شكر خاص لطاقم مستشفى الزيتونه

[طارق الحسن محمد]

الحقيقة الغائبة بين
قلبى وسمعى

[الهادي قنديل]

المشاركة الأصلية كتبت بواسطة همس الشوق

وسؤالي قائم
وين المشكله طيب ؟؟؟؟؟؟؟؟؟؟

الاخت همس الشوق انقل لكِ الجزء الخاص بسؤالِك اعلاة من رد د.انس

المشاركة الأصلية كتبت بواسطة انس البدوي بابكر

سال احدهم اذن اين المشكله ؟....ليست هناك اي مشكله ولماذا يجب ان تكون هنالك مشكله مريض اخذ العلاج تدهورت حالته ثم تحسنت (كورس المرض الطبيعي) ولكم ان تسالوا دكتور الزين ماذا يحدث لمثل هذه الحالات في ايرلندا هل لديهم اشياء سحريه تمنع تدهور المرضي و موتهم ام ان المرض له كورس طبيعي ياخذه وفي كثير من الاحايين لا يستجيب لتدخلات الاطباء في ايرلندا او في هونغ كونغ .....شفاك الله يا خالد الحاج ...شفاك الله يا خالد الحاج ....شفاك الله يا خالد الحاج

وعن بقية البوست وضعت الاخت نبراس الرابط في احد مشاركاتها اعلاه

[طارق الحسن محمد]

المشاركة الأصلية كتبت بواسطة جانيت

الحمد لله على استرجاع خالد صحته ويارب المزيد
ما بعرف ليه شن الهجوم علي المستشفى والاطباء المتخصصين بالصورة دي
يعني خالد الحاج ربنا يوايهو بالصحةلمن جا المستشفى كان ماخد كمية مهولة من المضاد الحيوي وده واحد من الاسباب الفرضية انو يحصل خطأفي التشخيص لكن برضو طلع التشخيص صح ومطابق للتشخيص الحالي التهاب بكتيري وفايروسي
لقى رعاية وقبل الرعاية الكلمة الطيبة والابتسامة من الاطباء ودي انا بشهد بيها لي دكتور اسامة وشفتو وهو بيطمنو والقرارت الصائبة لي حالتو
وما وصل ليهو الخال كان مضاعفات لي الالتهاب الفايروسي وحتى العلاج الاخدو اللي هو مضادات حيوية لو مضاد للبكتريا او للفيروس اكيد ما حيستجيب ليها في خلال 48 ساعة بتاخد فترة اطول عشان الجسم يستجيب
يعني اطباء بلا حدود ماعندهم علاقة بالشفاء العاجل للخال العلاج ابتدا من السودان ومن مستشفى الزيتونة تحديدا
ما حننكر فضل الاطباء القامو بي علاجو لانو لو اخدنا الموضوع ده من جانب المنطق وبس المنطق البيحكم في الحتة دي ما عشان انت قريب للمجال الطبي او متغوغل داخلو
المفروض يكون في اعتذار شديد اللهجة من دكتور زين لانو شرف المهنة ما بيديهو الحق بي التشهير لي طبيب استقبل توجيهاتو ودي ما كانت توجيهات
المعروف انو اكتر المجالات البتكون فيها الشورى بينهم المجال الطبي لانو تحت طائلة الاحتمال من اعراض لي تشخيص معملي لي اشعة وصور مقطعية وغيرو وكتر خير دكتور اسامة الاتعامل بي تهذيب وده من صميم مهنتو وكان
الامر قائم يعني ما كان في اضافات لانو القرار سبق واخدو طبيب زميلو
وتاني بندعي لحد ما يجي خالد ويكتب بيدو هنا ربنا يساعدو ويقومو بي السلامة ولحد ما يجي بأذن الله المفروض الاعتذارات تملا المكان علي ما بدر من بعضهم لي ناس قامو بي واجبهم المهني وواجبهم الانساني ومشاعرهم السودانية الاصيلة منو يجي يقول انو دكتور اسامة كان واجب عليو انو يجاري الاتصال لحد ما خالد يسافر ده امر متروك لي شركات التامين وادارة المستشفى ونجي ننكر فضل الطبيب ده عيب العيب والله
بشكر ناصر يوسف نيابة عن االمؤيدين للاعتذار بانو اعتذارو مهما اتاخر المهم انو اعتذر وده من طبعك الجميل واصلك الكريم
ربنا يشفي خالد ويقومو بي السلامة

