بوست تجريبي..

[الرشيد اسماعيل محمود]

المشاركة الأصلية كتبت بواسطة سمراء
البوست ده مريح شديد
وبمرقك من حالة اللاوعى ....الى ...الوعى الكامل بالحياة !

_________

دائما بقول اجمل رفقة للانسان ، هى رفقة روحو ..

المروق من اللا وعي الي الوعي الكامل دي عبارة مُغرية بالتأمل..
ياسلام ياخي..
رفقة الروح ملهمة بصورة لا يمكن تخيلها..
بس المهم الأوَل كيف تلقي روحك..
وكيف تفرض روحك روحها عليك..
مش بقولو الجو فارض نفسو..
وطيَب.
ياسلام ياخي.. الليلة الروح فارضة نفسها..
وهكذا من فرضان وفرضيات.
شكرا سمراء..
مزيداً من التواصل يبني عوالماً تضج.

[سمراء]

المشاركة الأصلية كتبت بواسطة الرشيد اسماعيل محمود

المروق من اللا وعي الي الوعي الكامل دي عبارة مُغرية بالتأمل..
ياسلام ياخي..
رفقة الروح ملهمة بصورة لا يمكن تخيلها..
بس المهم الأوَل كيف تلقي روحك..
وكيف تفرض روحك روحها عليك..
مش بقولو الجو فارض نفسو..
وطيَب.
ياسلام ياخي.. الليلة الروح فارضة نفسها..
وهكذا من فرضان وفرضيات.
شكرا سمراء..
مزيداً من التواصل يبني عوالماً تضج.

حالة اللاوعى دى نحن للاسف يارشيدكو ياها حياتنا ..
بنمارس فيها يوماتى ....بشكل اتوماتيكى
حسب مخزونات العقل الاتشحنت بشكل تراكمى ..وبقت الاعضاء تنفذ !

لمن نطلع ونستشعر حياتنا وطبيعته ، بتحريك اطرافنا
وعقولنا بشكل ارادى تاااام ...بنكون مرقنا لى حياة الوعى التام ..

زكرته ليك مرة وقلت ليك انى كلما اقعد مع نفسى براى .....بكون سعيدة !
ومرتبة ....وكل تفاصيلى بتكون حاااااضرة !
وبلقى روحى ...وبستمتع بى رفقتها اكثر !

[طارق صديق كانديك]

المشاركة الأصلية كتبت بواسطة الرشيد اسماعيل محمود

وين صاحبنا الأغبش ياخي.

الأغبش ياصديقنا الجميل

المايك معاك .. ومعاهو .. كمين شوق .. !!

[كيشو]

المشاركة الأصلية كتبت بواسطة الرشيد اسماعيل محمود

قال بن عطاءالله السكندري في لطائفه:

أصلُ كل معصيةٍ وغفلةٍ وشهوةٍ..الرضا عن النفس..
وأصلُ كل طاعةٍ ويقظةٍ وعفةٍ عدم الرضي منك عنها ..
ولأن تصاحب جاهلاً لا يرضي عن نفسه خيرٌ من أن تصاحب عالماً يرضي عن نفسه..فأيُ علمٍ لعالمٍ يرضي عن نفسه وأيُ جهلٍ لجاهلٍ لا يرضي عن نفسه.
ــــــ
وين كيشو ياخوَانا.

وين كيشو ياخوَانا

[justify]الرشيد
تحياتي
لعلي قلت مرة إني نويت فتح بوست بعنوان "أنا إسمي مكتوب؟"[
مالك ياخي عايز تبوّظ لي توبتي من "سودانيات"؟/justify]

[كيشو]

[justify]أوّلَ امِسْ قلت أطلع من ميدان التحرير أشم شوية هوا
لاقيت لي فيلم استخدموا فيهو كلمة "define" بطريقة اتمنيت لو كنت معاهم وجاني الدور عشان أقول "define"[/justify]

[الرشيد اسماعيل محمود]

المشاركة الأصلية كتبت بواسطة كيشو
لاقيت لي فيلم استخدموا فيهو كلمة "define" بطريقة اتمنيت لو كنت معاهم وجاني الدور عشان أقول "define

سلامات ياكيشو..
والله غايتو مفتقدنك الأيَام الفاتن ديل..
كنت متوقعك تكون متحكِر هنا ده.. يا خوَانا ما تلبدو بالله.
قلت لي (ديفاين)..؟؟
جبت إسمك عشان أزحلقك تجي تدينا طلة، وانا بكتب في الكلام قلت
ياخي كيشو ده ماحصل دخل بوست من بوستاتي أها النحاول، اضافة الي
إنّو المداخلة ذاتا كلام صوفيَة قلت بالمرَة نشوف رايك شنو.(رأي آخر)
بمناسبة ديفاين دي:
زمان عندنا صاحبنا إسمو أمين جبرا تاور..
أيَام الخدمة الإلزاميّة ديك شغال في القيادة العامة واليوم داك سادّي خدمة.
طبعا بوقفك الديدبان وبقول ليك مين تقول أمين ،طوّالي يسألك أمين مين
تقول ليهو مجنّد (وتقول رقمك العسكري).
أها أوّل يوم جا داخل القيادة ثبّتوه ثاااااابت...
مين..؟؟
قال ليهو أمين..
أمين مين..؟؟
قال ليهو أمين جبرا تاور..
الديدبان مات بالضحك.

