اقتباس:
المشاركة الأصلية كتبت بواسطة بابكر عباس
طارق يا صديقي
و حات سيدي الحسن المنتدى براك كان خلا!
أمس يا طارق إتصل بي واحد خواجة صاحبي شغال في مزرعة بقر، قال لي عندنا حليب فائض (200 لتر) و الشيخ قال ما تدفقوهو، و محتارين نوديهو وين! قلت ليهو يا زول رسلو لي:
الصباح شلت اللبن وديتو للشفوت، حق الله بق الله و بعد شربت القهوة قلت ليهم جبت ليكم حليب كتير، بتقدروا تستفيدوا منو كلو؟ قالوا لي نشرب نحن، و إبلنا تشرب و الباقي بنعملوا روب و حرّم الشهر دا كلو ما بنشتري إلا الدقيق بس..
قلت ليهم آها حفلة وردي أمس كيف؟ قالوا لي دخلنا أبوخمسين و أول ما وردي طلع المسرح و الناس هاجت رفعنا الستارة و كبسنا على أبو مية و ماشين على أبومتين إلا وقفونا....
-آها كشفتو؟
- و الله الحبشية حتتو و حتيناهو معاها حت شديد
بسري قلت: كيتن في ناس أم درمان الساي ديل...
* وردي أمس غنى و جاب معاهو حبشية للوصلات
|
بابكر شكرا
ياخوى انا طارق دا عاشرت الناس ديل هنا
وعشت معاهم سنتين وزى وزيهم واحد والله
ساكنين معاى كانو فى خيمتى ولبسى
عراقى وسروال
ومركوب طوال السنة ومرات باتا
والله تشوفنى معاهم ما تفرزنى الا بكلامى
بعرفهم كويس جدا
هولا من طينة الصبر
وناس بصارة ولبنك دا لو حيرهم الباقى
بيجففوه والله
تخربمة :
الحاجة الوحيدة الماقدر يقنعونى
بيها انا اكل عصيدتهم
ملاحنا واحد بس انا بقراصتى
مانى شايقى اصلى ياخى
