منو المجنون فينا أنا ولا القذافي ولا البشير؟؟؟؟؟ - الصفحة 3

وراق · 26-02-2011, 06:18 AM

اقتباس:

مبروك عليك تاييد الانقاذ وان شاء الله يدفعوا ليك كويس عشان ما تطلع شايل وش القباحه بلوشي

كلامك ده يا سناء يا بت مرسي بزعل شديييد
وسبق لي في بوست مجاور وجه لي اخونا عبد النعم الطيب نفس الاتهامات، رديت عليهو زاق وتاني ما ظهر

اقتباس:

ليه كده يا ع المنعم؟
ليه بتصادر راي الاخرين؟
وليه بتلقي تهم تشكيكية جزافاً على شخص لا تعرفه؟
بتعرف عني شنو خلاف ما اكتبه؟
انا لم اتهم شخصاً في حياتي بي انو (بيسترزق) من معارضة الانقاذ وبحترم قناعات كل شخص، واقارعه الحجة بالحجة

انا أهو بقول ليك يا ع المنعم ليست لدي أي مصلحة (شخصية) مع الانقاذ
هل تصدقني؟

وبسألك برضو يا سناء
هل تصدقيني؟

ناصر يوسف · 26-02-2011, 07:31 AM

اقتباس:

المشاركة الأصلية كتبت بواسطة وراق

يا ناصر يا اخوي انت بتتكلم عن حاجات متأخرة شدييييد
الهيكلة دي جات بعد ما (هم) اتوهطوا ومدوا رجليهم
نحنا الناس الشاتوهم من قولة (تيت)، وتحديداً في مايو90
كنت سكرتير في النقابة العامة و ممثل للمهندسين بالهيئة
وكنا (أول) من نفذ اضراب (صامت) ضد الانقاذ
انت اكيد اشتغلت في فترة متأخرة، انا اعرف حوش التلفزيون فردا فردا، ولاّ يكون اخونا فتحي (عادانا) بالزهايمر بتاعو ده

الأخ

وراق

صباح الخير يا باش مهندس

أظن المعلومة دي ذكرتها إنت قبل كده في بوست آخر هنا عبر سودانيات

وإتداخلت معاك فيها وباركت ليك صراعك مع النظام في بدايته

90 - 91 دي نحن هيكلونا في المعهد العالي للموسيقي والمسرح وأنا طالب في السنة النهائية

برضو عملنا إعتصامنا الشهير وكان الكيزان جابوا لينا د. الطاهر حسين من اليمن مخصوووووووووووص عشان يقفل المعهد في وشنا لأجل غير مُسمي .. قالوا المعهد هو عبارة عن خلية شيوعيين

أربعة سنوات أكاديمية وأبواب المعهد العالي للموسيقي والمسرح كانت قاااااااااااافلة

وكنت ساعتها متواجد في بيتنا ( الحيشان التلاته ) الإذاعة / المسرح / التلفزيون

بس يا وراق وسؤال جاااااااااااادي بالطبع ليك ويا ريت ألقي لي عندك إجابة

بالرغم من إنك كنت من ضمن أول المتضررين من قوانين الصالح العام من الكيزان ... وإتشردتَ خارج وطنك ..

بالرغم من ده شايفك بتدافع عنهم ...

السؤال ...

لييييييييييييييييه ؟؟؟

فتحي مسعد حنفي · 26-02-2011, 08:55 AM

اقتباس:

المشاركة الأصلية كتبت بواسطة مكي محمد الحسن

حدثتني نفسي بأن هنالك غزوة مدبرة علي موقع سودانيات من الإنقاذ وذيولها
فتساءلت مجرد .. سؤال؟ لماذا؟

هو بالله يامكي انت بقيت تكتب بي اسم وراق...عفيت منك ياشفيق..بالمناسبة أنا متزوج بت شفيق وأخوها مجدي شفيق بتاع التلفزيون..

وراق · 26-02-2011, 10:34 AM

اقتباس:

بس يا وراق وسؤال جاااااااااااادي بالطبع ليك ويا ريت ألقي لي عندك إجابة

بالرغم من إنك كنت من ضمن أول المتضررين من قوانين الصالح العام من الكيزان ... وإتشردتَ خارج وطنك ..

