إلي أهل البركل ... (إليكم بياني فأقبلوه أو ... ردوه إليَّ خائباً )

ناصر يوسف · 23-01-2011, 11:59 AM

أيها الأهل والأحباب

بحمد الله الذي بنعمته تتم الصالحات أن منَّ الله علي الحبيب خالد بهذا التقدم في العلاج صوب نحو كامل الشفاء بإذن الله ....

والشكر أجزله للأخ العزيز /

طارق علي صالح ( الأمين العام لموقع البركل)

لأنه قد جعل أمر دخولي إلي موقع البركل أمراً ينبض بالحياة

ورأيتُ فقط أن أشرككم بما كتبته الآن لتوي هناك عبر موقع البركل

حيثُ أنني قد تحدثتُ في جزية البوست وعند نهايته بإسمكم دونما أخذ المشورة منكم ... فقط لأننا أضحينا جسدٌ واااااااااااااحد ــــــــــــــــــــــــــــــــــــــــــــــــــ ــــــــــــــــــــــــ

بسم اله الرحمن الرحيم

الناظر لجبل البركل يصيبه خوف ما رعشةً ما .. وهذه الرعشة لا تؤول إلا .... إلي عمق التاريخ المتأصل عند ناصية الجبل ...

كل حجر فيه وكل ذرة رمل تحكي عن تاريخٍ عظيم لبلادي

يقولون بأنَّ الإنسانُ إبن بيئته وأن البيئةُ هي التي تُشكل إنسانها ...

إذن ... فلتذهب دهشتي مهب الريح ... وأنا أتابع إثر أزمة أخي الحبيب خالد الحاج تلكم الخلية من النحل وهي تعمل علي مدار اليوم ....

رجالٌ ونساء من ابناء البركل يدخلون الدهشة فيك ويجعلونك تتساءل من أين أتي هؤلاء البشر الجميلين ؟؟؟

مجموعةً من أهل البركل يجعلونك قزماً صوب ما يفعلون وما تفعل لأجل أخٍ كريم يمر بأزمةٍ صحيةٍ نتمناها عابرة ....

كلما تكون هناك حوجة لحلِ مشكلٍ ما ... وقبل أن تُفكر في حل هذا المشكل مهما كان حجمه ... يأتيك قائل ... بأنَّ الحوجة قد تم حلها منذ لحظات ....

تسأل عن من الذي قام بحلها وكيف وفي لمح البصر ... يقولون لك ( فلان ) وفلان هذا من أبناء البركل التاريخ

حريُ بي أن أستقيم وقوفاً تحيةً وتجلةً لأهل البركل العظام ... جميعكم رجاااالٌ ونساء .. كبيركم وصغيركم لكم مني الإمتنان والمحبة والإحترام وتعظيم لدوركم الفاعل الذي كان وما يزالُ قائماً لأجل أخونا جميعاً

خالد الحاج الحسن

ومن لم يشكر الناس لا يشكر الله

شكراً لكم بوافر المحبة والتقدير

شكراً لكم لأنكم علمتموني معني العطاء ...

أجدُ نفسي عاجزاً عن الحديث ... بيد أني أعترف الآن هنا ... بأنني قد خرجتُ من محنة أخي الحبيب خالد الحاج بفوائد جَمّة ..

وأولها معرفة الرجال الرجاااااااااااااااااااااال من أهلي أهل البركل التاريخ ....

أيها الأحباب ... دعوني أن أشكر أخي الحبيب

طارق علي صالح

هذا الرجل الصاااااااالح بحق في جعله أمر أن أكون بينكم هنا عضواً .... أمراً واااااااااااقعاً ....

شكراً لك أخي الحبيب ..... ووالله لك في القلب ما ضاق به القلب من محبةٍ في الله وفاض دونه لأنثره علي الآخرين ...

شكراً طارق بكل كل الصدق شكراً علي كل شئ ...

وعذراً إن دلفتُ إلي البركل دونما العادةُ في دخول شخصٍ جديد لمجتمع جديد ...

