اعتذار بأمل الوصول إلى منتديات سودانيات

أسعد · 10-03-2011, 11:19 AM

أعزائي إدارة وأعضاء منتدى سودانيات
بكل بلاغة النابغة الذبياني أصوغ إليكم اعتذاري واسفي حيث أني كنت السبب فيما حدث ليلة أمس من مشكلة إغلاق المنتدى من قبل الهوستينغ
برر العمدة عكود أنو المشكلة كانت في تخطي الحد المسموح في الداتا

وإليكم خطيء الذي ساهم في تخطي الحد المسموح في الداتا
حيث كنت أن طلبت من الادارة بتسجيل الصديق (خالد غالي)
ومشكورة الادارة قامت بسرعة تلبية التسجيل
وكان ليلة أمس أن تم منح صديقنا خالد عبدالوهاب محمد الملقب ب (خالد غالي)
باسويرد جديد وفي غاية الجمال
وإذا بي أتفاجأ في إنه ليلة أمس تم أغلاق المنتدى
الآن أنا عرفت إنك قدر شنو نحس يا خالد
لا حولاااااااااااااااااااااااااااا
أي نحسٍ يحتويك يا خالد
وكمان خليت المنتدى يتعدى الحد المسموح في الداتا
لا حولاااااااااااااااااااااااااا

اخوتي الآن أصوغ إليكم غاية أسفي ومبلغ اعتذاري مغلفة ببلاغة النابغة الذبياني
عسى ولعل أن تشفع لي ذلتي وغلطتي هذه

غايتو لو قبلتوا اعتذاري كان بها
ما قبلتوهو علي كيفكم
فالزول النحس دا من ناس القرير
وأنا بتربطني بيهو مجرد صداقة لا اكثر ولا أقل
يعني ما اظن نحستو بالصداقة
لأنو النحس بتم بالوراثة

سمراء · 10-03-2011, 11:24 AM

اذاً ....هى الحرب على خالد غالى

لكن ياخ خالد ده اظرف زول لاقيتو !
وشدة مازول خفيف ورهيف لمن طاير
فما اظن بكون هو سبب النكسة !
وانما بكون اليوم داك ماكل قراصة بتاعة الشوايقة اهلو ديك
ومتقل
عشان كدى الداتا قلبه الشيل

خالد غالى نرحب بيك ياخ
وادخل " بدون القراصة " عليك الله

أسعد · 10-03-2011, 11:26 AM

بصراحة يا سمراء أنا كنت عارف أنه زول نحس
لكن ما كنت قايلوا قدر دا

سمراء · 10-03-2011, 11:28 AM

اقتباس:

المشاركة الأصلية كتبت بواسطة وجدي الأسعد الأسعد

بصراحة يا سمراء أنا كنت عارف أنه زول نحس
لكن ما كنت قايلوا قدر دا

هو بينى وبينك من ناحية نحس ...فحدث ولا حوراج
بس اسع ماعاوذين نضرب محاثيثو وهو جديد
كدى خليهو لامن يدخل ونقوم نفتو

عكــود · 10-03-2011, 11:29 AM

سلام يا وجدي،

أوّلاً ألف مرحب بخالد غالي.
ثانياً، شايفك ،وبكل بلاغة النابغة الذبياني، نسبت لي سبب النحس المتوارث بقولك:

اقتباس:

فالزول النحس دا من ناس القرير
وأنا بتربطني بيهو مجرد صداقة لا اكثر ولا أقل
يعني ما اظن نحستو بالصداقة
لأنو النحس بتم بالوراثة

و لو ما كنت إتداخلت في بوست القرير، كنت بدّيك (البنفت أوف ذا داوت)، لكنّك يا الحبيّب إتجدّعت بي غادي.

بس برضو مقبولة منّك، ما دام جبت لينا الغالي ود الغالياب.

