هل سودانيات منتدى شللية؟؟؟؟؟؟؟

[نبيل عبد الرحيم]

الأخ أحمد فوراوى
أختلف معك فى جزيئة من حق طارق أن يعترض على كل من هن منسوبين للإنقاذ خاصة من قرأ أو شاف بيوت الأشباح ومذابح دارفور ومذبحة كجبار
وهو حر فى رأيه مجرد رأى لكن لا يستطيع بمفرده أن يقصى أحد وأنا أفهم رد فعل طارق لأن هناك منهم من ضباط الأمن من قامت الحكومة بتسجيلهم فى المنتدايات وهم مدوفعى الأجر .
والغريب إنهم فى كل مكان يتشدقون بالديمقراطية والتى فى نفس الوقت يحرمون معارضيهم فى السودان من حق الرد.
رغم ذلك الأخ بدر الدين لم أشهد منه أى لغة غير مهذبه تجاهى بس كلامه غياظ ومع ذلك شاركة الأخت وجيدة أسفها وحجته فى الرحيل غير سليمة .

ومع ذلك أرحب بكل التيارات السياسية ولكن كلاب الأمن لا مرحب بهم ويجب أن يحاكمهم على جرائمهم فى حق الشعب السودانى وليس الترحيب بهم .
الأخ طارق
أتمنى أن تصفى الجو مع أحمد فوراوى ونتعامل كزمالاء مهما كانت خلافاتنا السياسية ولكن هذا لا يسرى على عملاء الأمن لأنهم يجب تقديمهم للمحاكمة.
لكم الود

[wageeda]

نبيل سلا م
نعم منتدي الحوار فيه شلليه فالكل (حر في اتخاذ خليله ويحابية وفق مايشاء وقي اي زمان ومكان)
ولكن السؤال المهم هل ستدفع الشلليه بالحوار وتنهض بالمنتدي ؟
ام يتحجم كل عضوا وسبطه ويغلق دائرة المشاركة الفاعلة او الانصرافيه البحته والميل برسالة المنتدي عن ما انشئ له
فاذا عمت ظاهرة الشلليه اصبح المنتدي شات يجامل بعضه البعض ويخجل عن يقارعه الحجة بالحجا حفظا لود الصداقة وظاهرة التجمل واضحة في الردود
فلنتفاعل مع بعضنا ونثري الحوار
وكم من بوستات جميلة وشحمانه علي قول خالد الحاج رحمةالله عليه والمغفرة تجد ثلاث متداخلون وفي بوست لايساؤي الحبر الذي كتب به ملايين المشاركيين
فعدد كبير من الاعضاء يكتبون مادة دسمة ويصابون باليأس وسد الشهيه ان يقدمون المزيد ولا نكاد نراهم الا قليلا ونادرا
فالشلليه اذا كانت من جانبا محمدة للتعارف والتواصل لكنوز البشر
من جانب اخر تضر وتنفر الاعضاء حين ينحصر التفاعل والمشاركة

وقنب عافيه

[فتحي مسعد حنفي]

المشاركة الأصلية كتبت بواسطة نبيل عبد الرحيم

الأخ أحمد فوراوى
أختلف معك فى جزيئة من حق طارق أن يعترض على كل من هن منسوبين للإنقاذ خاصة من قرأ أو شاف بيوت الأشباح ومذابح دارفور ومذبحة كجبار
وهو حر فى رأيه مجرد رأى لكن لا يستطيع بمفرده أن يقصى أحد وأنا أفهم رد فعل طارق لأن هناك منهم من ضباط الأمن من قامت الحكومة بتسجيلهم فى المنتدايات وهم مدوفعى الأجر .
والغريب إنهم فى كل مكان يتشدقون بالديمقراطية والتى فى نفس الوقت يحرمون معارضيهم فى السودان من حق الرد.
رغم ذلك الأخ بدر الدين لم أشهد منه أى لغة غير مهذبه تجاهى بس كلامه غياظ ومع ذلك شاركة الأخت وجيدة أسفها وحجته فى الرحيل غير سليمة .

