أمـــى نور يارب دائماً منورة بينا

[سمراء]

كل ثانية وانت موشحه بالعافية والعمر المديد

والتحية عبرك لك امهاتنا داخل الارض ....وفوقها
ولن تجزيكن كل بحار الارض مداداً لنريكن محبتنا وامتناننا لكن !

بحبك يانور

[أسعد]

امشي كدة ياخ
اسي امك دي لو قلت ليها كل سنة وأنتي طيبة
تقول ليك سجمي رمضان جاء متين؟!

حركاتك زي دي يجوا يسوها ناس مازن ليك ويغشوك بيها
بعدين لمن يجوا يكبوا ليك الحنك دا ،،،، قولي ليهم هووووووي أنتو لو واقعين من السماء نحن الدفرناكم ، الحنك دا استهلكاناهو زمااااااااااااان
جيبوا مصاريفي وحق التنباك (طبعا الخرف دخل وكدة)


تيهت تيهت
أمك نور دي أبو أيمن نور؟!

[نبراس السيد الدمرداش]

ربنا يخليها ليكم يا حبيبه

كل سنه و هي و امي و كل امهاتنا
في الدنيا بخير و صحه و عافيه
ربنا يطول في اعمارهن و يقدرنا على رد جزء يسير من حقهم علينا

[سمراء]

والله ياخ ماذن ماقاعد يقصر فى هكذا مناسبات !
عارف يزرنى ذرة كلب فى طاحونة ويخمش القروش عشان يجيب لى هدية !
ياسلااااام ياخ ، ويجى يذرنى من الهدية حقتو لانو عيد ميلادوووو واقع يوم عيد الام
اها نقوم نضرب المناسبتين ...بدبدوب واحد
السنة الفاتت جاب لى دبدوب ماعرفته اسوى بيهو شنو المهم رديتو ليهو بالليل مع التورتة..
اسع نهبنى عشان يجيب بكرة الهدية ...

[سمراء]

المشاركة الأصلية كتبت بواسطة نبراس السيد الدمرداش

ربنا يخليها ليكم يا حبيبه

كل سنه و هي و امي و كل امهاتنا
في الدنيا بخير و صحه و عافيه
ربنا يطول في اعمارهن و يقدرنا على رد جزء يسير من حقهم علينا

ويخلى ليك ياغاليه حبيباتك الاتنين
ستات الكل والضل
وبكده بكرة تشترى جوزالهدايا ...وهدية ماذن وش
سجمك براك صاحبتيهو

[أسعد]

غايتو لكن دبدوكم في بيتكم

[سمراء]

المشاركة الأصلية كتبت بواسطة وجدي الأسعد الأسعد

غايتو لكن دبدوكم في بيتكم

شفتة كيف بالله !
الله ماكريم على اختك

بس والله الود ده حثيث شديد ماعارفاهو طالع على منو

[حافظ اسماعيل احمد]

كانت في اغنية
امي لحدي اخر يوم في عمري

واغنية امي يا دار السلام
مؤكد في ام بتحن لابناءها
واي زول بشوف امو ضحت اكثر
من ام الناس التانين المهم هي موقعها في النفس
مرسوم براهو من قبل ما نحتفل بعيد الأم

امي اسمها كلتوم اطال عمرها ومنحها الصحة والعافية
شوفتي حاجة امنة بتاعت عقد الجلاد
والله التقول مكتوبة ليها
ودا اسمها المستعمل عندي انا
حاجة امنة . اتصبرت كثير

[تماضر حمزة]

كل سنة وامك وامي وكل الامهات بخير وفرحة
انا امس ضربت للسلام والتحايا وبعدينك الخط فتح وهي ماجايبة خبر
اسمعا ليك بتقطع فيني مع اختي ان كوماري تقول ليها
القطيعة رطانة فيما معناه
اختك دي ماتجي تاكلني حنك ساي في عيد الام تقول ليّ الكلام بتاع كل سنة طيبة وبتاع ترسل ليّ هديتي قرووووووش وبشتريها براااااااااااااااااااي
ومااااالا هي ليها فترة عاملة نايمة كده؟؟ عشان انتي قاعدة معاي اليومين ديل ولا شنو؟؟
مااستحملت أنا طبعا قطعت الخط وضربت تاني قلت ليها بالمناسبة عيد الأم لسّه ومقدماً كل سنة وانتي طيبة أهن

[صالح تاجاب]

أحن إلى خبز أمى
http://www.youtube.com/watch?v=nLZygJy-MX8

[همس الشوق]

ربنا يحفظ ليك ماما نور ( كيتا على وجدي )

ويحفظك يا سماره لي مازن وأخوه

ويحفظ كل امهات العالم

وتهنئه خاصه لأمهات سودانيات

[زول الله]

كل سنة وانتي وكل أمهاتنا بألف خير وعافية يارب
وربنا يزيدك عُمر كدا ونشوف سنونك واقعات وناس مازن يزبطو ليك ديك يالشوربة الماخمج
ويخليهم ليك ويخليك ليهم ياسمرمر ياخ

وتهنئة خاصة جداً لي زولة نيل
ربنا أداها وِلِيد وجاها يحضر معاها العيد
زي ماكانت بتغني لي زمان
يخليها لينا ويخلينا ليها ويديها الصحة والعافية

كل عام وجميع أمهات الجميع بخير












اقول قولي هذا واستغفر الله لي ولك ياخالد الحاج ................

[سمراء]

المشاركة الأصلية كتبت بواسطة حافظ اسماعيل احمد

امي اسمها كلتوم اطال عمرها ومنحها الصحة والعافية
شوفتي حاجة امنة بتاعت عقد الجلاد
والله التقول مكتوبة ليها
ودا اسمها المستعمل عندي انا
حاجة امنة . اتصبرت كثير

حافظ حسين
يارب يخلى ليك حاجة كلتوم
ويديها الف صحة وعافية وبركات يارب

وياحاجه امنة اتصبرى
عارفة الوجع فى الجوف شديد

[ناصر يوسف]

المشاركة الأصلية كتبت بواسطة سمراء

كل ثانية وانت موشحه بالعافية والعمر المديد

والتحية عبرك لك امهاتنا داخل الارض ....وفوقها
ولن تجزيكن كل بحار الارض مداداً لنريكن محبتنا وامتناننا لكن !

بحبك يانور

كل سنه وأمي وأمك وأمهاتنا كلهن بألف خير

وللراحلات عنا

نسأل الله لهنَّ المغفرة والرحمة

[سمراء]

المشاركة الأصلية كتبت بواسطة تماضر حمزة

اختك دي ماتجي تاكلني حنك ساي في عيد الام تقول ليّ الكلام بتاع كل سنة طيبة وبتاع ترسل ليّ هديتي قرووووووش وبشتريها براااااااااااااااااااي
ومااااالا هي ليها فترة عاملة نايمة كده؟؟ عشان انتي قاعدة معاي اليومين ديل ولا شنو؟؟
مااستحملت أنا طبعا قطعت الخط وضربت تاني قلت ليها بالمناسبة عيد الأم لسّه ومقدماً كل سنة وانتي طيبة أهن

لووووووووووووول
والله صحى امك ياطمطم
طبعا بتكون قصدت تسمعك عشان تحسى ياعديمة المحاثيث
تقومى اسع تحترمى روحك وتمشى الويسترون يونيون وترسلى القريشات
وكل عام وامك وامى وامهم جميعا بالف خير يارب

وكل عام وهن الحب