اقتباس:
المشاركة الأصلية كتبت بواسطة خالد الحاج
حباب قيقراوي
أعتقد بعد التلتلة التلتلتك ليها لازم أرحب بيك وأكون أول المرحبين كمان..
حبابك عشرة يا زول..
ويمكنك أن تعدني من الذين يعضون علي "سمرتهم" بالنواجز
يا خال ياخ انت براك كدا
يعدوك كيف؟
و يعزوك كيف ذاتو اسي؟
و لّ نحن المستحقين العزاء!؟
دي عملية تعملا اسي دي ؟
تعرف اني هااااااارب بالدرب العديل داك! .. تصدق؟
من يوما و انا ازازي من بهناك لي بهناك .. هنا دي اصلو ما قدرت اعتب
حاولت اقنع نفسي انو باسووردي ما شغال .. لاني اصلن طولت ( لغباء مني لا احسد عليو اعتبرت انكم مضمونين و مشي الحلل الغادي اكوس .. طلعت ما مضمون يا خال .. كان تخلينا نوادع ساي ياخ .. و نقول ليكم قدر الحب قدر شنو ياخ!؟ .. دي عملية تعملا من ورانا؟ )
نرجع لموضوع ( الباسوورد ) العذبت بيهو .. ياخ عليك الله سامحني في تعبك .. و تقبل حبي على لطفك المبذول اعلاه .. ياخ انا العذبتكم انت و عم فتحي.
اها باسوورد الجن دا لقيتو شغاااااااال .. طلعت زايق ساي .. آي ياهو ذاتو الاولاني داك الرسلتو لي ذاااااتو .. ما غيرتو و لا ح اغيرو ذاتو
اها بعد اتيقنت و لقيت مافي مهرب منك الى بودي ليك بالدرب
اتوكلت وجيت تاني
الحاجات ملخبطة خالص يا خال
كلو ما في محلو .. ماف اي حاجة في محلها
اها نحن حالنا كدا .. انتو حالكم كيف ؟
------
افيدونا يا شباب .. نبكيو كيف الجبل دا
دفنتوهو كيف يا ناس .. كيف طاوعتكم نفسكم على عملية زي دي؟
و هل ثمة في حزن يليق؟
ماف زول يجي يقول قلبت عليو المواجع
دا اصلن وجع فوق الاحتمال ذاتو