولكن بعد شهادة شهود كثر
وجزء منهم موجود هنا
كلام فتحى والجيلى ما ترموه
واطة
كلام مهم وفيه مافيه
الشهادة المهمة جدا شهادة
دكتور زين عبد الله
مودتى

العزيز طارق د. زين أصلاً ما مطالب بشهادة و من هنا أنا بقول لدكتور زين جلي البوست و نوع الشهادات الزي كدا.............. و بالإنابة عنك يشهد الشعب السوداني

في كم واحد مشي المستشفي و الأخصائي حوله لعيادته الخاصة؟
في كم حبيب فقدناه في المستشفيات دي لا لسبب الا أن االعناية كانت دون الحد المعقول و نم بسلام يا شهابي الذي خر؟
في كم أم اتوفت بالتاتنوس نتيجة إهمال؟
خلونا يا شباب نفتح الملف دا و نعري أنفسنا بعد ما خالد يقوم بالسلامة

[طيبان]

سلام ..
أنتظر تداخل د/ زين عبدالله في هذا البوست .. وهو طلب تقدمت به في معرض ردي علي ما أثير حول الموضوع ببوست الأخ ناصر يوسف ..

إلي الأخ د/ زين عبدالله ..
بما أنك موجود بالموقع وقريب وتشارك هنا نرجو شاكرين أن توضّح لنا ما دار بينك وبين الطبيب المعالج للأخ خالد ..
ما تم إيراده هنا علي لسانك يشير بأصابع إتهام للإخوة الأطباء بمستشفي الزيتونة ..أنت وحدك لا غيرك من سيضع الأمور في نصابها ..
هل نطمع في سماع رأيك ؟؟؟


__

أعلن(مصاقرتي) لهذا البوست لحين وصول د/زين عبدالله .

ومايجي زول يقول دا ما وقتو ..
وقتو .. ونص .. وخمسة ..

[حافظ حسين]

المشاركة الأصلية كتبت بواسطة طيبان

سلام ..
أنتظر تداخل د/ زين عبدالله في هذا البوست .. وهو طلب تقدمت به في معرض ردي علي ما أثير حول الموضوع ببوست الأخ ناصر يوسف ..

إلي الأخ د/ زين عبدالله ..
بما أنك موجود بالموقع وقريب وتشارك هنا نرجو شاكرين أن توضّح لنا ما دار بينك وبين الطبيب المعالج للأخ خالد ..
ما تم إيراده هنا علي لسانك يشير بأصابع إتهام للإخوة الأطباء بمستشفي الزيتونة ..أنت وحدك لا غيرك من سيضع الأمور في نصابها ..
هل نطمع في سماع رأيك ؟؟؟


__

أعلن(مصاقرتي) لهذا البوست لحين وصول د/زين عبدالله .

ومايجي زول يقول دا ما وقتو ..
وقتو .. ونص .. وخمسة ..

وقتو و نص و ستين يا طيبان ما في زول حيقول ليك حاجة ... لكن لحد ما يجي الأخ زين كدا أنا شخصياً كمواطن سوداني و لا أحمل اي جواز أخر داير أسالك
النظام الصحي في السودان دا انت عاجبك؟ و بعبارة أخري إنت راضي عنه؟
تانياً انت مقتنع 100% ان الطبيب السوداني هو كف و أنا كمواطن مفروض أثق فيه؟

[طيبان]

وبما إنو ماعندي موضوع غير إنتظار د/ زين ..
فلا بأس من إيراد توضيح د/أنس البدوي من مستشفي الزيتونة ..والذي وضعت رابطه الأخت نبراس بالأعلي ..والمنشور بمنتدي البركل ( جدادة الخلا ) ..

ألف سلامة للزعيم .. توضيح من شاهد

أنس البدوي بابكر ..