إذ من المتعارف عليه بأن يأتي الشخص بموضوع يقول فيه جئتكم يا أهل الدار فهل من مرحب ... أو أن يقوم شخص آخر بفتح موضوع يدعو فيه أهل الدار أن يرحبوا بالقادم ...

لم أفعل ذلك ولن أفعل لأنَّ الإنسانُ لا يستأذن الدخول إلي بيته ....

وبإسم إخوتكم في سودانيات التوأم لموقع البركل ... دعوني أن أقول لكم ......

لكم المحبة والإحترام والشكر من إخوتكم هناك في موقع سودانيات .... فكلنا في الحُب لخالد الحاج واااااااااحد.

ودعونا أن نختم هذا الأمر بالدعاااااااااااااااااااااء للخالق عزَ وجل بأن يسبق أخانا خالد بنعمة الصحة وعاجل الشفاء

أللهم يا غفور يا رحيم يا شكور

إني أسألك بحق جاه نبيك سيدنا محمد صلواتك وسلامك عليه ..

بأن تُعَجِل لعبدك

خالد الحاج الحسن

بتمام الشفاء ياااااااااا أرحمن الراحمين

دعواتكم أيها الأهل والأحباب

وأصلي وأسلم علي النبي الأمي المجتبي رحمة للعالمين

سيدنا وحبيبنا محمد بن عبد الله

صلي الله عليه وسلم تسليماً كثيرا

فتحي مسعد حنفي · 23-01-2011, 12:25 PM

انت ياناصر مش في حاجة اسمها توأمة بين فرق الكورة..
أها أنا بقترح تكون في توأمة بين منتدي البركل ومنتدي سودانيات وأهو صاحب سودانيات من أولاد البركل..يقوموا يالحبيب يسمحو للأعضاء من المنتديين بدخول المنتديين بي نفس الباسوورد بتاعم ويشاركو في الكتابة هنا وهناك ودي تكون أول سابقة في تاريخ المنتديات وفجأة تلقي عندك أكبر عضوية علي الساحة وتبقي الحكاية زي حكاية الهنايات الأربعة ديك بين مصر والسودان..
أها ياخوي رأيك شنو في كلام عمك الخواجة...

mekke abunora · 23-01-2011, 12:56 PM

المشاركة الأصلية كتبت بواسطة فتحي مسعد حنفي

انت ياناصر مش في حاجة اسمها توأمة بين فرق الكورة..
أها أنا بقترح تكون في توأمة بين منتدي البركل ومنتدي سودانيات رأيك شنو في كلام عمك الخواجة...
............ ......... .....
... ولا تشتـرى ســودانيـات البركل ... أو العكـس ...

ويبـقـى الأسـم ...

منتديات سودركل أو منتديات بركلنيات

... دا اقتـراحــى يـا خواجـة ...

أبو أماني · 23-01-2011, 01:58 PM

لله درّك أخي الحبيب ناصر يوسف وأنت تسد كل فراغ .. وتملاء الدنيا بك وإن كنت غائبا .. صدقني فشلت فشلا ذريعا في ملاحقة دموعي وأنا أقرأ كلامك الذي نطق به القلب قبل وبعد اللسان ..التحية لكم آل منتدى البركل ويشرفني أن أكون منكم .. و.. تصوور كيف يكون الحال لو ماكت سوداني وناس البركل ما أهلى .. كان وااامأساتي وواااا ذلي .. لكم الحب خالصا وللحبيب الغائب عودا حميدا ولناصر ما يعجز عن نطقه لسان !..

ناصر يوسف · 23-01-2011, 02:14 PM

أيها الأحباب هنا

عمنا وكبيرنا فتحي مسعد حنفي

وبرضو عمنا وكبيرنا ( أرجو أن لا أكون وقد بالغت ) أبو نوره

وعمنا كبيرنا أبو أماني

هذا واجبي تجاههم أن أقولها وعلي العلن كم كانوا خلية نحل تتحرك لتسد الفراغات قبل أن تحدث ...

وحديثي عنهم ينطبق عنكم أنتم يا أهل سودانيات ــ أهل خالد الحاج ...

