رسالة مفتوحة للسيد رئيس الجمهورية

[اروي حامد عبد الله حامد]

المشاركة الأصلية كتبت بواسطة سمراء

اروى الحبيبة
عارفه السودان الان فيهو كم جامعة ؟؟! ماحاتتخيلى انو كل يوم بتتفتح جامعة فى كل شارع...لحد ماوصلنا مرحلة حاتكون جامعة لكل طالب !!

يعنى جامعة القاهرة دى كانت مرحلة واتجاوزناها ! طيب تانى حانستفيد شنو منها ؟!

يا اروى انا بصراحه حركة المصريين العملوها معانا ، ولاذالو بعاملونا بيها ...قاصة قلبى لحد الان ..
بس ده كلو مابهمنا ...بقدر مابهمنا حوجتنا لى الحاجات البتمرق مننا دى ؟!

[justify]كلامك صح ملياااااااااااان جامعات وكليات وتلات ارباعها استثمار فقط بس ما قصدي كدا قاصدة انو مابنقيف علي حاجاتنا ودايما واخدين فيها جانب الملائكي ودا الخلا الشعوب يا سمراء ما المصريين براهم الماخدين عننا فكرة غير حسنة المصريين استغلاليين ونحن نستاهل يستغلونا[/justify]

[عمر عبدالكريم]

كيلو الضان الليله 22 ج

[سمراء]

المشاركة الأصلية كتبت بواسطة Hassan Farah

----------------------------------------------------------

سلام للجميع
يا خالد غالى التور لحم صافى 200 كيلوجرام... اضربها فى 20 جنيه فى 5000... 20 مليون جنيه ... مش كانت كفاية تأجر بيها طيارات وتنقل السودانيين من ليبيا بدل تمشى تشحد قطر ترحلهم لك... ناس ما بتخجل...

عمو حسن ازيك
والله شكلك جزار قدييييييم
بس للحقيقة كلامك صاح وده برجعنا تاااانى لحكاية
الزاد وكفايتو بتاعت المثل

والله قطر دى النصيحه خجلنا منها عديييييييييييل والله
ياجماعه شوفو لى فيزا لى قطر ..اشتر وررفاقه

[خالد غالي]

حسن فرح سلامات

التضريبات ديك انا ضربتها بالقنييه المصري .. انت مالك قلبتها جنييه سوداني ؟

ثم انو المصريين ذاتهم عندهم اكتر من 6 الف نفر عالقين في مصراتة محل الخبت ذاتوو .. وعلي العليهم كيلو اللحمة بي 58 قنييه !!
ونحن كيلو اللحمة بي كم طاشر كده والسودانيين الفضلو في ليبيا مااظنهم بيتمو 6 الف .. واضف الى ذلك انو قطر اتصدقت علينا بي طياراتها !! اها تاني شنو ؟ وده برجعنا تاني لي فكرة حب لاخيك المصري ماتحبه لاخيك المقطوع في ليبيا !!

علي الطلاغ انا كان رئيس كان شلت طيارات ناس قطر ورحلت بيها المصريين

الناس المابخجلو ديل منن اوعى اكون واحد منهم

[عباس الشريف]

فيها شنو يعني البشير ارسل لحوم لشعب مصر قبل كده اخو البشير والرئيس المخلوع حسني مبارك رسل للجيش الامريكي في الكويت لحوم بشريه حية انتو زعلانيين في لحم الحيوانات غريبه والله.

[أبو دعد]

المشاركة الأصلية كتبت بواسطة عباس الشريف

فيها شنو يعني البشير ارسل لحوم لشعب مصر قبل كده اخو البشير والرئيس المخلوع حسني مبارك رسل للجيش الامريكي في الكويت لحوم بشريه حية انتو زعلانيين في لحم الحيوانات غريبه والله.

غايتو عليك جنس خرمجة ... انشاء الله كلامك دا ما يفهوموا

[همس الشوق]

جواباتي البوديها
تقول لا بتمشي لا حاجه

يا بت امي الراجل جعلي وكريييييييييييم

بس زمان عمتي رحمة الله عليها كانت بتقول ليك
فلان دا زي ضل الدليب برمي بعيد
هسه ياهو رئيسنا دا ظل دليب
برمي بره الشبكه أقصد الحدود .ز







سماره ..
توقيعك كدا بس....

