فى أدب الانفصال()مصطفى ودالمامور

[ابرا]

فى أدب الانفصال()مصطفى ودالمامور
طَالْ السُكَاتْ
والليله شِنْ طَعَمْ النَضِمْ؟؟
وكِبيدْنَا اِتْنَزَعْ الضِحَى
وقِليبْنَا مِنْحَشْ فى الفَرِمْ
وانشاالله قُبَّالْ ما تَفُوتْ
يابلدى أوْفِيكْ النَضِمْ
بَسْ قَبْلِ مايْجِينَا الشَتَاتْ
بى صَاقْعَّه والبيت يِنْهَدِمْ
يابلدى ماتْخَافْ السُكَاتْ
لوْ هَبُّوا ماالسيل العَرِمْ
وفِيهُمْ البِشْفِى الجِرَاح
والليله شِنْ طَعَمْ النَضِمْ؟؟
وكِبيدْنَا اِتْنَزَعْ الضِحَى
وقِليبْنَا مِنْحَشْ فى الفَرِمْ
وانشاالله قُبَّالْ ما تَفُوتْ
يابلدى أوْفِيكْ النَضِمْ
بَسْ قَبْلِ مايْجِينَا الشَتَاتْ
بى صَاقْعَّه والبيت يِنْهَدِمْ
يابلدى ماتْخَافْ السُكَاتْ
لوْ هَبُّوا ماالسيل العَرِمْ
وفِيهُمْ البِشْفِى الجِرَاح

[ابرا]

والبِرْفِى لى جَرْحَكْ ويِلِمْ
2. وماتِفْتَكِرْ هذا الْسُكاتْ
3. هَامْلِنَكْ انت ومامُهِمْ
4. ديلْ زَىّْ هُدوءْ العَاصِفَه
5. السَابِقْ الرِيِحْ فى الهَجِمْ
6. وَجَعْنَا ليك الانْقِسَامْ
7. وا وجَعِى لىْ هذا القَسِمْ
8. اسْتَأصَلُوا الشَطُرْ أبْ حليب
9. الكامِلْ الخير والدَسِمْ
10. عِشْنَاكَ راضينْ بالقليلْ
11. لى الْنَبَقَه سوينا الْقَسِمْ
12. لَمَّينَا مُرَّنَا فى الْحُلُوقْ
13. وهَدينَا أخوانَّا الْطِعِمْ
وقَسَمْنَا للزَادْ الحَلالْ
وكَانْ بِسْرِى فى الجُوفْ بِنْهَضِمْ
واِتُّو

[ابرا]

واِتُّو ماالجار القَرِيبْ
نَعَمْ انو اتُّوا صِلَةْ رَحِمْ
بى طِيبَهْ نَفْتَرِشْ الارِضْ
ونِتْغَتَّى بالسَمَا والنَجِمْ
ونِتْقَاسَمْ الكِسَا والهِدُومْ
وَكان جُودْنا لى اخِرْ هِدِمْ
وكُنَّا عايشِينْ بالكفاف
والعِنْدُّو للنَاقِصْ يِتِمْ
ماقُلْنا فايتين باللسان
فى العَجَمِى أو عُرْبَ النَضِمْ
وحَاشَانا مَا فَرَّقْنَا لون
أبَنوسى أو بِيضْ الأَدِمْ
وبَرْضُو مَافَرَّقْنَا دِين

[ابرا]

نَبِينَا عَايَشْ فى سِلِمْ
وكُنَّا صَابْرينْ فى الهَجِيرْ
وحَامْدِّنو للدَفَا والنَسِمْ
وكُنَّا مِنْ قُبَّالْ يِسُوسْ
ومَطَامِعْ الْفَىْ والْغَنِمْ
كُنَّا عَايشِينْ فى سَمَاحْ
والبينا أكْتَرْ مِنْ حَمِمْ
نَمْسَح الراسْ لليتيم
ورازِقْنَا يَرْحَمْ مَنْ رَحِمْ
ونَرْحَمْ الجَاهْلَ الصغير
ونُوَقِّرْ الشيخ الهَرِمْ
وَنَسْنِدْ الفَاقْدَه الكَفِيلْ
فَقْرَانَةْ المَالْ والْعَزِمْ

[ابرا]

زَاوِرْ الراقِدْ مَرِيضْ
ونْضَمِّدْ القَلْبَ السَقِمْ
ومَابْنَقْرَبْ اللُقْمَه الحَرَامْ
لو حتى نَصْرَمْ ونِنْعَدِمْ
أبواتنا ورونا الاصول
وربُونَا بى الجَدْ والحَزِمْ
وربُونا كيف ظلم العباد
ظُلُمَاتْ اذا مظلوم ظُلِمْ
وورُنا فى فِتَنْ الزمان
نَحَّكِمْ الرأى الفَهِمْ
وورونا لَلْبَابَا الصُلُحْ
ومْفَارِقْ الراى فى نَدِمْ
وورونا عَنْ سِلْمَ الوطن

[ابرا]

كيف نهنى ان هُوَ قَدْ سَلِمْ
ربُونَا عايشين فى وئامْ
بين نيلنا والغَابْ والنَجِمْ
وقَسَّمْنَا كُلَّ الكان مُتَاحْ
اللُقْمَه والزَادْ والْحِلِمْ
وأصْلُو ما فَكَّرْنا يوم
نَرْفَعْ مَعَاوِلْ فى هَدِمْ
أو نَقْسِمْ النيل العظيم
ياخوانَّا هُوْ النِيلْ بِنْقَسِمْ؟؟؟؟؟
انتو قَسَّمْتو الحدود
كيفن حتِتْقَسْموا النَجِمْ؟؟؟؟
انتو مَّلَصْتو الهدوم
وعِرِينا لى اخر هِدِمْ
انتو

[ابرا]

انتو دخَّلتو السجون
واتْيَتَّمْ أطفال بالحَرِمْ
انتو أقلقتوا المنام
وقطعتوا لىْ أجمل حِلِمْ
وانا كنت بحلم بى وطن
بثقافه نبنيه وكَلِمْ
وانا كنت بحلم بى وطن
انْضُمْ على كيفى وانِمْ
وانا كنت بحلم بى وطن
متعدد الفن منسجم
وانا كنت بحلم بى وطن
يِرْقُصْ جماعى مع رِزِمْ
وانا كنت بحلم بى وطن

[ابرا]

انا كنت بحلم بى وطن
يهتمَّ بالجيل و العِلِمْ
وانا كنت بحلم بى وطن
الصحه فيه كمان تَعِمْ
وانا كنت بحلم بى وطن
امن وعايش فى سِلِمْ
وانا كنت بحلم بى وطن
لافيه ضامن لاغرم
وانا كنت بحلم بى وطن

لوفيه ناقصه أجى وأتم
وانا كنت بحلم بى وطن
اتغتى بالسما والنجم
وانا كنت بحلم بى وطن

[ابرا]

انا كنت بحلم بى وطن
يدينا من خيره ونلم
وانا كنت بحلم بى وطن
فاسدينه يرموهم رَجِمْ


وانا كنت بحلم بى وطن
مايقبل القسمه وشرم
وانا كنت بحلم بى وطن

مُشْ برضو من حَقِّى الحِلِمْ؟؟؟
وتلقى هسع ناس كتار
حاسدنى فى هذا الحِلِمْ

[يحي عثمان عيسي]

الحبيب زول خرافي

لك التحية والتجلة
أمتعتنا واختيار بالجد موفق وباذن الله لي عودة
تحياتي العطرات