سلام اهل البركل بعد غيبه طالت وعوده كنا نتمني ان تكون في وقت افضل من هذا وزعيمنا يلزم سرير المريض الان شفاه الله شفاء لا يغادر سقما ان شاءالله .....وربنا يطمئنا عليهو ويطمئن عليه كل الاخوان الذين ما رايت مثل تدفقهم علي خالد في مريض اخر ...فمن يحبه الناس هكذا فهو من احباب الله ان شاءالله والله كفيل به ....امين يا رب العالمين
اخوتي عذرا ان لم استطع الاجابه علي بعض اتصالاتكم في الايام الماضيه فقد كنت استقبل اكثر من 150 اتصال خلال الايام السابقه مما تعذر معه مقدرتي علي مجاراه هذا الحب الجارف للاخ خالد....اخوتي ...لقد امتلات المنتديات في الايام السابقه وعلي راسه توام البركل سودانيات بالدعاء للاخ خالد تقبله الله ....الا ان كثير من الرشاش اصابنا في مستشفي الزيتونه ....انا لست هنا لادافع عن مستشفي الزيتونه فللزيتونه رب يحميها ولكني احببت ان اقول كلمه في حق زملائي الذين اصيبوا بهذا الرشاش وما اجرموا وما قصروا .....
اليكم القصه بالتفصيل حتي لا نؤذي من يستحق منا كل شكر وحب لما قدمه للزعيم....
كنت في اجازه سنويه الاسبوع الماضي واتصل علي الاخ طارق علي صالح (الرجل الذي يستحق ان نقف له تعظيما لما بذله في سبيل علاج الاخ خالد) ومعه الاخ اسامه حمزه انهم بصدد نقل خالد الي مستشفي و لم اكن اعلم انه بالسودان فنصحتهم بالتوجه الي مستشفي الزيتونه وقمت بالاتصال بدكتور اسامه الرشيد استشاري الطوارئ و دكتور صلاح علي احمد استشاري الجهاز التنفسي بالمستشفي لاستقباله وقد كان مستوي الاكسجين في الدم منخفضا جدا حيث تم اجراء صوره اشعه مقطعيه للصدر وتم تنويمه بالمستشفي وقد تم اجراء كل الفحوصات اللازمه بما فيها تزريع الدم و بدا العلاج له بمتابعه دقيقه من الاخ د صلاح ورغما ان دور الاخ د اسامه انتهي عند هذا الحد الا انه ابي الا ان يواصل ويتواصل معنا في علاج الاخ خالد وقد قام بمتابعه شركه التامين في هولندا وارسال التقارير لها والحديث معهم الساعات الطوال من موبايله الخاص (جعلي تلب كما عهدناه وعمله نادره في زماننا هذا ) رغما عن ان الاخ خالد تامينه الصحي لا يغطيه خارج هولندا حسب تصريحه الشخصي لي ...تدهورت حاله الاخ خالد وادخل العنايه المكثفه لمده يومين ثم تحسنت حالته وتم نقله الي غرفه خاصه حيث تواصل مده بالاكسجين وهو خلال كل هذه الفتره مغطي بمضادات حيويه قويه جدا (merponem) بالاضافه الي ادويه اخري قد ياتي ذكرها فيما بعد وظل تحت المراقبه المستمره من طاقم تمريض وطاقم طبي علي مستوي عالي كما ذكر لي الاخ خالد نفسه ولسانه يلهج بشكرهم للعنايه به ...ثم للاسف تدهورت حاله الاخ خالد مره اخري وانخفض مستوي الاكسجين في الدم الي 20% (الطبيعي 60% او اكثر) وارتفعت سرعه تنفسه الي 54 بالدقيقه وهو يرفض العوده الي العنايه المكثفه حتي استطعت بمساعده الاخ د امير العمده وزوجته ان نقنعه بدخول العنايه المكثفه و تم اعطائه اكسجين مركز بالعنايه لكن حالته واصلت في التدهور وبدا يصاب بالارهاق فاضطر الاخ د صلاح (استشاري الجهاز التنفسي ...زميل الكليه الملكيه البريطانيه و زميل الجمعيه الاميركيه لا ختصاصيي الجهاز التنفسي و مستشار الجهار التنفسي بمستشفي المواساه بالسعوديه لسنوات طويله)و د اسامه (خريج احدي كليات الطب الالمانيه واخثصاصي الطب الباطني من المانيا و نائب رئيس قسم الطوارئ مستشفي امدرمان )و د عبد المنعم (استشاري التخدير - جامعه الخرطوم واستشاري التخدير بمستشفي المواساه بالسعوديه ) الي اتخاذ قرار ادخاله في جهاز التنفس الاصطناعي مما ادي الي تحسن حالته مباشره وارتفاع تركيز الاكسجين في الدم وذلك بشهادتي وشهاده الاخ د امير العمده كاقارب للاخ خالد ....وفي هذه الحالات الغرض من التنفس الاصطناعي هو اعطاء كميه كافيه من الاكسجين للمخ والاجهزه الحساسه واعطاء راحه للرئتين حتي تستعيد وظيفتها الطبيعيه وهو العلاج المتعارف عليه عالميا لمثل هذه الحالات بلا زياده ولانقصان ... واشهد الله واشهدكم ان الاخ خالد الحاج وجد من العنايه ما لا يقل عن العنايه التي كان يمكن ان يجدها في اي دوله اوروبيه ...وان الاخوان المشرفين علي علاجه قاموا بالمطلوب واكثر واكثر بما فيها الاتصالات التي هي ليست دورهم وقد رافقه الاخ د اسامه حتي سلم الطائره مع العلم باننا كنا نقوم بهذا الدور في ايرلندا ونحن نواب اختصاصيين ولم يحدث ان رايت اختصاصي يقوم بما قام به الاخ اسامه والذي سيحكي لكم عنه طارق علي صالح
....هل جزاء ما قاموا به تجريح واساءات؟؟!!....اللهم اشف اخونا خالد واكمل له عافيته ...اللهم اجز كل من وقف معه في محنته هذه خير الجزاء....اللهم هل بلغت فاشهد