ومع ذلك أرحب بكل التيارات السياسية ولكن كلاب الأمن لا مرحب بهم ويجب أن يحاكمهم على جرائمهم فى حق الشعب السودانى وليس الترحيب بهم .
الأخ طارق
أتمنى أن تصفى الجو مع أحمد فوراوى ونتعامل كزمالاء مهما كانت خلافاتنا السياسية ولكن هذا لا يسرى على عملاء الأمن لأنهم يجب تقديمهم للمحاكمة.
لكم الود

يانبيل وأنا بقول ليك بدر الدين ليس في الأمن ولك أن تصدق أو لا تصدق..
بدر الدين من منطلق ديني بحت يري في المؤتمر الوطني من يرفعون راية الاسلام ويدافع عنهم من هذا المنطلق والدفاع لا يتجزأ وأنت قد قلتها بأنك لم تشهد منه أي لغة غير مهذبة تجاهك ولن تشهدها..

[نبيل عبد الرحيم]

اقتباس:
المشاركة الأصلية كتبت بواسطة حافظ اسماعيل احمد

لسلام عليكم نبيل
انا ما داير استخدم كلمة الشللية بس قبل كدة قلت
انو الحميمية الشديدة بين الاعضاء تجعل الاخرين غرباء
الموضوع دا اتنقاش كثير جدا حتي من خلف الكواليس عبر
الشات والعلاقة في سودانيات اصبحت كاسرة لكن كما قال الاخ
النور يوسف ليس من الصعب الاختراق
مثلا النقر دا في اليوم من الايام كان جديد هسي اي
حاجة النقر النقر
برضو في حاجة الناس ديل هم بفعلو المنتدي لانهم متواجدون علي طوال

الاخ أمــيري لا ادري اشيد بموقفه ام اعيبــــــــــه
اعتقد انه غادر المنتدي بسبب التناول الكثير لهذا الموضوع
في اوقات سابقة واحيانا كثيرة اشعر انه متواجد كزائر

انت نفسك حاول تقرا لكل الناس اكيد ما حتقدر
حاول شارك مع كل الناس برضو ما حتقدر

في حاجة تانية احيانا لما اشعر ان بعض المشاركات
في مواضيعي عبارة عن مجاملة بتجاهلا تماما حتي لو كان احساسي
دا خاطئ
قيس علي بوستات الاستاذ شوقي بدري في معظم الاحيان المشاركات
صفر والمشاهدات احيانا كثيرة تكون قليلة
ما لانو شوقي بدري ما بكتب بس لانو مابتداخل مع الناس
وما برد عليك عشان كدة الناس بتقراها وتتخارج
مع انو شوقي بدري في وجود دائم مع بورداب اروبا
لك سلامـــــــي


انت عارف يانبيل اعتقد دي اول مشاركة لي
في بموضوع ليك
ومتأكد جدا انك حصل شاركت معاي
ولو حصل اعمل لي اقتباس
مع اني بقراء ليك كثير جدا من زمن
كوماجك مع المرحوم خالد الحاج

الرائع حافظ إسماعيل
أولا أشكرك على المداخلة
وجهة نظر تحترم وأضيف إحيانا الحميمية الشيدة بين الأعضاء تتحول للشلية
وتشعرك إنك غريب عليهم وقد لا يتقبلونك .
ولا أعتقد إن إختراقهم سهلا لأنه يتطلب إمكانيات خاصة قد لا تتوافر مع كل الناس
وكثيرا يكون عدم القبول الذى يكون ناتج عن الإنطباع الشخصى أو زى ماقال عم فتحى لا تنزل لهم من ذور .
وأتفق معك فى أنه يجب على من يكتب بوست أن يرد على مداخلات المشاركين وأضيف أن يجب أن يرد على جميع المداخلات ولا يتجاهل أحدا حتى لا يشعر أنه يقصده.
أقول لك حاجة أحيانا فى السابق كان البعض يرد على مشاركينه ولا يرد على فكنت أقوم بمسح مداخلتى فى لحظة غضب وأحيانا أقول إحتمال إنها غير مقصودة .
وإنشاء الله تكون قرأت لى حاجة غير كوماجى مع خالد له الرحمة فلم يستغل ملكيتة لسودانيات لتصفية حساباتة .
لك المودة أخى حافظ