بالرغم من ده شايفك بتدافع عنهم ...

السؤال ...

لييييييييييييييييه ؟؟؟

يا ناصر الموضوع طويل ويطول شرحه
العشرين سنة المرت دي، غيرت الكثير
انا لم آخذ الموضوع (شخصي)
عن نفسي سامحت من حقق معي واعتقلني (انا زرت بيوت الاشباح)، وفصلني وشردني خارج البلد
مع مساندتي التااامة لكل من فصل تعسفياً لأخذ حقه كاااملاً، وانا ما زلت مسجل في لجنة المفصولين تعسفياً التي تطالب باسترداد كاامل الحقوق
الانقاذ ارتكبت اخطاء في فترة ما يسمى بالتمكين، وانا لا أؤيدها ولكن (حالياً) أتفهمها بحكم الوقت والظرف الذي حدثت فيه

ويا (سناء) أنا عارضت الانقاذ وهي في قمة سطوتها وجبروتها و face to face موش خلف الكيبورد، ولي 21 سنة اعمل خارج السودان، فأي (مصلحة) تتوقعين اني أجنيها من الإنقاذ؟
تحياتي وودي

فتحي مسعد حنفي · 26-02-2011, 10:42 AM

اقتباس:

المشاركة الأصلية كتبت بواسطة وراق

يا ناصر الموضوع طويل ويطول شرحه
العشرين سنة المرت دي، غيرت الكثير
انا لم آخذ الموضوع (شخصي)
عن نفسي سامحت من حقق معي واعتقلني (انا زرت بيوت الاشباح)، وفصلني وشردني خارج البلد
مع مساندتي التااامة لكل من فصل تعسفياً لأخذ حقه كاااملاً، وانا ما زلت مسجل في لجنة المفصولين تعسفياً التي تطالب باسترداد كاامل الحقوق
الانقاذ ارتكبت اخطاء في فترة ما يسمى بالتمكين، وانا لا أؤيدها ولكن (حالياً) أتفهمها بحكم الوقت والظرف الذي حدثت فيه

ويا (سناء) أنا عارضت الانقاذ وهي في قمة سطوتها وجبروتها و face to face موش خلف الكيبورد، ولي 21 سنة اعمل خارج السودان، فأي (مصلحة) تتوقعين اني أجنيها من الإنقاذ؟
تحياتي وودي

انت نوع فريد من البشر جدير بالدراسة..

Sana Mursi · 26-02-2011, 12:36 PM

اقتباس:
المشاركة الأصلية كتبت بواسطة وراق

كلامك ده يا سناء يا بت مرسي بزعل شديييد
وسبق لي في بوست مجاور وجه لي اخونا عبد النعم الطيب نفس الاتهامات، رديت عليهو زاق وتاني ما ظهر

وبسألك برضو يا سناء
هل تصدقيني؟

عارف ليه عشان عمائل الانقاذ ظاهره وبائنه وما بيتغالطوا عليها اتنين ومن يوم ما جوا هم تاريخهم قتل وتعزيب وسرقات بالمليارات وكل من ينتمي للانقاذ حالهم اتغير 180 درجه من ما قبل وبعد الانتماء وكل الناس الما عندها علاقه بيهم عائش في البلد كانهم مجرد دخلاء ما مواطنين واتسرحوا للصالح العام بس لانهم ما مؤتمرجيه. ومنهم اختي وزوجها اترفدوا من شغلهم بدون وجه حق واختي عندها ماجستير وكانت منحه من المعونه الامريكيه وعملت الدكتوراه وعلى حسابها الخاص وبعد اجتهادها ده كله ما في جامعه عايزه تشغلها لانها ما مؤتمرجيه وما عندها مؤتمرجي يتوسط ليها.

Hassan Farah · 26-02-2011, 12:50 PM

اقتباس:

المشاركة الأصلية كتبت بواسطة وراق

يا ناصر الموضوع طويل ويطول شرحه
العشرين سنة المرت دي، غيرت الكثير
انا لم آخذ الموضوع (شخصي)
عن نفسي سامحت من حقق معي واعتقلني (انا زرت بيوت الاشباح)، وفصلني وشردني خارج البلد
مع مساندتي التااامة لكل من فصل تعسفياً لأخذ حقه كاااملاً، وانا ما زلت مسجل في لجنة المفصولين تعسفياً التي تطالب باسترداد كاامل الحقوق
الانقاذ ارتكبت اخطاء في فترة ما يسمى بالتمكين، وانا لا أؤيدها ولكن (حالياً) أتفهمها بحكم الوقت والظرف الذي حدثت فيه

[frame="1 50"]ويا (سناء) أنا عارضت الانقاذ وهي في قمة سطوتها وجبروتها و face to face موش خلف الكيبورد، ولي 21 سنة اعمل خارج السودان، فأي (مصلحة) تتوقعين اني أجنيها من الإنقاذ؟
تحياتي وودي [/frame]

.................................................. ........................
والله يا وراق ياخى كلامك دا عايز ليهو فهامة عشان الواحد يستوعبو ... قدر ما قلبتو جاى وجاى.. ابدا ما بيتهضم...فارجوك تشرح لينا باسهاب.. ما هو التغيير الايجابى الذى حدث للانقاذ بحيث اصبحت انت تتسامح معاها.. او ربما انت ذات نفسك اتغيرت وتخلصت من افكارك القديمة وبالتالى وجدت ما يوافقك فى الانقاذ... اتمنى ان تكون واضحا معنا...

Sana Mursi · 26-02-2011, 12:54 PM

اقتباس:
المشاركة الأصلية كتبت بواسطة وراق

يا ناصر الموضوع طويل ويطول شرحه
العشرين سنة المرت دي، غيرت الكثير
انا لم آخذ الموضوع (شخصي)
عن نفسي سامحت من حقق معي واعتقلني (انا زرت بيوت الاشباح)، وفصلني وشردني خارج البلد
مع مساندتي التااامة لكل من فصل تعسفياً لأخذ حقه كاااملاً، وانا ما زلت مسجل في لجنة المفصولين تعسفياً التي تطالب باسترداد كاامل الحقوق
الانقاذ ارتكبت اخطاء في فترة ما يسمى بالتمكين، وانا لا أؤيدها ولكن (حالياً) أتفهمها بحكم الوقت والظرف الذي حدثت فيه

ويا (سناء) أنا عارضت الانقاذ وهي في قمة سطوتها وجبروتها و face to face موش خلف الكيبورد، ولي 21 سنة اعمل خارج السودان، فأي (مصلحة) تتوقعين اني أجنيها من الإنقاذ؟
تحياتي وودي

انا عندي قريبي عامل مؤتمرجي ومغترب في جده وعمره ما اشتغل في السودان لكن عندو مخصصات من اراضي وقروش وبتجيه لانو معاهم و بيدافع عنهم ونحنا اتبرينا منه وطردناه من منتدانا لانو كان بيحاول يعمل بيخلق مشاكل واتسبب في كتير من الدمار وسط الناس لدرجة انو عمل منتدى تاني ومسخروا للدفاع عن حكومة الانقاذ.
وسيبك من جده حتى هنا في استراليا في ناس انتموا للمؤتمر الوطني عشان المصلحه الشخصيه رغم انهم جوا هنا لجوء سياسي وهاربين من الانقاذ لكن لما جاء السفير في ماليزيا وقال عايز يعملوا سفاره سودانيه كانبرا قدم ليهم اغراءات وبقوا يتهدنسوا ليه ولكن الاغلبيه رفضت اي سفاره هنا لحكومة الانقاذ لاننا كلنا خلينا ليهم البلد وعندنا جوازات استراليه.
ولعلمك انا انتقدت الحكومه في السودان وفي الشارع و في تجمع لابناء منطقتنا وقلت انا ما بخاف الا من الخلقني وانا دخلت بي جوازي السوداني عشان ما ادفع ذي كل مره 110 دولار على الجواز لانو القروش دي ما بتمشي للبلد ولكن بتمشي لكروش البشير وحكومته الما بيملاها حتى التراب.
وانتقدت الحكومه وعمائلها في جنبي نادي الشرطه في بري وفي الشارع لاني لاقيت طفلين في كبري كوبر طاردينهم من المدرسه عشان ما دفعوا 50 الف رسوم وحالهم يغني عن السؤال وامهاتهم بيبيعوا شاي جنب نادي الشرطه ومشيت معاهم لقيت امهاتهم ما جوا اليوم داك ركبتهم المواصلات وشلت معلوماتهم واتصلت بصحبتي صحفيه واديتها اسم المدرس واساميهم واسامي امهاتهم عشان يردعوا المدير ووزارة التربيه, في ذمتك دي حكومه يدافعوا عنها؟

وراق · 26-02-2011, 02:29 PM

مرحب يا شباب
ويا سناء يبدو انك موطنة نفسك ان لا تقتنعي ابدا بي انو ممكن يكون في شخص مؤيد للانقاذ بدون ان تكون لديه مصلحة شخصية، وربما يكون العيب فيني لاني لم استطيع طرح حجج وبراهين مقنعة لك، آمل ان يستطيع (الزمن) ان يغير هذه النظرة وتقتنعي انو ممكن يكون هناك أشخاص تهمهم مصلحة الوطن فقط ويظنوا أن مصلحة الوطن في بقاء الانقاذ
أنا اصدق قصة أختك، واتعاطف معها جداً، واستغرب جداً أن لا تجد عمل في الوقت الحالي الذي انتشرت فيه الجامعات والشركات الخاصة، انا على يقين بأن سياسة (التمكين) ليست كما كانت في التسعينات، وأن المؤهلين جيداً يجدوا حظهم، وأعلم تحديداً معارض شيوعي (كان مرشح في دائرة) وآخر جمهوري يتبوأآن مواقع تقنية قيادية في مؤسسة حساسة جدا
أعيب على الكثيرين أن يحكموا على انجاز حكومة كامل بناءاً على خبرة حياتية شخصية تدور حول اقارب (مؤهلون) لم يتحصلوا على وظائف بسبب معارضتهم أو أقارب (غير مؤهلون) حصلوا على مكاسب، ويتناسوا النظر للصورة الشاملة global picture التي يتطلب النظر لها التجرد الكامل
الانقاذ لم تعد هي الجبهة الاسلامية التي قادت الانقلاب في 89
الانقاذ اصبحت (ثورة مجتمع) كامل
يا جماعة ما ننكر انو الكيزان ديل (ناس شغل)، واشتغلوا في البلد دي شغل شديد وطوروها ونموها بصورة كبيرة، ما داير اعدد ليكم انجازاتهم لأني متأكد انكم تعرفوها حق المعرفة، واي جاهل بيقدر يعرف ببساطة كنا وين وبقينا وين، ولو كانت الاحزاب الطائفية حاكمانا كنا بنكون وين

يا حسن أنا تفكيري ومنهجي لم يتغير
كنت وما زلت (مثلاً) غير مؤيد للدولة الدينية
كنت وما زلت مقتنع تماماً انو الشعب السوداني غير مؤهل (حالياً) للديمقراطية ويحتاج (لبعض) الوصاية، وانو الديمقراطية ليست (غاية) في حد ذاتها وانما وسيلة لغايات اسمى
انا لم اعارض الانقاذ لانها عملت انقلاب، وانما لان الانقلاب قامت بيهو الجبهة الاسلامية، ولو قام به (غيرهم) لأيدتهم من أول يوم
(انا يوم الانقلاب كنت بالتلفزيون، وكنت المهندس المسؤول يومئذٍ، ولدي معلومات لم تنشر حتى تاريخه)
نحنا من جيل مايو، وما حضرنا الديمقراطيات السابقة، و من خلال اتحاد جامعة الخرطوم (اتحاد الدقير)، قومنا الانتفاضة، وحصدنا الهشيم، وبقينا ندعو الله ان يقلبها احدهم، اياً كان
دي رؤوس اقلام فقط يا حسن، وتحتاج لتفصيل كتييير
تحياتي وودي

Sana Mursi · 26-02-2011, 03:03 PM

اختي شغاله في جامعتين خاصات لكن ما لفت فرصه تشتغل في جامعه حكوميه. يعني جامعات الحكومه فيها محسوبيه وواسطات للمؤتمرجيه فقط وانا باعرف واحد دفعتي يعني اصغر من اختي ب 10 سنوات وما مؤهله ذيها وفي نفس مجال اختي وشغاله عميدة كليه في الجامعه الاسلاميه وبس لانها مؤتمرجيه

وراق · 26-02-2011, 03:09 PM

ما كمان يا سناء يا بتي ما ممكن كمان زولة (شيوعية) يبقوقوها عميدة في (الجامعة الاسلامية)

انا بمزح طبعاً
وانا راي القطاع الخاص افضل، وفيهو فرصة تطور أكتر

Sana Mursi · 26-02-2011, 03:20 PM

اقتباس:
المشاركة الأصلية كتبت بواسطة وراق

ما كمان يا سناء يا بتي ما ممكن كمان زولة (شيوعية) يبقوقوها عميدة في (الجامعة الاسلامية)
انا بمزح طبعاً
وانا راي القطاع الخاص افضل، وفيهو فرصة تطور أكتر

you are so funny, but I can't laugh

ناصر يوسف · 26-02-2011, 04:00 PM

اقتباس:

المشاركة الأصلية كتبت بواسطة وراق

يا ناصر الموضوع طويل ويطول شرحه
العشرين سنة المرت دي، غيرت الكثير
انا لم آخذ الموضوع (شخصي)
عن نفسي سامحت من حقق معي واعتقلني (انا زرت بيوت الاشباح)، وفصلني وشردني خارج البلد
مع مساندتي التااامة لكل من فصل تعسفياً لأخذ حقه كاااملاً، وانا ما زلت مسجل في لجنة المفصولين تعسفياً التي تطالب باسترداد كاامل الحقوق
الانقاذ ارتكبت اخطاء في فترة ما يسمى بالتمكين، وانا لا أؤيدها ولكن (حالياً) أتفهمها بحكم الوقت والظرف الذي حدثت فيه

وراق يا أخوي

سلام

كدي وبرااااااااحه كده

تعال وريني سر تسامحك ده مع الإنقاذ

تعال وأشرح الموجب منهم تجاه السالب

وقولبها لي هنا ده يمين وشمال

إحتمال تقنعني وتقنع ناس كتار تانيين بإنو الإنقاذ هي الأفضل في حكم الوطن

ربببببببببببما تقنعني أنا علي أقلَّ تقدير

بس بالراااااااااااااااحه كده وواااااااااااااااااحدة واحدة

وكما تفضلت إنت يا باش مهندس بإنو الموضوع طويل ويطول شرحو

أنا متوهط هنا وفي إنتظارك

طارق الحسن محمد · 26-02-2011, 04:04 PM

اقتباس:

المشاركة الأصلية كتبت بواسطة وراق

إنتو
كدي النسألكم سؤال:
المداخلات التلاتة الفوق دي:
مرسي
حنفي
تركي
هل انا في منبر (سودانيات) ولّا (طشيت)

لا
طشيت

طارق الحسن محمد · 26-02-2011, 04:13 PM

اقتباس:

الانقاذ لم تعد هي الجبهة الاسلامية التي قادت الانقلاب في 89
الانقاذ اصبحت (ثورة مجتمع) كامل

لا ياخى ............

26-02-2011, 12:36 PM	#[36]
Sana Mursi :: كــاتب نشــط::	اقتباس: المشاركة الأصلية كتبت بواسطة وراق كلامك ده يا سناء يا بت مرسي بزعل شديييد وسبق لي في بوست مجاور وجه لي اخونا عبد النعم الطيب نفس الاتهامات، رديت عليهو زاق وتاني ما ظهر وبسألك برضو يا سناء هل تصدقيني؟ عارف ليه عشان عمائل الانقاذ ظاهره وبائنه وما بيتغالطوا عليها اتنين ومن يوم ما جوا هم تاريخهم قتل وتعزيب وسرقات بالمليارات وكل من ينتمي للانقاذ حالهم اتغير 180 درجه من ما قبل وبعد الانتماء وكل الناس الما عندها علاقه بيهم عائش في البلد كانهم مجرد دخلاء ما مواطنين واتسرحوا للصالح العام بس لانهم ما مؤتمرجيه. ومنهم اختي وزوجها اترفدوا من شغلهم بدون وجه حق واختي عندها ماجستير وكانت منحه من المعونه الامريكيه وعملت الدكتوراه وعلى حسابها الخاص وبعد اجتهادها ده كله ما في جامعه عايزه تشغلها لانها ما مؤتمرجيه وما عندها مؤتمرجي يتوسط ليها.
Sana Mursi :: كــاتب نشــط::	التوقيع: الي جنات الخلد يا خالد

26-02-2011, 12:54 PM	#[38]
Sana Mursi :: كــاتب نشــط::	اقتباس: المشاركة الأصلية كتبت بواسطة وراق يا ناصر الموضوع طويل ويطول شرحه العشرين سنة المرت دي، غيرت الكثير انا لم آخذ الموضوع (شخصي) عن نفسي سامحت من حقق معي واعتقلني (انا زرت بيوت الاشباح)، وفصلني وشردني خارج البلد مع مساندتي التااامة لكل من فصل تعسفياً لأخذ حقه كاااملاً، وانا ما زلت مسجل في لجنة المفصولين تعسفياً التي تطالب باسترداد كاامل الحقوق الانقاذ ارتكبت اخطاء في فترة ما يسمى بالتمكين، وانا لا أؤيدها ولكن (حالياً) أتفهمها بحكم الوقت والظرف الذي حدثت فيه ويا (سناء) أنا عارضت الانقاذ وهي في قمة سطوتها وجبروتها و face to face موش خلف الكيبورد، ولي 21 سنة اعمل خارج السودان، فأي (مصلحة) تتوقعين اني أجنيها من الإنقاذ؟ تحياتي وودي انا عندي قريبي عامل مؤتمرجي ومغترب في جده وعمره ما اشتغل في السودان لكن عندو مخصصات من اراضي وقروش وبتجيه لانو معاهم و بيدافع عنهم ونحنا اتبرينا منه وطردناه من منتدانا لانو كان بيحاول يعمل بيخلق مشاكل واتسبب في كتير من الدمار وسط الناس لدرجة انو عمل منتدى تاني ومسخروا للدفاع عن حكومة الانقاذ. وسيبك من جده حتى هنا في استراليا في ناس انتموا للمؤتمر الوطني عشان المصلحه الشخصيه رغم انهم جوا هنا لجوء سياسي وهاربين من الانقاذ لكن لما جاء السفير في ماليزيا وقال عايز يعملوا سفاره سودانيه كانبرا قدم ليهم اغراءات وبقوا يتهدنسوا ليه ولكن الاغلبيه رفضت اي سفاره هنا لحكومة الانقاذ لاننا كلنا خلينا ليهم البلد وعندنا جوازات استراليه. ولعلمك انا انتقدت الحكومه في السودان وفي الشارع و في تجمع لابناء منطقتنا وقلت انا ما بخاف الا من الخلقني وانا دخلت بي جوازي السوداني عشان ما ادفع ذي كل مره 110 دولار على الجواز لانو القروش دي ما بتمشي للبلد ولكن بتمشي لكروش البشير وحكومته الما بيملاها حتى التراب. وانتقدت الحكومه وعمائلها في جنبي نادي الشرطه في بري وفي الشارع لاني لاقيت طفلين في كبري كوبر طاردينهم من المدرسه عشان ما دفعوا 50 الف رسوم وحالهم يغني عن السؤال وامهاتهم بيبيعوا شاي جنب نادي الشرطه ومشيت معاهم لقيت امهاتهم ما جوا اليوم داك ركبتهم المواصلات وشلت معلوماتهم واتصلت بصحبتي صحفيه واديتها اسم المدرس واساميهم واسامي امهاتهم عشان يردعوا المدير ووزارة التربيه, في ذمتك دي حكومه يدافعوا عنها؟
Sana Mursi :: كــاتب نشــط::	التوقيع: الي جنات الخلد يا خالد

26-02-2011, 02:29 PM	#[39]
وراق :: كــاتب نشــط::	مرحب يا شباب ويا سناء يبدو انك موطنة نفسك ان لا تقتنعي ابدا بي انو ممكن يكون في شخص مؤيد للانقاذ بدون ان تكون لديه مصلحة شخصية، وربما يكون العيب فيني لاني لم استطيع طرح حجج وبراهين مقنعة لك، آمل ان يستطيع (الزمن) ان يغير هذه النظرة وتقتنعي انو ممكن يكون هناك أشخاص تهمهم مصلحة الوطن فقط ويظنوا أن مصلحة الوطن في بقاء الانقاذ أنا اصدق قصة أختك، واتعاطف معها جداً، واستغرب جداً أن لا تجد عمل في الوقت الحالي الذي انتشرت فيه الجامعات والشركات الخاصة، انا على يقين بأن سياسة (التمكين) ليست كما كانت في التسعينات، وأن المؤهلين جيداً يجدوا حظهم، وأعلم تحديداً معارض شيوعي (كان مرشح في دائرة) وآخر جمهوري يتبوأآن مواقع تقنية قيادية في مؤسسة حساسة جدا أعيب على الكثيرين أن يحكموا على انجاز حكومة كامل بناءاً على خبرة حياتية شخصية تدور حول اقارب (مؤهلون) لم يتحصلوا على وظائف بسبب معارضتهم أو أقارب (غير مؤهلون) حصلوا على مكاسب، ويتناسوا النظر للصورة الشاملة global picture التي يتطلب النظر لها التجرد الكامل الانقاذ لم تعد هي الجبهة الاسلامية التي قادت الانقلاب في 89 الانقاذ اصبحت (ثورة مجتمع) كامل يا جماعة ما ننكر انو الكيزان ديل (ناس شغل)، واشتغلوا في البلد دي شغل شديد وطوروها ونموها بصورة كبيرة، ما داير اعدد ليكم انجازاتهم لأني متأكد انكم تعرفوها حق المعرفة، واي جاهل بيقدر يعرف ببساطة كنا وين وبقينا وين، ولو كانت الاحزاب الطائفية حاكمانا كنا بنكون وين يا حسن أنا تفكيري ومنهجي لم يتغير كنت وما زلت (مثلاً) غير مؤيد للدولة الدينية كنت وما زلت مقتنع تماماً انو الشعب السوداني غير مؤهل (حالياً) للديمقراطية ويحتاج (لبعض) الوصاية، وانو الديمقراطية ليست (غاية) في حد ذاتها وانما وسيلة لغايات اسمى انا لم اعارض الانقاذ لانها عملت انقلاب، وانما لان الانقلاب قامت بيهو الجبهة الاسلامية، ولو قام به (غيرهم) لأيدتهم من أول يوم (انا يوم الانقلاب كنت بالتلفزيون، وكنت المهندس المسؤول يومئذٍ، ولدي معلومات لم تنشر حتى تاريخه) نحنا من جيل مايو، وما حضرنا الديمقراطيات السابقة، و من خلال اتحاد جامعة الخرطوم (اتحاد الدقير)، قومنا الانتفاضة، وحصدنا الهشيم، وبقينا ندعو الله ان يقلبها احدهم، اياً كان دي رؤوس اقلام فقط يا حسن، وتحتاج لتفصيل كتييير تحياتي وودي
وراق :: كــاتب نشــط::

26-02-2011, 03:03 PM	#[40]
Sana Mursi :: كــاتب نشــط::	اختي شغاله في جامعتين خاصات لكن ما لفت فرصه تشتغل في جامعه حكوميه. يعني جامعات الحكومه فيها محسوبيه وواسطات للمؤتمرجيه فقط وانا باعرف واحد دفعتي يعني اصغر من اختي ب 10 سنوات وما مؤهله ذيها وفي نفس مجال اختي وشغاله عميدة كليه في الجامعه الاسلاميه وبس لانها مؤتمرجيه
Sana Mursi :: كــاتب نشــط::	التوقيع: الي جنات الخلد يا خالد

26-02-2011, 03:09 PM	#[41]
وراق :: كــاتب نشــط::	ما كمان يا سناء يا بتي ما ممكن كمان زولة (شيوعية) يبقوقوها عميدة في (الجامعة الاسلامية) انا بمزح طبعاً وانا راي القطاع الخاص افضل، وفيهو فرصة تطور أكتر
وراق :: كــاتب نشــط::

26-02-2011, 03:20 PM	#[42]
Sana Mursi :: كــاتب نشــط::	اقتباس: المشاركة الأصلية كتبت بواسطة وراق ما كمان يا سناء يا بتي ما ممكن كمان زولة (شيوعية) يبقوقوها عميدة في (الجامعة الاسلامية) انا بمزح طبعاً وانا راي القطاع الخاص افضل، وفيهو فرصة تطور أكتر you are so funny, but I can't laugh
Sana Mursi :: كــاتب نشــط::	التوقيع: الي جنات الخلد يا خالد