[طيبان]

المشاركة الأصلية كتبت بواسطة حافظ حسين

وقتو و نص و ستين يا طيبان ما في زول حيقول ليك حاجة ... لكن لحد ما يجي الأخ زين كدا أنا شخصياً كمواطن سوداني و لا أحمل اي جواز أخر داير أسالك
النظام الصحي في السودان دا انت عاجبك؟ و بعبارة أخري إنت راضي عنه؟
تانياً انت مقتنع 100% ان الطبيب السوداني هو كف و أنا كمواطن مفروض أثق فيه؟

سلام يا حافظ ..
عن سؤالك الأول .. الإجابة لا .. وبعبارة أخري لست راضياً عنه ..
عن سؤالك الثاني : الطبيب السوداني فيهو الكفؤ ..وفيهو الماكفؤ.. زيّو وزي أي زول بيمطّر تمباك ..
وثقة المواطن بتعتمد علي درجة القريفة .. غالباً ..

__

تحيّاتي ..

[همس الشوق]

صلاح (استشاري الجهاز التنفسي ...زميل الكليه الملكيه البريطانيه و زميل الجمعيه الاميركيه لا ختصاصيي الجهاز التنفسي و مستشار الجهار التنفسي بمستشفي المواساه بالسعوديه لسنوات طويله)و د اسامه (خريج احدي كليات الطب الالمانيه واخثصاصي الطب الباطني من المانيا و نائب رئيس قسم الطوارئ مستشفي امدرمان )و د عبد المنعم (استشاري التخدير - جامعه الخرطوم واستشاري التخدير بمستشفي المواساه

بالسعوديه )

بعد احترامي وتقديري ليك يا دكتور طيبان

كل هذه الكفاءات ما قدرت تصل لما توصل له اطباء بلا حدود في اقل من 48 ساعه ؟؟؟

[طيبان]

المشاركة الأصلية كتبت بواسطة همس الشوق

بعد احترامي وتقديري ليك يا دكتور طيبان

كل هذه الكفاءات ما قدرت تصل لما توصل له اطباء بلا حدود في اقل من 48 ساعه ؟؟؟

الأخت همس الشوق :

سلام
الكلام دا بحدّدوا تقرير طبّي .. وليس مجرّد ملاحظة متابع من علي البعد ..
تتناسين نقطة مهمّة جدا منذ البداية ..
وهي مسار المرض .. في حد ذاتـو ..

سؤال تتطلّب إجابته وجود ورد دكتور زين عبدالله :

ماهو التشخيص الأقرب لمرض خالد الحـاج ( بإفتراض أن أطباء الزيتونة وأطباء بلا حدود لا يعرفون التشخيص حتي الآن ؟؟) ..

__

تحيّاتي ..

[همس الشوق]

المشاركة الأصلية كتبت بواسطة طيبان

الأخت همس الشوق :

سلام
الكلام دا بحدّدوا تقرير طبّي .. وليس مجرّد ملاحظة متابع من علي البعد ..
تتناسين نقطة مهمّة جدا منذ البداية ..
وهي مسار المرض .. في حد ذاتـو ..

سؤال تتطلّب إجابته وجود ورد دكتور زين عبدالله :

ماهو التشخيص الأقرب لمرض خالد الحـاج ( بإفتراض أن أطباء الزيتونة وأطباء بلا حدود لا يعرفون التشخيص حتي الآن ؟؟) ..