[نبيل عبد الرحيم]

اقتباس:
المشاركة الأصلية كتبت بواسطة سمراء
العزيز نبيل ،
ماعارفه كلامك ده اعتقد بانو ماصاح ..بدليل انى دخلتة سودانيات والله يانبيل عن
طريق لقوقل ! ومابعرف فيها اى انسان ، وسبحان الله دخلته ومن اول حرف انا كتبتو ماحسيت انى غريبة على الناس ولاهم حسسونى بكده ! وبالعكس والله فى ناس كتار افتكرو انى عضوة قديمة دخلت بيوزر جديد ، وكتير من الرسائل وصلتنى بالفهم ده .
الكلام الانا عاوذه اقولو ليك يانبيل وحسب رؤيتي الانسان حسب حركتو وانفعالو مع الاخرين بحدد مساحاتو وسطهم ، لانو الناس بتدخل مابتعرف بعض ، وبتعارفو لاحقا
وده ماعيب ...ده واقع بفرضو نفسو انى اتعاملته معاك وعرفتك ما اظن بكون فى منقصة او تأثير على شكل تواجد الاخر !
الفيصل برجع لى شكل المواضيع والميول والامزجه ..



العزيزة سمراء
إحترم رأيك لكن ياسمراء لكن أعتقد أن القبول له عامل كبير وأنت عندك هذه الصفه لأن لها دخل كبير فى تقبل الأعضاء بك أو رفضهم لك لو كانت مامبلوع طبعا ده مع الميول والموضوع والأمزجه .
ممكن للأعضاء الجدد فى الخرطوم تكون مهمتهم أسهل لأن أعضاء الخرطوم كمية لا يستهان بها تلتقون وتقوموا أحيانا برحلات وهذا شئ مايزيد من روابطكم .
أحتفظ بعلاقات ود مع بعضهم وإحترام رغم إنى لم أتشرف بلقاء أحد سوى ناصر
ولكن أنت ونبراس ووجيدة وناصر بصراحة مابتقصروا و وتنفتحون على الأخرين

لك المودة

[أبوبكر عباس]

المشاركة الأصلية كتبت بواسطة نبيل عبد الرحيم

وأتفق معك فى أنه يجب على من يكتب بوست أن يرد على مداخلات المشاركين وأضيف أن يجب أن يرد على جميع المداخلات ولا يتجاهل أحدا حتى لا يشعر أنه يقصده.

تحياتي يا نبيل
ما بالضرورة ترد على كل المداخلات و خاصة المداخلات البتدعم وجهة نظرك في البوست و مداخلات المجاملة..
شايفك في البوست دا مركز على موضوع المجاملة في منتدى الحوار و دا كلام عاطفي منك و بخرب الحوار. المجاملات عندها المنتدى الإجتماعي أو ممكن تفتح بوست هنا و يكون طابعه إجتماعي و تجامل فيهو على كيفك، لكن بوستات الحوار ما عندنا فيها يا يمة أرحميني...

[نبيل عبد الرحيم]

اقتباس:
المشاركة الأصلية كتبت بواسطة بله محمد الفاضل
أظنني من مؤيدي الشللية في كل شأن


وشخصياً أحب أن أكون من ضمن شُلةٍ واحِدةٍ فقط
وهي شُلة:
الحرف

فأينما وجد الحرف ذهبت للسلام عليه
من كتبه
من فكر فيه
من بعثه من مرقده
من طوحه للهواء
من من من
لا يهم
المهم أن أبلغ سلامي (في حال مقدرتي على ذلك)
للحرف


الحرف في أي مكانٍ على السايبر
طالما أنه هو الوسيلة للتواصل بين الناس
فإنه هو الشلة الأساس


محبتي



الأخ المحترم بله
سلام
رأيك محترم وأتفق معك لأنى متفق مع الرأى الذى يقول إن الموضوع والميول والإنتماءات هى التى تجذب القارئ المتلقى
ولكن أنا أقصد البعض الذى لا يجذبه موضوع ولا إنتماء ولا ميول ولكن يجذبه فقط صديقة من الشلة .
أقصد الذين يحصرون أنفسهم داخل جروب معين ولا يتداخلون مع الأخرين
سلمت وتسلم حروفك أخى بله