[Hassan Farah]

المشاركة الأصلية كتبت بواسطة خالد غالي

حسن فرح سلامات

التضريبات ديك انا ضربتها بالقنييه المصري .. انت مالك قلبتها جنييه سوداني ؟

ثم انو المصريين ذاتهم عندهم اكتر من 6 الف نفر عالقين في مصراتة محل الخبت ذاتوو .. وعلي العليهم كيلو اللحمة بي 58 قنييه !!
ونحن كيلو اللحمة بي كم طاشر كده والسودانيين الفضلو في ليبيا مااظنهم بيتمو 6 الف .. واضف الى ذلك انو قطر اتصدقت علينا بي طياراتها !! اها تاني شنو ؟ وده برجعنا تاني لي فكرة[blink] حب لاخيك المصري ماتحبه لاخيك المقطوع في ليبيا !![/blink]

علي الطلاغ انا كان رئيس كان شلت طيارات ناس قطر ورحلت بيها المصريين

[blink]الناس المابخجلو ديل منن اوعى اكون واحد منهم[/blink]

----------------------------------------------------------

خالد غالى سلامات... الله يقطع محنك ياخ... يا زول انا اخدت منك اسعاراللحم وبس .... والما بخجلوا انت ما عارفهم منو... بعدين قطر دى مش نخفف عليها شوية... شايلين قرعنا وحايمين التقول تكارين... نحن اصلو ما عندنا priorities... ما بنعرف نفرق بين المهم والاهم...
مرحبا بك صديقا... قر قر قر

[آخـر المواني]

سمراء .. سلام ,,,

كان بالمرة تذكريهو كدا إنو عندنا حتة ارض ماسكنها الجماعة ديل من كم سنة كدا

وتقولي ليهو تسأل منها بالمرة الجاكم واديتهو الهدية دا ,,!!

حتة الارض ناس الشرق عندنا بقولوا عليها حلايب .. عشان يمكن يكون نسي ولا حاجة لا سمح الله

وكمان بالمرة كدا تقولي ليهو لو بتذكر شهداء ميدان التحرير اللي ماتو من جراء مداهمة الامن المصري و فضه لاعتصامهم من قبل سنة سنتين كدا .. عشان يورونا عملو شنو في قضيتهم ..!!

[عبدالمنعم الطيب حسن]

سمراء سلام
دي هدية من لا يملك
لا اقول لمن لا يستحق
قرأ ت في الجرايد اليوم ان مرتب الرئيس في حدود 10 مليون جنيه
سعر البقرة في حدود تلاتة مليون
يعني راتب شهر للرئيس بشتري تلاتة بقرات
5 الاف بقرة دي .....
راتب كم شهر
لو من مالو الخاص ماعندنا مشكلة
بس من مال الشعب
دي المشكلة
كواحد من الشعب ما رضيان تب
الشعب محتاج اكتر لابقاره
بالاضافة لان الهدية محل استهجان من المصريين انفسهم
المصري قال للسوداني
شكرا ياعم على البقرات بس كان ترسلوا معاهم رعاة
في اشارة الى عدد كبير من السودانيين يعملون بمهنة الرعي في السعودية
الحكومة دي يا سمراء الله يصرفا

[خالد غالي]

خالد غالى سلامات... الله يقطع محنك ياخ... يا زول انا اخدت منك اسعاراللحم وبس .... والما بخجلوا انت ما عارفهم منو... بعدين قطر دى مش نخفف عليها شوية... شايلين قرعنا وحايمين التقول تكارين... نحن اصلو ما عندنا priorities... ما بنعرف نفرق بين المهم والاهم...
مرحبا بك صديقا... قر قر قر

صباح الخير ياحسن ..
امس انا كنت النهار كلو بضرب في كمية اللحمة دي وانا بيكون نصيبي فيها كم .. المهم بطريقة حسابية غير عادلة كده قررت انو عندي نص كيلو لحمة وبعدين مشيت نقيت في راس زميلي في الشغل المصري ودخلت ليهو فيها الحلال والحرام وماعافي ليكم وشنو وشنو وفي النهاية اقسم انو يرد لي نص كيلو لحمتي !!