فروض يكون في اعتذار شديد اللهجة من دكتور زين لانو شرف المهنة ما بيديهو الحق بي التشهير لي طبيب استقبل توجيهاتو ودي ما كانت توجيهات

ليه يعتذر
ولمنو
؟؟
ووين تشهيره بالمهنة وشرفها ؟
ومنو القال توجيهات ؟؟
طبيب مع طبيب والاتنين بانسانية
بيناقشو وضع صحى لمريض
زائد انه بيهمم الاتنين
ليه نحاول ندين زول حريص بيناقش زول حريص
يعنى يا ندين دا ولا ندين دا
مش مفروض ندور على الحلقات المفقودة فى الموضوع دا
؟؟

[الهادي قنديل]

المشاركة الأصلية كتبت بواسطة همس الشوق

دكتور زين شأنه شان كل الناس الخافت على الخال وشأنه شان دكاترة الزيتونه ومن منطلق مهنته الطبيه وزمالته ليهم حب يعرف الحاصل شنو ويساعد والرجل مسكين ما إدعى اي بطوله ولا خلافه
كله كلام منقول من ناس قالو ليهم خارج المنتدى
يعني هو ما اذى اي من زملاء مهنته
هو كلام نقلوه عنه الناس

وعشان الكلام المنقول دا ولأن د.زين عبدالله موجود بسودانيات طالب الاخ طيبان وبعض الاخوة بتداخله في هذا البوست
حتى يوضّح لنا كلنا ان كانت هناك تفاصيل تم تغييبها عنا

[طارق صديق كانديك]

الأخوة والأخوات أعضاء منبر سودانيات

السلام عليكم ورحمة الله

نتفهم الإرباك والقلق اللذين رافقا محنتنا في مرض العزيز خالد الحاج .. فكانت محبته عنوان الجميع هنا ومن باب أولى في الشقيقة البركل حيث رابطة الدم والامنيات .. وفي مشفى الزيتونة أيضا .. ليس هناك من مصلحة تدعو لئن يتعمد أحدُ ما الاضرار بمريضه .. وليس من الحكمة في شئ أن تأخذنا عواطفنا التي استجاشت بهذا الداء اللعين والحالة الصحية الحرجة التي مر بها العزيز خالد الحاج فنلقى بالحديث على عواهنه هكذا عفو الخاطر دون أن نلقى بالاً لمآلات الأمور فنبخس لكثيرين أحبوا خالد الحاج كمحبتكم وحرصوا عليه حرصكم على أنفسكم مجهوداتهم التي تمت هناك فمنهم قريبه ومنهم زميله ونشاركهم جميعا ذات المحبة والخوف على صحته .. !!

ان مثالب النظام العلاجي في السودان وملاحظات عديدة في هذا الشأن لا ينبغي أن نسقطها على من بذل كل الوسع في تقديم الخدمة ومحاولة التصدى للمرض ولعل أن الحديث عن هذا الشئ ( مثالب النظام العلاجي في السودان ) جدير بالمناقشة وتسليط الضؤ عليه مافي ذلك شك .. غير أن تحميل الطاقم والمستشفى التي خضع الأخ خالد الحاج للتداوى فيها بعض اللوم أمر لا يعدو أن تكسوه العاطفة المنفعلة التي تكاد تنغض غزل المحبة التي سعى لغرسها خالد الحاج من بعد قوتها أنكاثاً .. !!

نأمل من الجميع أن يتحروا الدقة في اختيار العبارة التي ان خرجت آذت آخرين فصعب على الجميع رتق مثالبها .. وان كان هناك ثمة وقائع بعينها تستحق الخوض فيها ومتابعتها نأمل أن يتحلى الجميع بالصبر حتى نطمئن على شفاء الرجل الذي تنؤ محبته جنبات الجميع وتعود للجميع سكينتهم التي بها تكتمل النظرة الفاحصة للأمور .. !!

شكرا لكم أجمعين ،،

طارق صديق كانديك
رئيس مجلس الادارة

[هاشم]

اللهم يا الله يا من بيدك الشفاء

نسألك تمام الشفاء للحبيب خالد

وأن تقرّ أعيننا بأن نراه هنا بيننا

لك الحمد والشكر يا مستوجب الحمد

.