ياخي بالله خليك قريب وشاركهم في الأمر.

[كيشو]

المشاركة الأصلية كتبت بواسطة الرشيد اسماعيل محمود

[RIGHT]سلامات ياكيشو..
والله غايتو مفتقدنك الأيَام الفاتن ديل..
كنت متوقعك تكون متحكِر هنا ده.. يا خوَانا ما تلبدو بالله.
قلت لي (ديفاين)..؟؟
جبت إسمك عشان أزحلقك تجي تدينا طلة، وانا بكتب في الكلام قلت
ياخي كيشو ده ماحصل دخل بوست من بوستاتي أها النحاول، اضافة الي
[COLOR=navy]

ياخي كيشو ده ماحصل دخل بوست من بوستاتي أها النحاول

[justify]معقول ما دخلت بوست من بوستاتك؟
يعني شغالين نهجج في حفلات الناس التانيين؟
معناها إنت عندي زي رأفت ميلاد، محل ما نتلاقى نسوي المحل بيتنا
في حاجة تانية:
أنا كتير بتكلم (بيني وبين نفسي) مع بعض الأحباب، أكون داقي معاك حنك وانت ما جايب خبر [/justify]

إنّو المداخلة ذاتا كلام صوفيَة قلت بالمرَة نشوف رايك شنو.(رأي آخر)

[justify]أها في صوفية دي حأقول ليك: define لأني ما ضد التصوف المبني على توحيد الله، قبل مدة سمعت واحد في الراديو قال: أعظم الحرية هي أن تكون عبداً لله وحده لا شريك له [/justify]

[الرشيد اسماعيل محمود]

المشاركة الأصلية كتبت بواسطة كيشو
أها في صوفية دي حأقول ليك: define لأني ما ضد التصوف المبني على توحيد الله، قبل مدة سمعت واحد في الراديو قال: أعظم الحرية هي أن تكون عبداً لله وحده لا شريك له

والله ماخيّبت ظني..
غايتو كنت متوقعك ترد بنفس المعني دا.
مقولات الصوفيّة (المعتدلة) قاعد أقيف عندها كتير..
وبتعجبني لأنها كبيرة في معانيها ومدلولاتها..
عموما النظري حقهم متسامح،بس الكلام كلو في العملي..
ياخي عندهم ممارسات كدا بتخليك تقول ياخوّانا..!! قولو بسم الله.
أها هسع أعظم الحريّة أن تكون عبداً لله وحده لا شريك له..
مافي زول جايب ليهو خبر، كان قالو فيسلوف خوّاجة كان هسع مثبّت في الكتب.
غايتو انا بقرا ليهم كلامهم بس مما يجو للحضرة والحلول والــ شنو داك بفط الصّفحة.

[كيشو]

المشاركة الأصلية كتبت بواسطة الرشيد اسماعيل محمود

والله ماخيّبت ظني..
غايتو كنت متوقعك ترد بنفس المعني دا.
مقولات الصوفيّة (المعتدلة) قاعد أقيف عندها كتير..
وبتعجبني لأنها كبيرة في معانيها ومدلولاتها..
عموما النظري حقهم متسامح،بس الكلام كلو في العملي..
ياخي عندهم ممارسات كدا بتخليك تقول ياخوّانا..!! قولو بسم الله.
أها هسع أعظم الحريّة أن تكون عبداً لله وحده لا شريك له..
مافي زول جايب ليهو خبر، كان قالو فيسلوف خوّاجة كان هسع مثبّت في الكتب.
غايتو انا بقرا ليهم كلامهم بس مما يجو للحضرة والحلول والــ شنو داك بفط الصّفحة.

