هل سودانيات منتدى شللية؟؟؟؟؟؟؟

[مهند الخطيب]

المحترم رباطابى
ممكن تطرح وجهة نظرك بشجاعه من غير أمثله ممكن أن تفسر بأكثر من معنى وكنت حينئذا كنت ححترمه

يانبيل ......
مافي شجاعة اكتر من اللي طرحت بيها رأيي هنا وللا لازم اكتب ليك صفحتين عشان تكون شجاعة؟!!!
طيب ياسيدي ،،،، اشرح ليك وكت مافهمتا،،، العزيزة مرافي سبقتني الى ماأردت قوله فاستحسنت قولها واضفت عليه أن الموضوع اصبح ممجوجا من كثرة طرحه
اها كده ممكن تحترمه رأيي ده؟؟؟

أتمنى ألا يكون كلامك أعلاه يرجع لخلافنا السابق وإعتراضى على ترشيحك فى بوست أتذكر أنا وكيشو

اعتقد انو دي اشارة مريضة منك القصد منها تطعن في مصداقيتي وموقفي مماتكتب وتطرح(يعني أنا يااما اوافق رأيك الخاطئ يااما اكون شايل منك عشان اعترضت على ترشيح الرباطابي!!!!!) شي عجيب!!!!!
انا التقيت كيشو مرارا بالهاتف ووجها لوجه وتجمعني به علاقة طيبة لأنه لم يكن طفلا في طرحه مثلك بل اكبرت فيه رفضه لترشيح شخصي الضعيف الى الله ، ولكنه ليس الضعيف الى أحد فلاتحسبن انك نايل مني بمطاعنة او اشارة الى موضوع ترشيحي فارعوي يانبيل.....

ومع ذلك كنت أنا من أول المهنئين بزواجك لأنى لم أشخصن الإختلاف

افرز لي الكيمان بالله ، انا هنا بأناقشك عن الشللية في سودانيات ماعنده علاقة بهنيتني وللا هنيتك وياريتك كنت شخصنت الخلاف (وليس الاختلاف) بدلا عن استخدام أسلوب الصغار