أسعد · 10-03-2011, 11:29 AM

ياخ جديد شنو يا سمراء؟!
دا أقدم من شلتوت حبوبتي
زول صعلوك سايبر من سنة دقوا الالياف البصرية
ومسألة تنقلوا من بكان لي بكان عندو عااااااادي

بعدين في زول نحس عندو محاثيث
طبعاً لاع
لانو لو عندو محاثيث ، فاكيد طبعاً حيقوم ينتحر
ودي حكمة ربانية إنه نزع من أي زول نحس محاثيثو

سمراء · 10-03-2011, 11:32 AM

الليلة والليلة
جاك العمدة سخصيا

شكلك بقت عليك قصة توم مع الكلب صاحب جيرى
كروووووورك

اعتزر ياخ
اعتزر قبل ما الهناى القالو عكود بنفت ولا الشنو داك !!

أسعد · 10-03-2011, 11:33 AM

أووووو العمدة
غايتو عشان أمرقها من روحي
ما تقوموا ترموها فوقي وتطلعوني أنا برضو نحس
عشان كدة ختيت الأمور في نصابها

الظريفة أول أمس وريتو البوست بتاع القرير
وقلت ليهو كتر خير أصحابي مبر والرشيد وعظمائنا بدري والنور
إنهم بحسن بلاغتهم ونفاذ بصيرتهم قدروا صلحوا صورة القرير

اتلحني ليك ووراني النجوم عز الضهر

اروي حامد عبد الله حامد · 10-03-2011, 12:24 PM

وجدي الأسعد2 سلامات

يعني اسع السبب انت ولا خالد

غير كدا شنو الدخلة (بكل بلاغة النابغة الذبياني أصوغ إليكم اعتذاري واسفي ) بتخدع في الإدارة عايز ترحب بصديقك بس مغلفه بي إعتذار

ياوجدي اعتذارك مابفيدك وشايفاك محاور الادارة جديد (سمراء) وقديم (عكود) البوست دا مفروض يمشي منتدي الحوار لموافاته كل الشروط

(خباثة وكدا)

يا خالد ياغالي اتفضل طوالي ووجدي دا ماتشتغل بيه الشغلة

فتحي مسعد حنفي · 10-03-2011, 12:39 PM

اقتباس:

المشاركة الأصلية كتبت بواسطة اروي حامد عبد الله حامد

وجدي الأسعد2 سلامات

يعني اسع السبب انت ولا خالد

غير كدا شنو الدخلة (بكل بلاغة النابغة الذبياني أصوغ إليكم اعتذاري واسفي ) بتخدع في الإدارة عايز ترحب بصديقك بس مغلفه بي إعتذار

ياوجدي اعتذارك مابفيدك وشايفاك محاور الادارة جديد (سمراء) وقديم (عكود) البوست دا مفروض يمشي منتدي الحوار لموافاته كل الشروط

(خباثة وكدا)

يا خالد ياغالي اتفضل طوالي ووجدي دا ماتشتغل بيه الشغلة

طول عمري أقول عليك ذكية وبتفهميها طايرة بس لسانك طويل.ودا فعلا تحايل علي نقل البوست للاجتماعي مع انو بوست ترحيب ذبياني مستتر

أسعد · 10-03-2011, 12:40 PM

أكاد أشك إنه اروى دي حسس
أو بتمتع بصفة من صفات الجكس
لانو مافي جكسوية بت مقنعة بتقدر تبلع كلام لي راجل
شكيتك علي الله ياخ
ويا رب الحجر الألقمتيني بيهو دا يفلقوك بيهو

لكن البوست ما بوست ترحيب
الود به حياء ، احتار يدخل كيف
قال لي ما عارف أبدأ من وين
بالعربي الفصيح (داشو رايس)
فقمت فتحت البوست دا عشان استفذوا وكدة

اروي حامد عبد الله حامد · 10-03-2011, 01:23 PM

اقتباس:

المشاركة الأصلية كتبت بواسطة فتحي مسعد حنفي

طول عمري أقول عليك ذكية وبتفهميها طايرة بس لسانك طويل.ودا فعلا تحايل علي نقل البوست للاجتماعي مع انو بوست ترحيب ذبياني مستتر

[justify]اووووووو عمو فتحي ولا ذكية ولا حاجة انا اروي ياخ ما فهمتها طائرة بس هكذا قد خُيل لي وجدي عامل فيها مفتح قلتا النجس نبضو [/justify]

اروي حامد عبد الله حامد · 10-03-2011, 01:27 PM

اقتباس:

المشاركة الأصلية كتبت بواسطة وجدي الأسعد الأسعد

أكاد أشك إنه اروى دي حسس
أو بتمتع بصفة من صفات الجكس
لانو مافي جكسوية بت مقنعة بتقدر تبلع كلام لي راجل
شكيتك علي الله ياخ
ويا رب الحجر الألقمتيني بيهو دا يفلقوك بيهو

لكن البوست ما بوست ترحيب
الود به حياء ، احتار يدخل كيف
قال لي ما عارف أبدأ من وين
بالعربي الفصيح (داشو رايس)
فقمت فتحت البوست دا عشان استفذوا وكدة

[justify]وجدي ماتتحسس ياخ وتخليك حسيس اختك ماحسسة بس حست بي كلام وقالتو غايتو تحسسو الواحد

حياء حمي هو مايدخل بي رجلو اليمين وخلاس هو زاتو في المظاهرات القايمة دي مابيفرزوه قول ليه خش خشوشك سااااااكت ولاتخشي لومة لائم

[/justify]

سارة · 10-03-2011, 01:28 PM

ياخ زول اسمو خالد بيكون نحس؟؟؟
يا وجدى انا من زمان داير لى سبب لى كوماج كارب معاك
خلينى ارحب بالجميل خالد ود القرير وبعدين برجع ليك
قال نحس قال{ وش طافى عينو اليمين}

ابرا · 10-03-2011, 01:34 PM

اقتباس:

المشاركة الأصلية كتبت بواسطة سارة

ياخ زول اسمو خالد بيكون نحس؟؟؟
يا وجدى انا من زمان داير لى سبب لى كوماج كارب معاك
خلينى ارحب بالجميل خالد ود القرير وبعدين برجع ليك
قال نحس قال{ وش طافى عينو اليمين}

افوووووووووو يا ستهم دا شنو البسوي فيه دا وقدامي (وش زول غمران)

10-03-2011, 11:19 AM	#[1]
أسعد :: كــاتب نشــط::	اعتذار بأمل الوصول إلى منتديات سودانيات أعزائي إدارة وأعضاء منتدى سودانيات بكل بلاغة النابغة الذبياني أصوغ إليكم اعتذاري واسفي حيث أني كنت السبب فيما حدث ليلة أمس من مشكلة إغلاق المنتدى من قبل الهوستينغ برر العمدة عكود أنو المشكلة كانت في تخطي الحد المسموح في الداتا وإليكم خطيء الذي ساهم في تخطي الحد المسموح في الداتا حيث كنت أن طلبت من الادارة بتسجيل الصديق (خالد غالي) ومشكورة الادارة قامت بسرعة تلبية التسجيل وكان ليلة أمس أن تم منح صديقنا خالد عبدالوهاب محمد الملقب ب (خالد غالي) باسويرد جديد وفي غاية الجمال وإذا بي أتفاجأ في إنه ليلة أمس تم أغلاق المنتدى الآن أنا عرفت إنك قدر شنو نحس يا خالد لا حولاااااااااااااااااااااااااااا أي نحسٍ يحتويك يا خالد وكمان خليت المنتدى يتعدى الحد المسموح في الداتا لا حولاااااااااااااااااااااااااا اخوتي الآن أصوغ إليكم غاية أسفي ومبلغ اعتذاري مغلفة ببلاغة النابغة الذبياني عسى ولعل أن تشفع لي ذلتي وغلطتي هذه غايتو لو قبلتوا اعتذاري كان بها ما قبلتوهو علي كيفكم فالزول النحس دا من ناس القرير وأنا بتربطني بيهو مجرد صداقة لا اكثر ولا أقل يعني ما اظن نحستو بالصداقة لأنو النحس بتم بالوراثة
أسعد :: كــاتب نشــط::

10-03-2011, 11:24 AM	#[2]
سمراء :: كــاتب نشــط::	اذاً ....هى الحرب على خالد غالى لكن ياخ خالد ده اظرف زول لاقيتو ! وشدة مازول خفيف ورهيف لمن طاير فما اظن بكون هو سبب النكسة ! وانما بكون اليوم داك ماكل قراصة بتاعة الشوايقة اهلو ديك ومتقل عشان كدى الداتا قلبه الشيل خالد غالى نرحب بيك ياخ وادخل " بدون القراصة " عليك الله
سمراء :: كــاتب نشــط::	التوقيع:

10-03-2011, 11:26 AM	#[3]
أسعد :: كــاتب نشــط::	بصراحة يا سمراء أنا كنت عارف أنه زول نحس لكن ما كنت قايلوا قدر دا
أسعد :: كــاتب نشــط::

10-03-2011, 11:29 AM	#[6]
أسعد :: كــاتب نشــط::	ياخ جديد شنو يا سمراء؟! دا أقدم من شلتوت حبوبتي زول صعلوك سايبر من سنة دقوا الالياف البصرية ومسألة تنقلوا من بكان لي بكان عندو عااااااادي بعدين في زول نحس عندو محاثيث طبعاً لاع لانو لو عندو محاثيث ، فاكيد طبعاً حيقوم ينتحر ودي حكمة ربانية إنه نزع من أي زول نحس محاثيثو التعديل الأخير تم بواسطة أسعد ; 10-03-2011 الساعة 11:40 AM.
أسعد :: كــاتب نشــط::

10-03-2011, 11:32 AM	#[7]
سمراء :: كــاتب نشــط::	الليلة والليلة جاك العمدة سخصيا شكلك بقت عليك قصة توم مع الكلب صاحب جيرى كروووووورك اعتزر ياخ اعتزر قبل ما الهناى القالو عكود بنفت ولا الشنو داك !!
سمراء :: كــاتب نشــط::	التوقيع:

10-03-2011, 11:33 AM	#[8]
أسعد :: كــاتب نشــط::	أووووو العمدة غايتو عشان أمرقها من روحي ما تقوموا ترموها فوقي وتطلعوني أنا برضو نحس عشان كدة ختيت الأمور في نصابها الظريفة أول أمس وريتو البوست بتاع القرير وقلت ليهو كتر خير أصحابي مبر والرشيد وعظمائنا بدري والنور إنهم بحسن بلاغتهم ونفاذ بصيرتهم قدروا صلحوا صورة القرير اتلحني ليك ووراني النجوم عز الضهر
أسعد :: كــاتب نشــط::

10-03-2011, 12:24 PM	#[9]
اروي حامد عبد الله حامد :: كــاتب نشــط::	وجدي الأسعد2 سلامات يعني اسع السبب انت ولا خالد غير كدا شنو الدخلة (بكل بلاغة النابغة الذبياني أصوغ إليكم اعتذاري واسفي ) بتخدع في الإدارة عايز ترحب بصديقك بس مغلفه بي إعتذار ياوجدي اعتذارك مابفيدك وشايفاك محاور الادارة جديد (سمراء) وقديم (عكود) البوست دا مفروض يمشي منتدي الحوار لموافاته كل الشروط (خباثة وكدا) يا خالد ياغالي اتفضل طوالي ووجدي دا ماتشتغل بيه الشغلة
اروي حامد عبد الله حامد :: كــاتب نشــط::	التوقيع: لاتقنط من طيبة الناس كل القنوط .....ولا تعوّل عليها كل التعويل..... بل أحسن الظن بالناس كأنهم كلهم خير...... واعتمد على نفسك كأنه لا خير في الناس !

10-03-2011, 12:40 PM	#[11]
أسعد :: كــاتب نشــط::	أكاد أشك إنه اروى دي حسس أو بتمتع بصفة من صفات الجكس لانو مافي جكسوية بت مقنعة بتقدر تبلع كلام لي راجل شكيتك علي الله ياخ ويا رب الحجر الألقمتيني بيهو دا يفلقوك بيهو لكن البوست ما بوست ترحيب الود به حياء ، احتار يدخل كيف قال لي ما عارف أبدأ من وين بالعربي الفصيح (داشو رايس) فقمت فتحت البوست دا عشان استفذوا وكدة
أسعد :: كــاتب نشــط::

10-03-2011, 01:28 PM	#[14]
سارة :: كــاتب نشــط::	ياخ زول اسمو خالد بيكون نحس؟؟؟ يا وجدى انا من زمان داير لى سبب لى كوماج كارب معاك خلينى ارحب بالجميل خالد ود القرير وبعدين برجع ليك قال نحس قال{ وش طافى عينو اليمين}
سارة :: كــاتب نشــط::	التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا