طائرة مجهولة تقصف بورتسودان

[رأفت ميلاد]

المشاركة الأصلية كتبت بواسطة يحي عثمان عيسي

وقف وزير الدفاع السوداني بعد أحداث ام درمان ودخول قوات خليل وقف في المجلس الوطني وقال بالحرف الواحد الاسلحة العندنا من زمن الحرب العالمية الثانية والكلام مثبت في مضابط المجلس
لو انتي نسيت انا ما نسيت
دائما عندهم لكل حدث حديث وان تشابهت الاحداث ... بالامس لجأت اليهم المعارضة الاسلامية الليبية مستجيره من الرمضاء فقدموها لنار القذافي ذات الوقود .. لكن ويلٌ لاصحاب الاخدود الذين فتنوا المؤمنين والمؤمنات فلهم عذاب جهنم ولهم عذاب الحريق ... .

يا يحيى صارخ الكروز الضرب (مصنع) الشفاء .. تتذكر تصريح الريس ذاتو وهو بتهم مصر .. وأزير الطيارات السمعوه (المواطنين) فى شندى وما عارف وين كده .. رادارات وترصد شنو ياخ .. ديل ناس أمك قدا ..

[أبو دعد]

يا اخوانا فى رادارات و مضادات طائرات لكن خاتنها لليوم الأسود

[سمراء]

هتمام إعلامي إسرائيلي بقصف طائرة مجهولة لمركبة في مدينة بورتسودان

كان من اللافت أن وسائل الإعلام الإسرائيلية أبدت إهتماما واضحا بالنبأ، حيث أبرزته "يديعوت أحرونوت" في موقعها على الشبكة كخبر رئيسي، مشيرة في الوقت نفسه إلى هجمات جوية مماثلة تمت في كانون الثاني/ يناير 2009، وفي حينه وجه إصبع الاتهام لإسرائيل. وكانت وسائل إعلام أجنبية قد أفادت في حينه أن سلاح الجو الإسرائيلي قد هاجم قافلة سلاح معدة لحركة حماس في قطاع غزة. وأدى القصف إلى مقتل نحو 119 شخصا.

كما أشارت في هذا السياق إلى وجود قاعدة عسكرية للولايات المتحدة في جيبوتي المجاورة، والتي تستخدم لشن هجمات على "ناشطي القاعدة".

وكتبت أيضا أن "السودان معروفة كممر مفضل لتهريب السلاح لمنظمات الإرهاب".

وبدورها أبرزت "هآرتس" النبأ ضمن عناوينها الرئيسية، مشيرة أيضا إلى الهجمات الجوية التي نفذت في كانون الثاني/ يناير 2009. وتساءلت الصحيفة عمن له مصلحة بقصف مركبات يفترض أنها تقوم بنقل السلاح، وأنه من الممكن الافتراض بأن إسرائيل هي التي شنت الهجوم.

وكتبت "هآرتس" أيضا أنه استنادا إلى تصريحات متحدثين إسرائيليين لنظرائهم الأمريكيين، حسب وثائق ويكيليكس، فإن السودان يشكل منطقة لـ"تهريب السلاح"، وأنه يتركز فيها عمليات نقل الأسلحة التي تمولها إيران، إضافة إلى الأسلحة التي يتم شرائها في السوق السوداء في اليمن والصومال وإرتريا.

كما لفتت الصحيفة إلى تصريحات رئيس الحكومة السابق، إيهود أولمرت، بشأن من أسمته "الذراع الطويل" لإسرائيل والتي تصل إلى مناطق بعيدة عن حدودها.

كما أبرزت "معاريف" في موقعها على الشبكة النبأ، ولم تتوان بدورها عن التذكير بالهجمات السابق في العام 2009.

وكالات

[محمد فرح]

أتمنى من وزارة الدفاع أن تصدر منشور واضح بخصوص هذا الإستهداف
أسبابه والدوله التي أقلعت منها الطائره وهويات من تم إغتيالهم
وإلا فنحن في الـ(سهله)

[آخـر المواني]

المشاركة الأصلية كتبت بواسطة عبداللطيف النقر

[SIZE=5]

مادام فى قصف من المضادات الارضية فمعناه هناك رصد وهناك دفاع جوى ورادارات --

.....

المشاركة الأصلية كتبت بواسطة عبداللطيف النقر

سمراء صباح الخير --

كلامى كان واضح وهو رد على من قال وين اجهزة الدفاع الجوى --

النقر .. كيف حالك !

انت قلت انو في دفاعات جوية وهي الرصدت وردت علي الطائرة ..!!

الخبر بتحدث عن قصف طائرة (مجهولة) لسيارة مدنية ما ادي لتفحم جثتين بداخلها !!

يبقي المهمة نجحت والطائرة عادت سالمة ..!!

يبقي ما جدوي رصد دفاعك الجوي لها اذا لم يفشل مهمتها ؟؟ وهل اطلاق (ألعاب) نارية خلف الطائرة (المجهولة) (الهاربة) التي نجحت في مهمتها هو دليل علي كفاءة دفاع(ك) الجوي !! وراداراته ..!!

حكومة المؤتمر الوطني .. فالحة بس في القنيص ترعي وتعرف تحلب !!
خلي جقلبة انو رئيس جزر القمر صرح بكفاءة الجيش السوداني ..!!

المؤسسة العسكرية ماتت حينما تم تسييسها و (أسلمتها) لصالح أجندات حزبية معلومة !!

كن بخير ..

[wadosman]

المشاركة الأصلية كتبت بواسطة رأفت ميلاد

حبيبنا كيشو سلامات
ماك جعلى زى النقر .. كان صرفوا ليكم عكاكيز بتدخلوا تل أبيب كدر ..
يا كيشو جيش شنو البتتكلم عليهو .. ياخ الناس ديل نهوا البنية الأساسية للجيش لمنع الإنقلابات .. غايتو الدفاعات الأرضية دى إلا تكون تابعة للأمن وما أعتقد ناس الأمن مستننها من السماء ..
يا كيشو مغتربين شنو ومواطنين شنو .. تكلفة الغارة وقيمة القنابل مبلغ وقدره .. عشان يضربوا بيه عربية مغترب !!! .. كان يضربوا المطار أو طيارة طيارتين .. الله شافوه بالعقل .. وبعدين البلد بتاعة الحكومة .. يقسموا فيها ويبيعوا ويغرقوا فيها .. والبقدر يقول (بغم) منو .. ياخ نحن مستنين يوم الإنزال الشامل


عليك الله يا ود عثمان طيارة تضرب تجار السلاح الرشادة بقوا يبيعوا نووى

والله يا رافت كتبت مداخله طويله و عريضه هنا لكن راحت فى حق الله

و تانى تب مانى كاتب شى.....

[أسامة معاوية الطيب]

المشاركة الأصلية كتبت بواسطة عبداللطيف النقر

المتداخلون الكرام -- صباح الخير --

مادام فى قصف من المضادات الارضية فمعناه هناك رصد وهناك دفاع جوى ورادارات -- نحن لسنا فى حالة حرب مع أحد -- حتى تكون طائراتنا مستعدة للاعتراض الجوى لطائرة متسللة --
وبعدين مادام عندنا كل هذه الاسلحة اقصد الألسنة المطررقة الجاهزة ضد الدولة -- فكيف نكون دولة قادرة على رد أى عدوان -- نتصيد الاخطاء ونتكلم عن الحكومة كأنها حكومة الواق واق --

عندنا من الاسلحة ماهو كاف لرد اى عدوان على البلد وعندنا قوات جاهزة للقتال فى اى موقع -- ويكفيكم شهادة رئيس جمهورية جزر القمر -- فى حق الجيش السودانى -- عندما دخل وأعاد الشرعية -- لا خلاص مادام رئيس جزر القمر قال ... !!!!

[COLOR=royalblue]عندنا كلية حربية وقيادة اركان قد تكون الاقوى فى المنطقة -- [/ غايتو شكلك ونّاس ونسة ... مبالغة COLOR]ولكن للاسف ليس لدينا شعب لديه وطنية يحمد الله على هذا الوطن الذى حبانا الله به--- !!!