بيد أنه ليس من دواعي الغبطة أن يحتفي الإنسان بأهل بيته الأول قبل الآخرين أهل البركل وهموا أهلي وأهلكم أهل خالد الحاج

أللهم أشفي عبدك

خالد الحاج

شفاءاً تااااااااماً وعاجلاً

يا أرحم الراحمين

ناصر يوسف · 23-01-2011, 02:18 PM

اقتباس:

المشاركة الأصلية كتبت بواسطة فتحي مسعد حنفي

انت ياناصر مش في حاجة اسمها توأمة بين فرق الكورة..
أها أنا بقترح تكون في توأمة بين منتدي البركل ومنتدي سودانيات وأهو صاحب سودانيات من أولاد البركل..يقوموا يالحبيب يسمحو للأعضاء من المنتديين بدخول المنتديين بي نفس الباسوورد بتاعم ويشاركو في الكتابة هنا وهناك ودي تكون أول سابقة في تاريخ المنتديات وفجأة تلقي عندك أكبر عضوية علي الساحة وتبقي الحكاية زي حكاية الهنايات الأربعة ديك بين مصر والسودان..
أها ياخوي رأيك شنو في كلام عمك الخواجة...

عمنا وكبيرنا

فتحي مسعد حنفي

هل هو توارد خواطر ؟؟؟

إليك ما سطره قلم أخي محمد الرفاعي بمنتدي البركل هناك

أخونا ناصر يوسف
مرحب حبابك فى بيتك و لنا عظيم الشرف أن يكون كل أعضاء سودانيات يحملون مفاتيح البركل وبالمقابل أعضاء البركل يحملون مفاتيح سودانيات
ومن هنا أدعو الأمناء العامين للناديين (سودانيات والبركل) الاستجابة الفورية لتفعيل العضوية خاصة اذا ذكر مقدم الطلب أنه عضو من هنا أو هناك .
أخونا خالد الحاج والذى كان سبباً للبركل و سبباً لسودانيات وسبباً لنجتمع ونتلاقى نسأل الله الرحمن الرحيم الشافى بأن يشفيه ويعافيه .

سبحااااااااان الله

هاشم · 23-01-2011, 02:22 PM

بسم اله الرحمن الرحيم

الناظر لجبل البركل يصيبه خوف ما رعشةً ما .. وهذه الرعشة لا تؤول إلا .... إلي عمق التاريخ المتأصل عند ناصية الجبل ...

كل حجر فيه وكل ذرة رمل تحكي عن تاريخٍ عظيم لبلادي

يقولون بأنَّ الإنسانُ إبن بيئته وأن البيئةُ هي التي تُشكل إنسانها ...

إذن ... فلتذهب دهشتي مهب الريح ... وأنا أتابع إثر أزمة أخي الحبيب خالد الحاج تلكم الخلية من النحل وهي تعمل علي مدار اليوم ....

رجالٌ ونساء من ابناء البركل يدخلون الدهشة فيك ويجعلونك تتساءل من أين أتي هؤلاء البشر الجميلين ؟؟؟

الجميل ناصر يوسف شكراً كثيراً

اللهم يا الله أكمل على عبدك خالد كامل الشفاء

رأفت ميلاد · 23-01-2011, 02:24 PM

غايتو الشوايقة ديل كان بقبلوا نصارا بجرى ليهم جرى .. أصلى نفسى أناسبم .. وعرقى القولد لا يُعلى عليه .. هسة أنا قلت البركل

mekke abunora · 23-01-2011, 02:40 PM

....العزيز روفــى ....

... هـم قبـلوا بى سـماحتهم نـاس الياهو ... حتى أسألهم عن ساقية الياهـو ؟؟

... أتشـــلخ سـاكت وتــعال ليــهم بـى طـمبـورك .

المشاركة الأصلية كتبت بواسطة رأفت ميلاد

غايتو الشوايقة ديل كان بقبلوا نصارا بجرى ليهم جرى .. أصلى نفسى أناسبم .. وعرقى القولد لا يُعلى عليه .. هسة أنا قلت البركل

عابد عقيد · 23-01-2011, 02:41 PM

اقتباس:
المشاركة الأصلية كتبت بواسطة رأفت ميلاد

غايتو الشوايقة ديل كان بقبلوا نصارا بجرى ليهم جرى .. أصلى نفسى أناسبم .. وعرقى القولد لا يُعلى عليه .. هسة أنا قلت البركل

القال ليك منو مابقبلو زماااااااان الحاجة بتول خلّت ليهم الدين عديل وعرست
اسكندر ..... بس انت تعال بعصاتك بدوك ...

