اقتباس:
المشاركة الأصلية كتبت بواسطة عباس الشريف
طلبت من احد المسافرين ان يحمل معه لابتوب للاهل بالسودان وبطبيعة المغترب بتاع زمنا سألتو عن الجمارك حتي لا احمله ما فوق طاقته الماليه.
عندما ذكرت الجمارك كان يجلس بطرف كرسي الجلوس تناول المسند ووضعه تحت يده واستند بظهره علي الكرسي ثم قال ...ياخي بلدنا دي غريبه تعرف انا قبل كده شلته معاي مصاحف هديه لمسجد الحي وقد شجعني بان هذه المصاحف تم منحي اليها هدية ايضا... وصلت مطار الخرطوم تم حجزها لا يفرج عنها مالم يتم دفع الضرائب ...الحكومه دي جنت ضرائب في مصاحف... قلت امشي اقابل العميد او العقيد او اي رتبه كبيره .
عند باب المسئول وجدت احد المغتربين ينتظر ساعات لمقابلة المسئول الغير متواجد اذ احضر معه كراسي معوقين هدايا وطلب منه ايضا تسديد جمارك انتظرنا مدة طويله ولم يحضر احد توكلنا علي الله وقابلنا الملازم كان رده لازم يتم دفع الضرائب ليه السودان ما فيهو مصاحف عندنا اكبر مشروع لطباعة المصحف الداعي شنو الناس تستورد اشترو وزعو من هنا...البستورد ليهو بقره فريزيان وكتاب الله اصبحت الخانه واحده للجمارك في تحصيل الضرائب .
لم استغرب رواية الصديق عن الضرائب بل وجه الاستغراب اتي من ناحية اخري رجعتني لي قصة البنطلون بتاع لبني عندما افاد سعادة العميد مدير مركز الشرطه بانه تلقي بلاغا الساعه واحده ليلا وهو بالقسم يؤدي واجبه العملي ان هنالك حفل راقص باحد الامكنه مخالفا لضوابط الانضباط والنظام العام.
عميد الساعة واحده ليلا متواجد في مركز شرطه الكلام ده بخش العقل ماشاءالله البلد بقت فيها عمدا ولواءات بشتغلو كل اليوم الشرطه في خدمة الشعب.
|
حاجة غريبة والله ياخ
نحن هنا بنعرف ناس مؤتمر وطني ومغتربين
مدنهم تصريح لاقامة مصنعين واراضي حداد ي مدادي
وعلى حسهم دخول 8 عربات كبيرةا شاحنات و4صغيرة بدون جمارك وهم ماقادرين يقوموا روحهم لاخر الشهر خليه مصنعين
حاجة تصغرب والله