انا غايتو حقي اخدتو الكلام انتو ديل .. والعجب سمراء البتشكي لي عمر البشير دي

[عبده سعد]

خمسة ألف بقرة فى كل بقرة مائة ألف خريج وعاطل ، كمال عبد اللطيف هذا الشاب النشط يتحفنا بمشاريع تشغيل الخريجين على صفحات الجرايد وشاشات التلفاذ ، ومبالغ ضخمة خصصت لهذا الغرض ، يمكن شراء خمسين ألف بقرة أخرى لتوزع على الليبين والتونسيين ،والباقى يخلوهو لى ناس اليمن !!!!
ياعالم حتتفتح جامعتين تانى ،واحدة (جامعة بحرى ) لإستيعاب الطلبة الشماليين المقبولين بجامعات الجنوب والجديدة هى جامعة القاهرة الفرع ؟؟؟؟
ياربى الخرجين ديل حاياخدو مصاريف من آبائهم وأمهاتهم لحد متين ؟؟؟؟ والسودان بقى نُصين؟؟ بصراااحة كدى حقو الناس يطالبو بى حزف بعض العبارات التى تستخدم فى الأجهزة الإعلامية مثل ( سوف )( وسيكون )(وحنعمل ).لأننا مللنا الوعود وقبض السراب ، وهذه الأيام السيد الرئيس يأمر بتصفية إتنين وعشرين شركة حكومية كانت تعمل فى شتى مجالات الأستثمار وتمسك بمفاصل الإقتصاد السودانى ومتروك لها الحبل على القارب ، يشتكى السيد المراجع العام فى كل سنة عن أن هناك شركات لا تلتزم بتقفيل الحسابات الختامية فى كل عام وعلى عينك ياتاجر من يسأل ؟؟؟ أو الراجل يجى يقول دا شنوو أو كيف بمعنى أدق دعونا نعيش.

[بابكر مخير]

اقتباس:
المشاركة الأصلية كتبت بواسطة عمر عبدالكريم
كيلو الضان الليله 22 ج


بالقديم ولا الجديد
هو يابا لا دآ ولا دآ....
بيفيد

[Amin Bushari]

المشاركة الأصلية كتبت بواسطة سمراء

بسم الله الرحمن الرحيم

السيد رئيس الجمهورية

السلام عليكم ورحمة الله
اما بعد

بالاشارة الى كرمكم الفياض الذى نعلمه ، ونستشعره فى الكثير من الافعال ، والذى
ظهر لنا جلياً قبل يومين فى منحكم اخوتنا فى شمال الوادى عدد 5000 (خمسة )الاف راس من الابقار كهدية .

الامر الذى جعلنى اكتب لك هذه الرسالة ، واذكرك باحد الامثال الذى نستمع اليها منذ
ان ولدنا ، وهو ( الزاد ان ماكفا البيت ...حرام على الجار )!

سؤالى ياسيادة الرئيس : هل اكتفى شعبك من اللحوم ، وباتت سلعة اللحم تتواجد فى اى بيت من بيوت غالبية الشعب ؟!

ان قلت "نعم " فذاك فضلاً نتمناهو ...ولكن اقول لك ليس صحيحاً سيدى الرئيس !
فهناك من لاياكلون اللحم ..او حتى يشمون رائحته منذ ازمان ليست بالقليلة ، وليس ذلك سيدى من عدم الابقار او اللحوم ..حاشا لله - فالسودان يزخر بثرواته الكبيرة .
وانما ياسيدى يزخر بالمسئولين الذين يصمون اذانهم عن حاجه الشعب ، وتوفير اقل
متطلباته فى متابعة التجار وسماسرة " المعيشة " للمواطنين البسطاء ،

سيدى الرئيس : وبما انكم ارتضيتم حكم الشرع السمح ، فليتكم ترجعون للخلف قليلاً
الى حكم الخلفاء الراشدين كى تعودو الى مقولة سيدنا الخليفة العادل عمر بن الخطاب
حينما ذكر بان " لو تعثرت بغلة خارج العراق لكنت مسئول عن تسوية الطريق لها )..
مع فائق الاحترام والتقدير سيدى الرئيس

الســـودان اطور والله
انعل ابو التكنولوجيا زااااااتو
سمراء تخاطب رئيس الجمهورية

[عباس الشريف]

المشاركة الأصلية كتبت بواسطة بابكر مخير

اقتباس:
المشاركة الأصلية كتبت بواسطة عمر عبدالكريم
كيلو الضان الليله 22 ج


بالقديم ولا الجديد
هو يابا لا دآ ولا دآ....
بيفيد

بالجديد يا الحبيب ليه غاليه ؟؟؟ انت ما عارف البقر في السودان لكو بقي لونو اصفر يسير الناظرين عشان كده اللحم غالي