الغناء الهابط اول خطوات الديموقراطية

طارق شداد · 23-03-2011, 11:52 AM

اول حاجة يا جماعة خلونا نتفق انو كلمة الغناء الهابط دي كلمة تدل على كثير من العنجهية والتعالي الغير مبرر تماما لانو كلمة هابط دي جاية من هبط يهبط اي بمعنىى اخر التغني بساقط القول ومعنى كدة انو اي زول زول بسمع الغناء دا فهو بطريقة اواخرى انسان ساقط او على اقل تقدير على وشك السقوط وانو لازم نحميه من الحكاية دي ونمنع الغناء الهابط من الانتشار لانه بيعمل على تهديم القيم والمبادئ في المجتمع السوداني وطبعا دا اسموا السلطة الابوية او بمعنى اوضح الديكتاتورية دا جانب اول تاني حاجة الناس البتحججوا بانو كلام بخدش الحياء العام حانقوليهم حاجتين اول حاجة نقوم نمسح كل اغني الحقيبة لانها بتوصف المحبوب حسيا وفيها كل فاحش القول القلتوهو انتو وكدا بتكونو اتفقتو مع الكيزان تمام وتاني حاجة انتو منو القال ليكم انكم انتو البتقرروا فاحش القول من غيروا ياخي انت لو شايف الكلمة دي فاحشة انا والله ممكن اكون شايفها قمة الرصانة تلت حاجة حايطلعوا ناس اقولوا ليك والله دا راي الاغلبية يعني خلاص الديموقراطية كاتلاهو وحانر نرد عليهوا برضو بحاجتين اتنين اول حاجة ورينا الاحصائية بتاعت الاغلبية دي جبتها من وين وتاني حاجة حتى لو كان دا راي الاغلبية نقوم نمسح ثقافة الاقلية عليك الله انت اسي مش عامل زي الكيزان القالو رقصة العجكو دي حرام واستندوا على انو اغلب سكان السودان مسلمين وانو الرقصة دي بتخالف دين الاغلبية عشان كدا نمنعها انا طبعا ما بقول ما تنتقد الاغاني الانت شايفها هابطة انتقدها كما تشاء لكن ما تحاربها لانو كدا انت انتقلت من ممارسة اليموقراطية الى ممارسة الاضطهاد ضد الاخر ولا شنو يا جماعة .........

ناصر يوسف · 23-03-2011, 12:30 PM

طارق شداد كيفنك ياخي وحبابك تب هني

مستغرب في كلامك يعلم الله

والمقارنة بين الهِنيق والحقيبة ده ما حرام عليك الله

يا اخي باااااااااااااالغتَ فوقها شديييييد دي والله

أهاااااااااااااااااا

لما يجي رااااااااجل بشنبو اليربط ليه جمل عديييييييل كده ويجي يتمايع ويغني واي واي خلاني براي

و ... وراء وراء ...

وأمرقي هسيييي بجي دقيقة بس

و ... ولا أقول ليك ... أنا من كِجيني للقرف الحاصل في الغناء ده ما بحفظو يعلم الله

ومسألة التعريف بإنو ده هابط وده غير هابط ما أظنها محتاجة لمعيارية بتاعة حسابات رياضية ولا شنو ؟؟

يا زول إعتبرني ديكتاتووووووووووور بس علييييييييك الله ما تختني في خانة اليك بتاعة الكيزان اللغاويس ديل

بتكون ظلمتني ظلم الحسن والحسين علي قول أمي ربنا يديها الصحه والعافية

والهبط هو المجتمع السمح لمثل هذه الهرطقات بإنها ينبحوا بيها المهناقاتية من الجنسين في بيوتهم ... بل وبيحتفوا بيها

وهو شنو الما هبط يا أخوي ؟؟؟

والله ما باقي لينا إلا الهلال والمريخ ديل يهبطوا للدرجة التاااااااالتة

أبقي عافية يا طارق ومرحب بيك مرة تانية

يحي عثمان عيسي · 23-03-2011, 01:32 PM

الحبيب ود شداد

هبطت القيم والاخلاق
هبطت المعاييير وانعدمت الثوابت
هبطت السياسة
هبط الذوق العام والتذوق
هبط التعليم
هبطت الثقافة
هبطت الرياضة
هبط الفن
بلد ما فيها سياسيين كبار ما فيها فن كلمة قلها عمي عليه رحمة الله وكنا وكان يعلم معني كبار
كارثة مسؤل الامن رئيس للنادي رياضي
كارثة اعضاء المؤتمر الوطني رؤساء الاندية والاتحاد العام للكرة
الثقافة ... الفن .... حدث ولا حرج الاف الفنانيين والبرامج كلهاء هباء منثورا لم ترفع عقيرة احد ولا اجدت ولا نفعت ...
من لا يملك ادواة التغير فلا حرج عليه ان يفعل ما يشاء

23-03-2011, 11:52 AM	#[1]
طارق شداد :: كــاتب جديـــد ::	الغناء الهابط اول خطوات الديموقراطية اول حاجة يا جماعة خلونا نتفق انو كلمة الغناء الهابط دي كلمة تدل على كثير من العنجهية والتعالي الغير مبرر تماما لانو كلمة هابط دي جاية من هبط يهبط اي بمعنىى اخر التغني بساقط القول ومعنى كدة انو اي زول زول بسمع الغناء دا فهو بطريقة اواخرى انسان ساقط او على اقل تقدير على وشك السقوط وانو لازم نحميه من الحكاية دي ونمنع الغناء الهابط من الانتشار لانه بيعمل على تهديم القيم والمبادئ في المجتمع السوداني وطبعا دا اسموا السلطة الابوية او بمعنى اوضح الديكتاتورية دا جانب اول تاني حاجة الناس البتحججوا بانو كلام بخدش الحياء العام حانقوليهم حاجتين اول حاجة نقوم نمسح كل اغني الحقيبة لانها بتوصف المحبوب حسيا وفيها كل فاحش القول القلتوهو انتو وكدا بتكونو اتفقتو مع الكيزان تمام وتاني حاجة انتو منو القال ليكم انكم انتو البتقرروا فاحش القول من غيروا ياخي انت لو شايف الكلمة دي فاحشة انا والله ممكن اكون شايفها قمة الرصانة تلت حاجة حايطلعوا ناس اقولوا ليك والله دا راي الاغلبية يعني خلاص الديموقراطية كاتلاهو وحانر نرد عليهوا برضو بحاجتين اتنين اول حاجة ورينا الاحصائية بتاعت الاغلبية دي جبتها من وين وتاني حاجة حتى لو كان دا راي الاغلبية نقوم نمسح ثقافة الاقلية عليك الله انت اسي مش عامل زي الكيزان القالو رقصة العجكو دي حرام واستندوا على انو اغلب سكان السودان مسلمين وانو الرقصة دي بتخالف دين الاغلبية عشان كدا نمنعها انا طبعا ما بقول ما تنتقد الاغاني الانت شايفها هابطة انتقدها كما تشاء لكن ما تحاربها لانو كدا انت انتقلت من ممارسة اليموقراطية الى ممارسة الاضطهاد ضد الاخر ولا شنو يا جماعة ......... التعديل الأخير تم بواسطة طارق شداد ; 23-03-2011 الساعة 12:11 PM.
طارق شداد :: كــاتب جديـــد ::

23-03-2011, 12:30 PM	#[2]
ناصر يوسف :: كــاتب نشــط::	طارق شداد كيفنك ياخي وحبابك تب هني مستغرب في كلامك يعلم الله والمقارنة بين الهِنيق والحقيبة ده ما حرام عليك الله يا اخي باااااااااااااالغتَ فوقها شديييييد دي والله أهاااااااااااااااااا لما يجي رااااااااجل بشنبو اليربط ليه جمل عديييييييل كده ويجي يتمايع ويغني واي واي خلاني براي و ... وراء وراء ... وأمرقي هسيييي بجي دقيقة بس و ... ولا أقول ليك ... أنا من كِجيني للقرف الحاصل في الغناء ده ما بحفظو يعلم الله ومسألة التعريف بإنو ده هابط وده غير هابط ما أظنها محتاجة لمعيارية بتاعة حسابات رياضية ولا شنو ؟؟ يا زول إعتبرني ديكتاتووووووووووور بس علييييييييك الله ما تختني في خانة اليك بتاعة الكيزان اللغاويس ديل بتكون ظلمتني ظلم الحسن والحسين علي قول أمي ربنا يديها الصحه والعافية والهبط هو المجتمع السمح لمثل هذه الهرطقات بإنها ينبحوا بيها المهناقاتية من الجنسين في بيوتهم ... بل وبيحتفوا بيها وهو شنو الما هبط يا أخوي ؟؟؟ والله ما باقي لينا إلا الهلال والمريخ ديل يهبطوا للدرجة التاااااااالتة أبقي عافية يا طارق ومرحب بيك مرة تانية
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

23-03-2011, 01:32 PM	#[3]
يحي عثمان عيسي :: كــاتب نشــط::	الحبيب ود شداد هبطت القيم والاخلاق هبطت المعاييير وانعدمت الثوابت هبطت السياسة هبط الذوق العام والتذوق هبط التعليم هبطت الثقافة هبطت الرياضة هبط الفن بلد ما فيها سياسيين كبار ما فيها فن كلمة قلها عمي عليه رحمة الله وكنا وكان يعلم معني كبار كارثة مسؤل الامن رئيس للنادي رياضي كارثة اعضاء المؤتمر الوطني رؤساء الاندية والاتحاد العام للكرة الثقافة ... الفن .... حدث ولا حرج الاف الفنانيين والبرامج كلهاء هباء منثورا لم ترفع عقيرة احد ولا اجدت ولا نفعت ... من لا يملك ادواة التغير فلا حرج عليه ان يفعل ما يشاء
يحي عثمان عيسي :: كــاتب نشــط::	التوقيع: أكان ما جور زمان وناسا فهمها قليل شرك أم قيردون كيفن بقبض الفيل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ ياحليل زولا دفقلي رحو