[طارق الحسن محمد]

المشاركة الأصلية كتبت بواسطة نبيل عبد الرحيم

الأخ أحمد فوراوى
أختلف معك فى جزيئة من حق طارق أن يعترض على كل من هن منسوبين للإنقاذ خاصة من قرأ أو شاف بيوت الأشباح ومذابح دارفور ومذبحة كجبار
وهو حر فى رأيه مجرد رأى لكن لا يستطيع بمفرده أن يقصى أحد وأنا أفهم رد فعل طارق لأن هناك منهم من ضباط الأمن من قامت الحكومة بتسجيلهم فى المنتدايات وهم مدوفعى الأجر .
والغريب إنهم فى كل مكان يتشدقون بالديمقراطية والتى فى نفس الوقت يحرمون معارضيهم فى السودان من حق الرد.
رغم ذلك الأخ بدر الدين لم أشهد منه أى لغة غير مهذبه تجاهى بس كلامه غياظ ومع ذلك شاركة الأخت وجيدة أسفها وحجته فى الرحيل غير سليمة .

ومع ذلك أرحب بكل التيارات السياسية ولكن كلاب الأمن لا مرحب بهم ويجب أن يحاكمهم على جرائمهم فى حق الشعب السودانى وليس الترحيب بهم .
الأخ طارق
أتمنى أن تصفى الجو مع أحمد فوراوى ونتعامل كزمالاء مهما كانت خلافاتنا السياسية ولكن هذا لا يسرى على عملاء الأمن لأنهم يجب تقديمهم للمحاكمة.
لكم الود

نبلة يا جميل
سلام واحترام
يازول امشى لبوست رافت ميلاد
عن الزول دا عشان تعرفه
مودتى

[أبو أروى]

سلام للجميع
وتحية خاصة لصاحب البوست

نعم .. نعم .. سودانيات منتدى شللية ولكنه ليس الوحيد فالفضاء الإسفيري ملئ بهذه الميزة ( الشُللية ) وبسببها تموت الكثير من الأقلام في مهدها بين أبواب المنتدى ..
صحيح هنالك بعض المجاملات ولكن كثير من الشُلليات ..

ورغم كل شئ يظل سودانيات من أعرق المنتديات المقروءة والمشهورة في الفضاء الإسفيري ..

[طيبان]

سلام يا نبيل ..أسعد الله أوقاتك ..
نقول الشلليّة بايتة ومقيّـلة في هذا المنتدي ..
دا علاقتو شنو بالأقلام البتبعد ؟؟ ..
دي سلبية غير مبررّة في رأيي ..الداير يقول كلام مفيد - أو ما مفيد- يقولو والقبول من ربّ العالمين ..
لكن المؤكّد أن هناك من يلقط الفكرة الجيّدة ويهتم بها ..حتي وإن لم يشارك برفع البوست ..ومن المؤكّد أكتر إنّو رعاية الفكرة بواسطة صاحبها أولي من رعاية الآخرين ليها ..

أنا بشوف (عدم الشلّة ) مرات كتيرة بكون أفيد .. لأنو البيدخل يعلّق بفهم إنو واحد من الشلّة ما لازم يخدم فكرة البوست ..بل ممكن يفتلو ويجرّو في درب الونسة ويمرق البوست من الجنّة وسقطا ..خصوصاً إذا اتلملموا الحبّان والدارة عمرت ..( دا في حال إنو الموضوع ذاتو ماكان مارق في درب الشات) ..

أجمل مافي منتدي سودانيات إنّو منتدي مريح للآخر ..تمرق منّو وتجي علي كيفك ..الموضوع العجبك تخش تجدع فيهو كلمتين تلاتة وتمشي ..الما بيعجبك ترخيهو ودربك أخدر .. لا في لوم لافي شكر .. ودي نعمة كبيرة خلاص ..


بعيدا عن موضوع البوست :
يا نبيل كدي باصر حكاية الإقتباس دي ..عندها معالجة من داخل ملفّك الشخصي ..أقترح تطلب من أحد المشرفين يورّيك ليها .. لأنو القراية في البوست دا مثلاً دايرة ليها حاوي عديل كدة عشان يفرز كلامك من كلام ضيفك ..

وبما إنو في مشرفين اتنين جداد من الورقة ( مبر والرشيد ) فياخي أسألهم وبتلقي عندهم حل ..منّها نفك الإشتباك الحاصل في البوست .. ومنّها نعمل معاينة لمقدرات الشباب ديل ..قد تنفعنا في التحايل عليهم لاحقاً ..

[الزوول]

المشاركة الأصلية كتبت بواسطة طيبان

بعيدا عن موضوع البوست :
يا نبيل كدي باصر حكاية الإقتباس دي ..عندها معالجة من داخل ملفّك الشخصي ..أقترح تطلب من أحد المشرفين يورّيك ليها .. لأنو القراية في البوست دا مثلاً دايرة ليها حاوي عديل كدة عشان يفرز كلامك من كلام ضيفك ..

وبما إنو في مشرفين اتنين جداد من الورقة ( مبر والرشيد ) فياخي أسألهم وبتلقي عندهم حل ..منّها نفك الإشتباك الحاصل في البوست .. ومنّها نعمل معاينة لمقدرات الشباب ديل ..قد تنفعنا في التحايل عليهم لاحقاً ..

...
حلها بسيط يا طيبان
نبيل يستعمل (اللوحة المتقدمة - الصندوق الإحترافي) ، وهذا هو السبب ، ويمكن له أن يتحايل على تلوين الإقتباس ليظهر بصورة مختلفة عن الكتابة
ولكن اسهل من هذا كله أن يغيره إلى (اللوحة القياسية - الصندوق الشائع) والتغيير يتم كالتالي:
ينقر على لوحة التحكم (أعلى الركن الأيمن من الشاشة)
ثم ... ينقر على تعديل الخيارات (الجانب الأيمن من الشاشة)
ثم يذهب لأسفل الصفحة حيث يجد الخيار بين اللوحة المتقدمة واللوحة القياسية في واجهة تنسيق النصوص
ثم يحفظ التغييرات
ولمزيد من الشرح فيمكن الذهاب لبوست خالد المميز
شرح طريقة معالجة مشكلة الاقتباس -هام للأعضاء الجدد
....
أما بالنسبة لموضوع البوست
بدون شك هنالك شللية في سودانيات كما هي موجودة في كل مكان
والحقيقة أثار دهشتي صاحب البوست نفسه الأخ نبيل
بعد أن وصل هذا البوست الذي يحتج فيه على الشللية إلى عدة صفحات ، أتى ومارسها بدون تفكير في بوست آخر ، ثم رجع ثانية وبكل بساطة إلى هذا البوست لينتقدها

المشاركة الأصلية كتبت بواسطة نبيل عبد الرحيم

الأخ الفنان عبد العزيز خطاب
إتفقت مع مطلبك العادل فى تمسكك فى وجود البوست خاصة إنه لم يقوم أحد بإخطارك عبر رسالة داخلية .
كون إن منتقدينك بسبب إنك خاطبت الإدارة فى بوست وهذا يعتبر خرقا للائحة
فمن وجهة نظرى هناك حاجه إسمها روح القانون وتفهم الدوافع
وسبق أن قام أكثر من عضو بهذا ومنهم أنا.
وكونك تكتب بوست لتشرح أو تعذر لمنتقديك فهذه شجاعة وعلى من إتهمك إنك تحاول تلعب بمشاعرنا برحيل خالد يجب أن يبادروا بلإعتذار لك
لك المودة

هنا في هذا البوست:
هي وجهة نظري

لو تأملت في هذا الرد يا اخ نبيل
لوجدت أنك قد عكست كل قوانين الإدارة التي تحكمنا وتجاوزت عن كل خروقات العضو الذي تخاطبه وقمت بتغيير اسمها لأشياء أخرى مثل روح القانون وغيرها
لا لشيء
الا لروح الشللية التي تحكمك بحكم صداقتك مع صديقك الفنان
وأرجو أن تسأل نفسك سؤالاً واحداً
ترى لو كان من فعل هذا الفعل أي عضو آخر غير عبد العزيز خطاب ، هل كانت مداخلتك ستكون نفس المداخلة أعلاه؟؟
.....