[سفيان ابوقصيصة]

المشاركة الأصلية كتبت بواسطة طيبان

الأخ سفيـان ..
أعذرني علي قصور فهمي عن إدراك مرمي مداخلتك .. أعلاه ..
وعليه تقبّل ردّي إن كان خارج النص ..وليك الحق تدّيني علي راسي ..ولا تبالي ..
ما أورده الأخ د/أنس عن زميله د/أسامة هو من باب إحقاق الحق .. لمن ظلم دون وجه حق ..وأظنك تتفق معي في الفكرة العامة لمغزي مداخلة د/أنس التي اقتبستها ..

واجب الطبيب هو القيام بدوره..وتسليم المريض للجهة التالية والتي ستقوم بخطوة أخري في العلاج ..عبر تقرير طبي كتابي بالحالة بعد كتابة والتوقيع علي ماتمّ من طرفه ..
في حالة كحالة العزيز خالد ..يقوم الأطباء والكادر العامل بأداء المهمة كفريق team لا كأفراد ..والحكاية دي بتحكمها موجّهات محدّدة ..ومعروفة ..وهو حسب متابعتي للأحداث ما تمّ بالمستشفي ..

عزيزي د. طيبان
اولا: تسلم اخي من قصور الفهم...
ثانيا: اشكر لك الصبر وسعة الصدر ووعيك التام بانك ترد على تساؤلات
احباء للحبيب خالد بالطبع انت احدهم...
بالنسبة لي ربما اختلط العام بالخاص...
العام...حال العلاج والتطبيب والمستشفيات وتهيئتها وتجهيزاتها و قد يكون من قصور
ترتبت عليه نتائج كارثيه...
الخاص...ان يتكرر نموذجا اخر...
ثالثا: اتقدم بالشكر والتقدير لك ولزملائك من الاطباء اسامه، صلاح، احمد، انس والطواقم الطبيه المساعده واسرة وادارة مستشفى الزيتونه...
رابعا:ان طاشت سهامي في لحظات ما..واكيد دون قصد..فاني اعتذر ممن اصابته...
مرة اخرى..تقديري وشكري لكم...

[طيبان]

صباح الخير يا عم فتحي :
الموضوع دا حلّو وفك اشتباكو ليس بيد أحد غير دكتور زين عبدالله ذات نفسو ..
الدكتور دا قاعد في سودانيات ..وبيقرا في كلامنا دا ..وأمس في نص المعمعة دي مشي جدع ليهو فتوي بخصوص تحسّن حالة خالد في نيروبي في بوست تاني في المنتدي العام ..يعني ماهو بعيد ..
البمنعو شنو يجي يقول إنّي استجوبت ووجهت الدكتور المعالج ؟؟ ويقول فعلا خالد كان بيتم علاجو في العناية المركزة بطريقة بلدية ؟؟ وإنو في غلط في أسلوب علاجو ؟؟

يا عم فتحي الأطباء بمستشفي الزيتونة كتبوا رايهم ومختوت في البوست دا والناس كلّها قرتوا ..ومن ناحية إنو الموضوع دا ما رضّاهم .. ما رضّاهم ..وسبب الكلام دا كلّو هو ما نقل عن د/زين ..فليه تجي إنت وللا أحمد زين تشرحوا موقفو؟؟
يجي هو ويشيل كي بوردو زيّو وزي أخوانو ..ويحكي الحصل ..وكان طلعكم إنتو كضّابين يبقي دا شي تاني ..
أي كلام بيتكتب هنا أنا شخصيا بفترض إنو الزول الكتبو مسئول وصادق ..خصوصا لما الكلام دا تتبني عليهو نتايج زي الشايفنها قدامنا دي ..
يا عم فتحي بالله المرّة الجاية لما تجي ترد عليّ ..جيب معاك د/زين عبدالله ..

نقطة تانية :
حكاية سفري للقاهرة مع شقيقتي للعلاج ماعندها أي علاقة بالحالة النحن فيها دي ..فأختي/ك لم تكن تتعالج بمستشفي الزيتونة ..مشكلتها جزء من مشكلة كبيرة جدا في النظام الصحّي بالسودان ..وليس بمستشفي الزيتونة ..وبدل السببين الذكرتهم ديل ممكن أديك عشرة أسباب تانية وأزيدك .. لكن الكيمان مفروزة عندي يا عم فتحي ..
العندو راي في النظام الصحّي في السودان ..ممكن يسوق بوست آخر بهذا الشأن وسيعرف من لايعرف رأينا ..لكن ماعلاقة النظام الصحي بالسودان بأداء الأطباء بمستشفي الزيتونة في حالة خالد الحاج ؟؟

[جانيت]

اقتباس:
المشاركة الأصلية كتبت بواسطة طارق الحسن محمد

ليه يعتذر
ولمنو
؟؟
ووين تشهيره بالمهنة وشرفها ؟
ومنو القال توجيهات ؟؟
طبيب مع طبيب والاتنين بانسانية
بيناقشو وضع صحى لمريض
زائد انه بيهمم الاتنين
ليه نحاول ندين زول حريص بيناقش زول حريص
يعنى يا ندين دا ولا ندين دا
مش مفروض ندور على الحلقات المفقودة فى الموضوع دا
؟؟

ياطارق الحسن
لمن انا كتبت انو دكتور زين لازم يعتذر طبعا ده بي اعتبارات انو كتب والكلام ده عن لسانو هو وانا الفترة الفاتت لاني كنت مريضة ما بدخل البورد ولمن كنت بدخل مابقدر اقرا كل الكلام كنت بختار لظروف صحية ونفسية متعلقة بي مراحل استشفاء الخال

ولمن قريت انتظار طيبان لي د/زين رجحت انو كتب هنا
من هنا بعتذر اذا زين ما كتب الكلام ده
والنقلو عنو المفروض يعتذر لانو من الطبيعي بين الاطباء الشورى والماطبيعي انو نخلي الجهد البذلوهو المختصين ونقول الفضل يرجع لي زين عشان يوجهم لي كده

زين ماقصر كعضو من سودانيات وابن من ابناءها ويساهم بي مخزونو الطبي عشان يساعد في علاج للخال
بس برجع اقول اي زول شكك في اهتمام الاطباء او مقدراتهم الطبية في الوصول لي علاج لي خالد الحاج يعتذر

الطبيب اكتر من انو مهني الى انو الجانب الانساني هو البيتفاعل فيواكيد الاكيد انو ما حيكون في تقصير

[طيبان]

المشاركة الأصلية كتبت بواسطة همس الشوق

وفي شي تاني

انا شايفه انه في هجوم على دكتور زين عبدالله في شخصه وانه ما مفروض يقول

دكتور زين شأنه شان كل الناس الخافت على الخال وشأنه شان دكاترة الزيتونه ومن منطلق مهنته الطبيه وزمالته ليهم حب يعرف الحاصل شنو ويساعد والرجل مسكين ما إدعى اي بطوله ولا خلافه
كله كلام منقول من ناس قالو ليهم خارج المنتدى
يعني هو ما اذى اي من زملاء مهنته
هو كلام نقلوه عنه الناس

سلام يا همس الشوق ..
إدعاء البطولة لايشترط النطق بها ..ولكن أن ينسب له النّاس بطولة - ودي ما المشكلة - يقابلها تقليل من شأن زملاء أطباء - ودي العوجة - .. فيفترض يدخل وينصف زملاهو ديل ..
وللا شنو ؟؟
هناك أسئلة موجّهة لدكتور زين من أطباء الزيتونة ..ومن المهم الرد عليها ..
وعشان الناس نقلو كلام ..فوجودو مهم لتوضيح الكلام ..

__

الإجابات علي أسئلتك الأخيرة بعضها مضمّن برد د/أنس ..ولمزيد من الإجابات علي الأسئلة ناس الزيتونة قالوا ماعندهم مانع الداير يسأل يجيهم وح يجاوبوهوا ( رغم إنهم ما ملزمين ) ..