نريد كل شئ سهل وبالكلام فقط --

سيدي النقر ... الوطنية في فهمك شنو ؟؟؟؟
عشان الواحد يواكب

[رأفت ميلاد]

المشاركة الأصلية كتبت بواسطة محمد فرح

أتمنى من وزارة الدفاع أن تصدر منشور واضح بخصوص هذا الإستهداف
أسبابه والدوله التي أقلعت منها الطائره وهويات من تم إغتيالهم
وإلا فنحن في الـ(سهله)

ناس محمد فرح فى السهلة !!! .. يبقى ناس نحن وين ..
ياخ نحن مستنين منشورك أنت .. سيبك من وزارة الدفاع الهوينة دى

[الجيلى أحمد]

ليس من أحد يرتضى لبلاده أن تنتهك وتهان ,
ولكن هؤلاء المتأسلمين الكذبة أستباحوا المواطن وتركوا أمر حماية الوطن للغيب ,
فكل ميزانياتهم ,والأموال المنهوبة من المواطنين موجهة لكروشهم ونزواتهم وأجهزة أمنهم..

وأضاف أن دفاعات القوات الجوية السودانية أطلقت النار على الطائرة قبل أن تلوذ بالفرار

والله ببالغو لكن , مالم لايذين بالفرار..؟؟

هسه رئيس جزر القمر يقول علينا شنو يالنقر
قال جزر القمر..!!!

وبعدين الطيارة دى بتبالغ
تجى قاطعا البحر الأحمر, وتضرب هدفها, وتلوذ بالفرار!!!
يعنى كان قعدو شربو ليهم كباية شاى موش كان أحسن !!

بلاد ممزقة
أراضيها محتلة (حلايب وأراضى الشرق)
دارفور محترقة تمامآ
الجنوب وانفصل (برضو تمامآ)
كل شبر فيها يمور بفكرة الانفصال عن قافلة التخلف والفقر والجوع هذه ...
تقصف وتهان وتنتهك منها الأراضى والأجواء
مواطنها مسحوق ومسروق ومغتصب فى ماله وعرضه ودمه

ورغم كل ذلك لاذالو متشبسين بكراسى السلطة ..

وكل قدرتهم هى العنتريات واستخدام القوة المفرطة لتفريق المظاهرات السلمية
واعتقال الشباب والتنكيل بهم واغتصاب النساء, والرقيص والصراخ الهستيرى عن الجهاد ضد المواطنين

[جيجي]

المشاركة الأصلية كتبت بواسطة أسامة معاوية الطيب

سيدي النقر ... الوطنية في فهمك شنو ؟؟؟؟
عشان الواحد يواكب

واكب...يواكب....ويكابا ومعاه مديدة حااارة..اقصد عصيدة

[محمد فرح]

ياأستاذ رأفت الموقف ماموقف شماته
ماحدث يمس سيادتنا وأمننا القومي وده تدخل سافر لابد من تحري أسبابه ومعاقبته من قام به ومحاسبة من لم يتمكنوا من ردع هذه الطائرات التي إخترقت أراضينا وكأنها باحتها الخلفية .
وزير الدفاع وقائد القوات الجويه مسؤولون أمام الشعب بهذا التقصير
أقر إنو وضع البلاد مامكن الحكومه من الصرف الكافي على التأمين الجوي لبعض الجبهات وذلك لعدم وجود تهديد أمني بها والصرف تم تركيزه على التنميه ولعل أغلب المعارضين صرخوا كثيراً من أجل تقليل الصرف على الأمن بالرغم من أهمية الأمن فلاحياة ولااستقرار ولاتقدم بدون أمن كمان الحظر الأمريكي اللي طالب عرمان بعدم رفعه يحرمنا من جلب كثير من التقنيات الهامه في هذا المجال .

مؤونة عام من الود

[wadosman]

المشاركة الأصلية كتبت بواسطة رأفت ميلاد

حبيبنا كيشو سلامات
ماك جعلى زى النقر .. كان صرفوا ليكم عكاكيز بتدخلوا تل أبيب كدر ..
يا كيشو جيش شنو البتتكلم عليهو .. ياخ الناس ديل نهوا البنية الأساسية للجيش لمنع الإنقلابات .. غايتو الدفاعات الأرضية دى إلا تكون تابعة للأمن وما أعتقد ناس الأمن مستننها من السماء ..
يا كيشو مغتربين شنو ومواطنين شنو .. تكلفة الغارة وقيمة القنابل مبلغ وقدره .. عشان يضربوا بيه عربية مغترب !!! .. كان يضربوا المطار أو طيارة طيارتين .. الله شافوه بالعقل .. وبعدين البلد بتاعة الحكومة .. يقسموا فيها ويبيعوا ويغرقوا فيها .. والبقدر يقول (بغم) منو .. ياخ نحن مستنين يوم الإنزال الشامل


عليك الله يا ود عثمان طيارة تضرب تجار السلاح الرشادة بقوا يبيعوا نووى

المشاركة الأصلية كتبت بواسطة wadosman

والله يا رافت كتبت مداخله طويله و عريضه هنا لكن راحت فى حق الله

و تانى تب مانى كاتب شى.....