فتحي مسعد حنفي · 23-01-2011, 04:17 PM

اقتباس:

المشاركة الأصلية كتبت بواسطة ناصر يوسف

عمنا وكبيرنا

فتحي مسعد حنفي

هل هو توارد خواطر ؟؟؟

إليك ما سطره قلم أخي محمد الرفاعي بمنتدي البركل هناك

أخونا ناصر يوسف
مرحب حبابك فى بيتك و لنا عظيم الشرف أن يكون كل أعضاء سودانيات يحملون مفاتيح البركل وبالمقابل أعضاء البركل يحملون مفاتيح سودانيات
ومن هنا أدعو الأمناء العامين للناديين (سودانيات والبركل) الاستجابة الفورية لتفعيل العضوية خاصة اذا ذكر مقدم الطلب أنه عضو من هنا أو هناك .
أخونا خالد الحاج والذى كان سبباً للبركل و سبباً لسودانيات وسبباً لنجتمع ونتلاقى نسأل الله الرحمن الرحيم الشافى بأن يشفيه ويعافيه .

سبحااااااااان الله

فعلا دي حاجة غريبة ياناصر...يكون الزول دا قاعد يغفل المراقب ويتاوق لي ورقتي!!!!!!!!!في الحقيقة دا ما توارد خواطر لكن التقاء جيل البطولات بجيل التضحيات وأنا كلامي الكتبتو كنت قاصدو فعلا لكن خفت يقولو جنيت فقمت كتبتو بطرقة هزلية.وأهو طلع في زول تاني بحلم معاي..بالله سلم لي عليهو

رأفت ميلاد · 23-01-2011, 04:44 PM

تعرف يا فتحى لامن كنا فى جدة .. كان عندنا واحد زول عينة كدة .. متلصق ليك فى السعوديين ولسانو زاتو أتلكن .. وبعدين بشجع الأهلى .. من النوع البعلق الشال الأخضر المخطط داك ويضرب البورى لامن يغلبوا ..

قدانا ليك لامن السعودية جابت كاس آسيا .. زهج منو عثمان كديس وقال ليه ياخ ديل بقولوا (منتخبنا) لامن يشجعوا ويغنوا .. يعنى ما مدنك أى فرصة معاهم .. التلصق فيهم شنو

هسة يا اللخو الناس ديل إسمهم (البركل) الجاب ليهم حلب شندى شنو ..

كتار منهم البجونا وقاطعونا ناس عبد العظيم الطاهر .. البديهى تعزموهم بى جاى .. لكن تمشوا تخرمجو ليهم بهناك فى شنو

نبراس السيد الدمرداش · 23-01-2011, 05:01 PM

اقتباس:

تمشوا تخرمجو ليهم بهناك فى شنو

والله نخرمج خرمجه
بس خلي الخال يقوم بالسلامه
غايتو بفتش ليك عروس شايقيي

الهادي قنديل · 23-01-2011, 08:46 PM

اقتباس:

المشاركة الأصلية كتبت بواسطة رأفت ميلاد

كتار منهم البجونا وقاطعونا ناس عبد العظيم الطاهر ..

وكتــاااااااااار منهم الجوكم وحتلّوا هنــا .. نعمل جرد؟؟
ولاّ مافي داعي تقولوا الناس احتلوا علينا سودانيات

علي الايمــان لا فرق عندنـا بين البركل وسودانيات وسودانيات والبركل
ومحل خالد الحاج مايمشي يلقانا قدامو .. يمين ان في طريقة لنيروبي كنا قدينا .. الله يرجّعوا لينا طيب
غايتو عجبتونـا يارأفت وصدقني بوليس مابمرقنـا من هني تاني (هِني دي كيف بالله؟)