[جيجي]

المشاركة الأصلية كتبت بواسطة طيبان

بما أنّك ستكتبي بوست بالمسمّي المذكور .. فلا بأس .. أهو الواحد يتنوّر شويّة ..ويلقي فرصة يفهم الوضع الحاصل في السودان كويس .. ويمكن نضيف معلومة معلومتين ..لصالح البوست ..
ومالو ؟؟
لكن ..
ما علاقة البوست المزمع كتابته بالموضوع الهنا ؟؟

وللا مافي علاقة ؟؟

معقول يادكتور انت محتاج تنوير
اما التوضيح فدا واجب انساني بحت
اماعلاقته بالبوست قد ذكرته في اول مداخلتي بما انك ادرجت مداخلتي في احد ردودك وربما لتشابه الاتهامات
والسلام امان

[طيبان]

المشاركة الأصلية كتبت بواسطة بابكر عباس

سلامات للجميع
البوست دا بوست عجيب!
كلام طيبان القالو هنا كلو صحيح، لكنو مبني على إفتراض بتاع ونسة ساكت
الونسة الدارت بين أحمد زين و زين حتى لو بقت صحيحة غير قابلة للنشر

البوست فيهو سهام قاتلة،
أقترح يا طيبان نسحب البوست دا
و يا فتحي بدل تطلب من أحمد زين يجي هنا، حقو تعتذر عن نشرك لكلام بتاع ونسة ساكت
دي فرصة بالنسبة لي أشكر ناس مستشفى الزيتونة و أعتذر عن مداخلة قلت فيها لفيصل سعد:
كدي خلي خالد يصل هولندا و شوف الخواجات بنجضوا الشغل كيف... و كان هدفي منها رفع معنويات محبي خالد

هامش:
طيبان أنا لو كنت شايفك شغال بهنا في البوست دا، ما كان عملت ليك البوست داك، كنت فاكر ليك زمن ما دخلت المنتدى!

سلام يا بابكر ..
بوست واحد بينسحب مافي ..
الونسة التي تبخّس الناس مجهودهم يا بابكر لازم ينقطع خبرا .. وإنت زول حقّاني كما أعرف ..
يجي د/زين يقول رايو ..ويجاوب أسئلة زملاهو ناس الزيتونة خليها أسئلتنا نحن ..

ويابابكر :
لما انت عملت لي البوست داك .. أنا فعلا لم أكن نشطاً في المنتدي ولا في هذا البوست تحديدا - يمكن مراجعة توقيت المداخلات- وأنت تعلم الأسباب ..
لكن جنس الونسة الهدّامة دي .. تستحق الواحد يصاقر المنتدي ..

_

تحياتي ..

[طيبان]

المشاركة الأصلية كتبت بواسطة جيجي

معقول يادكتور انت محتاج تنوير
اما التوضيح فدا واجب انساني بحت
اماعلاقته بالبوست قد ذكرته في اول مداخلتي بما انك ادرجت مداخلتي في احد ردودك وربما لتشابه الاتهامات
والسلام امان

سلام يا جيجي ..
أصلو التنوير ما قاعدين ناباهو ..والتوضيح برضو قاعدين ندورو ..
إدراجي لمداخلتك ومداخلات إخوة آخرين ..لأنّها متعلّقة بمافُهم نقلاً عن د/زين عبدالله ..بإنو ثمّة تقصير حدث في الزيتونة ..
وعشان يتم إستعدال الفهم المغلوط والذي انبنت عليه مداخلات ترسّخ ذات الفهم ..طالبنا فقط - وطالب بعدنا أطباء الزيتونة - بتوضيح من د/زين .
بعدها نجي كلّنا نحكي عن مواجع النظام الصحّي في السودان ..وفرضية ممالاة الأطباء لبعضهم البعض ..ونصرتهم لإخوانهم ظالمين أو مظلومين ..


__

سلام .. وأمان

[جيجي]

والله يا اخونا
اناماشايفة انه دكتور زين ملزم بانه يدافع او يوضح ماقام به بنفس القدر الذي لايلزمك بتوضيح لماذا تدهور تصحة خالد الحاج بعد دخوله المشفى

[نبراس السيد الدمرداش]

المشاركة الأصلية كتبت بواسطة فتحي مسعد حنفي

ياسارة عايزة تعرفي الحقيقة اتصلي بأحمد محمد زين واسأليهو وهو أما سيأكد كلام زين أو ينفيه وباقي الحكم عليك انتي..

عمو فتحي صبحك الله بالخير

احمد زين بنتو ملاذ مريضه الان بمستوصف تعاني من التهاب و حمى و تتنفس باكسجين ايضا