لا للسد

صالح تاجاب · 31-03-2011, 07:53 PM

شنْ َطعم الكلام النَىْ بعد عِرض البلد ينداس؟؟
شن داعى النبيح يا خى اذا ما الفاس وقع فى الراس؟؟
ما داعى الوجود ياجنى اذ طين الهويه اتماص؟؟
شن داعى العشق للنيل اذ ما فرتك الاجناس؟؟
كم غرّق جناين يانعات كم طمس هوية ناس؟؟
قبل دا اتيتمت حلفا منارات شالن الغواص
حضارة تزلزل التاريخ تفترريشة المحاص
تحوى سوالف الامجاد ماضى عريق قيم و تراث
غابت من وجود الكونضاعت زى خيال وسواس
ولى بيع الوطن و الجور تانى اندقت اجراس
شمل البيع ديارمنصور يتم انبل الاجناس
فاض النيل غصب مجبور سقى الشتلات مواجع ياس
حكوماتتعشق الطوفان تتوه لا دفه لا رواس
تبيع عرق الفقارى جهار تبيع مهر الارض والماس
تبيع المصحف المحفوظ من الفاتحه للاخلاص
تساوم بي ارضنا خمور تحت قرضالحقد ميراث
و اخر المطاف نحنا يجينا نصيبنا فى الغواص

حلف بالله نقرض ست و لا رمش البلد ينقاس

حلف بالله الا نموت حتى السديقوم له اساس

حلف بالله لا بننتر و لا بننهد و لا بننداس
يا ............ يا ظالمنا يا نخاس

اشبع فى العنب و التين و مد ايديكللاناناس

بس حذارك تمد ايديك لى شوك الكتر و الفاس

سلام يا الانقاذيالفرتكتى نسج الروح من الاحساس

سلام يامنبع الاوجاع يا سوسة الاذىالخناس
يا طوف النجا التايه ليه انقاذنا يبقى غتاس

يا والينايا معلمنا وجع الريقه و الافلاس

يا حاكمنا يا معلمنا وجع الريقه والافلاس

شكرا انك اتذكرت فى حلالنا انو عندك ناس

يا مهمشنا يا مطفشنا خلى البينا يبقى دواس
عطاشا و ما بنفوت النيل فقارى و برضو عندنا اساس

نفوت جنتنا نطفش وين عشق موروث و مسقط راس

نفرط فيها يا نا دحين خشمنا اتكال حصحاص
دحين جاهزين نسوى الشين نعبى زنادنا نار و رصاص

يفيض النيل نزيف ودموع وتروي دمانا اي يباس

وكت الحاره نحنا النار و كمان سواينا موحداث

ننفجر نفرطق طق يمين الموت نجيهو كباس

نموت فوق نيلنا مبسوطين ساعة الزنقه ما بننكاس
عشان عشق الارض ياسيد خلى حكمنا يبقى قصاص

زي ما انت داير سو نحنا ارضناما بتنداس

عشقنا نخيله و ُظلمة ليله نيلن فى الجروف ميّاس

نهاره وجنة الرضوان ضفافا غنى فوقه دباس

ما تعيشنا عيشة الطير علينا الحادىيتمرد

عشان حب البلد بنموت و نمشى معاك اخر حد

من قال بدرى بايعناكالليله يقول نقص بيعتنا كش نرتد

ونقول ليك قرارنا دحين اخر صيحه و اخررد

نيلنا فخور وصوتنا جهور لا للسد لا للسد
سوى سواتك انت دحين و خلى رهيفته التنقد

ما بنموت بلا يومنا و لا ضهرالارض بنهد

ولا بنفوته مطرودين و لا بنعيش عليها ابد

بس من نيلنا مبسوطين حتى ان كان عشانا قرض
ما تمسكنا موجوعين او بالبونيه لوى اليد

يا والينا شن سوينا لمن تقيمعلينا الحد

يا بو مروه يا صلاح ياحضرة شيوحنا مدد مدد

اتوحدنا عشانالنيل و نيلنا معانا اتوحد

يبقى سلاحنا ضد الجور و جرحنا يوماتى يتجدد
ونبقى تحت جناح عصفور جزاه الموت عشان غرد