شكراً نـاصرنـا ومامستغرب منك

اللهم عجّل بشفاء حبيبنا خالد الحاج

أحمد محمد صلاح الدين · 23-01-2011, 10:53 PM

ينزل دمعي تيي تيي

استراتيجية المنتدي تواصل

كثير من الجمال يا عابره
من أعماقي حزني بنادي
في الطمبور مافي هبوط كلو شجن رفيع تمر مرحاب

أما البقية يا رافت و عابد
سكاتي ولا كلام الني

معروف من قديم انو الجمال نسبي
وللموجب دوام لابد من سلبي
لكن نتفق رسمي وكمان شعبي
الطمبور علاج لكل مرض عصبي
سبحان الاله خالق العباد ربي
سوا قدح حراز دكا راصي العربي
مكسي جلد بقر ومطلي وتقول دهبي
وفوقو تلات عصي واقفات بلا شعبي
وخمسه سلوك حنان موزونه بالنسبي
لو رنة تزوب ترقص جبال كجبي
البركل يمر يتحول العقبي
لو ما كت بخاف والناس تشيل كضبي
كت بقول يرن وتتحل لوكربي
اندح الوئام بين الخلق يدبي
والبوسني الجريح يستئمن الصربي
بالطمبور دوام يتلاشي كل سلبي
وينشرا الفرح من كايا لا اوربي
اقتراح موفق من خريج نشيط أنا شايف أنو العمل الثقافي لا زم يكون مجاززززززززززفات فرديه

لانو الوزارة و الحيشان بقت يا تكويشششششششششششش يا تمكين
عاد النصيحة دي مي حااااااااااااااااااااااااااااااااااااااااااااااااااااااااااااااره

اللهم أشفي حبيب رسول الله و أخنا في دينك الذي ارتضيته لنا

23-01-2011, 11:59 AM	#[1]
ناصر يوسف :: كــاتب نشــط::	إلي أهل البركل ... (إليكم بياني فأقبلوه أو ... ردوه إليَّ خائباً ) أيها الأهل والأحباب بحمد الله الذي بنعمته تتم الصالحات أن منَّ الله علي الحبيب خالد بهذا التقدم في العلاج صوب نحو كامل الشفاء بإذن الله .... والشكر أجزله للأخ العزيز / طارق علي صالح ( الأمين العام لموقع البركل) لأنه قد جعل أمر دخولي إلي موقع البركل أمراً ينبض بالحياة ورأيتُ فقط أن أشرككم بما كتبته الآن لتوي هناك عبر موقع البركل حيثُ أنني قد تحدثتُ في جزية البوست وعند نهايته بإسمكم دونما أخذ المشورة منكم ... فقط لأننا أضحينا جسدٌ واااااااااااااحد ــــــــــــــــــــــــــــــــــــــــــــــــــ ــــــــــــــــــــــــ بسم اله الرحمن الرحيم الناظر لجبل البركل يصيبه خوف ما رعشةً ما .. وهذه الرعشة لا تؤول إلا .... إلي عمق التاريخ المتأصل عند ناصية الجبل ... كل حجر فيه وكل ذرة رمل تحكي عن تاريخٍ عظيم لبلادي يقولون بأنَّ الإنسانُ إبن بيئته وأن البيئةُ هي التي تُشكل إنسانها ... إذن ... فلتذهب دهشتي مهب الريح ... وأنا أتابع إثر أزمة أخي الحبيب خالد الحاج تلكم الخلية من النحل وهي تعمل علي مدار اليوم .... رجالٌ ونساء من ابناء البركل يدخلون الدهشة فيك ويجعلونك تتساءل من أين أتي هؤلاء البشر الجميلين ؟؟؟ مجموعةً من أهل البركل يجعلونك قزماً صوب ما يفعلون وما تفعل لأجل أخٍ كريم يمر بأزمةٍ صحيةٍ نتمناها عابرة .... كلما تكون هناك حوجة لحلِ مشكلٍ ما ... وقبل أن تُفكر في حل هذا المشكل مهما كان حجمه ... يأتيك قائل ... بأنَّ الحوجة قد تم حلها منذ لحظات .... تسأل عن من الذي قام بحلها وكيف وفي لمح البصر ... يقولون لك ( فلان ) وفلان هذا من أبناء البركل التاريخ حريُ بي أن أستقيم وقوفاً تحيةً وتجلةً لأهل البركل العظام ... جميعكم رجاااالٌ ونساء .. كبيركم وصغيركم لكم مني الإمتنان والمحبة والإحترام وتعظيم لدوركم الفاعل الذي كان وما يزالُ قائماً لأجل أخونا جميعاً خالد الحاج الحسن ومن لم يشكر الناس لا يشكر الله شكراً لكم بوافر المحبة والتقدير شكراً لكم لأنكم علمتموني معني العطاء ... أجدُ نفسي عاجزاً عن الحديث ... بيد أني أعترف الآن هنا ... بأنني قد خرجتُ من محنة أخي الحبيب خالد الحاج بفوائد جَمّة .. وأولها معرفة الرجال الرجاااااااااااااااااااااال من أهلي أهل البركل التاريخ .... أيها الأحباب ... دعوني أن أشكر أخي الحبيب طارق علي صالح هذا الرجل الصاااااااالح بحق في جعله أمر أن أكون بينكم هنا عضواً .... أمراً واااااااااااقعاً .... شكراً لك أخي الحبيب ..... ووالله لك في القلب ما ضاق به القلب من محبةٍ في الله وفاض دونه لأنثره علي الآخرين ... شكراً طارق بكل كل الصدق شكراً علي كل شئ ... وعذراً إن دلفتُ إلي البركل دونما العادةُ في دخول شخصٍ جديد لمجتمع جديد ... إذ من المتعارف عليه بأن يأتي الشخص بموضوع يقول فيه جئتكم يا أهل الدار فهل من مرحب ... أو أن يقوم شخص آخر بفتح موضوع يدعو فيه أهل الدار أن يرحبوا بالقادم ... لم أفعل ذلك ولن أفعل لأنَّ الإنسانُ لا يستأذن الدخول إلي بيته .... وبإسم إخوتكم في سودانيات التوأم لموقع البركل ... دعوني أن أقول لكم ...... لكم المحبة والإحترام والشكر من إخوتكم هناك في موقع سودانيات .... فكلنا في الحُب لخالد الحاج واااااااااحد. ودعونا أن نختم هذا الأمر بالدعاااااااااااااااااااااء للخالق عزَ وجل بأن يسبق أخانا خالد بنعمة الصحة وعاجل الشفاء أللهم يا غفور يا رحيم يا شكور إني أسألك بحق جاه نبيك سيدنا محمد صلواتك وسلامك عليه .. بأن تُعَجِل لعبدك خالد الحاج الحسن بتمام الشفاء ياااااااااا أرحمن الراحمين دعواتكم أيها الأهل والأحباب وأصلي وأسلم علي النبي الأمي المجتبي رحمة للعالمين سيدنا وحبيبنا محمد بن عبد الله صلي الله عليه وسلم تسليماً كثيرا
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

23-01-2011, 12:25 PM	#[2]
فتحي مسعد حنفي :: كــاتب نشــط::	انت ياناصر مش في حاجة اسمها توأمة بين فرق الكورة.. أها أنا بقترح تكون في توأمة بين منتدي البركل ومنتدي سودانيات وأهو صاحب سودانيات من أولاد البركل..يقوموا يالحبيب يسمحو للأعضاء من المنتديين بدخول المنتديين بي نفس الباسوورد بتاعم ويشاركو في الكتابة هنا وهناك ودي تكون أول سابقة في تاريخ المنتديات وفجأة تلقي عندك أكبر عضوية علي الساحة وتبقي الحكاية زي حكاية الهنايات الأربعة ديك بين مصر والسودان.. أها ياخوي رأيك شنو في كلام عمك الخواجة...
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

23-01-2011, 12:56 PM	#[3]
mekke abunora :: كــاتب نشــط::	المشاركة الأصلية كتبت بواسطة فتحي مسعد حنفي انت ياناصر مش في حاجة اسمها توأمة بين فرق الكورة.. أها أنا بقترح تكون في توأمة بين منتدي البركل ومنتدي سودانيات رأيك شنو في كلام عمك الخواجة... ............ ......... ..... ... ولا تشتـرى ســودانيـات البركل ... أو العكـس ... ويبـقـى الأسـم ... منتديات سودركل أو منتديات بركلنيات ... دا اقتـراحــى يـا خواجـة ...
mekke abunora :: كــاتب نشــط::

23-01-2011, 01:58 PM	#[4]
أبو أماني :: كــاتب نشــط::	تصوور لو ماكنت من ناس ديل..؟؟ لله درّك أخي الحبيب ناصر يوسف وأنت تسد كل فراغ .. وتملاء الدنيا بك وإن كنت غائبا .. صدقني فشلت فشلا ذريعا في ملاحقة دموعي وأنا أقرأ كلامك الذي نطق به القلب قبل وبعد اللسان ..التحية لكم آل منتدى البركل ويشرفني أن أكون منكم .. و.. تصوور كيف يكون الحال لو ماكت سوداني وناس البركل ما أهلى .. كان وااامأساتي وواااا ذلي .. لكم الحب خالصا وللحبيب الغائب عودا حميدا ولناصر ما يعجز عن نطقه لسان !..
أبو أماني :: كــاتب نشــط::	التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون

23-01-2011, 02:14 PM	#[5]
ناصر يوسف :: كــاتب نشــط::	أيها الأحباب هنا عمنا وكبيرنا فتحي مسعد حنفي وبرضو عمنا وكبيرنا ( أرجو أن لا أكون وقد بالغت ) أبو نوره وعمنا كبيرنا أبو أماني هذا واجبي تجاههم أن أقولها وعلي العلن كم كانوا خلية نحل تتحرك لتسد الفراغات قبل أن تحدث ... وحديثي عنهم ينطبق عنكم أنتم يا أهل سودانيات ــ أهل خالد الحاج ... بيد أنه ليس من دواعي الغبطة أن يحتفي الإنسان بأهل بيته الأول قبل الآخرين أهل البركل وهموا أهلي وأهلكم أهل خالد الحاج أللهم أشفي عبدك خالد الحاج شفاءاً تااااااااماً وعاجلاً يا أرحم الراحمين
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

23-01-2011, 02:22 PM	#[7]
هاشم :: كــاتب نشــط::	بسم اله الرحمن الرحيم الناظر لجبل البركل يصيبه خوف ما رعشةً ما .. وهذه الرعشة لا تؤول إلا .... إلي عمق التاريخ المتأصل عند ناصية الجبل ... كل حجر فيه وكل ذرة رمل تحكي عن تاريخٍ عظيم لبلادي يقولون بأنَّ الإنسانُ إبن بيئته وأن البيئةُ هي التي تُشكل إنسانها ... إذن ... فلتذهب دهشتي مهب الريح ... وأنا أتابع إثر أزمة أخي الحبيب خالد الحاج تلكم الخلية من النحل وهي تعمل علي مدار اليوم .... رجالٌ ونساء من ابناء البركل يدخلون الدهشة فيك ويجعلونك تتساءل من أين أتي هؤلاء البشر الجميلين ؟؟؟ الجميل ناصر يوسف شكراً كثيراً اللهم يا الله أكمل على عبدك خالد كامل الشفاء
هاشم :: كــاتب نشــط::	التوقيع:

23-01-2011, 02:24 PM	#[8]
رأفت ميلاد :: كــاتب نشــط::	غايتو الشوايقة ديل كان بقبلوا نصارا بجرى ليهم جرى .. أصلى نفسى أناسبم .. وعرقى القولد لا يُعلى عليه .. هسة أنا قلت البركل
رأفت ميلاد :: كــاتب نشــط::	التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد

23-01-2011, 02:40 PM	#[9]
mekke abunora :: كــاتب نشــط::	....العزيز روفــى .... ... هـم قبـلوا بى سـماحتهم نـاس الياهو ... حتى أسألهم عن ساقية الياهـو ؟؟ ... أتشـــلخ سـاكت وتــعال ليــهم بـى طـمبـورك . المشاركة الأصلية كتبت بواسطة رأفت ميلاد غايتو الشوايقة ديل كان بقبلوا نصارا بجرى ليهم جرى .. أصلى نفسى أناسبم .. وعرقى القولد لا يُعلى عليه .. هسة أنا قلت البركل
mekke abunora :: كــاتب نشــط::