[طيبان]

*
سلامات يا الزوول :
شكراً ياخ علي شرح طريقة الإقتباس - أنا طبعا معلّم قديم .. الكلام ناس نبيل ديل - الحقيقة إنو ما استجدّ من خيارات في الصندوق الجديد جهجه ناس كتار وجوبك المنتدي شديد خالص ..فياخي إنتو وأشتر شوفوا لينا طريقة لتثبيت خيار (الصندوق الشائع ) كإفتراضي مثلا ..مافاضين ليكم ياخي كل مرّة نقعد نكورك في الشباب هنا صلّحوا الإقتباس ..صلّحوا الإقتباس .. ( بابكر عبّاس فتح صيوان عديل كدة للموضوع دا ) ..

حكاية تغيير لون النص يا الزوول ماحل - شايفك شغال بيها - لأنّها بتربك الزول الوراك خصوصا لو ماعندو شدايد ..وبالأخص لو ماعندو لضايد

_

طبعاً إنت طالبني رد طوّل كدة ..

* يا نبيل المداخلة دي ملحق لأعلاه ..فما في نيّة إحتلال للبوست .. يشهد الله ..

[الزوول]

المشاركة الأصلية كتبت بواسطة طيبان

*

حكاية تغيير لون النص يا الزوول ماحل - شايفك شغال بيها - لأنّها بتربك الزول الوراك خصوصا لو ماعندو شدايد ..وبالأخص لو ماعندو لضايد
_

طبعاً إنت طالبني رد طوّل كدة ..

* يا نبيل المداخلة دي ملحق لأعلاه ..فما في نيّة إحتلال للبوست .. يشهد الله ..

...
طيبان ازيك
شكلو كدي الخايف منو حصل ...احتلال البوست
الحقيقة انا ما كنت قاصد ااستعمل موضوع التلوين ( رجعت صلحتو بعد مداخلتك)
....
بس على سبيل الثقافة البوردابية
في خاصية متوفرة في (اللوحة القياسية -الصندوق الشائع) وهي سهولة الإقتباس ولكنها غير متوفرة مع اللوحة الإحترافية
اما اذا أردت أن تربط لينك بوست معين مع عنوانو بحيث يكون قابل للفتح من خلال المداخلة فهذه الخاصية موجودة في اللوحة الاحترافية وليست موجودة في اللوحة القياسية
وكما تلاحظ اضطررت لأستعمال الخاصيتين في ردي السابق
....
لمزيد من التفاصيل
زورونا في منتدى الكمبيوتر الواقع بشارع منتدى الحوار
عمارة سودانيات
....

[طيبان]

المشاركة الأصلية كتبت بواسطة الزوول

...
لمزيد من التفاصيل
زورونا في منتدى الكمبيوتر الواقع بشارع منتدى الحوار
عمارة سودانيات

ولا ننسي في هذه السانحة أن نطالب بدمج منتدي الكمبيوتر مع منتدي الحوار العام ..
عشان يبقي كلّو في صحن واحد ..

___


يا نبيل لو ما جيت سرعة أنا والزوول ح نكون جوّة طرابلس ..

[شهرزاد]

دائماً ما رافقني هذا الإحساس عند دخولي سودانيات ...
بوستات كتيرة بتحس إنو صعب تشارك فيها لو أنت ما بتعرف الناس ..
طبعا هذا لا يعني غياب المواضيع العامة والبتناقش قضايا وفكرة ممكن تخش تجدع ليك فيها مشاركة مشاركتين من غير ما يكون ملازمك الإحساس ده ..
ـــــــــــــــ
لكسر الحاجز حالياً بجرب طريقة التواجد المستمر والمواكبة أول بأول عشان أكون جوة الجك دايماً( وما أجي متأخرة ياعمو فتحي ).
وكدة شوية شوية بتتعود علي الناس ويتعودوه عليك ومسألة التعود دي مهمة ياجماعة ..
ده بالرغم من عدم ثقتي في مقدرتي علي التواجد كتير علي النت لكن بحاول إنشاء الله.