المشاركة الأصلية كتبت بواسطة wadosman

والله يا رافت كتبت مداخله طويله و عريضه هنا لكن راحت فى حق الله

و تانى تب مانى كاتب شى.....

لملمت جزء من المداخله الراحت مع الاياام...

عارف يا عمك العمليه واضح انها عمليه استخبارتيه بحته و العمل الاستخباراتى عاده
البينتهى بضربات زى دى بيكون نتاج لشغل ما بتاع يوم و ليله ابدا....

الاخبار فى الاسبوع الفات تحدثت عن تهريب كميات من الاسلحه الكيمائيه و غيرها
من ليبيا من خلال الحدود السودانيه و ايضا تحدثت عن ضلوع المخابرات الايرانيه
و حزب الله فى هذا العمل...

الرشايده بحكم معرفتهم للدروب و ايضا سهوله دخولهم و خروجهم لكثير من بلاد الجوار
هم the best mediator لمثل هذا النوع من العمل طبعا بالمقابل و لا يهمهم
فى النهايه السلااح ماشى و ين و لا حيضرب منو فهى بيزنس بالنسبه لهم...

الاخبار التى عرفتها بعد اتصالى ببورتسودان ان هناك شاحنتين محملتان بشئ ما
والله اعلم هربتا من الضربه و استطاع سايقيها التسسل و التخفى فى منطقه مجاوره
لمكان الضربه...العربتان اللتان تم تدميرهم وضح انهما كانتا لفريق المتابعه لهاتين
الشاحنتين و لكم جنسياتهم شنو لسه ما معروف...و لكن وضاح انهما كان بصدد التنسيق
و العمل على ارسال هاتين الشحنين برا او بحرا الى جهه ما....

السؤال المهم جدا اين موقع الحكومه من الاعراب فى هذه العمليه....؟؟؟؟؟
هل كانت تعرف ما يجرى...؟؟؟ هل ساعدت فى هذه العمليه...؟؟؟ ام تمت هذه
العمليه وراء ظهرها...؟؟؟ طبعا كل اجابه ليها مدلولاتها العميقه....

يا عمك انا فى النهايه متاكد الحكومه حتعمل نايمه...و الناس حتنسى حتى تتم عمليه
اخرى و الناس بتصحى من جديد و تملا الاسافير حديثا و تانى تنوم....


اقول ليك جاجه...

عازمك رحله بحريه لى سنقنيب وبعمل لي صياديه كاااربه و كمان لو ما عندك
قرقاب بديك واحد.... بس العوجه تبقى لو الجماعه ديل ضربوا لينا مركبنا
بتاع الخشب اصلها مربوطه قريب من مكانه الشغلانه دى...

[جيجي]

لازم تعمل نايمة علىى جرايمها
اذا كان بفتح استيراد الارهاب وتبنيه
او بترك البلد عايره

[عبداللطيف النقر]

اقتباس:
المشاركة الأصلية كتبت بواسطة ميسون مطر


ياخ أنا داير أجيب ليكم موضوع حسن فرح البى غادى...و كان قصدى يكون بي صورة فنانة وايكونات وكده ...والله من وراء القصد

أنته اكسب فيني ثواب وورينى بينقلو اللنك كيف؟

وخلى سياسة "تأبط شرا" البتفترض أنو أى رأى مضاد لى رأيك ..بالتالى هو "عدو"

الشورى...أساس الحوار السليم



ميسون مطر اسعد الله أوقاتك --

مسألة الرابط وادراج صور او ملفات -- ما المسئول عنها بأعلم من السائل ---

اما ساسة تأبط شرأ فو الله الذى لا اله غيره -- لم أقصد الا ما سألتك عنه -- توضيح الرابط -- وتكبير الخط -- ولا نية لى فى تأبط اى شئ -- ولا العداء مع أحد

وابدا لن نكون أعداء الا من ابي ( رفض)

تحياتى --

[رأفت ميلاد]

المشاركة الأصلية كتبت بواسطة محمد فرح

ياأستاذ رأفت الموقف ماموقف شماته
ماحدث يمس سيادتنا وأمننا القومي وده تدخل سافر لابد من تحري أسبابه ومعاقبته من قام به ومحاسبة من لم يتمكنوا من ردع هذه الطائرات التي إخترقت أراضينا وكأنها باحتها الخلفية .
وزير الدفاع وقائد القوات الجويه مسؤولون أمام الشعب بهذا التقصير
أقر إنو وضع البلاد مامكن الحكومه من الصرف الكافي على التأمين الجوي لبعض الجبهات وذلك لعدم وجود تهديد أمني بها والصرف تم تركيزه على التنميه ولعل أغلب المعارضين صرخوا كثيراً من أجل تقليل الصرف على الأمن بالرغم من أهمية الأمن فلاحياة ولااستقرار ولاتقدم بدون أمن كمان الحظر الأمريكي اللي طالب عرمان بعدم رفعه يحرمنا من جلب كثير من التقنيات الهامه في هذا المجال .

مؤونة عام من الود

يا محمد فرح لا شماتة فى أموات .. نحن بنحكى عن المنطق والحقيقة .. تجى تقول لى ياسر عرمان قال .. فرق كبير بين الشعارات المغروضة والحقيقة
بعدين التنمية بكون (أولاً) فى الكوادر البشرية وتأهيلها .. وذلك محتاح تعليم ومسكن ومأكل .. ليكونوا أساس التنمية الزراعية والبترولية والصناعية .. البسموه بالعربى (الإستقرار) .. عقبال ما يستقر رئيسك فى لاهاى
فتك عافية

المشاركة الأصلية كتبت بواسطة wadosman

لملمت جزء من المداخله الراحت مع الاياام...

عارف يا عمك العمليه واضح انها عمليه استخبارتيه بحته و العمل الاستخباراتى عاده
البينتهى بضربات زى دى بيكون نتاج لشغل ما بتاع يوم و ليله ابدا....

الاخبار فى الاسبوع الفات تحدثت عن تهريب كميات من الاسلحه الكيمائيه و غيرها
من ليبيا من خلال الحدود السودانيه و ايضا تحدثت عن ضلوع المخابرات الايرانيه
و حزب الله فى هذا العمل...

الرشايده بحكم معرفتهم للدروب و ايضا سهوله دخولهم و خروجهم لكثير من بلاد الجوار
هم the best mediator لمثل هذا النوع من العمل طبعا بالمقابل و لا يهمهم
فى النهايه السلااح ماشى و ين و لا حيضرب منو فهى بيزنس بالنسبه لهم...

الاخبار التى عرفتها بعد اتصالى ببورتسودان ان هناك شاحنتين محملتان بشئ ما
والله اعلم هربتا من الضربه و استطاع سايقيها التسسل و التخفى فى منطقه مجاوره
لمكان الضربه...العربتان اللتان تم تدميرهم وضح انهما كانتا لفريق المتابعه لهاتين
الشاحنتين و لكم جنسياتهم شنو لسه ما معروف...و لكن وضاح انهما كان بصدد التنسيق
و العمل على ارسال هاتين الشحنين برا او بحرا الى جهه ما....

السؤال المهم جدا اين موقع الحكومه من الاعراب فى هذه العمليه....؟؟؟؟؟
هل كانت تعرف ما يجرى...؟؟؟ هل ساعدت فى هذه العمليه...؟؟؟ ام تمت هذه
العمليه وراء ظهرها...؟؟؟ طبعا كل اجابه ليها مدلولاتها العميقه....

يا عمك انا فى النهايه متاكد الحكومه حتعمل نايمه...و الناس حتنسى حتى تتم عمليه
اخرى و الناس بتصحى من جديد و تملا الاسافير حديثا و تانى تنوم....


اقول ليك جاجه...

عازمك رحله بحريه لى سنقنيب وبعمل لي صياديه كاااربه و كمان لو ما عندك
قرقاب بديك واحد.... بس العوجه تبقى لو الجماعه ديل ضربوا لينا مركبنا
بتاع الخشب اصلها مربوطه قريب من مكانه الشغلانه دى...

ده كلام بلامس المنطق .. فضلت الحقيقة