23-01-2011, 02:41 PM	#[10]
عابد عقيد :: كــاتب نشــط::	اقتباس: المشاركة الأصلية كتبت بواسطة رأفت ميلاد غايتو الشوايقة ديل كان بقبلوا نصارا بجرى ليهم جرى .. أصلى نفسى أناسبم .. وعرقى القولد لا يُعلى عليه .. هسة أنا قلت البركل القال ليك منو مابقبلو زماااااااان الحاجة بتول خلّت ليهم الدين عديل وعرست اسكندر ..... بس انت تعال بعصاتك بدوك ...
عابد عقيد :: كــاتب نشــط::	التوقيع: لا نبكيك ولكننا نناضل .. ستبقي فينا ابا جعفر

23-01-2011, 04:44 PM	#[12]
رأفت ميلاد :: كــاتب نشــط::	تعرف يا فتحى لامن كنا فى جدة .. كان عندنا واحد زول عينة كدة .. متلصق ليك فى السعوديين ولسانو زاتو أتلكن .. وبعدين بشجع الأهلى .. من النوع البعلق الشال الأخضر المخطط داك ويضرب البورى لامن يغلبوا .. قدانا ليك لامن السعودية جابت كاس آسيا .. زهج منو عثمان كديس وقال ليه ياخ ديل بقولوا (منتخبنا) لامن يشجعوا ويغنوا .. يعنى ما مدنك أى فرصة معاهم .. التلصق فيهم شنو هسة يا اللخو الناس ديل إسمهم (البركل) الجاب ليهم حلب شندى شنو .. كتار منهم البجونا وقاطعونا ناس عبد العظيم الطاهر .. البديهى تعزموهم بى جاى .. لكن تمشوا تخرمجو ليهم بهناك فى شنو
رأفت ميلاد :: كــاتب نشــط::	التوقيع: رأفت ميلاد سـنمضى فى هذا الدرب مهما كان الثمن الشـهيد سـليمان ميلاد

23-01-2011, 10:53 PM	#[15]
أحمد محمد صلاح الدين :: كــاتب نشــط::	بسم الله الرحمن الرحيم وصلاة علي الحبيب المصطفي ينزل دمعي تيي تيي استراتيجية المنتدي تواصل كثير من الجمال يا عابره من أعماقي حزني بنادي في الطمبور مافي هبوط كلو شجن رفيع تمر مرحاب أما البقية يا رافت و عابد سكاتي ولا كلام الني معروف من قديم انو الجمال نسبي وللموجب دوام لابد من سلبي لكن نتفق رسمي وكمان شعبي الطمبور علاج لكل مرض عصبي سبحان الاله خالق العباد ربي سوا قدح حراز دكا راصي العربي مكسي جلد بقر ومطلي وتقول دهبي وفوقو تلات عصي واقفات بلا شعبي وخمسه سلوك حنان موزونه بالنسبي لو رنة تزوب ترقص جبال كجبي البركل يمر يتحول العقبي لو ما كت بخاف والناس تشيل كضبي كت بقول يرن وتتحل لوكربي اندح الوئام بين الخلق يدبي والبوسني الجريح يستئمن الصربي بالطمبور دوام يتلاشي كل سلبي وينشرا الفرح من كايا لا اوربي اقتراح موفق من خريج نشيط أنا شايف أنو العمل الثقافي لا زم يكون مجاززززززززززفات فرديه لانو الوزارة و الحيشان بقت يا تكويشششششششششششش يا تمكين عاد النصيحة دي مي حااااااااااااااااااااااااااااااااااااااااااااااااااااااااااااااره اللهم أشفي حبيب رسول الله و أخنا في دينك الذي ارتضيته لنا
أحمد محمد صلاح الدين :: كــاتب نشــط::	التوقيع: دائما السكران صراعه يتوه مابين السلطان و الاسلام )