اتحزمن يابنات دخري الحوبه فاااااااااااااااااااااااااااااااااااااات

[wageeda]

اتحزمن يا بنات دخري الحوبه فااااااااااااااااااااااااات
اتحزمن وتعالن ماااارقات
ارقصن زغردن فارس الحوبه مااااااااااااااات
جهجه الاخوان و يتم الاخواااااااااااااات
يتم الجنيااااااااااااات
فارس الحوبه فااات يانبراس
وما ودع الناس
فارس الحوبه مااات يا ايمان
وفتح بركااان احزان
فارس الحوبه ماااات ياحباب
وفجع الاصحاب
فارس الحوبه فااات ياجعفر
وخلي قلوبنا تتفطر
فارس الحوبه مات يارجاء
اخوك عمرو ما خيب رجا
فارس الحوبه فات يامهيرة
اخوك بحر الدميرة
فارس الحوبه فااااات يامريم
وخلي الفرح بعدوا وهم
فارس الحوبه فات ياأماني
دخري الحوبه وين ننلقاه تاني
فارس الحوبه فااات يااروي
والفجيعة يوم رحيل اقوي
دخري الحوبه لوين قبل
سمراء ما بستحمل
وسارة ماها بتقبل
دخري الحوبه الليله وين رحل
دخري الحوبه يا مرافي مقامو زحل
دخري الحوبه الليل قام عزل
وااااااضيق أسامه مابستحمل
دخري الحوبه مجرتق بالعديل والزين
دخري الحوبة فاااات فرحان من يومين
وخلي صديق وراشد حزنانين
مشي من وين ؟
جاي متين؟
ما نحن خرمانيين للشكيه لله
الحنين وكريم
ووب احيييييي علي ووووووووووووووووووووووووووبييييين
فراقك شين
فراقك شين
مين بعدك بكيل العين
مين بعدك بغشاه فرح وقلبو حزين
ابكن يابناااااااااااااااااااااات دخري الحوبه ماااااااااااااااااااااااااااااااااات
ابكي ياجيجي
ابكي جانيت ابكو سيد البيت
ولولي همس
ابكي ياميسون الدهب المصون
ابكي ياامنا الفراقوا محنا
ابكي ياقوت المن قلوبنا مابفوت
ابكي ياسحر الليله ماحكم القدر
ابكي يا هيفاء وسناء وتيسير
دا ما حزتا مرير وكثير
ابكي يامنال,,,,,, مافراق فوق الاحتمال
ابكن كلكن ابكن ضلكن
ابكن يابنااااااااااااااااااااااااااااااااات الفرح العدا وفااااااااااااااااااااااااااااااات
وفي ايدونوا اعز الحاجات
بكن كلكن
الله
الله
الله

[جيجي]

ليسمح لي ودبادي بنعيك بابياته تلك
ارمي الدمعة فوق الدمعتين ياعين
وبعد الليلة حابسها الدموع لمين

[جيجي]

رحيلك مو
رحيل اجيال ....
ورحيل بلدا تمام وكمال
ويالعرشت فوق نخل السواقي الشال
واتمددت فوق النيل من الشلال و لشلال
ويالهاجرته فوق ريش الرهو رحال
تظل مرسوم علي باب الليالي سؤال
بعد عشعشت في خاطر الغبش موال
واتبللت من الموية بين السعفة والبلال
بعد عرقك برق في ترابنا حد ما شال
واتمددت غادي وجاي
يمين وشمال
بعد الحال
منو البقدر يجيب غربال يغربل روحك المدسوسة في الاجيال
وفي نفس الدغش مبثوثة في الشتلة ونداها السال

[Sana Mursi]

الدموع مقدور عليها بتتقشى بمنديل
الكعب حرق الحشا ووجع القلب
اه يا الله

[جيجي]

شفنا روحيتك الشفافة ركبت هودج الاحزان
محمل فوق جناج ملكين
ودربو علي مشارف الواحد الديان
قوايمو شقايق النخل الوقع حزنان
مضفور بسعف يابس
مفرش بكباد اماتنا والحبان
مزمل بحبال صبرا فقدنا زمان
مضلل بالدموع شرقان ........
عجيب ياهودج الاحزان
مواسم الهجرة ما حانت ولا زمن الرحيل قد حان

[جيجي]

كلو جميل مصيروا يجي
ومصيروا يفوت بلاتخليد
كتاب الكون يظل مقفول
بلا خاتمة بلا تمهيد
وحتي النيل يكون مصيروا
مجرد موية شاقة البير
منو البيقدر يجيب ليكم خباراتو
رقصة موجو في الشاطئ
رواوشو , حكاياتو
رقاد القمرة جنب النجمة فوق رملة مراياتو

[جيجي]

واي اسفاي
واي اســــــــــفاي
واي اسفاي علي حرف الشمخ في الطول
وكيف الليلة في بطن التراب مسبول
حرام تبلينا يا ايام
حرام تملينا شوق وهيام
اتارينا بنشيل من حرفك الجواني يابلال
ونقعد في حواشي الحضرة وانت تكب علينا غمام
وماعارفين حروفك نازفة من شريان
من دم القليب الاصلوا مابريان
لما شربنا واتلفتنا ما لقيناك يا انسان
وشفنا روحيتك الشفافة ركبت هودج الاحزان

[Ibrahim]

الصبر والسلوان..

اللهم يا حنان يا منان..