تحيّاتي ..

اخر الاخبار
خالد في تحسن مستمر
اكسجين خارجي (كمامة )
ستة اطباء من ضمنهم 2 امريكان (تابعين لرئاسة الجمهورية الكينية)- هندي -هولندي -و اطباء من كينيا..
تشخيص الحالة .. التهاب بكتيري وفيروسي اصاب الرئتين + ارتفاع في الضغط
علاج سويدي الصنع لمدة 3 ايام
حالة خالد الآن كما وصفها اسامة الحاج
(احسن وضع اشوف فيه خالد منذ دخوله مشفي الزيتونة)
تركيزه عالي .. يكتب بثقة وايادي غير مرتجفة ..وفي عيونه بريق شفاء
اللهم اشفيه وعافيه

دا تشخيص أطباء بلا حدود بعد 48 ساعه

وقد بدأو فعلياً في العلاج ونتائجه بدأت للعيان


بس ما عارفين شنو كان تشخيص ناس الزيتونه
وشنو كان العلاج ؟؟؟؟؟

إحترامي وتقديري

[طارق الحسن محمد]

المشاركة الأصلية كتبت بواسطة طيبان

الأخت همس الشوق :

سلام
الكلام دا بحدّدوا تقرير طبّي .. وليس مجرّد ملاحظة متابع من علي البعد ..
تتناسين نقطة مهمّة جدا منذ البداية ..
وهي مسار المرض .. في حد ذاتـو ..

سؤال تتطلّب إجابته وجود ورد دكتور زين عبدالله :

ماهو التشخيص الأقرب لمرض خالد الحـاج ( بإفتراض أن أطباء الزيتونة وأطباء بلا حدود لا يعرفون التشخيص حتي الآن ؟؟) ..

__

تحيّاتي ..

تحياتى يا دكتور
وشكرا لوجودك
فى البوست
انا عاوز اسال سوال همس الشوق
بس باللفة كدى
هل كان فى تشخيص لحالة خالد معروف
لدى اطباء السودان ؟
( التشيخص حسب معلوماتى كزول عنقالى ساكت
بيساوى نص العلاج
صححنى لو غلطان فى دى)
لماذا طراء هذا التحسن الملاحظ حتى الان
والذى نتمنى من المولئ عز وجل ان يزييييييد
هل هذا التحسن جاء نتيجة علاج تلقاه فى الخرطوم ؟ ؟
ام نتيجة علاج نيروبى ؟؟
ام نتيجة معالجة بدات فى الخرطوم واكتملت فى نيروى
؟ ؟
وارجو التكرم التركيز على مسالة تشخيص الخرطوم

مودتى

ولك احترامى وتقديرى اخونا طيبان

[طيبان]

المشاركة الأصلية كتبت بواسطة همس الشوق

دا تشخيص أطباء بلا حدود بعد 48 ساعه

وقد بدأو فعلياً في العلاج ونتائجه بدأت للعيان


بس ما عارفين شنو كان تشخيص ناس الزيتونه
وشنو كان العلاج ؟؟؟؟؟

إحترامي وتقديري

الغريبة دا نفس تشخيص ناس الزيتونة ..
شي غريب موش ؟؟
وخالد أخد مضاد حيوي للبكتريا ..ومضاد للفيروسات ..وأدوية أخري ..
أها شن قولك ؟؟
الأخت همس الشوق :
ترجيح إصابة خالد بإلتهاب فيروسي + إلتهاب بكتيري ..وحاة خوّتك لا تحتاج لأكثر من طالب طب ..في سنة تالتة ..

__

تحيّاتي ..

[همس الشوق]

المشاركة الأصلية كتبت بواسطة طيبان

الغريبة دا نفس تشخيص ناس الزيتونة ..
شي غريب موش ؟؟
وخالد أخد مضاد حيوي للبكتريا ..ومضاد للفيروسات ..وأدوية أخري ..
أها شن قولك ؟؟
الأخت همس الشوق :
ترجيح إصابة خالد بإلتهاب فيروسي + إلتهاب بكتيري ..وحاة خوّتك لا تحتاج لأكثر من طالب طب ..في سنة تالتة ..

__

تحيّاتي ..