عشمنا نموتقبال ما نشوف جنازة حبنا الامرد

تقوم الساعه ما بنقوم تقوم الساعه ما بنقومولا جفن الوطن غمض

نعيش بلبونيه بالشلوت و ِقبل الدنيا تتسدد

نموت ونموت و تانى نموت و تانى جلودنا تتجدد

قسم بالله ما بنفوت حد ما النيل هناممدد

سوى سواتك انت دحين خلى رهيفتها

قسم بالله ما بنفوت حد ما النيلهنا ممدد

31-03-2011, 07:53 PM	#[1]
صالح تاجاب :: كــاتب نشــط::	لا للسد شنْ َطعم الكلام النَىْ بعد عِرض البلد ينداس؟؟ شن داعى النبيح يا خى اذا ما الفاس وقع فى الراس؟؟ ما داعى الوجود ياجنى اذ طين الهويه اتماص؟؟ شن داعى العشق للنيل اذ ما فرتك الاجناس؟؟ كم غرّق جناين يانعات كم طمس هوية ناس؟؟ قبل دا اتيتمت حلفا منارات شالن الغواص حضارة تزلزل التاريخ تفترريشة المحاص تحوى سوالف الامجاد ماضى عريق قيم و تراث غابت من وجود الكونضاعت زى خيال وسواس ولى بيع الوطن و الجور تانى اندقت اجراس شمل البيع ديارمنصور يتم انبل الاجناس فاض النيل غصب مجبور سقى الشتلات مواجع ياس حكوماتتعشق الطوفان تتوه لا دفه لا رواس تبيع عرق الفقارى جهار تبيع مهر الارض والماس تبيع المصحف المحفوظ من الفاتحه للاخلاص تساوم بي ارضنا خمور تحت قرضالحقد ميراث و اخر المطاف نحنا يجينا نصيبنا فى الغواص حلف بالله نقرض ست و لا رمش البلد ينقاس حلف بالله الا نموت حتى السديقوم له اساس حلف بالله لا بننتر و لا بننهد و لا بننداس يا ............ يا ظالمنا يا نخاس اشبع فى العنب و التين و مد ايديكللاناناس بس حذارك تمد ايديك لى شوك الكتر و الفاس سلام يا الانقاذيالفرتكتى نسج الروح من الاحساس سلام يامنبع الاوجاع يا سوسة الاذىالخناس يا طوف النجا التايه ليه انقاذنا يبقى غتاس يا والينايا معلمنا وجع الريقه و الافلاس يا حاكمنا يا معلمنا وجع الريقه والافلاس شكرا انك اتذكرت فى حلالنا انو عندك ناس يا مهمشنا يا مطفشنا خلى البينا يبقى دواس عطاشا و ما بنفوت النيل فقارى و برضو عندنا اساس نفوت جنتنا نطفش وين عشق موروث و مسقط راس نفرط فيها يا نا دحين خشمنا اتكال حصحاص دحين جاهزين نسوى الشين نعبى زنادنا نار و رصاص يفيض النيل نزيف ودموع وتروي دمانا اي يباس وكت الحاره نحنا النار و كمان سواينا موحداث ننفجر نفرطق طق يمين الموت نجيهو كباس نموت فوق نيلنا مبسوطين ساعة الزنقه ما بننكاس عشان عشق الارض ياسيد خلى حكمنا يبقى قصاص زي ما انت داير سو نحنا ارضناما بتنداس عشقنا نخيله و ُظلمة ليله نيلن فى الجروف ميّاس نهاره وجنة الرضوان ضفافا غنى فوقه دباس ما تعيشنا عيشة الطير علينا الحادىيتمرد عشان حب البلد بنموت و نمشى معاك اخر حد من قال بدرى بايعناكالليله يقول نقص بيعتنا كش نرتد ونقول ليك قرارنا دحين اخر صيحه و اخررد نيلنا فخور وصوتنا جهور لا للسد لا للسد سوى سواتك انت دحين و خلى رهيفته التنقد ما بنموت بلا يومنا و لا ضهرالارض بنهد ولا بنفوته مطرودين و لا بنعيش عليها ابد بس من نيلنا مبسوطين حتى ان كان عشانا قرض ما تمسكنا موجوعين او بالبونيه لوى اليد يا والينا شن سوينا لمن تقيمعلينا الحد يا بو مروه يا صلاح ياحضرة شيوحنا مدد مدد اتوحدنا عشانالنيل و نيلنا معانا اتوحد يبقى سلاحنا ضد الجور و جرحنا يوماتى يتجدد ونبقى تحت جناح عصفور جزاه الموت عشان غرد عشمنا نموتقبال ما نشوف جنازة حبنا الامرد تقوم الساعه ما بنقوم تقوم الساعه ما بنقومولا جفن الوطن غمض نعيش بلبونيه بالشلوت و ِقبل الدنيا تتسدد نموت ونموت و تانى نموت و تانى جلودنا تتجدد قسم بالله ما بنفوت حد ما النيل هناممدد سوى سواتك انت دحين خلى رهيفتها قسم بالله ما بنفوت حد ما النيلهنا ممدد
صالح تاجاب :: كــاتب نشــط::	التوقيع: إلاهى وو نور خالد الحاجا أرحمومى xx8xx@tajab.com