بالمناسبة التصوف زي الثورات، هناك من يسرقه أيضاً

[الرشيد اسماعيل محمود]

المشاركة الأصلية كتبت بواسطة كيشو
يعني شغالين نهجج في حفلات الناس التانيين؟
معناها إنت عندي زي رأفت ميلاد، محل ما نتلاقى نسوي المحل بيتنا
في حاجة تانية:
أنا كتير بتكلم (بيني وبين نفسي) مع بعض الأحباب، أكون داقي معاك حنك وانت ما جايب خبر

يمكن..
تكون طاقي معاي الحنك وأنا أقول مطنشني ليه..
طيّب كان أنا طنّشتك فاعلم بأني طاقي معاك الحنك بيني وبين نفسي.
قلت لي نهجج في حفلات التانيين..!!ههه
غايتو لمّا تروق، بتجيب من بيت الكلاوي .
إن شاءالله دايما ياخي.
وفي انتظار بوست (أنا إسمي مكتوب).

[محمد عبد الرحمن]

حليف شايفك بتساسق ما بين مشروع كاتب كبير و ما بين مشروع فيلسوف





ليك وحشة

[كيشو]

المشاركة الأصلية كتبت بواسطة الرشيد اسماعيل محمود

يمكن..
تكون طاقي معاي الحنك وأنا أقول مطنشني ليه..
طيّب كان أنا طنّشتك فاعلم بأني طاقي معاك الحنك بيني وبين نفسي.
قلت لي نهجج في حفلات التانيين..!!ههه
غايتو لمّا تروق، بتجيب من بيت الكلاوي .
إن شاءالله دايما ياخي.
وفي انتظار بوست (أنا إسمي مكتوب).

[justify]أنا قلت "داقي"
وإنت قلت "طاقي"
الفرق بين الدال والطاء سببو شنو؟ "على طريقة بيدي لا بيد عمرو"
(1) كيشو بشيل من طرف دولاب اللغة العربية، والرشيد بيغوص جووه
(2) كيشو بيعضي لسانو بي أسنانو، والرشيد بيعلق لسانو في السقف "سقف شنو"؟
(3) كيشو زول دق ساكت "ما خير بين أمرين إلا اختار الدق"
والله أخوك رايق روقة والغريبة مجاناً[/justify]

[نبراس السيد الدمرداش]

المشاركة الأصلية كتبت بواسطة محمد عبد الرحمن

حليف شايفك بتساسق ما بين مشروع كاتب كبير و ما بين مشروع فيلسوف





ليك وحشة

يحي العظام وهي رميم
سبحان الله سبحان الله

نورت البيت يا محمد
عليك الله و رسول مكه كيفن هان عليك تنسانا

[الرشيد اسماعيل محمود]

المشاركة الأصلية كتبت بواسطة محمد عبد الرحمن


حليف شايفك بتساسق ما بين مشروع كاتب كبير و ما بين مشروع فيلسوف

ليك وحشة

أب سفّة...!!!!
ده ما كلامي..ده كلام الجيلي لمّا لاقاك أوّل مرّة..
متذكر..؟؟
يااااه..
والله أمسية غريبة..
ياخي الحياة دي مرّات كدة ما تقدر تقول فيها شنو..
شارع النيل والنيل يحيط بك من جهة واحدة،
والسماء تحوطك بالعناية..
والعربات المارقة كما البرق في لحظة مخاض صاعقة ما..
والنخيل الواقف بلا عياء ينظر..
وصوت الأقدام علي الأسفلت هيّناً،ودوداً طيّبا..
وأنثي تقاسمكم المسير والقهوة المسائية الأخيرة..
لا بالله..
وتاني شنو..؟؟
هسع أقول ليك شنو..؟؟
متذكر كلامك الزمان داك..
ديـــــ شك ذاتو..
تعرف ياحليف..
لمّا تلقي نفسك مرّة كدة بالمجازفة، عبيء روحك بالمكان..
بس طوّالي بعد تمرق من المكان أنساهو..
ما تشيلو معاك ..
صدّقني خليهو وراك..
بيعذبك بالذكري..
يخليك زي تبكي وما تبكي..
زي العطسة الحرون ديك..عارفها صاح..
تقول تمرق وماتمرق..تتمني لو تمرق..
وتطلع ليك لسانها(العطسة طبعا) وتقول ليك ويييييي..
تقول ليها أمرقي تقول ليك أبيت.
أبيتي أبيتي.
ياخي مشتاقين إسفيريا ياخي.
محتاجين ونسة سمحة..
ونسة إسفيرية تجبُّ ما قبلها من غياب.
ثم..
كيفك ياطويل القامة والأحلام.
بالمناسبة ياحليف:
أنا كويّس..
تخيّل...!!

[محمد عبد الرحمن]

المشاركة الأصلية كتبت بواسطة نبراس السيد الدمرداش

نورت البيت يا محمد

البيت منور بيكم وعقبال ما ينور* بالخال قريب إن شاء الله

كيفنك يا نيبو عساك طيبة






*شايف التنوير و مشتقاتو بقت تبع بابكر عباس