والله مصدقاك بدون حليفه يا دكتور

لكن طيب المشكله كانت وين

في العلاج يعني ؟؟؟؟؟

احترامي

[طيبان]

المشاركة الأصلية كتبت بواسطة همس الشوق

والله مصدقاك بدون حليفه يا دكتور

لكن طيب المشكله كانت وين

في العلاج يعني ؟؟؟؟؟

احترامي

المشكلة يا همس الشوق ( بدون حليفة ) ..
إنو في إتّهام طال الإخوة الأطباء بمستشفي الزيتونة .. لا إيدهم لا كراعهم ..وبالإمكان مراجعة ما ورد في هذا الشأن ..والزول الوحيد الممكن يستعدل الوضع دا هو د/ زين عبدالله .. رجاءاً ناديهو معاي ..
يا اخوانا الشايف ناس الزيتونة ديل قصّروا وأهملوا في علاج خالد ..ما يجي يرمي كلام ساي ويمشي ..يجي يشرح لينا ..قصّروا في كدة .. وأهملوا في كدة ..
لكن عشان النظام الصحي في السودان سئ وابن كلب ..معناهو نخبت من طرف ..دا كلام ما سليم وما جميل ..
علي جنبة :
ماعرفت شنو حكاية دواء سويسري دي ؟؟
طيّب القال منو إنو ناس الزيتونة جابوا لي خالد دواء مصنّع في كوستي ؟؟ وهل لو خالد أخد دواء إنجليزي - مثلا - وما استجاب طوالي .. دا معناها إنو الزيتونة غلطت جابت إنجليزي بدل سويسري ؟؟؟

يا اخوانا ما تلخبطوا الكيمان بالله .. براها ملخبطة ..

[همس الشوق]

المشاركة الأصلية كتبت بواسطة طيبان

الغريبة دا نفس تشخيص ناس الزيتونة ..
شي غريب موش ؟؟
__

تحيّاتي ..

ماهو التشخيص الأقرب لمرض خالد الحـاج ( بإفتراض أن أطباء الزيتونة وأطباء بلا حدود لا يعرفون التشخيص حتي الآن ؟؟) ..

مش غريب برضو

[همس الشوق]

المشاركة الأصلية كتبت بواسطة طيبان

المشكلة يا همس الشوق ( بدون حليفة ) ..
إنو في إتّهام طال الإخوة الأطباء بمستشفي الزيتونة .. لا إيدهم لا كراعهم ..وبالإمكان مراجعة ما ورد في هذا الشأن ..والزول الوحيد الممكن يستعدل الوضع دا هو د/ زين عبدالله .. رجاءاً ناديهو معاي ..
يا اخوانا الشايف ناس الزيتونة ديل قصّروا وأهملوا في علاج خالد ..ما يجي يرمي كلام ساي ويمشي ..يجي يشرح لينا ..قصّروا في كدة .. وأهملوا في كدة ..
لكن عشان النظام الصحي في السودان سئ وابن كلب ..معناهو نخبت من طرف ..دا كلام ما سليم وما جميل ..
علي جنبة :
ماعرفت شنو حكاية دواء سويسري دي ؟؟
طيّب القال منو إنو ناس الزيتونة جابوا لي خالد دواء مصنّع في كوستي ؟؟ وهل لو خالد أخد دواء إنجليزي - مثلا - وما استجاب طوالي .. دا معناها إنو الزيتونة غلطت جابت إنجليزي بدل سويسري ؟؟؟

يا اخوانا ما تلخبطوا الكيمان بالله .. براها ملخبطة ..

ما هو يا دكتور طيبان عشان التهم النزلت جزافا على دكاترة الزيتونه عايزين نشوف الحقيقه وين ...وعشان ما نظلمن ....وكله بالمنطق

نحن ما عايزين نظلم حد ... ولا عايزين نتحامل على شخص

مثلا - وما استجاب طوالي .. دا معناها إنو الزيتونة غلطت جابت إنجليزي بدل سويسري ؟؟؟

كيف يعني علاج ما يستجيب ؟؟؟؟؟
ودي بيعني تدهور حالة مريض

يعني مثلا حنقعد نجرب كل انواع الادوية لحدي ما يضرب واحد ويشفي المريض؟؟؟

ولا في تشخيص وبناء عليه بكون في علاج ؟؟؟؟خصوصا وانه حالة المريض ماشه في النازل

ما تزعل من اسئلتي
اهو الواحد يتثقف
إحترامي