إنك سميع مجيب الدعاء..
اللهم أرحمه وأسكنه فسيح جنّاتك
اللهم باعد بينه وبين خطاياه كما باعدت بين المشرق والمغرب
اللهم نقّه من الخطايا والذّنوب كما يُنَقّىَ الثّوب الأبيض من الدّنس
اللهم أغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم أجمعنا وإيّاه في مستقرّ رحمتك
اللهم إنّا نسألك بإسمك الأعظم أن توسّع مدخله
اللهم آنس في القبر وحشته
اللهم ثبّته عند السُّؤال
اللهم لقّنه حجّته
اللهم باعد القبر عن جنباته
اللهم أكفه فتنة القبر
اللهم أكفه ضمّة القبر
اللهم أجعل قبره روضةً من رياض الجّنّة ولا تجعله حفرة من حفر النار
اللهم إن كانت محسناً فزد في إحسانه ، وإن كانت مسيئاً فتجاوز عن سيّئاته
اللهم ألحقه بالشُّهداء
اللهم أفتح عليه نافذة من الجّنّة وأجعل قبره روضةً من رياضه

إنّا لله وإنّا إليه راجعون

[جيجي]

آه آه ياطويرة الاحزان
آه لو كان تعرفي البيه
جرحك انت صاب الريح
وجرحك ليه مسافر في النسيج الحي

[نبراس السيد الدمرداش]

ابكي ابو ساره الكلمتو ما حاره
ابكي اخو محمد الدهب المجمد
ابكي اخو صديق البفش الضيق
ابكي اخو رجاء الما خيب رجا
ابكي ابو حباب الجمع الاحباب
ابكي المهذب المؤدب
ابكي الفاهم الدارس
ابكي الطيب الحبيب
ابكي الضاحك الباسم
ابكي الخال البلال
ابكي مستور الفعال و الحال
احييييييييييييييييييييييي ياخال
احييييييييييييييييي يا عمود البيت الما بتقول ابيت
احييييييييييي في الما بيدي و يقول اديت وما بسوي ويقول سويت

[wageeda]

خالد يانيل ياوطن
مساء الخير
مساء حالك الظلمات
,,صبح جوابوا وهم
سلام يغشاك يامسدار نغم
ياغيبوبة حلم مذعج حنوطوا,,,,,,, الم
مالليل طويل واتوهط قلوبنا حزن
والموت ابتسم وتركنا ناقصنا الكفن
آآآبعدك الضحكات بجن
آآآبعدك آآآآآآآآآآآلاهات بجفن
مابعدك الفرح اندفن
والدموع سكنن حدقات العيون ومطرن هتن
وذادت مراسم وحشتك في غربة الليل المحن
وشيدت مواسم الوحشة الف معبد
والف قبر للاماني وصبح عشم لقياك
وهم
وهم
وهم
ورائحة حنوط اللحظة تتكهن حزن
لا يقبر ولا يندفن
يازول يا وطن

[جيجي]

وننعيك اذ نعاك الحردلو
--------

أخوي (خالد)
دا ياهو مصيرنا راجينا
نظل رَاجِنُّو كان روحنا كان جينا
وقُبَّال القدر ينزل تراهو حُكُمْ فراقو القاسي مُو رَضْيَان يَخَلِّينَا
تَرَانَا بلا خبر نَلْقَاكْ مفارق مَجْمَعْ الأصحاب
مغادر والرحيل يا أخوي غياب وإياب
مسافر وذكرتك باقية
معانا .. معانا ما بترحل ولا تَالاَنَا سَادِّي الباب
معانا .. معانا بي فِكْرَك
معانا .. معانا بي قَدْرَك
معانا .. معانا بي طيبتك
معانا .. معانا في حلوتنا والمُرَّة
ليالينا .. أماسينا .. مشاويرنا … ملماتنا
أهازيجنا … أغانينا
تظل فينا أخو أخوان وقِدَّامِي

[جيجي]

مواقفك والخُلُقْ سامي
مكانتك في القلوب عالي
علي أخوان صفاك غالي
وفي بنيان صداقة صح
ركن والله كنت الساس
مكانك ما بْيَسِدُّوا الناس
أصيل في الحارة يوت نلقاك قوي وصامد
شهامة عز بطون شايق
محبة ناس وطن خالد .. مودة ناس بلد واحد

[جيجي]

فراقك ضمة مُو هاين
تراهو على الوجوه باين نَوَدِّع ونحن ما قادرين
تَعَبِّر عن لسان الحال دموع العين
لسان الحال بيتمنى الرجوع لي سَالِف الأيام
بعد حال الشتات والبين
لسان الحال بيتمنى الصحاب في الغربة مِتْلَمِّين
لسان الحال بيتمنى لك الحال السمح والزين
لسان الحال بيتمنى لك العز والمكانة الفوق
لسان الحال بيتمنى لك الخير والرزق مدلوق
لسان الحال دموع العين
يقول لك في وداعة الواهب المنان
وداعاً يا أخو الأخوان …. وداعاً يا أخو الأخوان

[جيجي]

حليلنا … حليلنا وكتين الأماني تموت
نَصُد يا حسرة خالين الوفاض نرجع
نعوش محمولة في تابوت
نكون - يا حسرة - لا عايشين مع العايشين
ولا ميتين مع الميتين
مَحَلْ عِزْ الفراق والموت